🔥 اكرام توبتي 🔥 ( الدارجة المغربية ) تيما مبارك

✳ الجزء 347 ✳ ♥اكــــــــــــرام تــوبــــــــــــتي♥ 🔥 شرف اكرام

✳ الجزء 347 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

صباح جديد فاقت و هي كتكس دورات راسها لقاتو مزال ناعس كانت 7 ديك الساعة ناضت دخلات الطواليط و قضات حاجتها اما الفجر كتصليه هي و شرف بجوج عاودات الوضوء و مشات البيت لعند شمس و دوزات يديها عليها كتفيقها اما نادية دخلات من موراها الطواليط

اكرام:شموووسة
شمس (خلات عويناتها):صباح الخير
اكرام:صبح النور ا كبيدتي نوضي باش تمشي مع بابا المقبارة يالله
شمس:واخاااا

ناضت معاها نيت مشات غسلات وجها و نشفاتو ليها جمعات ليها شعرها و سداتو و لبسات ليها كسيوتها و هزات شال دارتو ليها في محفظة ديالها

اكرام:هذا ا ماما منين توصلي ديريه فوق راسك صافي حشومة ندخلو بشعرنا عريان و كيف توصلي قولي السلام عليكم يا اهل المكان انتم السابقون و نحن اللاحقون  عاوديها

شمس:صعيييبة
اكرام:مصعيباش ا ماما ها انت السلام عليكم يا اهل المكان
شمس:السلام عليكم يا اهل المكان
اكرام:انتم سابقون و نحن اللاحقون
شمس:انتم سابقون و نحن اللاحقون
اكرام:عاوديها
شمس:السلام عليكم يا اهل المكان انتم السابقون ونحن اللاحقون
اكرام؛مزيتن ا ماما بقاي تقوليها و عاوديها نمشي نفيق باباك باش يديك
شمس:يالله معايا عافاك
اكرام:لا إماما مزال خاصني نفيق خوتك باش نمشيو عند خالو صامد
شمس:لا عافاك عافاك بغيت نقول ماما ها هي ماماتي لي كتهلى فيا و نفرحها عافاك
اكرام(عينيها دمعو باست راسها):نشوفو بابا وصاغي
شمس:واخا

مشات كتعاود الكلام لي قالت ليها اكرام و كتلبس صندالتها اما هي دخلات لقات شرف كي لبس تيشورت تبسمات ليه

اكرام:صباح الخير زمااااااانييي
شرف(ضحك):هذه زماني كتفتح عليا بيبان الخير ا عماااارة داري
اكرام(كتقاد ليه كول ديال تيشورت):صرحة ا شرف هذه فقيهتي و عمارة داري لي كتقولها ليا دائما كنحس بانني ملكة عندك في قلبك و في الدارك
شرف(باس راسها):و كلشي انت الحب و العمر و الحياة و كل ما كنملك
اكرام(ضحكات):شمس لبسات
شرف:بغيت نقول ليك يالله معانا
اكرام:حتى شمس قالتها ليا
شرف(حك جبهتو):عنقول ليها كلشي اليوم انت كتعرفي كيفاش تصرفي معاها و كتسمع ليك الهضرة بزاااف انا منقدرش ا اكرام بغيتك حدايا بجنبي بغيتك تعاونين على الحمل
اكرام(غمضات عينيها و ولات فتحاتهم):الله يدير لي فيها الخير واخا ا حبيبي نلبس غير عبايتي و نمشي معاكم
شرف(باس راسها):الله يرضي عليك

خرج و هي تنهدات اصلا كانت ضاربة الحساب لهذه النهار و عارفة كيفاش تصرف مع شمس و تمشي على طبيعتها لبسات و خرجات لقاتهم التحت وصات اكرام على الولاد و نزلات عندهم ركبات حداه في لوطو و شمس كتدوي معاهم و تعاود و هي فرحانة عتشوف قبر ماماها لأول مرة في حياتها

كيف وصلاة دخلات و هي كتصايب شال لي عطاتها اكرام و كتسلم على ناس لي في جبانية حتى شرف و اكرام نفس الشي دازو خداو ما زهر و مشاو عندها وقفو عند قبرها هزات شمس راسها

شمس:شنو عنديرو ا ماما
اكرام:نقراو الفاتحة
شمس:واخا

هزات شمس يديها كتقرى عليها القران هي و شرف و اكرام حتى كملو و مشات شمس خدات من عندها الماء و كترشو اصلا قبرها صامد مفكرو كل نهار جمعة و كي خلص يجي يقابلو و ينقيه و يدعي معاها شرف شاف في اكرام و ولا شاف في شمس و دش يدياتها