🔥 اكرام توبتي 🔥 ( الدارجة المغربية ) تيما مبارك

الجزء 13 و 14

🌙 رمضان كريم  🌙

        ✳ الجزء 13 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

عند نادية ناضت صيبات الفطور و حطاتو مع الحد بنتها مخداماش جلسات و حداها كان شرف ناعس و مخصر سيفتو بصداع لي دارت مو حتى كتفيق شمس و تخرج عند جداتها كتحك عينيها مشات جلسات حداها اما نادية بقات تضحك معاها حتى ناض تگعد شرف كي حك عينيه

شرف:متخليو حد ينعس على خاطرو خزيت يا لطيف
نادية(مداتهاش فيه):شمس ندير ليك شكلاط في خبيزة
شمس:ناح
نادية:و شنو خصك
شمس(كتشر لباب):ناااه ناااه
نادية:شنو
شمس:ناااه
نادية:واش بغيتي كرواصة
شمس(هزات راسها باه)
نادية:شرف نوض اولدي سير الباتيسري الله يرضي عليك جيب ليها لي بغات
شرف(كي حك عينيه وقف):جيبيه ليها انت نيت
نادية:واش حتى بنتك عتشد معاها الضد ولا كيفاش
شرف(دار عندها):بغات تشري ليها انت مشي انا

شمس مشات مسيكينة برجيلاتها و حطات يديها على سروال ديالو هازة رويصها فيه كتشوف شوفتها يعزو عليك كملات 3 سنين و مزال الهضرة مكتخرج ليها نهائيا

نادية:شوف مسيكينة كيف كترغبك اولدي الله يرضي عليك لاما شوف من حالها راها بنتك كبدتك هذيك واش مكتحسش بيها ولا كيفاش معدة تشد هذه الضد ديها غير الطبيب شوف علاش مخرجاتش الهضرة واش عندها ايعاقة الله يخفظ

شرف(كي شوف في شمس):صافي ا مي صافي ها انا غادي بلا ما تبداي تاني

دخل الطواليط لفابو و حنا كي غسل وجهو و مسحو و خرج من تما كي حك عينيه و لي داز من حداه يطرب عليه يحساب ليهم مزال سكران حتى وصل الباتيسري دخل و وقف من مور اكرام كتدوي حتى جا سؤالها على ودنيه و كيفاش ايناس خافت منو و قلبات الهضرة

اكرام:شنو عتاخدي
ايناس:هذه
اكرام:ختي عطيني هذو و باگيط 3
ايناس:لمن
اكرام:ليا اجي واش ديك البنية شمس جارتكم حتى هي
ايناس(كتنغز فيها):اكرام
اكرام:و صافي ا ايناس ختي عيطيني 3 الدونلز و شي كرواصات

تبسمات و مداتهم ليها و خصلو و خرجو شرف خدا كرواصة و راجع بحالو حتى وصلو الحومة وراتها ايناس الدار مشات يالله عتحط يديها على الباب باش دق و هي تحس براسها مشدودة منها

شرف(بصوت باح رجولي و عينيه حومر و شعرو مخربق و هابط ايه على عينيه): حسبي الطريق و قلبيها تحركي

اكرام هزات عينيها فيه و تلاقات العيون مع بعضياتهم عيونها زورق زرقة السما و شفار كثاف حجبان مقادين من عند الله وجها مخبي من تحت حجابها لي ساترها شرف طول فيها  الشوفة حتى نترات يديها منو

اكرام:المرأة عندها حرمة و مخاصكش تحط يديك على وحدة مكتعرفهاش
شرف(ببرودة):سمعتيني اش قلت قلبي الطريق و سيري بحالك
اكرام:مجيتش العندك
ايناس:اكرام يالله نمشيو دابا يكون مشمكر او سكران يشرملنا
شرف:سمعي كلام صحبتك و دردبي تحركي حسن ما نخسر لمك لكركاصة ديال وجهك تحركيييييييي
اكرام:انا جيت عند خالتي نادية و شمس شريت ليها هذو
شرف(هز الشاصية):بنتي عندها باها معتسناش وحدة بحالك تجيب ليها شي حاجة تحركي

دار حل الباب و دخل مشات حطها فوق الطبلة و عيخرج حتى كي سمعو الدقان و هبة نازلة مع الدروج حلات شافت في ايناس و اكرام و تبسمات صواب

اكرام:سلام ختي شمس كاينة
هبة:اه
اكرام:عطيها هدو

خرجات نادية منين سمعات صوت كتسلم عليهم و شرف كي شوف في إكرام هو مخنزر معاجبو حال🌙 رمضان كريم  🌙

        ✳ الجزء 14 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

دخلو البنات الدار و مشاو الكوزينة حطو داكشي شافت نزهة التقضية خنزرات بدات تعاير و توبه اكرام و عيشة

نزهة:علاش الآلة عيشة واش حنا برانيين
عيشة:اسكتي ا نزهة مبيناتناش
اكرام(حيدات نيقابها):عنمشي اليوم المحل نطل عليها امي و باش نرجع الفاس نهز خدمتي كلها لهنا
عيشة:ان شاء الله عنمشي معاك
مينا:و الكرا ديال هذاك المحال مجاتش تقول ليه رجع ليا فلوسي
اكرام:الله يسامح كون قالتها لينا مي معنضيعش في 3000 درهم ديال الشهر
عيشة: و هذا لله ابناتي
نزهة(كتكب القهوة):عندهم لحق ا ختي عيشة كان لازم عليك تعلميهم
ايناس:خالتي راه ضروري كان خاصك تقوليها ليهم راه كانو حيدو عليهم شلا حوايج
عيشة:اوا بنيتي بغيت نديرها ليهم مفاجأة ولكن غالب الله انت لي غالطة
اكرام(باست ليها راسها):الله يخليك لينا يا عمارة دارنا انت هي كلشي
عيشة:صبغيني صبغيني
فؤاد(دخل وصبح عليهم):صباح الخير عليكم
الكل:صباح النور
نزهة:كوس القهوة
فؤاد:اه
نزهة:كون غير حيدتي داك سروال القندريسي ا فؤاد
فؤاد؛مرتاح فيه
ايناس(شافت في باها):بابا داك الحانوت في المدينة خاوي مفيه والو
فؤاد:علاش بغيتيه
ايناس:ندير فيه شي مشروع
فؤاد:اشمن مشروع
مينا:خاصنا ا عمي شي خانوه و نديرو فيه مشروع يا وافا كاش يا كاش بليس و خاصنا نشوفو الموقع
فؤاد:مزيان انتوما بديبلوماتكم الا تسنيتو هذه الخدمة تيجي جلستو في دار
نزهة:و هي الا ديتيهم لمحال يشوفوه و يشوفو الموقع راه موهم
فؤاد:هي الأولى فطرو و نمشيو

(شاف في اكرام):و انت ا اكرام بنتي

اكرام:انا عمي عنشوف ماحال لي هنا 3000 درهم الكرا زايدة فيا و عنقادو و نبيع فيه العبايات
فؤاد:سيري شوفيه و انا ندوي ليك مع الصباغ يدوز العندك و لي حتاجيتيها انا معاك ا بنتي
عيشة:الله يكثر خيرك ا سي فؤاد
فؤاد:متقوليش هكدا الآلة عيشة راهم بنات خويا هذو بحال بنتي ايناس

تبسمو و كملو فطورهم ناضو لبسو حوايجهم نزهة و عيشة و اكرام مشاو المحال و فؤاد خدا ايناس و مينا و ادم حتى هو مشا معاهم الگيليز باش يشوفو المحال التاني للمشروع