🔥 اكرام توبتي 🔥 ( الدارجة المغربية ) تيما مبارك

الاجزاء 303 304 305

✳ الجزء 303 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

لي ضربها ضربها على شلاظة مسوسة مفيهاش العطرية ديالها كتاكل و تشوف في التلفازة و متبعة مع القارئ حداها كانت ندية كتخدم العقاد و هبة ملهية في التيلي هزات راسها في اكرام

هبة:والله يستر كتاكلي ديك مسوسة شلاظة مسوسة
اكرام:مشغلكش منين تحملي كولي حتى حار
هبة:ولدي انا عنكون كنتوحم على باه
نادية:حتى يجي باه عاد دوي
اكرام:توحمنا على شلاظة باه ا ختي
هبة:اجي الا كان ولد اش تسميه
اكرام:محمد و نزيدو اسم آخر بحال محمد طه امين المهم اسم محمد يكون في الدار
هبة:و الا كانت بنت
اكرام:فاطمة الزهرة
هبة:بنت خويا انا لي نسميها
اكرام(ميقات فيها):حتى تكوني توجعي فيها انت
هبة:بننننتتتتتت خووووويااااااا
اكرام:خوك هو لي هازها نوضي تشللي
نادية:الله يستر دايرين كيف المش و الفار مكتقاداوش اااا ديك هاااااه خوك داخل تجمعي شوية و باركة من الطيران

ناضت جلسات حتى كي دخل شرف كي قلب بعينيه على شمس ملقاهاش سلم عليهم و مشا البيت لقاها ناااعسة و كل رجل في جيه مرمية احنا باسها و حط ليها مونكا و الكوزينة و خرج العندهم حط ليهم الفاكية و الشباكية و حتى ديك الحلوى دلعاشور

شرف:عاشورة دخلات
اكرام(هزات راسها):شرف راه عاشورة حتى الغدا
شرف:هانيا
اكرام:لا مشي هاكداك ولكن الفلوس لازم عليهم يخرجو غادا حيت كي قولو لهبة و ربى يعني باش ربي كي زگي ليكنا فيهم
نادية:عندها الحق
شرف(هز يديه):هداو عليا مكنعرفش في هذه الشي صرحة ولكن مشي مشكل عام خور ان شاء الله
هبة:اش جبتي ليا انا
شرف:راه في الميكا اكرام وجدي ليا الدوش
اكرام(ناضت):هي الأولى

دارت عند هبة لقاتها جبدات جوج طعيريجات صغار ديال 3 الدراهم مشات نتفات ليها وحدة و زادت

هبة:عيطيني ديالي
اكرام(دارت حركة على كرشها):ديال بنتي و نوضي تشللي

خلاتها و مشات كتفرنس هبة ضربات رجليها مع الارض حتى دارت فيها نادية عاد تجمعات مشات دارت ليه الماء يسخن و وجدات ليه الحمام بكلشي ليه و مشات عندو البيت شافتو جالس و كي حك شعرو بدات تضرب ليه بديك الطعيريجة

اكرام:يا حبيبي يا مول الخالة
شرف(هز راسو فيها و ضحك):أجي عندي أجي
اكرام:نوجد ليك بعدة ما تلبس
شرف:خليهم هما الاخير أجي
اكرام(مشات جلسات حداه):هانا
شرف(كي رد شعرو من مور ودنها):شنو بان نسافرو اممم
اكرام:فين
شرف:الفاس
اكرام(تبسمات):واخا ولكن بغيتك تديني نزور قبر با و نترحم عليه واخا
شرف:واخا ولكن بغيت نقول ليك شي حاجة و نتشاور معاك فيها
اكرام:فاش
شرف(تنهد):القهوة مبقاش دخل ديالها كيف كي تمشى شحال هذه
(هز راسو):بغيت نكبر المشروع ديالي و حرت
اكرام:فاش
شرف:زعمة نزيد حتى شوى و طنجية في للقهوة
اكرام:مشروع بحال هذا خاص يكون عندو مساحة كبيرة
شرف:هذه الشي زعمة نشوي على برا
اكرام:هاكا عتردها مطحم و خاصك امكانيات كثيرة
شرف:انت اشنو جا في بالك
اكرام:بلاتي انت داير قهوة كتقدم العاصير
شرف:ليمون و التفاح صافي
اكرام:عرفتي شنو عندير المحال ديالي انا غير مسدود و معنستافدو منو و راه كبير و متيسع نحلو فيه مشروع ديال البيتزا و طاكوس
شرف:اييه الفهيمة و شكون عيخدم ليا فيه
اكرام:اااه عندك الحق
(صغرات عينيها):ولكن الا قلبتي على شي معلم في البيتزا و طاكوس راه المحال عيخدم اولا و دير انت وياه هو 30% و انت نسبة ديالك اش قلتي
شرف(تجبد و جابها فوق منو):معرفتش هذه الشي ديال الماكلة مداخلاليش لراسي
اكرام(كتلعب في عنقو):و اشنو دير
شرف(طل عليها):محل ديال 5 درهم
اكرام(ناضت عليه):ايييه يمشي يتسمم شي واحد و تصدقو في المشاكيل ياك
شرف:شي حل ا روحي
اكرام(حكات يديها):معرفتش مزال الوقت نفكرو