🌙 رمضان كريم 🌙
✳ الجزء 67 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
اكرام دخلات حطات صاكها و كتشوف في عمها و تشوف في مراتو و ايناس و مها لي كتبكي مفهمات والو
اكرام:مالكم مي مالك
فؤاد:اكرام بنتي جلسي
اكرام:عمي علاش الجيران كي شوفو فيا وقفت وحدة و سولتها بقات تدخل و تخرج عليا في الهضرة و تقول كلام حشومة يخرج على الفم ا عمي ياك لاباس
ايناس:غير تهدني عنعرفو مول الفعلة والله ما دوز ليه
اكرام(غلبوها دموعها):شمن فعلة شنو درت مدرت واللو والله ما درت شي حاجة بالله
نزهة(ناضت عنقاتها):تهدني ا بنتي تهدني والله ما تبقا فيهم
اكرام:شنو واقع مي دوي ايناس اش كاين
شافت في عمها مشات عندو:عمي دوي اش واقع انا مدرت والو علاش اش كاين من مور ضهري
فؤاد(حشم منها):شي واحد خرج الهضرة عليك و على ولد نادية شرف و بلي انت و ياه مصاحبين و بلي استغفر الله العظيم
اكرام كتشوف فيه مصدومة و عينيها مكترمشهمش كيفاش هذه الشي اشنو علاقة ولد نادية بيها هي و شكون لي خرج هذه الهضرة شافت في مها لي حاطة يديها على راسها و كتبكي مشات لعندها و جلسات ليها عند رجليها
اكرام:تيقيتي امي ياك متيقتيش انت متيقتيش هذه الشي والله امي الا غير كدوب والله امي ما بيني و بينو شي حاجة كنحلف ليك بالله امي معندي علاقة بيه معمر عيني جات على عينو والله امي حتى الهضرة مكندويها معاه والله مي بنت صفحة بيضة كيف جبتيها لهذه الدنيا مي شوفي فيا انا منقدرش ندير هذه الشي كنعرف بيني و بين الله غادا جنب الحيط كيف علمتيني امي مدرت والو مدرت والو
كترغب و تزاوگ تيقها عيشة عنقات بنتها متيقاها و عارفاها مدير والو و هي كتبكي و تعاود هذه راها فظيحة العراض و خصوصا لوحدة بحال اكرام صعيبة عليها في عز بكاها و غواتها سمعو غوات شرف في الحومة خرج فؤاد لقا شرف حاتي على عبد القادر و عاطيه بالتصرفيق باش يدوي جيران كلشي كي تفرج خرجات حتى عيشة و نزهة اما نادية جات الوسط باش تفك حسن ما يصدق قاتلو
الداخل اكرام كتسمع الصداع و المشاكل و غوات شرف واصل حتى العندها حطات يديها على ودنها تحبس غير شوية من داك الصداع من تما صافي ترفعات طاحت الارض على طولتها حتى ايناس تخلعات و مشات تفيقها🌙 رمضان كريم 🌙
✳ الجزء 68 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
تصرفيق لي كلا عبد القادر من عند شرف معمرو كلاه في حياتو و كلشي كي تفرج فيه و خايفين يزيدو عندو يشركهم معاه و هو كشاكشو خارجة و غي غوت عليه
شرف:دوي الق** دوي لي ** لي حطك فين شفتيني معاها دوي الز ** دوييي
عبد القادر:والله ما قلت شي حاجة والله
نادية:العار اولدي لاما طلقو
شرف (شاف فيها):راه عراضي امي لي كي دوي فيه عرضييييي
(داه و جابو):دوييي شكوووون لي قال ليك انا طايح معاها دوييييييي
عبد القادر:والله ما خرجت شي كلمة والله القسم
شرف:مخرجتيش ياك
حيد الصمطة من السروال و جا يملخو مزيان وقف ليه فؤاد في الطريق حيدها ليه و حيت كحتارمو ملقاش كيفاش يدير ليه اما كون كلاها في جنابو
فؤاد:تهدن اولدي راه بنت خويا هديك لي كي دوي ليها على عرضها و دار ليها الفضيحة
عبد القادر:انا مقلت والو ا سي فؤاد سير شوفو البركاكة الحومة هوما لي شمشمو ليك الخبار
شرف خلاه و مشا كي قلب على معاد لقاه جالس كي تكيف مع لي كي تفركو دور معاه و قال ليا شمشم ليه خبار شكون لي دلعها و عيتهلى فيه و حيت كي عرفو و دافع عليه شحال من مرة مشا في البلاصة جاب ليه مولات الفعلة و اما عبد القادر جالس في الارض و فؤاد فوق مو خاف يتحرك يكمل عليه لي بقا
معاد(رجع عندو و هو كي نهج):حليمة حليمة البركاكة لي لي في الحومة الفوقانية هي لي ديعات الخبار اخويا
شرف(زير على يديه):والله اليوم ما يطلع ليها الشمس
جا يتحرك خرجات ايناس كتجري و تيلي في يديها كتغوت:وااااا ماما اكرام صخفاااات مابغاتش تفيق الوووو عافاك محتاجين لونبيلونص دابا عافاكم
دخلات الداخل كتدوي و كلشي دخل عندها شرف دخل ولكن بقا برا نادية و ختو دخلات عندها لقاو وجها حمر مسكينة و عينيها منفوخين بالبكى عزات عليهم غطاو ليها وجها و قادوها و مع لونبيلونص عندنا كتجي بكري بقاو. يتسناو حتى كي شوفوهم داخلين دخلو عندها و قادوها و هزوها من تما مشات معاها عيشة و نزهة اما فؤاد ركب هو و شرف و نادية يمشيو معاها
ايناس و هبة بقاو في الدار الشوهة متبغيهاش لعدوك وخصوصا الا كنت داخل سوق راسك و هذه الشي لي وقع لاكرام و كون غير كانت دايرة بصح الظلم طاح ليها فوق راسها
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
