✳ الجزء 115 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
في جهة أخرى كانت بنتها جالسة كتفرج و حاطة قدامها الماكلة كتنقي الخضرة حتى كتسمع الباب كي دق ناضت من بلاصتها و فتحات كتشوف رقية سلمات عليها
***:مرحبا بيك
رقية:ربي خليك جيت نشوفك واش محتاجة شي حاجة ا لبنى
لبنى:زيدي دخلي بعدة
رقية:يجيك الخير ابنيتي
دخلات جلسات و شافت في الدار و دورات راسها ليها:داركم غزاااالة ا بنتي ا لبنى
لبنى:شكرا اخالتي اوا من نهار شرف دخل كي الحبس و هي مضلمة كنتسنى غير فوقاش دوز هذه 20 يوم لي بقات
رقية:كلشي كي دوز كلشي اوا كيف بقات بغيت نشوفها قالو ليا زيارة حتى نهار الخميس و اليوم سبت
لبنى:اه حتى نهار الخميس
رقية:اوا فيها خير قولي ليا علاش انتوما شادين هذه الضد علاش متزوجيش انت شرف و تربي بنت ختك الله يرحمها
لبنى(تبسمات حتى الودنيها):و انا كرهت ا خالتي نربي بنت ختي و نديرها بنتي طرف مني ولكن كتشوفي مي و فعايلها حتى كرهاتو فينا
رقية:سمحي ليا ابنتي انتوما لي منكم الغلاط طججتو الولد حتى ناض خطب وحدة أخرى لا حتى الهذه لا
لبنى(بحال الا ضربتيها بطرشة):كيفاش ش ش شكون لي خطب
رقية:شرف علاش انتي مفراسك والو
لبنى:لا
رقية:اوا اش نقول ليك لبارح كان النشاط في الحومة مشا خطبها و ركبو الخواتم خسارة بنت ختك عتربيها وحدة مكتعرفها ما ولو كلشي كي قول عليها خارجة طريق
لبنى(كتحرك راسها بلا):ميمكنش شرف يخطب هو كي بغي ختي لمياء ميمكنش يخونها
رقية:اوا هي الا نضتي تجري على ديك السلگوطة لي عدخل لدار ختك و تشد بلاصتها انت راه غير قلبي عليكم ا بنتي و ربي شاهد ما نبغي انت دخل ضرة على بنتي واخا تكون ميتة
لبنى:والله ما تكون ليها ولا تكون ليها هاي هاي هاي دابا نفرجك فيها
رقية(جبدات من بزكامها الفلوس):هاكي هذه البركة عاوني بيها ابنتي
لبنى:لا اخالتي لا عندي
رقية:شدي راني كيف ميمتك شدي ابنتي شدي
شداتها من عندها و خرجات من تما راس شاريع تشد طاكسي و هي فرحانة:اوا هذا مسمار و طرقناه الا مشتت ليكم الشمل يا شرف يا ولد نادية راني منتسماش رقية✳ الجزء 116 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
خرجات و خلات العافية شاعلة في لبنى كانت كنتسنى غير شرف يتهدن و تقرب منو اصلا منين كانت ختها عايشة و كانت تخرج معاه كتشوفها كتحسدها شحال من مرة عكسات ليها هذه التزويجة بيه و بلي معيليقش ليها ولكن هكداك تبعات لي فراسها و تزوجاتو و نهار لي نتاحرات مكاينش لي كان فرحان قدها هي و كون صابت دير عرس حسن من گنازة في الاول كانت كتبين ليهم بلي باغيا شمس و كتسكت عندها مكانوش عارفين كانت تعطيها سيرو حتى البنت تعطلات عليها الهضرة و كتخرجها بزز و حتى دابا تعطل الحال عليها
كانت متستغل شرف سكران و كي جي الدار حتى الفجر و تمشي عندهم و غير نادية لي كانت كتجري عليها و معمرها ضنات انه يقدر يتزوج حتى شلطها هذه المرة و مشا خطب
لبسات جلابتها و خرجات من الدار غادا كل خطوة كدير فيها جوج و الشمس گادية حتى وصلات الحومة في نص النهار كتسول الجيران على دار لي خطب الشرف وراوها دار ديال فؤاد مشات نيشان كتخبط و تعاود حتى خرجات نزهة
نزهة:مالك ياك لاباس
لبنى:كلمي ليا ديك لي متسمى
نزهة:اجمعي فمك الآلة
لبنى:و جمعيه انت و كلمي ليا لي متسمااااش يااااا خطافت الرجاااااال خرررررجيييي عنديييي يااااا خطااااافة الرجال خرجي
ايناس نزلات هي و مينا الجيران خرجو كي طلو شكون لي كتغوت من زهر اكرام كانت خرجات هي عيشة و نادية خرجو يقادو وراق صباح
مينا:مالنا اش كاين علاش جاية هاجة علينا في حتى باب دارنا
لبنى:انت هي سلگوطة اكرام
مينا:اوااااااا قبل ما تدوي على ختي شلييييي فمك بالسمن و الععسسسسسل
لبنى:فين هي اليوم نوريها وجها في المراية غير شافت ختي ماتت غادا دور براجل ختي
جات ايناس تخرج ليها جراتها نزهة حيت عارفة مينا قادة
منيا:هذيك اكبيدتي لي كتقولي عليها ختك ماااات و شبعات موووت هذه عاماين و زيادة و راجل ختك الله يرحمها
(خنزرات):بغا ختييي لااااالاااااك و بنت سيدك و بالطليب و رغيب باش قبلات ختي تزوج بيه و الا بقا فيك الحال ا زيني لطمي راسك مع الحيوط حيت نسيبي شرف جاب الدقاقية و خطبها عيديها بالشااااااان و المرشان يالله دگي الخطوات حسن ما نصيفط كتحسبي سنانك يالله
لبنى جات ترما عليها جراتها هبة و مكاين غير الله يعطيك صحيحتك و كتغوت مخلاتهاش كيفاش دافع على راسها
هبة:خرجتو على خويا ياااا تريكة المساخيط مك باقة الدابة في الحبس و جاية لمرات خويا ياااا الكلبة ااااه اش باقين باغين منا اش شنو مكفاكمش خرجتو على حياتو
مفكوها غير الجارات جروها من يديها اما كون صيفطاتها السبيطار ناضت منتوفة من شعرها و كتحلف في هبة و مينا
لبنى:غير صبرو عليا خبار ختك يجيبوها لخرين الا مخليتها مقاداش حتى تهز راسها بين الناس راني منتسماش لبنى و عقلي فين قلتها ليك
مينا:حرررربش و قربي ليها راني مزالة الدابة شادة راسي عليك الا مشيتي حتى قربتي ليها راه متلومي غير راسك ياااااا بنت الحرااام سمعتييي
جرو الجارات لبنى دوروها الدريبة التانية و هبة فرقوها عليها حيت كانت مغزفة عليها اما مينا دخلاتها الداخل اما ايناس كانت دخلات شمس الداخل مشاو جابو ليها الماء و شربوها و جلسو حداها
أنت تقرأ
🔥 اكرام توبتي 🔥 ( الدارجة المغربية ) تيما مبارك
Aksi🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
