🔥 اكرام توبتي 🔥 ( الدارجة المغربية ) تيما مبارك

الاجزاء 80 و 81

🌙 رمضان كريم  🌙

        ✳ الجزء 80 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

في الحبس جالسة رقية كتشوف في الناس و سميرة و حداها عاودات ليها كل ما طرى و جرى و حتى ان في شرف شمتات

سميرة:عبرتي على مو
رقية:ها انا جالسة حداك دابا
سميرة:قلتي ليا خاط العين على ديك البنت
رقية:اييه حاط عليها العين و باغي يتزوج بيها و ولدي حتى هو عماتهم بنت الحرام
سميرة(ضربات في فخاضها):اويلي اويلي بنت بنتي تربيها وحدة مسخة ضعتي ا بنتي في ايامك ضعتي
رقية:متنوحيش مشي مزيان غير صبري غير نخرج و نتفرج فيها
سميرة:انا لي عنتفرج فيها و نوريه الزواج على  أصولو باغي يتزوج دابا نوريه

سمعو صوت الباب البرانية كتحل و زطامي جايين حتى وصلو لفين جالسين غوتات

بيخيلانتي:رقية البولماني
رقية:انا
بيخيلانتي:تبعيني

حلات ليها خرجات و سدات تبعاتها حتى وصلو لمكان الزيارة دخلات كتلقى راجلها لي عاود ليه حمزة لي كاين و قال ليه تطلب السماحة و يديها فوق راسها  مشات سلمات على ولدها و راجلها و جلسات

رقية :امضرى عتخرجوني
يوسف:دايراه قد راسك و مزالة كتدوي اااه
رقية:خديت حقي منها
يوسف:شمن حق ا رقية شمن حق فاش اداتك فاااش واش هذه الباطل طيحتيه على بنت
رقية:لفاااعي هدوك انا لي كنعرفهم
حمزة:مي بركة والله العظيم الا طلع ليا هذه الشي في راسي
رقية:خرجوني من لهنا اعيباد الله
حمزة:هي عتخرجي ولكن بشرط
رقية:اما هو
حمزة:عطلبي السماحة من البنت قدام الناس
رقية(صدمها):كيفاش انا نمشي نطلب السماحة من ديك قليلة العفة
يوسف(مسح على وجهو):سمعي ا رقية نقول ليك جوج كلمات ما منهم جوج عتمشي تطلبي السماحة من البنت منين تخرجي من لهنا و الا انا لي عندير ليك شوهة دياال بصح

رقية(خافت من راجلها بدات تبيض في عينيها):اويلي ا سيدي يوسف غير تهدن ميكون غير خاطرك
حمزة:عتمشي
رقية:ان شاء الله
حمزة: غادا عيجيو يتنازلو امي
رقية:الله يرضي عليك اوليد الله يكون منك .. ايييه لي ولدو ما ماتوش
يوسف:الله يعميها ليك

رقية شافتهم وقفو:فين غادين
يوسف:غادا عتباتي في دارك علاش عنبقا هنا واش يحساب ليك مشدودين معاك

خلاها وخرج رقية فرحات ولكن غير كتفكر اشنو عدير كتشدها السخفة و السخانة ولكن قالت نخرج من تما و ديك الحومة لا عتبتها معرفاش ان مينا راها لفعة كثر منها كيف كي قولو دوز على واد الهرهوري ولا دوز على واد السكوتي🌙 رمضان كريم  🌙

        ✳ الجزء 81 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

جمعات روينتها و رجعات الدار مزال حاسة بنضرات الناس ليها مكاينش لي ينساها نهائيا حيت منهم لي مزال متيق انها بنت مكتسواش و هذه الشي كي ضر في الخاطر ما وصلات الدارهم حتى شهد عليها الله طلعات الدار و حيدات نيقابها و حطاتو و مشات الكوزينة لقات عيشة جالسة تخبز الرغيفات سخانين

اكرام:يعطيك الصحة اميمتي
عيشة(دارت عندها):الله على كبيدتي جات من المحال كيف كيف دوزتي النهار
اكرام:بزز باش داز
عيشة:الله ياخد فيها الحق في هذه النهار
اكرام:ادم فين هو
عيشة:عند عمك أجي بغيت ندوي معاك
اكرام:شنو

جبدات جوج كراسى صغار ديال الحمام و جلسو عليها هي و بنتها في الكوزينة تنهدات و بقات تشوف في بنتها اكرام عقدات غوباشتها

اكرام:ياك لاباس
عيشة:واش قابلة ابنتي على ولد نادية دوي متحشميش مني انا مك
اكرام(تنهدات و تكات على الحيط):مي الا قبلت نتزوج بيه مكاينش لي عيقولها فيا مزيانة حيت ديك الساعة عيقولو بصح كاين هذه الشي و عاد عنزيد الهضرة عليا
عيشة:هي مقابلاش بيه

اكرام(هبطات راسها و تنهدات و ولات هزات رويصها):كنتسنى ربي يعطيني لاشارة الا كانت مزيانة عنتزوج ليه كانت خايبة لا
عيشة:اشمن اشارة كيف عديري تعرفي
اكرام:من صلاة الإستخارة امي
عيشة:حتى هي مزيانة و اجي نقول ليك الا كانت ليلة عتقفلي 7 ايام
اكرام::راه على نهار السابع ا ميمتي الا مبانتش في الاول تبان في التاني يا التالت يا 7 ايام
عيشة:اوا شنو نقول ليك ابنتي الله يدير ليك من ضيق طريق و يبعد عليك ولاد الحرام
اكرام:امين

ناضت حطات الغدا تغدات هي و بنتها. تكاو شوية حتى 5 عاد كتشوف مينا داخلة حطات صاكها و رتاحت حطات ليها ما تاكل كلات و شبعات عاد شافت في ختها

اكرام:كانو جاريين عليك
عيشة:ابشوية الهيشة
مينا:خليني امي عندي ليكم شي خبار
عيشة:الله يسمعنا خبار الخير

مينا عاودات ليهم لي وقع بالتفصيل الممل و نطقات و هي مغزفة:كيف جيتكم
اكرام:كون مدرتيش هكدا
منيا(خنزرات فيها):علاش مالي اختي الله ياك هي لي شوهاتك ياك هي لي طيحات بيك الارض شوفي منين تخرجي الزنقة نص فيهم مزال متيق ديك الهضرة و فراسك واحد الحاجة الا قبلتي تزوجي بسيهم شرف راه الهضرة عتبت عليك ديال بصح و ديك الساعة متقدريش تهزي راسك

عيشة:خليها ا بنتي حتى أنا سناني عليها بغيتا تربى الله ياخد فيها الاحق
اكرام(وقفات غادا البيت): ديرو لي عجبكم

مشات البيت و سدات عليها و تجبدات و كتفكر الحل بسيط حنا لي كنديرو الهم بيدينا