✳ الجزء 258 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
ايام الله كتعدي و في هذه الايام كان حمزة و مينا رجعو من السفر ستقبلاتهم رقية بالصلاة على نبي تبوس و تعنق و ترحب بمينا كبحال الا كترحب ببنتها تخليك تقولي سبحان مبدل الاحوال و هذه الشي حيت يوسف قال ليها راه عيرحلو معيبقاوش معانا حيت وصى شرف يشوف ليه شي دار لكرى حتى يمسك عليهم الله و يشريو دويرتهم بقا فيها الحال و شحال بكات و تنوض في ليل مكيجيهاش النعاس ندمااااات حتى شعر نبت ليها بيض في راسها ولات غير تقول يرجع ليا ولدي نحط ليه مراتو فوق راسي غير يرجع منين دوا معاهم يوسف حتى تشااور مع مينا عاد واقفو بجوج يرجعو الدار
اما عند اكرام اعراض المرض بداو يبانو عليها ولات ليل مكتنعسوش او كتكون ناعسة ولكن كاين في غرق نعاسها هذه الشي لي ولا كي خلي شرف يبات فايق معاه كل ما كترد و تشهق هو كي تالم اضعاف ديالها معمرو فكر عيجي نهار لي عتكون فيه بهذه الحالة هذه اصعب ضربة خداها في حياتو من جهة انسانة مشاف فيها غير الخير و معا سمعتها غير في الخير واخا يبغي ينكر ولكن فضلها عليه بزاف علماتو بزاف الحوايج هو كان غافل عليهم و من بينهم علماتو الصبر في هذه المحنة لي كدوز منها
مرضها ميعلم بيه غير الله كيفاش كي قطع فيها مع الدواء لي كتشربو كتحس بيه كيف العافية في الداخل ديالها كي حرقها في غرق نعاسها منين كتحرك كضربو الفيقة معاها مكيجيهش النعاس و هو كي شوف ملامحها كيفاش كي تخصرو منين كضرها المعدة ديالها كي بقا يدوز يديه على كرشها على الله يقلل ليها ولو شوية من داك الوجع لي كي جيها
هزات راسها و غسلات وجها و رجعات بحالها البيت و سدو عليهم جلسات مشا جاب ليها الفوطة مسحات وجها بشوية عليها و تخشات في بلاصتها هو دار لجيها التانية و تخشا حداها كي دوز على كتفها بحنان كأنه باغي يوصل ليها بطريقة أخرى انه حداها و مستحيل يتخلى عليها
شرف:شوية دابا
اكرام(عينيها دمعو):فوقاش العملية
شرف (تنهد):مزال شوية
اكرام(خشات راسها في صدرو و دموع هبطو):كنحس بالمعدة ديالي كتقطع بالوجع
شرف:نوضي نديك الطبيب
اكرام(حركات راسها بلا):عطيني نشرب غير الدوى
شرف(نا ضمن حداها و خرج جاب ليها دوا شرباتو و تجبدات تنعس):نعسي و رتاحي
مدواتش حيت صافي بدا مفعول الدوا يعطي تاتيرو باش تنعس و ترتاح هو عينيه عليها و قلبو كي تقطع طراف طراف ربي عالي و عالم راه ميحس بيه غير لي مجرب الم هذه الحر خصوصا ان المرار لي كترد مشي ساهل
تجبد حداها كي دوز على ضهرها مرضها غير هو لي عارفو بوحدهم هو لي كي تالم معاها مفيه لي يبقى يسمع دير ليها هذه دير ليها هذه تمشي توقع ليها شي مصيبة معيلقاو فين يخرجو يدك الساعة بقا كي شوف فيها حتى جهدو تهد شكون عيدق بابو باش مراتو تبرى شكون عيدق بابو باش مراتو ترجع كيف كانت و سمع صوتها و ضحكتها في الدار
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
