🔥 اكرام توبتي 🔥 ( الدارجة المغربية ) تيما مبارك

الاجزاء 228 229 230

✳ الجزء 228 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

خرج من دارو باش يمشي المحال يشوفو كيف عامل و يشوف اش عيصلح فيه عوال يبدا من زيرو عوال يبدا حلال و يبعد من طريق الحرام ولكن شكون خلاك موت ختو و لي سمع من عند شرف خلاه يشعل و شعلة صحيحة گاع شنو سبب لي خلاها تنتاحر واش كان كي عنفها واش ضربها و كيفاش قضية انها زيدوها تبيع الحشيش في بلاصتو كلشي مرون ليه الرأس

نقدرو نقولو ستغلو الفرصة لي كان هو فيها في الحبس جيت قرقبو عليه صحاب الحال و دارو ما بغاو و ختو كانت وحدة لي سكوتية تجي فيها الضربة و تسكت و كي ستغلو هذيك الضربة فيها مو ودينة لي جا يقول ليها ديريها ديرها هذا مشكيلتها ياما غوت عليها تكمل قرايتها و توصل و تبعد من هذه المدينة و هذه الحي و ميعرفها الواحد فين مشات كان مستاعد يحط لي قدامو و لي وراه غير تكون مزيانة و تقرى و توصل ولكن البنت كان راسها عامر بمرات باها لي كانت كتقول ليها لي قراو اش دارو بيها و حيت عارفاها مع شرف كتعطيها مثال ها هو راجل قرى اش قضى بيها الحاصول مني الساحة كتخوى الذئاب كي ديرو ما بغاو

كان برد شوية منين سمع ختو تزوجات على الاقل راها تعيش بيخير ولكن شكون خلاك المشاكل تبعوها حتى و هي في دار راجلها و هي مدايرة والو غير الحسد و الغيرة

وصل عند صاحبو و سلم عليه باش يمشيو المحال و هو داير يديه في جيب حتى نعت ليه صاحبو

***:عرفتي شكون هذيك
البزناز(هز راسو كانت ايناس لي هازة صاكها و عتمشي الخدمتها):شكون
***:هديك من عائلة مرات شرف الجديدة سي فؤاد كتعرفو
البزناز:مول التواب
***:هو هداك أخاي صامد
البزناز:قلتي ليا من عائلتهم اذن كتجي لراجل ختي الله يرحمها
***:اه
البزناز:سبقني المحال انا جاي

معاودهاش معاه مشا و البزناز حك نيفو و توجه عندها ايناس مداتهاش فيه حيت كانت دايرة الكيت في ودنيها و كتمزگ مع راسها هي الوحيدة لي خاطيها صداع و المشاكل قرب عندها و شدها جارها من يديها و حيد ليها الكيت من ودنيها هي تخلعات هزات راسها و هي تشوف هو نيت لي جا عندها لبارح باش يصيفط واش هي عجبها و معتعقلش على اسمو

البزناز:منين تكوني غادا غي الزنقة حيدي الكيت من ودنيك لا تجي شي لوطو و تجمع معاك
ايناس(هزات براسها):و و واخا
البزناز:فين غادا
ايناس:انا
البزناز: خيالك
ايناس:ل ل لخدمة

البزناز كي طلع و يهبط فيها و يشوف لباسها سروال جينز مقطع من القدام و قميجة قصيرة طالعة على طريمة و شعرها القصير مطلوق شاد عرض كتافها و وجها مزيناه غير بكلوز و الماسكارا و ايلاينر فقط و عنقها دايرة ليه سنيسلة فيها ايناس بالفرنسية و يديها فيها گرمطة دهب خفيفة فيها خميسة و حتى صبعها فيه خاتم هبط عينيه حتى رجليها مكانتش ناسياه بالخلخال بسيط فيه مع صندالة عالية شي شوية المهم باين عليها انها مهليا في راسها و مكتخلي حتى حاجة ضرها في قلبها عض شفايفو و شاف فيها و هو عاقدهم لمياء و مكانش يخليها تخرج هكدا يمكن حيت معندهاش خوها لي يحكمها قرب ليها كثر و هي كتشوف فيه و نطق