✳ الجزء 279 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
صاحبو كان راكب حداه منين شافها خرجوها و الشرطة العلمية جات ديمارا مبعد من تما و قلبو محروووووق على ختو داكشي لي قالو ليه على شرف توضحات الامور بيناتهم ما هو عيضيع راسو ولا شرف عيضيعو صاحبو شافو ساكت وصل نص الطريق و وقف شاف فيه
صامد:ضبر ليا على جوج في الحبس قاطعين يهديهم من رحمة الله
***:شنو عنديرو معاهم
صامد:العرج و ولدو بغيتهم يباتو ما يصبحو
***:هذه الشي راه فيه الفلوس صحيحة
صامد:ميهمش نبيع لي قدامي و لي من مورايا المهم دير لي قلت ليك
***:كون هاني صاحبنا قرب يدخل المراكش
صامد: هداك تهلاو ليا فييييه مزياااااان و خلعو موووو مزياااااان و صيفطوه الدارهم يمشي يخطب البنت و يعقد عليها و من تما الهيه يدبرو راسهم
***:واخا ا خويا
نزل و خلاه كي شوف كان عيصفيها ليهم ب 3 و يدخل على ملتهم الحبس بالمؤبد ولكن فكر في البنت لي من موراه لعبة تلعبات عليه و على شرف و هي مليها دنب في هذه الشي كامل عندها الغلاط الوحيد انها بغاتو اكيد معيخويش بيها
ديمارا اللحي الملاح كانت ديك الساعة 12 ليل وقف و فتح باب الدار الجديدة لي عيسكنو فيها بجوج و طلع السطح نيشان و نقز السطح ديال فؤاد جبد تيلي وصيفط ليها ميساج شوية و هو يسمع خطاوي طالعين حك شعرو حتى بان ليه الضو شعل و خرجات كتطل حط يديه على فمها حيت كانت عتغوت دورات راسها منين سمعات صوتو
صامد:ششششش
ايناس(خرجات عينيها و حيدات ليه يديه): اش كدير عنا
صامد: توحشتك
ايناس(ضحكات و هي تفكر):جن جن باسم الله رحمان رحيم كيف درتي طلعتي حتى السطح و هو عالي ب 3 ايطاج
صامد:عادي طلعت من دارنا انا و ياك و نقزت لعندك ا زينة
ايناس(فرنسات):دارنا
صامد:تجي تشوفيها
ايناس:جبت ليك العشى هاك
صامد:واخا أجي
شد من عندها العشاء و حطو في الحاشوية و نقز و طلعها حتى هي نقزات مع السطح علي و المصرية بيناتهم حتى واحد ما شافهم و حتى من القمرة مكايناش لي تضوي هز العشى و دخلو بجوج من السطح و هي كتشوف و تعاود عجبها الفوقي بزاف نزلات معاه التحت نيشان عيبدا ليها من تما كدور و تشوف من جيه الجيه حمام الكوزينة و صالة دارت عندو
صامد:كيف جاك السفلي
ايناس(خسرات سيفتها):الفوتويات
صامد:معجبوكش
ايناس:تووء شوف كيف دايرين ا صامد
(مشات متوريه): ها انت الصالة خاصها تكون مصايبة و مقادة بلدية بالكلامط و سدادر و الزربية نعام ا سيدي في الحمر و مزوقة و ترية الفوق مقادة
(دارت يديها في جنابها):ولكن مشي مشكل منين ندخل ليها عنصلح على خاطري
صامد:اهاااه عنداك شي نهار تبدليني حتى انا
ايناس (دلات شفايفها):باااز انت هو الاصل
صامد:اوا هاكداك أجي نوريك الفوقي
أنت تقرأ
🔥 اكرام توبتي 🔥 ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
