✳ الجزء 113 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
منين كانو هما مشغولين في الهضرة الفوق كانو جوج كحزو لور غير النكير من عند مينا خدا نمرتها و مشا عوال يخطبها بصح و مو يديها فوق راسها هذه المرة خاصها تقبل بيها واخا عارفها معتقبلهاش ولكن معندو ما يدير باغيها و متعلق بيها
دخل الدار لقا رقية جالسة حيت وصلاتها الخبار دار فؤاد كان فيها الخطبة و منين ولدها خرج مسكسف قالت صافي مشا يخطب يوسف حداها مجبد كي تفرج و سلمى حتى هي غير شافتو داخل ناضت عندو وقفات عليه
رقية:صافي مسحو ليك دار الرأس
حمزة:مالك عوتاني
رقية: مشيتي خطبتي بنت عيشة
حمزة (ضحك):مشي انا لي خطبت
رقية:و شكون
حمزة:شرف لي خطب اكرام و سيمانة الجاية عندهم العقد
يوسف:الله يكمل عليهم بالخير
رقية(خرجات عينيها):قبلات على داك السكايري
حمزة(حيد الفيست و مشا جلس):انت عارفة انه مشي سكايري امي بلا ما تزيدي فيه
رقية:قلت ليكم بيناتهم شي حاجة و بغا يسترها
يوسف(حط يديه على وجهو):لا حولة ولا قوة الا بالله العلي العظيم ياااا هد المرة زكي فمك
رقية:انتوما مبان ليكم والو
حمزة:مي هي يديه مقدراتش تشدها بقا غير تخليه يتقبها صافي ا مي خليني ساكت الله يرحم الوليدين عنبقت نخرج كلام مهواش
رقية(بقات كتشوف فيه):فوقاش عندهم صداق
حمزة(صغر عينيه شي تنوعيرة عتوجد): معارفش فوقاش
رقية:صاحبك زعمكين
حمزة:سيري سوليه
(ناض هز جاكيت ديالو و شاف في مو):نسيت
(دار عند الباه):متنساش علاش تافقنا
يوسف(شاف في رقية):الله يخرج العاقبة على خير
تبسم و طلع بحالو مخلي رقية تسول و تعاود و هو لا بغا يقول ليها و الا جينا نشوفو الحق معاهم ميقولوش ليها مشا البيت حيد حوايجو و لبس بيجامة ريجالية و تجبد دخل الواتساب و مشا نيشان التصاور و بدا كي صيفط ليها تصيورات ديالها و هي كتضحك مخنزرة المهم في جميع حالاتها و شافها فتحات تبسم كثر منين لقاها كتسجل ليه اوديو غير وصل خرى بالضحك
اما هي كانت جمعات معاهم و دخلات ستارح حدا اكرام ايناس هبطات قبيلة تنعس وصلها ميساج ناضت تندب و تعاود و اكرام كتشوف فيها كيفاش مخنزرة
اكرام:مالك
مينا:راه ولد الحرام صورني
اكرام:اري نشوف
مينا:بلاتي بلاتي
(تنفسات و بدأت سجل):سمع ا سيهم حمزة وقيلة راك نسيتي راسك راه قادرة نتابعك قانونيا حيت صورتيني بدون ادن مني واش مكتفهمش و مبغيتكش واش نسيتي مك شنو دارت في ختي ولا منسيتيش
حمزة(رد عليها حتى هو باوديو):كي قولو لهلا يطيح حبك على حجرة و انا طاح حبي على حجرة نيت
مينا:اولا مشي حجرة تانيا معندي ما ندير بيك
حمزة:وراك وراك و زمن طويل
أنت تقرأ
🔥 اكرام توبتي 🔥 ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
