🔥 اكرام توبتي 🔥 ( الدارجة المغربية ) تيما مبارك

الجزء 25و 26

🌙 رمضان كريم 🌙

✳ الجزء 25 ✳

♥اكــــــــــــرام تــوبــــــــــــتي♥

🔥 شرف اكرام 🔥

🌸تيما مبارك🌸

عند اكرام لي ناضت لبسات نقابها و تقاداتو قدام المراية و خرجات نزلات التحت لقات عيشة و نزهة كي جمعو الدار تبسمات

اكرام:ميمتي انا مشيت
عيشة:الله يسهل عليك ا بنتي الله يسر ليك اومورك الله يوقف عليك و يجعل ليك من الظيق طريق ياربي
اكرام(باست راسها):الله يخليك ليا ياربي

ضحكات و خرجات مشات المحل ديالها و خلاتو لقات خاصو بزااف ديال الخدمة اول حاجة دارتها هي كتبات اعلان و علقاتو في باب ديال المحال ديالها انها باغيا بنت تخدم معاها و تكون تقة حيت هي كلشي و دخلات الداخل خدات العلاقات علقاتهم في بلاصتهم و دارت عليهم العبايات و علقاتهم

كان فؤاد تكلف ليها بكلشي الفيترينات رجعهم ليها جداد منين عاود صبغهم ليها و حتى دار ليها العلاقات في الخيط بقا غير لي عتعلق على يديها قاد ليها البلاصة فين عتقيس البنت او المرة صرحة دار الواجب ديالو هذا هو العم لي يوقف مع بنت خوه منين تحتاجو

كملات التعلاق و لبسات العبايات في الكونيكات و خرجاتهم على برا و رجعات لبسات حتى كساوي الطوال ديال المحجبات و خرجاتهم الشال حتى هو و خدات المعطر عطرات الجو و هي كتدعي الله يسر ليها

جلسات و كتسنا رزقها يدي عاودات من الاول مزال تعقل نهار خدات الايجازة ديالها و قرات في التكوين و خدات ديبلوم ديالها دفعات و عاودات و حتى واحد ما بغا يقبلها بحكم انها دايرة الخمار و مغطية وجها دفعات و عاودات كي طلبو منها تحيدو الا بغات تخدم و سرات معاها مها يماااان باش تحيدو و ميضعش قرايتها ولكن لا من موجيب اكرام دارتو عن اقتناع و حتى واحد ما يحيدها ليها من فمها

قلبات و قلبات ممكتابش ليها و مجابش الله في هذه الخدامي شنو عدير عتقطع راسها و تجلس في الركنة الا قلبات شنو عدير لقات مشروع لراسها عيشة باعت دهبها لي كتكساب و تسلفات اكرام من عند الناس لي محترمين و مقدرين الوضع و حتى ومن فؤاد منين سمعها عتدير مشروع راسها صيفط ليها شي بركة تعاون و فتحات محالها راسها و تقاتلات باش دارت بلاصتها في السوق و ولاو الناس داخلين خارجين من عندها حيت اولا كتمشي على قد الجيب و شحال من وحدة كتبيع ليها غير بنص تمان حيت عارفة معتقدرش على تمانها

اكرام من نوع البنات لي مكتكسرها حتى حاجة الا طاحت تنوض راسها و الا عودات طاحت تنوض و ربي مكيخيبهاش حيت متوكلة عليه في كلشي

بداو الناس في المحال يدخلو يدورو و خرجو كاينة لي جاية تبرگگ و كاينة لي جاية تدي الخبار و كاينة لي جاية تعرف غير شكون هذيك لي خلات عندهم في الدرب الخلاصة معينيهمش يشريو و هي متستقبلهم بترحاب بيهم

شي نوع باغي يشد معاها جموع يعرفو اصلها فصلها و منين هي و هي معندهاش مع هذه الشي

ناضت كترد داكشي لبلاصتو و هي تحس بالغاشي دارت مفزوعة كتلقا واحد وجهو گاع مخصر و يديه مضروبة بالزيزوار كي شوف فيها و يشوف في المحال و شي جوج دراري اخرين معاه خافت ديال بصح منهم🌙 رمضان كريم 🌙

✳ الجزء 26 ✳

♥اكــــــــــــرام تــوبــــــــــــتي♥

🔥 شرف اكرام 🔥

🌸تيما مبارك🌸

شرف طلع الدار كي جري و دخل الكوزينة كانت مجلسة حداها شمس و تعيطيها التفاح حيت وكلاتها مزيان باش متقلبش على الماكلة شاف فيها شرف و جبد ليها الشكلاط و بيمو من الميكة و نادية كتشوف في ولدها لي مبتاسم

نادية:اش تما اولدي
شرف:شي طاجين ديال الدجاج بالزيتون مع الفريت من دوك ليديات لعشا شحال هذه ما تجمعنا على طبلة وحدة
نادية(صدمها):شرف واش بيخير اولدي
شرف:ايه امي ليخير
نادية(حطات يديها على وجهو):واش رجعتي طريق الله ياك اولدي
شرف:دعي الله يعفو علينا

دعي الله يعفو علينا كلمة تقالت و باينة المعنى ديالها يعني راه ديك البصيص ديال الامل بأن اه ولكن مشي بين ليلة و نهار عيتبدل و يرجع كيف كان خصوصا الادمان هذا راه الا مدمن على الشراب و الحشيش مكي حيدش من فمو تنهدات اراك هذه الضحيكة عليها يدخل الدار و يتهلى في بنتو ولا بلاش تحنات هزات السخرة و حطاتها و هو كي هر بنتو و يضحك معاها

ناض خرج من تما و جبد گارو خشاه في مو و شعلو سد الباب و مشا القهوة لقاها كيف وصاهم كتشعل بمعنى الكلمة خدا كرسي و جلس عليه و خرج عندو منعم

منعم:خويا شرف راه عبد الرزاق صونا السخرة وجدات
شرف(خشا يديه في جيبو و مد ليه 100 درهم )؛ضبر على شي طوموبيل و سير عاونو جيبوها
منعم (مد يديه خداها):هي الأولى ا خويا

هز براسو و مشا كي جري بقا كي كمي و يسرح عينيه في المحال حتى هز راسو كي شوف محال ديال فؤاد حالاتو اكرام و كتخرج المونيكات على برا بقا كي حك شفايفو حتى كي حس بصاحبو جلس حداها

حمزة:اوا ا شريف اش تما قالت ليا الوليدة ناضت كونبة عندكم في الدار
شرف:ديك الق ** ديال مها لمياء جات قالت ليك بغات تدي شمس من الدار
حمزة:أهاه عاد طفات عليها الشمعة احي بعدة كيف بقات

شرف:الحرقة كانت صطحية ولكن منين كتبرد عليها كتنوض تحرقها وتبكي ليل كامل ما نعست ما شفتو ا صاحبي

حمزة:مسكينة صعيبة
شرف:كون تهرق ليها اتاي على وجها والله اخويا كون راني دابا في المقبرة حداها
حمزة:ربي لطف ا صاحبي هذه دير ليك عقل و تديها في بنتك شوية
شرف:بنتي راها عايشة بيخير مالها اش بغات
حمزة:بغات باها حداها بغات لي يدافع عليها هانت قلتيها صباح جات تديها كون مكنتيش انت اه فين عتخرج واش خالتي نادية عتقد عليها هذيك راها حلوفة ا صاحبي

شرف:اودي خليها على الله
حمزة:مشي قلتي عتبيع القهوة
شرف:مبقيتش بايع
حمزة:شنو عيدر مع داك خاينة
شرف:شرفي هذاك ا حمزة والله يا بوه ما دوز ليه باساهل والله على ما دوزت على بوه الدگاكة
حمزة:عنداك غير دير شي حاجة لي تغرق ليك الشقف

شرف حرك راسو بلا و جلسو كلمة تديهم و نجيبهم حتى كي شوف شمكار الحومة داخل عند اكرام المحال ديالها عقد 111 ناض جمع الوقفة و دخل الداخل هز مضى و حمزة مفاهم والو