✳ الجزء 261✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
شنو تقول لخوها اشنو تعاود ليه كيفاش عتقولها لباها لي ضارب عليها تمارة ناضت لبسات جلابتها و خرجات من تما مشات عند اكرام تدوي معاها ميمكنش تلفات بيها الجرية معرفات ما دير
وصلات و دقدقات في الاثناء كانو يالله رجعو من عند الطبيب لي عطاهم موعد العملية و ان كلشي عيدوز مزيان غير فتحات ليها بدون ما ترد البال شدات في يد ختها و نطقات
مينا:عتقيني ا ختي عتقيني فظيييحة
شرف(عقد غوباشتو و رجع من الدروج): واش شي حاجة
مينا(هزات راسها):نسيبي لباس
شرف:لباس انت واش لباس
مينا:لباس لباس
(شافت في اكرام):ندويو عافاك
شرف(شاف في اكرام لي شافت فيه):واخا
اكرام:دخلي
مينا:مشي هنا
اكرام:فين
مينا(شافت في شرف):عنديها معايا واخا
شرف(شاف في اكرام):ردي البال
اكرام؛واخا
مشات خرجات معاها و مينا عتاكل جنابها دخلو المحال ديال اكرام و سدات عليها و شافت فيها و صرطات ريقها اما اكرام طيحات فيها نص معرفتش اش طاري عصباتها و هي تغوت عليه
مينا:حاملة اختي حاملة
اكرام(توسعات ابتسامتها): مبروووك
مينا:الخرىىى مشي انا
اكرام:شكون
مينا:سلمى
اكرام:شكون سلمى
مينا:ختو حمزة
اكرام: باش عرفتي
مينا(جبدات ليها التيست):ها انت
اكرام خداتو و شافت فيه و ضربات في فخضها:اويلي ستغفرت الله
مينا:اش ندير
اكرام:واش بقات في اش ندير اااه
(ناضت تندب على هذه الفعلة ولا اش دير): اويلي البنت مراعات لا العائلتها لا والو
(دارت عندها):هضرتي معاها تأكدتي
مينا:اليوم في صباح تقلبات عليها معدتها و مشات ترد و منين دويت معاها بقات تغطي على كرشها و حتى انها بدات تبان ليها اختي
اكرام(تلفات بيها و بقات فيها ختها):خاص حمزة يعرف يفك هذه المشكل راه عراضو
مينا(تفكرات):واحد المرة كنت انا و ايناس و شفناها كتاكل العصى من عند واحد خينا منين مشيت فكيتها غوتات عليا و سمحت فيها
اكرام: قلتيها الحمزة
مينا(حركات راسها بلا)
اكرام (صعرات):علاش مقلتيهاش ليه علاااش مكانش عيوصل لهذه الشيييي حتى واحد ما يرضى بالفضيييحة بحال هذه
مينا(سكتات مينا و هزات راسها):دعاوي ديال مي نهار لي سحرو ليا وصلو لرقية اختي
اكرام:متشفايش لي تعجب يتبلى
مسحات على وجها و شافت فيها:سيري الدار و شوفي كيفاش تدوي معاها تقول ليك باين الولد الا لقيتيها مزالة مقصحة راسها خليها منها لعائلتها
مينا:انا جيت عندك تعيطني حل
اكرام(خاصمات عليها):واش حنا ناقصنا مشاكل ا مينا ديري لي قلت ليك حتى نشوف شرف يعرف هذه مسخوط مو
مينا:اكرام شرف البنت عيتمضغ بين الناس
اكرام:هذه الهضرة تفكر فيها قبل ما تدير هذه الفضيحة دودة لي في بنات اليوم يقول ليها مراتي تمشي تبعو كيف الحمقة كل واحد كي تحمل نتائج الاغلاط ديالو و حنا معنخليوهاش والله ما تبقا فيه واخا نعرف نجيبو يكتب عليها و الموس في عنقو
أنت تقرأ
🔥 اكرام توبتي 🔥 ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
