🔸️حلقة 4
تعدات اليمات كيف بعضها...نحاول نجنبو قد ما نجم هذا لي نجمت نعملو...نفسيتي تعبت اكثر بعد اللي صار اخر مرة...دوب نحط الماكلة في فمي و نقوم فديت و كرهت روحي أكثر...هزيت راسي بالسيف نحس في بدني مهدود...غزرت لساعة...وقيت باش نحضر روحي وقفت بالسيف..قربت من الدرسينغ جبدت دبشي..لبست كيما جا...غزرت للمرايا...وجهي تاعب برشا...منعرفش كيفاه نجم نمشي...اما لازمني نخرج من هوني...أصلا وليت نمشي بكري...باش معادش نطيح في مشاكل معاه...هزيت صاكي...و نزلت اللوطة...لقيتو قاعد عالفطور...لحق يحضر الطاولة هزني و حطني يحكي
مراد:إيجا تفطر
بقيت نغزرلو...منحبش نقرب منو...و منحبش نقعد معاه فرد طاولة...أما معادش عندي جهد باش نواجهو...قربت بالساكت...قعدت مقابلاتو...نغزر لصحن...باقي ياكول من غير حتى كلمة أخرى...هزيت راسي شوية نحكي
أنا:لازم نمشي
مراد:أنا باش نوصلك
جيت باش نحكي..أما سكت كي قحرلي...هزيتلو براسي إيه و سبقتو للكرهبة...شوية و خلط عليا...خدم الكرهبة بقيت طول الثنية ساكتة...منحبش نسمع صوتو...أول ما وصلنا...شد الفران بالقاوي يحكي
مراد:شبيك ؟
أنا:شي
مراد:زههرة شفما...شبي حالتك هكا ؟
طلعت راسي غزرتلو في عينيه...تبسمت على جنب نحكي
انا:على أساس متعرفش شبيها حالتي...يزززي مراد تعرف بالقدا علاه انا هكا
قرب مني شوية...حسيت بالنفس متاعو في وجهي غزرلي ندرا كيف يحكي
مراد:شكونو ؟
عينيا وساعو...غزرتلو مصدومة...مفهمتش سؤال متاعو عدا يدو على وجهو يحكي
مراد:أغزرلي هوني...والله كان نعرف انو حالتك هاذي جراير أي حد...ما تلوم كان روحك
تبسمت على جنب...دورت عينيا على وجهو...نحكي
أنا:أنا وين و أنت وين...زايد الكلام معاك...ماكش باش تفهمني جملة
حليت الباب باش ننزل...جبدني من يدي...قربني عندو كبس عليا اكثر يحكي
مراد:زهرررة...مش ليا الكلام هذا...تعرف لي نحس بيك أكثر من روحي...و هاذي أول مرة توصل للحالة هاذي
أنا:لااا انا ديما هكا...اما انت لي متحبش تفهم
مراد:منحبش نفهم...عندك حق...خاطر متنجمش تحس اللي قاعد نعيش فيه
أنا:م مراد سيبني وجعتني
رخف يدو بالوقت...جبدت روحي منو...باش ننزل...تنهد يحكي
مراد:على قداش تكمل ؟
انا:منعرفش
مراد:أستناني انا باش نجيك
أنا:باهي
محبيتش نكثر معاه الكلام...هزيت روحي نزلت...طلعت راسي غزرتلو يسكر في الكرهبة...ثاني مرة يلمحني معاه...منعرفش إذا نتبه للي صار توا...كبست على صاكي أكثر...منعرفش علاه تقلقت من الفازة...كبست على صاكي أكثر...نجر في ساقيا بالسيف...دخلت قبلو للكلاصة...أول ما قعدت دخل ورايا...قعد عالبيرو...ندرا فاش قاعد يعمل في البيسي...غزرتلي مريم تحكي
مريم:زهرة لباس ماهو؟
أنا:مممم مليحة
مريم:وجهك ميقولش هكا...زهرة أمانك...قولي شنية لي عملو فيك أكا نهار...طمني عيش أختي...شبيك لا تحب تحكيلي...و لا حتى تقول كلمة...شبيك تبدلت هكا...ياسر مخوفتني راك
تبسمت على جنب...أصلا منعرفش شبي حالتي هكا غزرتلها نحكي
أنا:لباس عليا مريم طمن
هزيت يدي عديتها على رقبتي...نحس في روحي تخنقت برشا...باقي تحكي معايا...أما كلمة نسمعها و كلمة لا...أول ما طلعت راسي...قحرلي يحكي
عمر:مدموزال تفضل برا
مستغربتهاش منو...جات مريم باش تحكي معاه حبستها بيدي...و هزيت روحي وقفت...وقف في جرتي...يغزرلي ندرا كيف...صورتو ماشية و تبعد من قدامي...غمضت عينيا بالقاوي و رجعت حليتهم...حاولت نوازن روحي أما منجمتش...طحت على طولي...حسيت بالضربة القوية على راسي...نحس في يد مريم لي كبست على يدي تحكي
مريم:زهههرة...زهرررة تسمع فيا...زهرة
صوتها ماشي و يبعد...اصوات قوية في وذني...خلاتني نسكر عينيا و نغيب جملة.
أنت تقرأ
زهرة🌸
Diversos🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
