🔥 اكرام توبتي 🔥 ( الدارجة المغربية ) تيما مبارك

الاجزاء 207 و 208

✳ الجزء 207 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

الهضرة الا خرجات من الفم مغديش ترجع و هبة شراتها مع اكرام هذه المرة هذه تاني مرة كديرها الأولى جراتها معاهم في الفضيحة لي دارو في رقية و ختها و هذه المرة ضراتها بكلامها بزاف منين عايراتها بضرتها

محرافتش ليها انها تخوي البيت دابا و تنوض الصداع ولكن لا الا بغات تربح راجلها خاصها تخدم عقلها و تستوطن على عقلو هو و تسكن فيه الا كانت عتحارب عتحار لمياء في عقلو و نقدرو انها من هذه الناحية ربحات اكرام حيت في جميع الحالات كي لقا راسو كي فكر غير فيها و مكفكرش في لمياء و هذا بحد داتو انجاز مشي مجبور يبغيها حيت عطاتو دهبها لا العكس تماما

دخلات البيت مع شمس و حطاتها حيت كانت نعسات و بقات جالسة حداها اما نادية و شرف منين رجعو من الزنقة دخلو و طلعو لقاو هبة كتاكل الدجاج و تفرج و اكرام مكايناش معاها في العادة كي جلسو بجوج نادية صغرات عينيها و نطقات

نادية:داك الدجاج شريتيه
هبة:علاش عنشريه و هو كاين
نادية(خرجات عينيها حيت قالت ليها اكرام خاصهم يقتاصدو شي شوية و قسمات الماكلة على جهدهم و سيمانة):واش طيبتيه
هبة:اه قلت لاكرام طيب مابغاتش
شرف:خدامة عندك هي لي طيب

هبة:ميكات مرداتش عليه
نادية:مال العدس
هبة:تمشي تاكلو هي نيت انا كنقيل خدامة و نجي ناكل العدس اوا صافي
شرف(مشا البيت دخل لقا اكرام كتشوف في الموديلات):سلام
اكرام(هزات راسها و تبسمات):و عليكم السلام
شرف(قرب باس راسها):مالك جالسة بوحدك
اكرام:غير معنديش الخاطر و سلام
شرف(هز ليها راسها و شاف في عويناتها):شنو واقع
اكرام:مكاين والو ا شرف مديرش في بالك
شرف(تبسم ليها و باس راسها):واخا شموستي نعسات
اكرام(تبسمات):اليوم نطقات جوج كلمات جداد
شرف:شنو هما
اكرام(ضحكات):شرف و نادية
شرف:اوا باز انا جاي

ناض خرج سد الباب و مشا عند هبة شدها من يديها يالله جات تدوي هو يحط يديه على فمو بمعنى سكتي خرجات معاه السفلي  الباب كانت حتى مو و شاف فيها عارف دارت شي حاجة و اكرام مكتبغيش تنوض الصداع

شرف:سمعي ا هبة معمري تحاسبت معاك معمري قلت ليك لا من ونت صغيرة هازك فوق راسي مالك مع مراتي
هبة:مالي ا خويا
شرف:اش قلتي لاكرام
هبة:مقلت ليها والو هي مبغاتش تطيب ليا المرقة و قالت ليا كولي العدس بحالنا
شرف(خنزر هز يديه حتى كان عيضربها و هو يتراجع):واش انا مزوج بالبنت ولا خدامة اااه
هبة:مالها اشنو كتقيل دير لي مطيبش ليا
شرف(شاف في مو):هذه عتزيد تسخطني
هبة:ياك قلت غير الحق جالسة في الدار مشي بحالي انا لي كنقيل خدامة من 6 الصباح حتى 8 العشية عاد كندخل الدار اما هي جالسة ركل على رجل
نادية:البنت مشي خدامة عندك
هبة:كون قرات كون راها مهزوزة على ريش النعام لا هي لا ختها
شرف(شدها من شعرها حتى كانت الجلدة عتطير):واش انت مكتحشميش اااه وليتي تعايريهم قدامي اش تبدل اش غير لبارح كنتو مزيانين
هبة:شوف راسك ا خويا اصلا علاش داير هذه ردة فعل ياك جايبها خدامة لبنتك باسم عقد الزواج الله يجعل البركة تخدمنا حتى حنا