🔥 اكرام توبتي 🔥 ( الدارجة المغربية ) تيما مبارك

الجزء 21و 22

🌙 رمضان كريم  🌙

        ✳ الجزء 21 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

كلها دخل الدارو و العيالات كايسولو اكرام على شمس و شنو قال ليهم الطبيب تجبدات كتعاود ليهم و فرحان ان شمس ولات بيخير و على خير كلها تخشا في بلاصتو حتى صباح الحال

كيف ديما ناضت غسلات وجها توضأت و صلات الفجر و خدات القران بدات تقراه بصوت ما شاء الله عليها تخليك حالة غير فمك فيها حتى كملات و هزات يديها كتدعي الله يسهل الامور و يسر على كل واحد فيهم جمعات صلايتها  و تخشات تنعس شوية حتى وصلات 8 ناضت الكوزينة لقات مها كترتبها كل حاجة في بلاصتها عاوناتها حتى جمعات و قادات الفطور و هي طلع نزهة عندهم هي و ايناس تجمعو كاملين من غير ادم لي صبح ناعس

ايناس:يالله ا مينا سربي راه مزال تابعنا طريق
عيشة:مينا
مينا:صبرو خليوني نفطر على خاطري واااه
اكرام:بشوية عليك ربي عيجيب التيسير
ايناس(هزات القهوة):معرف شمس كيف ولات
نزهة:عوالة ندخل نشوفها اليوم في العشية تمشي معايا ا عيشة
عيشة:مكرهتش واقيلة عنمشي معاك اكرام تمشي
اكرام(سكتات شحااال)
عيشة:وااا اكرام فين مشيتي
اكرام:مي مبغيتش
عيشة:علاش ا بنتي انت عارفة زيارة المريض واجب و عاد هذيك غير ملائكة معندها دنب مرفوع عليها القلم
ايناس:راه وقيلة مباغياش تلاقا هي و ولد نادية
اكرام:اش جابو الهضرة الله يهديك راه ممصوقاش حتى ليه
مينا:ناري اختي فمو كي قطر غير بالسم
عيشة:الله يبعد بلانا من بلاه
مينا:انا ساليت يالله ا ايناس
عيشة:الله يسر ليكم ياربي

اكرام ناضت دخلات البيت و غوتات المينا سدات الباب و مشات هزات البزطام خلاتو و مدات ليها 400 درهم

مينا:عندي عندي اختي والله
اكرام:شدي هذه الله يرضي عليك عارفة عندك خلي عندك الاحتياط
مينا:دابا ربي يسهل و ان شاء الله نوضكم انت و ماما

اكرام(دوزات على وجها ببتسامة مبشورة): ديري يقينك في الله و سيري و انت واثقة انه معمرو يخليك و عتشوفي ربي عيسر ليك كلشي و فين ما حطيتي يديك تيسر متعصبيش الا شي حاجة مكتابتش و متقلقيش من كلام الناس راه ربي معاك سمعتي لي عطى هذه يعطي وحدة أخرى و الحمد لله ربي ما كي سد باب حتى يفتح بيبان

مينا عنقاتها فرحانة منها اكرام دائما الا بغات تعطيها الفلوس او تعطيها شي حاجة بينها و بين ختها متحرجهاش قدام الناس تجرها الجنب و يوشوشو بعضياتهم لدرجة عيشة متعرفش فاش كي دويو و هذه هي الاخت و نعمة الاخت الله يرزق كل واحد بنات صالحات

خرجات ايناس و مينا و في يديها الوراق ديالهم و شدو طاكسي حيت الشمس حامية واخا 10 و الوجهة ديالهم هي وافاكاش هي الأولى يقلبو على الكبيرة ديالهم