🔥 اكرام توبتي 🔥 ( الدارجة المغربية ) تيما مبارك

الاجزاء 309 310 311

✳ الجزء 309 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

كانو واقفين حتى هما في الكوزينة كي صايبو مصرية كسكسو بالگديد و كي ضحكو مع بعضياتهم و ايناس كتشوف فيهم و تصورهم و حطات تيلي حداها

ايناس:ماما دابا في العشية عنتجمعو هنا ولا عند خالتو نادية
نزهة:قالت تجمعو عندي ولكن عيشة قالت ليها دار هنا كبيرة و واسعة
عيشة:و بيه الرجال التحت و العيالات الفوق
ايناس(ضحكات):دابا بابا عيشري ليا مونيكا
نزهة:اننننغغغغة مومو وليتي قد شمس
ايناس(هزات كتافها):شنو فيها
نزهة:انت قربتي تزوجي و باقا تقلبي على مونكة
ايناس(شافت في عيشة):خالتو عيشة بصح انا كبرت
عيشة:و هو انت كبرتي ولكن العقل الله يجيب
ايناس(ضحكات):وخا هكذاك انا بغيت مونيكة

ناضت من تما و خرج الصالة هزات تيلي ديالها و دوزات الخط لفؤاد لي كتأكد عليك يشري ليها مونكا و الكوزينة هو كي ضحك عليها قال ليها واخا حتى كتسمع الصوني في الباب مشات حلات لقات واحد البرهوش هاز معاه شي ميكة مدها عليها و مشا هي دخلات الصالة و حلاتها كانت فيها منيكة قدها قداش كبيرة و الداخل ديالها كاينة الفاكية بجميع انواعها فرحات بزاف و غوتات

ايناس:و ماما شوفي اشنو وصلني
نزهة(ناضت خرجات كتمسح يديها و طلات عليها):ياك لاباس
ايناس(عنقات المونيكة):شوفي صامد اشنو صيفط ليا 
نزهة(ضحكات عليها):يعطيك عقل

طلعات الفوق و هي كتصوني ليه و خلات نزهة متبعاها بعينيها باين عليها الفرحة و هي كتدوي معاه و مرتاحة معاه دعات الله يدومها عليها و فؤاد يقبل بصامد يتزوج ببنتو حيت راه يستاهل فرصة كيف قالت ليها ايناس

دخلات عند عيشة و جلسات حداها و شافتها ساهية و هي تنغزها:سبحان الله
نزهة؛معرفتش علاش قلبي مرتاح لهذه صامد لي كتدوي معاه ايناس
عيشة :صرحة الولد مفيه ما يتعلق و على داكشي لي عاودات لينا راه يستاهل فرصة تعطيوه ليه باين عليه ولد الناس غير زمان لي ردو هكدا كنشوف فيه شرف رجل اكرام صرحة
نزهة:عندك الحق ولكن شرف راه داخل سوق راسو اما هذا راك شفتي اشنو دار لبنت علال
عيشة(كتفتل الطعام):غير جاب ليك الله راه نمس هداك نمس غير لي ما يعرفو ولي شافعلو عندي هو مهلي ليا في بنتي و مكتشكاش و كي عاملها مزيان
نزهة:الا جينا نشوفو راه كاملين ولاد الحرام في فعايلهم
عيشة:غير توكلو على الله و هضري مع فؤاد يعرضو العشاء هذه العشية لگديد يتعرف عليه كثر و يجلس مع  يوسف و حمزة و رجال سلمى ميبقاش بوحدو و نيت راه ولا واحد من العائلة مشي عاد عيولي
نزهة:عندك الحق انا نوض نيت دابا ندوي معاه

ناضت هزات تيلي و دخلات البيت و دوات مع فؤاد مع انه في الاول رفض ولكن بقات عليه بقات عليه حتى قال ليها تصيفط ليه نمرتو خداتها من عند ايناس و صيفطاتها ليه عيط عليه فؤاد و حتى هو كان طالب عليها وافق في ساع رجعو العيالات يخدمو حتى وصلات 3 العشية ولاو يسمعو الدقان في الباب✳ الجزء 310 ✳