✳ الجزء 330 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
العشية كاملة و الشتاء خيط من السما ما شاء الله محبساتش گاه و هذه الجو شحال كي عجبني كاملين و خصوصا منين كنكون مخشيين وسط الملاية و مكمشين و نتفرجو و هذه الشي لي دايرة نادية نيت خرج شرف من البيت هاز في يديه جاكيت و اكرام تابعاه من لور
شرف:عتجي ياك
اكرام:الشتاء خيط من السماء ما شاء الله منقدرش ا شرف والله
شرف:كاينة ولكن بغيتك تحظري
اكرام:الله يهديك هانية كيف جيت كيف ماجيتش اااااه
خرجات عينيها و حطات يديها تحت كرشها و هي حاسة بالسحيييق قطع فيها حتى خلعاتهم و ناضت نادية قافوة
شرف؛ماااالك
اكرام:اااااا ميييي كرشيييي
شرف(نزل عندها مخلوع):واش كضرم كرشك ماااالك ا اكرام
اكرام:كرشي الحريييق ا شرف الحرييييييق اااااا ربييييي كرشي كضرني كرشييييي
نادية(جات عندها جلسوها):الله ابنتي كنقول ليك شدي الراحة لراسك
شرف(معرف فين يرد الرأس):واش فيك الوجع بزاااف
اكرام(زيرات على كرشها و وجها تزنك): الحريييق يااااربييييي
شرف:مي لبسيها عنديها الطبيييب دابا
تلفات بيه معرف اشنو يدير نزل كي جري التحت يغوت الفؤاد يعطيه لوطو يدي اكرام كي تصادف مع حمزة و مينا جاو عند مها غوت ليه
شرف:حمززززة سواااارت ديالللك اكرااام جاها الوجع
مينا:اويلي ختيييي
خلاتهم و مشات عندها كتجري حمزة مد ليه السوارت اما شرف طلع عند اكرام لقا نادية لبساتها شدها تخنا هزها و هي كتغوت الحريق الشدها في كرشها في هذه الاثناء كانت عيشة خرجات على دقان الباب حتى كتشوف شرف مخرج اكرام كتقطع بالوجع ركباتها الخلعة على بنتها مفهموش مالها ركبها شرف و دار ركب واخا جر حمزة مينا ولكن شدات ليه شدة العمى ركبات و مشات مع ختها لي كتوجع و معرفوش مالها
مينا(غوتات):واش غير ما عطاها ميمكنش غير عتجي و توجع غير هكدا راها كتقطع بالوجع
شرف(غوت كثر منها):بررركة اميييناااا راه ربي لي عالم بيااا
مينا: ياااربيييي خفف عليها ياااربيييي وقف معاها ياااربييي
شرف(هز راسو):اكرام كلشي عيدوز بيخير صافي ا حبيبتي
اكرام: ياااربيييي يااااربييييي
وقف قدام سبيطار گيليز نزل و دار عاونها نزلات و دخل بيها الفرميات جاو عاونوه و دخلوها الداخل و هو بقا شاد على راسو عيحماق مفهمش مالها
مينا:ياكما تكون زلقات و طاحت
شرف:لا لا هي كانت واقفة بيخير و على خير مكان عندها والو اصلا مكنخليوهاش تحرك الا ادا كنت معاها انا
مينا:و كيفاش وقع
شرف:و انا عرفت ا مينا بركة عليا لي فيا كافيني
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
