🔥 اكرام توبتي 🔥 ( الدارجة المغربية ) تيما مبارك

الجزء 49و50

🌙 رمضان كريم  🌙

        ✳ الجزء 49 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

خرج من الدار مع المغرب و ركع القهوة فعلا كانت عامرة بالناس و كلشي شاد بلاصتو يتفرج مشا جلس حدا حمزة كي دويو و يتعاودو بيناتهم القهوة مقربلة بالغوات و كلشي باغي المنتخب يفوز شرف ما كي تهنا حتى كي سالي الماتش و داكشي لي كان ما سلا حتى غفر ليه الله ناض عاون الدراري و جمع معاهم كانت ديك الساعة 22 ليل المهم عيا بزاف بالجرى من لقنت القنت و العون و روينة الكحلة منين مشا الدار يرتاح عطاتو اكرام محاظرة في الدين خرج من تما هو و حمزة و تسالمو في الدري و كلها مشا الدارو

شرف دايز من التدريبة و يحك عينيه بالنعاس تنفس بالجهد و بقا غادي حتى كي صغر عينيه و يجمعهم يتاكد واش هو حتى وقف و زير على يديه و مشا ليه نيشان مخنزر معاجبو حال شدو من قرفادتو و نتف ليه الكارو من يديه

شرف:شنووو هذه الشي
ادم(معرف راسو باش تبلا هز راسو كي لقا شرف):رخي مني ا صابحي رخييي
شرف:اشنو هذه الشي لي كتحط في مك
ادم:وااا مسوقكش
شرف(شاف في الدراري):تحركوووو من لهنا ينعل حد بوكم الكلب

كارو من حداه و هو قاني على ادم من قرفادتو داه و جابو؛شنو هذه وليتي تكميييي ااااه
ادم:مشغلكش فيا دخل سوق راسك
شرف:مخفتيش مك تسيق الخبار كتكمي راك كتهلك صحتك الزمر
ادم:و ديها في سوق راسك مشغلكش فيااا نسيتي راسك كلشي سايق ليك الخبار السكايري

جمعها معاه شرف بالطروش و الركالي هو اكثر واحد عارف هذه الطريق الا تبعتيها معتخرجك غير في الخط و ادم تصاحب مع دراري الحومة و ملقا غير الشماكرية

شرف(زير عليه خانقة):سكايري اه ولكن راجل مكنخليش الشمايت يضحكو عليا انت باقي صغير و عندك حياة زوينة مضيعهاش و تكون شماتة سمعتيييي
ادم(عينيه حمارو و كي مسحهم من الدموع): مشغلكش فيا سوقي هداك

شرف شاف غير عيخسر معاه الهضرة عطاه بركلة:تحرك قدامي زييييد

فين ما يدوي ادم شرف يعطيه بركلة ما وصلو الحومة حتى كان كلاه مزيان وصل لدارهم و دقدق خرجات مكاين مجيب عاود و عاود حتى كي سمع الباب تفتح خرجات عندو اكرام ينقابها و كتشوف في ادم وجهو حمر بالتصرفيق

شرف:كاينة مك
ادم:رخيني ا بنادم رخيني

رخاه دخل كي جري و اكرام كتشوف فيه:مالك معاه
شرف:خوك لقيتو جالس مع وجوه العداب في الدريبة و لقيتو حاط الكارو في فمو
اكرام(خرجات عينيها مصدومة):خويا
شرف(هز صبعو):ردي البال لخوك طريق لي غادي فيها مهياش و معتخرجو غير في حيط يالله العاون

زاد حتى غوتات ليه:شرف
شرف(جبد الساروت و دار عندها): نعام
اكرام:شكرا

هز ليها براسو و كملات:ساهلة مشي صعيبة على الواحد يخرجها من فمو
شرف:ممشيتيش العرس
(بتاسم باستهزاء):اووو سمحي ليا نسيت انت من صحاب ان العرس حرام

غمزها و هي تخنزر ليه و دخلات حيدات نيقابها و طلعات ليه البيت لقاتو جلس و كي بكي مشات ليه مغزفة اما شرف جبد الساروت و فتح الباب طلع الدار الفوق ملقا حد حيت كلهم مشاو عرس الجيران مشا البيت يدخل هو يقلب الطريق مشا الكوزينة و هز داك نص طاكوس لي رماه و قلب الطريق خرج من تما و مشا راس الحومة لقا قطة جالسة مقنة جلس على رجليه و حطو ليها و هي بدأت كتاكل

شرف(كي دوز على فرو ديالها):انت لي دايزة فيك صدقة سعداتك معندك لا مشاكل لا هم يحزنون🌙 رمضان كريم  🌙

        ✳ الجزء 50 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

طلعات ليه البيت و حطات نيقابها و جلسات مقابلة معاه هو كي حك عينيه و يمسحهم حناكو حومر بالطروش لي عطاه شرف و حتى عينيه وحدة ولات حمرة و تنفخات هز راسو في اكرام منين دوات

اكرام:فوقاش اخر مرة مشيتي لصونطر
ادم(هبط عينه):غير الصباح
اكرام:ادم فوووقاش اخر مرة مشيتي لصونطر
ادم:غير صباح
اكرام(خنزرات):واخا غير الصباح مال ولد نادية معاك
ادم:والله اختي الا غير ضالمني
اكرام؛خلي الله بعيد عليك في التيقاااار ا ادم رجعتي كتكمي ياك

ادم(كي حرك راسو بلا منين شافها وقفات)

اكرام:دوي ا ادم رجعتي كتكمي
ادم(دير حركة الدفاع و كي حرك راسو بلا) :لا لا لا غير كي كدب عليا
اكرام:جيني الصرحة واش كتكميييي
ادم:لا اختي لا
اكرام:معنضربك ما والو ا ادم غير قول
ادم(حرك راسو بأه)
اكرام(دوات بالفقصة):وليتي تكمي الحشيش و وليتي تمشي مع السكايرية و الشماكرية الحومة ااااه
ادم:ختي
اكرام:المدرسة لي انا كندفع ليها دم جوفي باش تقرى و تاخد اللغة ديالك و متغلبش في الباك سامح فيهاا اااه دوي
(جبدات البريكة و الحشيش من جيب الفواطة):هذا حتى هو كدب عليك فيها ياااك

ادم (كي شوفها هزات الصنادلة و جاية ليه): ختي ختي غير نشرح ليك غير نشرح ليك

اكرام(شدات الصندالة و كتعطيه الفخاد و هو كي غوت)

ادم:لا اختي لا منعاودش منعاودش والله ما نعاود اااي لا اختي اكرام والله ما نعاود

عطاتو الرجلين مزيان و كلاتو بالصندالة و حطاتها كتنهج هو كي مسح عينيه من الدموع و كي شوف فيها و كي شهق فؤاد سمع الصداع الفوق طلع كي جري لقا ادم واكلها و اكرام سمعات خطاويه مشات هزات شال دارتو على راسها

فؤاد:امالكم اكرام مالك معاه ابنتي
ادم(كي شوف فيها و خايف تقولها ليه)
اكرام:والو ا عمي سمح ليا فيقناك
فؤاد:ومنين والو علاش ضربتيه
اكرام:على ردان الهضرة ا عمي و راسو قاصح اي مكيسمعش
فؤاد:لا ابنتي لا راه خوك الصغير مضربيهش نوض ا ولدي سير غسل وجهك نوض
اكرام:العصى لمن عصى ا عمي
فؤاد:واخا ابنتي راه غير كتكلخ
اكرام:الا كان داير علاش راه يستاهل

خرج ادم كي مسح وجهو و كي شوف فيها اكرام خنزرات:دخل البيت تنعس يالله

معاودش معاها الهضرة دخل كي جري سد الباب و فؤاد حرك راسو بلا حولة و نزل التحت بحالو هي جلسات كتاكل يديها بالفقصة و الغدايد لي دار فيها