ဗုဒ္ဓဘာသာ၀င်မိန်းကလေးက စာအုပ်တစ်အုပ်ထဲကို ကူးပြောင်းသွားတယ်

Chapter 181

Chapter 181

ပွဲပြီးသွားတော့ သတင်းထောက်များ အလုပ်ရှုပ်သွားတော့သည်။

ပွဲတွင် ဘာတွေဖြစ်လာမလဲဆိုတာ သူတို့ မသိခဲ့ကြချေ။ ထို့ကြောင့် ထိုသို့သော ရှော့ခ်ရစရာကောင်းသည့် သတင်းဖြစ်လိမ့်မည်ဟု သူတို့ တကယ်ကို မမျှော်လင့်ထားခဲ့ကြပါချေ။

မြန်ဆန်သည့်သတင်းထောက်တစ်ဦးက Weibo ပေါ်တွင် "ချန်းကု ၊ ချန်း Group၏ဥက္ကဋ္ဌသည် နောက်ဆုံးတွင် အနှစ်နှစ်ဆယ်အကြာ၌ သူ၏မြေးကို ရှာတွေ့ခဲ့ပြီဖြစ်သည် ။ (ပုံများစွာ)"

Weiboပေါ်တွင်တော့ ဤနေ့ညစာစားပွဲ၏ ဇိမ်ခံမှုများကို အာရုံစိုက်နေကြသည်။

ဤဇိမ်ခံမှုသည် ဧည့်ခန်းအလှဆင်ခြင်းကို ရည်ညွှန်းသည်သာမက လက်ရှိတွင် တက်ရောက်လာသောဧည့်သည်များ၏ ဇိမ်ခံမှုကိုလည်း ရည်ညွှန်းသည်။

ဓါတ်ပုံထဲတွင် ပေါ်လာနိုင်သူအများအပြားသည် ငွေကြေးအသိုင်းအဝိုင်းတွင် လူသိများကြသည်။

ဟုတ်သည်၊ big shotများအပြင် ဖျော်ဖြေရေးသတင်းစာများ၏ ခေါင်းစီးများတွင် မကြာခဏဆိုသလို ပေါ်လာတတ်ပြီး မက်မွန်ရောင်သမ်းသည့် သတင်းအမျိုးမျိုးနှင့် ဝန်းရံခံရသည့် အမျိုးသားများလည်းရှိ၏။

သို့သော် ထိုသို့သောလူများသည် အများအပြားမရှိဘဲ လက်ရှိဧည့်သည်အများစုမှာ အထက်တန်းလွှာရှိ အဆင့်မြင့်သူများဖြစ်သည်။

Mr.ချန်းသည် သူ့မြေး ဟောင်ကောင်တွင် အမြန်ဆုံးခြေကုပ်ရယူနိုင်ရန် ကြိုးစားပေးခဲ့သည်။ သူ့အတွက် လမ်းခင်းပေးရန် အကောင်းဆုံး ကြိုးစားနေခြင်းပင်။

ဓာတ်ပုံစုစုပေါင်း ကိုးပုံရှိ၏။ ဧည့်သည်များ၏ ဓာတ်ပုံအချို့အပြင် တစ်ပုံမှာ ချန်းချယ်နှင့် Mr.ချန်းတို့ အတူတူရပ်နေသည့်ဓာတ်ပုံဖြစ်ပြီး နောက်တစ်ပုံမှာ ကုမျန်၏လက်ကို ကိုင်ထားသည့် ချန်းချယ်၏ဓာတ်ပုံဖြစ်သည်။ နောက်ဆုံးပုံကတော့ ထောင့်တွင်ရပ်နေသည့် ချန်းကျစ်၏ဓာတ်ပုံတစ်ပုံဖြစ်လေသည်။

အတင်းအဖျင်းနှင့်ပတ်သက်သည့် ဖျော်ဖြေရေးသတင်းထောက်များသည် သတင်းကို ပို၍စိတ်လှုပ်ရှားဖွယ်ကောင်းစေရန် တစ်စုံတစ်ယောက်အား မည်သို့နင်း‌တက်သွားရမည်ကို အမြဲလိုလိုပင် သိရှိကြသည်။ သိသိသာသာပင် ဤWeiboပို့စ်၌ သူတို့မျက်နှာသာ‌ပေးထားသည့်လူသည် ချန်းချယ်ဖြစ်ပြီး သူတို့နင်း‌ထားကြသည့်သူက သဘာဝကျကျပင် ကောင်းကင်ဘုံ၏ဂုဏ်ယူထိုက်သူ ချန်းကျစ်ဖြစ်၏။