🌙 رمضان كريم 🌙
✳ الجزء 61 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
بدل عليه و خرج من البيت مشا جلس حداهم و زاد ياكل الطنجية معتبرة حتى نادية فرحات بولدها و شمس كتنتر من نادية و تمشي عند شرف تاكل من عندو و دور عند هبة حتى هي تاخد المهم منشطة ليهم الغدة منين كملو ناضو جمعو الطبلة و تجبدو حتى كي فجرها ليهم شرف فوق الطبلة
شرف:قررت نتزوج
نتزوج هذه الكلمة لي سمعو تگعدات نادية من بلاصتها و كتشوف في ولدها و تشوف في بنتها بصدمة مزال ما بغات تدخل ديك الكلمة لراسهم
هبة:خويا قلتي شي حاجة
نادية:لا راه غير جاب لينا الله تفرحي تفرجي
شرف(شاف في بنتو لي كتلعب بالمونيكة ديالها و نطق):بغيت نتزوج
(شاف في مو):سمعتوها دابا
نادية:ولدي شرف واش طالعة ليك السخانة
شرف:لا انا بيخير و على خير
نادية:و شكون هذه تعيسة الحظ بالسلامة لي عتقبل على واحد عندو بنت
شرف(تبسم جنب):بنت عيشة
نادية:عيشة لي عندها خوها في الحبس هي لي تليق ليك
هبة(ضحكات حيت مها عارفاها طانزة عليه)
شرف(دار عند مو):الا اكرام بنت خو سي فؤاد جارتنا الجديدة
نادية(كتشوف فيه مصدومة و هي ضحك): نوض ا ولدي الله يرد بيك راك كنحلم بالالوان
شرف:علاش كنقول غير الحقيقة
نادية(خنزرات):شرف فوت عليك بنت عيشة و لعب فين ما بغيتي
شرف:علاش ياك ما شايفاني مشي قد المقام
نادية:البنت سنية و شادة طريق الله محتارمة راسها معتقدرش على واحد بحالك ا شرف
شرف(تزاد معاه الزايد):علاش بالسلامة لي معتقدرش عليا واش شفتيني ناقصاني يد او رجل الزواج حللو الله
نادية:علاش اكرام بالضبط
شرف:حيت كنشوفها ام لبنتي
نادية:هااااا لي قلنا باغي فيها مصلاحتك ياك
شرف:سمعيني ا مي حطيت عليها عيني و معنمشي حتى ناخدها
نادية:البنت متاقية الله و عارفة طريقو انت متاقي الله اااه الا نسيتي نفكرك ا ولد كرشي و حتى تعامل ديالك معاها مهواش عيطيني نهار واحد ضحكتي في وجه ديك البنت و قلتي ليها كلمة شكرا معمرك حتى شكرتيها و ديما كيطح منها و هي مكتصرف فيك غير الخير و دابا جاي تقول ليا باغي تزوج بيها هي لي متكونش ليك
شرف(غوت على حر جهدو ):طارت معزة نزلات معزة بنت عيشة منها نخلاق
نادية:معتاخدهاش عتخليها لي يستاهلها مشي لي يضل عاطيها القرعة و شراب و منين يشوفها يقلب الطريق و باغيها الزواج كيف درتي ليها هذه
شرف:عنتزوج بيها بغيتو ولا كرهتو
نادية:حتى تقبل عليك هي
شرف(تبسم جنب):الا بغات نحرر في مها العيشة متقبلش
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
