✳ الجزء 339 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
خنزرات منين شافتو غلباتو رجليه و تكا على الباب و هي تنوض مشربنة غير بشوية عليها حيت حتى حركتها ولات تقيلة
اكرام:شارب ا شرف ياااك شااااارب
شرف(تبسم):اش بأن ليك
اكرام(جمعات شفايفها): كيفاش بغيتيني ندوزها و انت كدير غير الكحلة في الزحلة
شرف:مرضتيني ا اكرام اشنو ندير
اكرام:تنوض تشرب ياك واعدتني ياك عطيتيني وعد تبعد من الحرام فين هو هذه وعدك ليا ا شرف فيييين حشووومة عليك والله
شرف(حط صبعو على فمو):ششششش متغوتيش راسي كي ضرني
اكرام:مكنغوتش راسك كي ضرك من داك الحرام لي شارب
شرف(حط راسو على الحيط و هو عاطيه الحريق):جيت نحطو في فمي و انا نتفكر عندي دار و مراتي كتسناني و وليدات وحدة ناعسة و جوج في الطريق
اكرام(قربات ليه):اجي أجي جلس نمشي ندير ليك شي حاجة تفيق بيها ارسول الله
كيف حطات يديها عليه السخانة طالعة منو خلاتها غير كترعد شداتو و جلسات و هز راسو تقااال عليه و مبقاش قاد يهزو كلامو ليها و تصرفاتو ناتجين فقط عند سخانة لي ضرباتو هزات ليه راسو و هي كتقلب فيه
اكرام:شرف شرف حرارتك طالعة ا شرف فين كنتي حتى ضربك البرد فين شرف رد عليا
شرف(حط يديه على خدها و تبسم):يالله معايا الدار يالله رجعي الدارك ا عمري عيييت و تربيت حرفت بحقك و اي كلمة قلتيها عندك ليها الحق
اكرام:السخانة طالعة ليك بزااف ا شرف
شرف(باس يديها)'كنموت على تراب رجليك ا اكرام عافاك حني راني غير عبد ضعيف قدامك كلنا كنغلطو سمحي ليا ا عمارة داري
اكرام (دموع في عينيها):مسامحاك ا حبيبي أجي تجبد هنا انا نمشي نجيب ليك شي حاجة كتهبك السخانة
شرف:متخلينيش بوحدي نعسي حدايا توحشتك
اكرام:وخا معنخليكش
ناضت من تما و خرجات بشوية عليها و زيادتها كيف البطة الكوزينة كتقلب على مخينزة حتى طاحت عليها و عصرات ليمون و دخلات عندو نوضاتو
اكرام:شرف نوض ا حبيبي نوض
شرف(راسو تقيل):باغي رتاح ا فقيهتي
اكرام:نوض ا روحي نوض
شرف:خليني غير نعس
اكرام:عنخليك عنخليك شرب غير هذا نووض دير ليا خاطري
بزز باش نوضاتو شرب ليمون و هو كي خصر سيفتو و نوضاتو بزز الحمام دخلاتو و طلقات عليه الما هبط بااارد عليه خرجات مشات جابت ليه فوطة لواتها على نصو و جلساتو هو غير مسايرها حتى جابت ليه حوايج لي خلاتهم تم نهار لي باتو لبساتهم ليه و هو مرفوع حتى رتاح و حس بالحرارة هبطات ليه حط راسو في حجرها و هي حطات يديها على راسو و بدأت تدعي دعاء الشفاء و تقرى عليه القران
شرف(بصوت تقيل):عترجعي معايا لدار ياك
اكرام:ااه ا شرف
شرف(زير بيديه على رجليها):عتنعسي في بيتنا و معمري نخليك تغضبي لي بغيتيه نديرو بالفرحات ليا خصامك قاصح ا اكرام بزااف منقدرش عليه تعدبت بزااف
اكرام(كتلعب في شعرو):حتى انا كنت نتعدب
شرف:نتعدب انا و انت لا ا اكرام انت لا
اكرام(كدوز على خدو ببتسامة):شرف عتحمقني معاك والله داير كيف دري صغير يدير البسالة و مو واخا تقصى متقدرش على خصام ولدها
شرف؛دايراني ولدك ا عمارت داري ياك
اكرام:اه ا شرف اله
شرف:كنموت عليك غادا عترجعي معايا منخليكش هنا
اكرام:شش نعس ا حبيبي نعس يصبح و يفتح
أنت تقرأ
🔥 اكرام توبتي 🔥 ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
