🔥 اكرام توبتي 🔥 ( الدارجة المغربية ) تيما مبارك

الاجزاء 252 253 254

✳ الجزء 252 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

كيف صباح الصباح كانت واقفة كتصايب البيت و تقادو جبدات المعطر و عطورات البيت هو كان كي لبس السروال منين سلات دارت عندو ببتسامة

اكرام:متنساش في العشية كاملين مجموعين عند عمي فؤاد
شرف(كي قاد السروال):واخا معاياش
اكرام:مع 4 قالت ليا مي شي صدقة عيديرها كاملين مجموعين و عيتخرج گصعة الكسكسو تخرجها
شرف:صافي الا بغيتي سيري انت حتى نلحق عليك
اكرام:واخا
شرف:اكرام شوفي كيف ديري لهذه السروال
اكرام(كتشوف فيه التحت الا لبس سبادري راه عيتجرجر):حيد السروال

شرف(هز راسو فيها غمزها):مشهياني ولا
اكرام:ها ها ضحكتيني حيد حيد نصايبو ليك

مشات جبدات ايبرى و خيط كحل هو نصلو و مدو ليها و جلس حداها مفسح حركات راسها بلا حولة و بدأت تصايب ليه فيه حتى تقاد و مداتو ليه

اكرام:شوف دابا
شرف(لبسو لقاه هو هداك):لهلا يخطيك عليا
اكرام:امين يالله خرج خرج تفطر راه محطوط فوق الطبلة نمشي نغوت لخالتي تطلع
شرف:اوكي

خرج هي جمعات الروينة و هزات حوايج ديالو و ديالها دارتهم في شبيكة و دخلات البيت ديال شمس هزات منو الحويجاتها المسخين دارتهم في الشبكة حطاتهم حدا الباب مشات غسلات يديها و خرجات غوتات لنادية طلعات و جلسات حداه كبات ليه قهوة و هو كي شوف في التلفازة فطر مزيان و ناض خرج يترزق الله اما اكرام جمعات الدنيا و طلعات تصبن حوايج منين كملات هبطات لقات نايدة دارت شي حاجة خفيفة كلاوها بجوج و ناضو بدلو و خرجو عاد الدار عند فؤاد

دخلو يالترحاب كانت ريحة كسكسو عاطية في الدار كاملة حطات اكرام شمس مشات عندهم الكوزينة كانو كي سگيو و يخرجو الجامع و اهم حاجة منساوش الدراري الصغار حطو ليهم في الزنقة ياكلو حيت راه هما لي دايزة فيهم صدقة جلسة مجموعين حتى لديك 4 و نص عاد كي سمعو الدقان حلات ايناس لقات شرف دخل و ماهي شوية حتى سمعو الدقان عوتاني كان يوسف و رقية و الكبيرة و معاهم حتى سلمى دخلو الدار حيت فؤاد عرض عليهم حتى هما

عيشة(شافتها خيرات سيفتها معاجبها حال من جيهة رقية): مرحبا بيكم
يوسف:الله يكبر بيك
شرف:ناقس حمزة و مينا
اكرام:دويتي معاه
شرف:راهم في طنجة دابا وصلو
اكرام:الحمد لله

بقا مجموعين كي دويو و تغداو و سلاوو و ناضو جمعو الطبلة و حطو برارد اتاي كي ضحكو و رجع غير تقشاب حتى كي سمعو الدقان ناضت نزهة فتحات كتشوف راجل و معاه الام ديالو كي سولو على عيشة

نزهة:اهاه مرحبا عيشة تكلمي
عيشة(سمعاتها خرجات عندها و هي تسلم عليها):اهلا اهلا ختي ميلودة زيدي مرحبا بيك
ميلودة:الله يكبر بيك