🔥 اكرام توبتي 🔥 ( الدارجة المغربية ) تيما مبارك

الاجزاء 65 و 66

🌙 رمضان كريم  🌙

        ✳ الجزء 65 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

صباح الصباح ناضت مسكينة على صباح ترزق الله توضأت و صلات و لبسات حوايجها و خرجات من تما كتشوف فؤاد حتى هو ناض عيمشي لسوق صبحات عليه و ركبات معاه و مشاو السوق مبقا معاها حتى خدات الحوايج لي خاصها و لي باغيا و عاد داز هو تقدى و رجعو بحالهم حطها خدا المحال ديالها نزلو داكشي و دخلوه الداخل و كي بقا عليها الباقي و مشا

اكرام بدات ترتب و تقاد و النساء كي دخلو عندها و يشوفو فيها شوفة الناقصة هي كتشوف فيهم و ترتب الحوايج ديالها و هما كي وشوشو من التحت التحت و يخرجو هزات كتافها و بقات تخدم على راسها ممصوقاش

اما عند سي شرف كان جالس في القهوة و يحك لحيتو و يشرب منها و الرجال كي شوفو فيه و يدورو يدويو متصوقش ليهم اصلا عصبوه ناض جمع الوقفة و خرج من تما سامح فيهم گاع رجع بحالو الدار و طلع نيشان البيتو هز شي حوايج و جمعهم في الصاك يمشي يتريني شي شوية و يحيد الطاقة السلبية لي فيه حتى كدخل هبة كيف العجاجة مسحابش ليها شرف كاين في الدار

هبة:مي مي مي مي فينك
نادية(من بيت): انا كنطوي الحوايج
هبة(مشات لعندها و وقفات):الحومة كاملة كدور على كلام مهواش امي
نادية:خلعتيني ياك لاباس
هبة:على اكرام و شرف امي
نادية:مالهم
هبة: بلي اكرام طايحة مع خويا امي و كتمشي معاه الديور صحابو
نادية(ضربات في فخاضها):اويلييييييي

شرف من موراها:عاودي اش قلتي

دارت مفزوعة من خوها و صرطات ريقها و خافت هو حط الصاك من يديه و مشا لعند ختو مخنزر

شرف؛عاود اش انا و من
هبة:انت و اكرام
شرف:شكون قال ليك هذه الهضرة
هبة: صمت
نادية:دوي ا بنت الحرام دويييي
شرف(غوت):دوييييييييييي
هبة(قفزات):حليمة البركاكة قالها ليها عبد القادر بليمارة شديتي ليها يديها و درتي معاها تلاقاو في دار واحد من صحابك

شرف(شد ختو من شعرها والاعصاب بدات تسرى معاه):عارفة شنو كتقوووووليييي
هبة(في البلاصة دموعها سالو):والله اخويا ما كنكدب عليك راه الخومة كاملة في خبارها هذه الشي الا متقتينيش سير سول براسك

نادية:الله ياربي الله البنت شريفة مدايرة لا بيديها ولا برجليها الله ياربي واش هذه الشي طاح علييينااااا اميمتي

(شافت في شرف):انت لي فضحتيها ياك انت لي باغيها تزوج ليك بززز بودني قلتي ليا عنخرج على مها انت ياك شرف ياك

شرف(جلس كي حك يديه مع بعضياتهم غير قالتها هز راسو مخنزر):مي حتى انا عندي بنتي معنرضاش ليها الفضيحة

نادية:و كيفاش دلعات الخبار اااه
شرف:علاش غير انا لي باغي نتزوج ليها سيري سولي حمزة ولا مو
هبة:دابا الا ساقو هما الخبار
شرف:كنبقا راجل ا ختي شوفي هي لي عيتلطخ وجها في التراب 
نادية(خرجات عينيها):شررف شنو هذه الكلام

شرف دورها في راسو راه حتى هو مثيوص مشي غير هي تعصب بالمزيان و سمح فيها و خرج من تما قاصد نيشان مول الحانوت عبد القادر دخل عليه حتى التما و شنق عليه خرجو من الحانوت ديالو وسط الدرب🌙 رمضان كريم  🌙

        ✳ الجزء 66 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

فؤاد كان في المحال ديالو ديال التوب حتى هو عندو كي بيعو حتى هو بيعة و شرية حتى كي دخل عندو واحد من جيران ديالو سلم عليه راجل كبير متاقي الله خدا كرسي و جلس حداه

فؤاد:شي حسن مرحبا المحال نور
حسن:نور بماليه ا سي فؤاد
فؤاد:شي كويس ديال اتاي
حسن:لا لا اسي فؤاد جيت عندك ندوي معاك في واحد الموضوع
فؤاد:الله يسمعنا خبار الخير
حسن:بغيت ندوي معاك راه سمعت شي كلام في الحومة و حيت انت صاحبي و راحل متاقي الله مبغيتش نسكت على هذه الفضيحة
فؤاد:خلعتيني ياك لاباس
حسن:الناس في الحومة كي قولو بلي بنت خوك اكرام و شرف الدين جاركم استغفر الله

سكت كي شوفي فيه و فؤاد مفهم والو:اش بغيتي تقصد ت سي حسن
حسن:اوا انا نبرگم و انت تفهم هذه الشي راه عيب ت سي حسن راه شفتها بانت ليا بنت متاقية الله و عارفة بينها و بينو حتى انني بغيتها لولدي يحيى ولكن بعد داكشي لي سمعت راه لا اله الا الله و صافي

فؤاد(خنزر):سمعني اسي حسن بنت خويا مؤدبة و عارفة بينها و بين الله و هذه الكلام ما منوشاي البارح باتت في دارهم و مخرجاتش نهائيا و حتى السوق رجلي على رجلها

حسن:اوا مشي هذه الشي لي كي قولو الجيران
فؤاد:جيران كي دويو في عرض بنت خويا ضلم

(وقف معصب):انا نشوف شغلي تما تقاو الله في اعراض الناس ا سي حسن راك راحل مومن يا حصرة
(غوت لواحد من الخدامة لي معاه): مييييلووود حضي الحانوت انا جاي

خرج من تما و خلاه كي حرك راسو ركب في في لوطو ديالو و جبد تيلي كي صوني الاكرام لي جالسة في المحل ديالها جاوباتو

اكرام:عمي ياك لاباس
فؤاد:أجي الدار ابنتي بغيت ندوي معاك
اكرام:شي حاجة خلعتيني
فؤاد:أجي ا اكرام أجي

قطع معاها و هي ناضت سدات المحال ديالها و غادة في الدريبة و النساء دايرين مجمع قدام بيبان لعضياتهم و يتمتمو فضحاتها حليمة فضيحة العراض جيت مشي غير هي لي كاينة راها كبيرة ديالهم بين ليلة و نهار تلقاي خبارك دلعات شدها الفضول و شدات واحد المرة من يديها و شافت فيها

اكرام:ياك لاباس اختي علاش كتشوفي فيا هكدا
المرأة:حيدي يديك عليا اقليلة العفى وسختو لينا الحومة بزبلكم بقات في الحجابي عفتي و انت ق ** مقطرة من تحت هذه النقاب
اكرام:تقاي الله في الخلق و عرفي اش كتخرجي على فمك الآلة راه الضلم حبلو قصير
المرة:هذه الهضرة سيري ضحكي عليها على وحدة أخرى مشي يانا تفووو يالطيف

سمحات فيها و مشات اكرام مفهمات والو مشات الدار دقدقات حلات ليها ايناس دخلات اما مينا كانت خدامة مكايناش غير دخلات لقات عيشة جالسة كتبكي و فؤاد عاود ليها لي كاين مصيبة طاحت عليهم