✳ الجزء 155 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
في دار عيشة كانت في الكوزينة تغسل الماعن حتى كتسمع الباب كي دق طلات كتشوف نزهة حلات ترحب و تسلم على شرف هو دخل كي طل لقا فؤاد حتى هو في الدار نزلات متجري تشوف بنتها
فؤاد:مرحبا مرحبا بنسيبنا العزيز زيد مرحبا
شرف:الله يكبر بيك
عيشة:مرحبا بيك اولدي زيد دخل
شرف:شكرا انسيبتي
جلس و نزهة طارت تعمر براد اتاي و فؤاد شاف فيه و رتب ليه على رجليه:مرحبا بيك زارتنا البركة
عيشة:فين اكرام
شرف:خليتها في الدار اودي قالت ليا عتجمع الدنيا و انا نشوف اش ندير
فؤاد:مديش عليها اولدي مديش عليها
شرف(ضحك):عارف لي كاين
(شاف في عيشة):جيت ندوي معاك في واحد الموضوع قدام سي فؤاد
عيشة:الله يسمعنا خير
شرف:على حمزة و مينا
عيشة(خنزرات):معندي بنات لزواج ا شرف بنت وحدة راك ديتيها التانية حتى يجي لي يستاهلها
حطات نزهة اتاي و الحلوة و جلسات كتشوف فيها و تنهد كبات ليه كويس اتاي و عطاتو شدو و حطو حداه
شرف:الله يكبر بيك الآلة نزهة
نزهة:مرحبا اولدي
شرف(شاف في عيشة):علاش قبلتي عليا تزوجيني اكرام الآلة عيشة
عيشة(شافت فيه):حيت كنعرف مك اش كتسوى و عرفتك اش كتسوى
شرف(حك راسو):انا الآلة عيشة واحد سكايري طائش عندي بنتي و بنتي مربياها غير مي من نهار ماتت مراتي ما شفت فيها حتى لهنا و لهنا علاش مخفتيش على بنتك و زوجتيها ليا
عيشة:حيت شفتك كيفاش خايف عليها في الطبيب و كيفاش كدافع عليها ا ولدي
شرف:انت شفتيني كندافع عليها واخا و كون كان حمزة في بلاصتي و وقع لمينا نفس الشي و مي لي كانت بلاصة رقية عتعطيها ليه
عيشة(صمت)
شرف:دوي الآلة عيشة
عيشة:عنعطيها ليه
شرف:اذن متافقين حمزة ولد الناس و مينا معتلقاش معاه مشكل
عيشة:الانسان حجر و طوب اولدي في النهاية كتبقا رقية موو
شرف:حمزة صاحبي و عشيري و سي فؤاد راه عارفنا منين كنا صغار كنلعبو الكورة في الحومة ياما مو كانت تبزز عليه الحاجة و هو كي دير عكسها شحال من مرة جات تغوت عليه في الحومة يمشي الدار كي هرب ليها الحومة التانية انت حكمتي عليه غير حيت مو
عيشة(حانية راسها و كتسمع)
شرف(كمل كلامو):عارفة شنو واقع في دارو ولا معارفاش
عيشة:اش واقع
فؤاد:رقية جابت بنت ختها و ناوية تزوجها ليه و هو تابت في كلامو و ناوي نهار الجمعة يخطب بنتك و تفاهمو
عيشة(شافت فيه مصدومة)
شرف:بنت بنتك من حقك تخافي عليها حتى انا دابا مينا ولات محسوبة عليا بحال هبة و منبغيش ليها لي يضرها واخا تشوفينا كنتناگرو ولكن راه منفوتهاش و حمزة صاحبي و باين عليهم بجوج متافقين منوقفوش ليهم في وجهم
أنت تقرأ
🔥 اكرام توبتي 🔥 ( الدارجة المغربية ) تيما مبارك
Боевик🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
