🔥 اكرام توبتي 🔥 ( الدارجة المغربية ) تيما مبارك

الجزء 74و 75

🌙 رمضان كريم  🌙

        ✳ الجزء 74 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

دخل فؤاد عندها كان ادم معنقها و هي كضحك معاه شاف فيه و نطق

فؤاد:ادم خرج اولدي
ادم:واخا

ناض جمع الوقفة و خرج فؤاد جلس حداها و تنهد بقا شحال ساكت عاد دوى:بغيت ندوي معاك و نتقاطعيني بغيتك تسمعيني كيف كتسمعي كلام باك الله يرحمو
اكرام:اش كاين ا عمي

فؤاد(خدا نفس و نطق):شرف منين كنتي في طبيب وقف معاك وقفة الرجال و رجع ليك حقك في نهار ابنتي كبر ليا في عيني عرفتو بدا كي رجع شرف القديم لي كلشي كي شهد على اخلاقو في الحومة باه الله يرحمو قراه و كبرو حتى دار 17 العام و مات خلاه بين الحيوط كي ترمى على عاتقو جوج رواح وقف و كافح خدم و قرى ولكن ربي مجابش الله في الوظيفة ولا طالب معاشو ميغركش منضر ديالو نهار لي كان يجي سكران موت مراتو الأولى لي خلاتو يولي هكداك حيت تلفاتو الدنيا فيها و خلات ليه بنت محتاجة ام لي ترعاها لازم شي واحد يشد بيديه و يوقف معاه. و يوريه طريق الصحيحة

(تنهد و هز راسو فيها لقاها كتسمع ليه باصغاء كبير ):الوقت مشي مناسب ا بنتي ولكن طلب مني يديك الزواج على سنة الله و رسوله

اش نقول ليكم ولاو حنيكاتها حميمرين كثر و كثر و طلعاتها صهدة و قلبها بدا كي ضرب في 90 منين سمعات عمها اشنو قال غصة ولات ليها في حلقها صرطاتها بزز بالحشمة

اكرام:واش غير حيت وقع ليا ديك الفظيحة
فؤاد:مشي انا لي خاصك تسوليه ا بنتي

هبطات راسها الارض و فؤاد كمل:قراي حسنة في داك الولد ابنتي معرفتي ربي يجيب التوبة على يديك و تكون بصح اكرام لتوبة ديالو اش قلتي

اكرام:انا و هو شي حاجة في بعيدة ا عمي بزااف گاع خاصني نفكر
فؤاد:مقلتي عيب الله يرضي عليك هو لتحت و بغا يشوفك نقول ليه يطلع
اكرام (هزات براسها):حتى انت بغيت ندوي معاه و نفهم
فؤاد:واخا ا بنتي

ناض خرج و دخلات عندها مينا و ادم لي جلس مدات ليها خمارها دارتو على وجها🌙 رمضان كريم  🌙

        ✳ الجزء 75 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

اما شرف طلع وبقا واقف برا حتى عطتها ختها النقاب ديالها دارتو على وجها و تنفسات بعمق كتلعب بيديها و تصرط ريقها الخلعة واصلاها غمضات عينيها و خلاتهم هزات راسها منين دخل شافت فيه و تبسمات من تحت خمارها

اما شرف شاف في خوها لي غير شافو ترعد و قلب عينيه لاكرام كي شوفها تقادات في الجلسة صغر عينيه مشافش ابتسامتها ولكن عيونها لي تجمعو باين انها باتاسمات حك شعرو و هو كي فكر كيفاش ولا حافظها من عينيها يمكن عيونها لي كي تبدلو على كل حركة يمكن انه خاطرها في راسو داكشي علاش قرب عندها و دار يديه من مور ضهرو

شرف: حمد لله على سلامتك
اكرام:شكرا
شرف:كيف كتحسي براسك دابا
اكرام:مزيان الحمد لله
شرف:مزيان الله يجيب الشفاء و مديريش في بالك

سكتات شحال و ولات هزات راسها فيه

اكرام:شكرا بزاف
شرف:علاش
اكرام: على لي درتيه معايا
شرف(تنهد):عرضي حتى انا لي وقع عادي و شي طبيعي ندخل
اكرام(حركات راسها بلا):معرفتش شنو مصلاحتك ولكن لي درتيه معايا معمري ننساه معمر شي واحد دافع عليا
شرف(حك شعرو):الحمد لله على سلامتك حتى الحومة عتمشاي فيها راسك مرفوع
اكرام (هزات براسها):عمي قال ليا شي كلام
شرف:و شنو رايك
اكرام:علاش باغي تزوج بيا
شرف(كي شوف فيها):شمس كترتاح معاك بزااف
اكرام:هذا هو السبب
شرف:كاين شي سبب اخر
اكرام (سكتات و ولات هزات راسها فيه): كل واحد فينا عندو اسبابو الخاصة و ميمكنش تبغي تزوج ليا غير هكاك
شرف:نفهم انك مباغياش واحد فايت ليه مزوج و مراتو ماتت و فوق هذه الشي عندو بنت
اكرام؛مشي هذه الشي لي قصدت راجل مزوج او مطلق او ارمل او مرأة مطلق او أرملة مشي عيب غير المجتمع ديالنا لي عندو فكار كي كسروها
شرف:باغيك ام لبنتي
اكرام:هذا هو السبب ياك
شرف:اه
اكرام (سكتات شحال و ولات نطقات):عتكون مرتاح
شرف:كون كنت ممرتاحش مكنتش نطلبك لزواج
اكرام:ام ديالك قابلة بيا
شرف:واش كي هم
اكرام:كي هم بزااف بالنسبة ليا حيت هي مركز العائلة الا رضات عليك كي كون زواج ناجح
شرف: نفهم انك قابلة

اكرام (صمت)

شرف(تنهد)؛فكري مزيان و ردي عليا الخبار
اكرام؛معتقلقش الا رفضت ياك

شرف(زير على يديه و صدرو تزير فيه النفس نطق و هو مامبين والو):لا حتى حاجة ما بزز ابنت الناس
اكرام؛عندي شرط
شرف؛اما هو

اكرام خدات نفس عميق و هو كي تسناها تنطق