🔸️حلقة 42
🔸️عمر يحكي:
حطيت تليفوني و مفاتحي...و كلشي هازو معايا...و دخلت...نمشي و صورتها بين عينيا...كلامها لي قالتو البارح منجمتش ننساه...ليلة كاملة تهتري باسمو...و خايفة منو...اما توا وين بدات الحرب...هو عمل خطوتو و نجح فيها...اما مانيش باش نخلي فرحتو تكمل...اول ما حل الباب...دورت عينيا عالبيت...معناها هوني هددها هوني قرب منها...مجرد إني نفكر في اللي صار ناري نشعل أكثر...جبدت الكرسي و قعدت...حطيت يدي عالطاولة...شوية و نغزرلو داخل...تي على شوية نصدق لهو المدير هوني مش محبوس...تبسم على جنب يحكي
مراد:مكنتش نعرف باش تتوحشوني لهدرجة...كل مرة يهد عليا واحد منكم
أنا:هاك عرفت
جبد الكرسي و قعد مقابلني...غزرلي في عينيا يحكي
مراد:علاه جيت ؟
انا:باش نكشفو الاوراق لي بقات مع بعضنا
مراد:معناها متعبتش من اللعب
انا:لااا عااد محبيتهاش منك سي مراد
مراد:باهي...هات الاوراق لي عندك
انا:زهرة...لانت هوني على خاطرها...باش تولي متاعي و ملكي...و هذا الكل باش يصير قدام عينيك و ما تنجم تعمل حتى شي
مراد:غالط سي شباب...صدقني كان نحطك في راسي دقيقة وحدة...نبعثك لدنيا لاخرى
انا:فاش تستنى ملا...و لا خفت تخسرها هي زادة
مراد:مش أنا لي نخسر...تحب نذكرك شنية خسرت انت جرايري أنا
أنا:لا بالعكس...انت كهو لي طلعت خاسر في التالي
مراد:صااار...في بالك غلبتني بالطريقة هاذي
انا:لا عمري ما اعتبرت زهرة ربح و خسارة...هذا هو الفرق بينا
مراد:مستحيل تكون ليك...كيما خذيت خدمتك و خطيبتك من يدك بلا ما تحس...باش تخسر زهرة بنفس الطريقة
طلعت حاجبي مستغرب من كلامو...نحاول نستوعب شمدخل سيرين في الحكاية...قحرتلو نحكي
أنا:فاش قاعد تخرم أنت ؟
مراد:اسأل خطيبتك...نقصد سيرين مش هذا اسمها
منعرفش على روحي كيفاش نطرت الكرسي ورايا و قمت...شديتو من سوريتو وقفتو نحكي
أنا:سيرين تنحيها من مخك الخامج...أخطاها الطفلة...و ابعد عليها
مراد:شنوة عاد سي عمر مش كنت تحب زهرة...شبيك خايف على خطيبتك الأولى مني...هي بساقيها جات لعندي...رقدت في حضني...و صار اكثر من هكا زادة
كبست عليه أكثر و دزيتو لتالي...حطيت عينيا في عينيه نحكي
أنا:كلب كيفك مش جديد عليه هذا الكل
مراد:إحنا حبينا نفس الطفلة...أما هي باش تكون ليا أنا...تعرف علاه...خاطر سيرين بعد 3 سنين فدت منك و من علاقتكم...و زهرة باش تشوف نفس الشي زادة
أنا:عندك حق...أما لي نسيتو أنت...زهرة ماهيش سيرين و أنت تعرف هذا بالقدا
رخفت يديا زوز عليه...و وخرت خطوة لتالي...نحكي
انا:الشيطان لي داخلك باش يقتلك عرق بعد عرق...اما قبل هذا الكل...ماكش باش تسلم مني بعد لي عملتو باش نخليك تهتري باسمي حتى في منامك...أستنى عليا برك...و خلي الحرب تبدا من توا...هوكا كلشي مفتوح قدامك...نعرف لي البلاصة هاذي كي الجنة بالنسبة ليك...و ماهيش باش تمنعك توصل لي تحب عليه...اما طول ما انا عايش...زهرة باش تكون ليا و كهو...حط كلامي هذا في مخك...خاطر أكيد باش نتقابلو مرة اخرى
هزيتو و حطيتو...باقي يغزرلي بنفس النظرة...خليتو واقف و خرجت...منعرفش كيفاش وصلت لكرهبتي طرت بيها بالوقت...كلامو يتعاود في راسي بالكلمة شديت الفران...على صوت التليفون...حليت الميساج بالوقت...دم جمد في عروقي اخر شي توقعتو...نشوف سيرين في الحالة هاذي معاه...تبوس فيه و تحضن فيه...و منعرفش شنية اخر...في الوقت لي كنت باش نضحي على خاطرها...عملت فيا هذا الكل...كملت قريت الميساج لي بعثو << مرسي عالزيارة سي عمر...أكيد باش نتقابلو مرة اخرى...اما المرة هاذي انا لي باش نختار البلاصة و الوقت >> رميت تليفون...عديت يدي على وجهي...و شديت ثنية للوكالة...هديت عليهم بالوقت...اول ما شافتني وقفت...تحكي
سيرين:عمر ؟
قربت منها جبدتها من يدها...خرجتها ورايا...دورتها قدامي...غزرتلي ندرا كيف تحكي
سيرين:عمر لباس ماهو...شفما ؟
انا:انتي باش جاوبني المرة هاذي
سيرين:شقصدك ؟
أنا:من إمتى تعرفو مراد إنتي ؟
عينيها وساعو...غزرتلي مصدومة...عديت عينيا على وجها نستنى فيها تحكي..حطت يدها على رقبتها تخرج في الكلام بالسيف
سيرين:ش شكون مراد ؟
أنا:شكون مراد...مراد لي كنت تبوس فيه و ندرا شنية أكثر...حل فمك تراااااه...جااااوبني
سيرين:ع عمر أنا
أنا:إنتي شننوة اه...حل ¤¤¤¤ فمك إنتي شنية...أنا جرايرك كنت باش نخسر الطفلة لي نحبها...كنت باش نضحي بيها باش منوجعكش...خاطر رغم كلشي كنت نحس لي علاقتي معاك سبيسيال...طول الفترة لي عديتها معاك...ما حطيت يدي على حتى طفلة...اما ظاهر طلعت غالط برشا...تعرف مانيش باش نتعب روحي معاك اكثر من هكا...لليوم مشى في بالي كنت ظالمك معايا...اما في رايي احسن شي ريت كلشي عالأقل معادش نحس بالذنب...و معادش تجي في بالي جملة
سيرين:ع..عمر أمانك...اسمعني...الحكاية مش كيما انت فهمتها
أنا:أبعد عليه سيرين...خاطرو قاعد يستغل فيك و كهو...صدقني باش يدمرك...ملا رد بالك منو احسنلك
سيرين:لا...عمر أسمعني...م مش كيما فهمت..عمممر امانك
تلفت من غير حتى كلمة اخرى...منجمتش نحكي معاها اكثر...منحبش نغلط معاها...كان جيت في ظروف اخرى كنت حاسبتها بطريقتي...اما حتى انا اخترت طريقي...و توا ولى واضح اكثر...هزيت كرهبتي...شريت قضية في طريقي و رجعت لدار...نحاول ما نخمم في حتى شي غيرها توا...مع انو نحس في روحي باش نطرشق من العصب...اول ما حليت الباب...لقيتها في وجهي...تغزرلي ندرا كيف...حالتها داخلة بعضها...ضيقت عينيا مستغرب نحكي
انا:شبيك ؟
قربت مني بالزربة ترمات في حضني...وخرت لتالي مروهج...هزيت يدي حطيتها على ظهرها نحكي
أنا:زهرة...لباس ماهو ؟
زهرة:و وينك لتوا...مش على أساس كنت راقد بجنبي و ت..تليفوني زادة ملقيتوش...ستخايلت لانت مشيت مرة اخرى
كبست عليها بيدي...قربتها لحضني أكثر...نحكي
أنا:ششش يززي...وين عندي نمشي أنا
زهرة:منعرفش...أنت كنت باش تمشي لبارح و تخليني
أنا:الصبر يا ربي...ايجا خليني نحط القضيات هذوما
جبدت روحها شوية...طلعت راسها...تمسح في دموعها و تحكي
زهرة:مشيت باش تقضي أنت ؟
أنا:ممممم
زهرة:بالرسمي...و شنوة جبت ؟
أنا:تفضل لالة شوف وحدك
شدتهم من يدي...و فرد وقت ترجع في شعرها لتالي هزيت يدي...حطيتو ورا وذنها...و خطفت بوسة من شفايفها نحكي
أنا:آخر مرة نشوفك في الحالة هاذي باهي
زهرة:معادش تمشي بلا ما تخبرني
انا:باهي عزيزتي
عديت يدي على خدها نطمن فيها...دوب تبسمتلها و مشيت لبيت البانو...عملت دوش...نحيت بيه ستراس متاع صباح...و رجعت لبيتي بدلت دبشي...استغربت كي مسمعتش صوتها لتوا...حطيت المنشفة من يدي...و خلطت عليها للكوجينة...تكيت عالباب...نغزرلها تحط في طاولة...اول ما جات عيني في عينها...تبسمت تحكي
زهرة:صحة ليك عزيزي
تبسمتلها و قربت منها نغزر لطاولة...قربت مني شوية تحكي
زهرة:صحيح ماهوش كيما الفطور لي تحضرو أنت...أما زادة ماهوش خايب مش هكا
انا:مممم هكا
زهرة:باهي
جات باش تمشي...جبدتها من يدها...حضنتها من تالي و نزلت عليها شوية نحكي
أنا:مدامك انتي حضرتو...باش يطلع أبن من اللي نحضرو أنا
زهرة:معناها عجبك
انا:ممممم
كبست عليها اكثر...نحاول ننسى لي صار الصباح...نسمع فيها تحكي
زهرة:عمر...اوعدني معادش تخليني جملة مهما صار
عقدت حواجبي مستغرب...كبست على جنابها...و دورتها عندي...نغزرلها...نزلت بيديا لخدودها...كبست عليهم نحكي
أنا:فاش قام الكلام هذا توا ؟
زهرة:حلمت حلمة خايبة برشا...خايفة لي صار يتعاود خلينا نمشيو من هوني عمر...نحب نعيش معاك من غير مشاكل...من غير خوف...اني نقوم و منلقاكش بجنبي
انا:ششش...نحي الافكار هذوما الكل من مخك...نحبك تخمم في قرايتك و كهو
زهرة:ضيعت برشا...منجمش نلحق على كلشي توا
أنا:باش تلحق...هاني معاك...نحبك تركز و ما تخمم في حتى شي اخر
زهرة:باهي
انا:هيا توا تفطر باش نوصلك
زهرة:وين ؟
انا:لدار عزيزتي
زهرة:منحبش
انا:تحب فتحية تهد علينا لهوني
زهرة:اما
أنا:زهرة...حتى أنا نحبك تبقى معايا هوني...أما منجمش نخليك أكثر..ما نحب حتى حد يحكي عليك كلمة...انتي أصبر عليا شوية برك باهي
قربت مني أكثر...دورت يديها زوز على ظهري...تحكي
زهرة:منحبش...ريت لي صار اخر مرة...تو ترجع تمشي و تخليني
أنا:مجنونة...وين عندي نمشي من غيرك
زهرة:منعرفش...أما ديما يصير نفس شي...بابا زادة وعدني و خلاني...و أمي وقت عرست بمراد وعدتني لشي ما هو باش يتبدل...أما حتى هي مصدقتنيش
انا:انسى كلشي صار...انا معاك...و باش نبقى معاك لاخر نهار في حياتي
زهرة:حتى أنا نحبك برشا و نموت عليك
أنا:صاار و محمد شكون بيه توا
طلعت راسها غزرتلي ندرا كيف...عوجت فمها تحكي
زهرة:مستحيل يكون بينا شي...أنا نحبك أنت و كهو...و محمد يعرف هذا الكل...من خوفي عليك أنا تصرفت هكا...كنت باش نخسرك جملة
أنا:مجنونة...صحيح كنت باش نبعد...أما فترة و كهو باش نجم نخمم بالقدا...و نعرف شبيك
زهرة:المهم أنت معايا توا
هزيت يدي...نبعد في خصلات شعرها لتالي...و فرد وقت نثبت في ملامحها لي تاعبة...وجها شاحب منعرفش كيفاش غفلت عليها شهر...توا برك تأكدت إني ضريتها أكثر من مراد المرة هاذي...يديها لي مكبشين في جنابي...خوفها لي ظاهر في عينيها...نزلت عليها أكثر...دوب بستها و جبدت روحي...منحبش نغطس فيها أكثر...بستها من راسها...بوسة مرصوصة نحكي
أنا:هيا تفطر توا...و إلا باش ترصالنا في حاجة اخرى
وخرت لتالي مصدومة...تبسمت على جنب...نحكي
أنا:زايد مجنونة...يا بنتي أقعد...راح يلحق وقت العشا
زهرة:باهي هاني قعدت
جبدت الكرسي و قعدت بجنبها...نغزرلها...تنهدت بالقاوي و نزلت راسي لصحن...يطلع منها الفرخة...هوكا فطور لباس عليه...و بنين زادة...اول مرة حسيتها متفرهدة هكا...تاكل و ترجع في شعرها لتالي...مديت يدي...بعدت خصلات شعرها بصوابعي...نحكي
أنا:ترجع للفاك من غدوة ؟
زهرة:أما
أنا:كلامي واضح...يزي ما ضيعت عليك...تاخو الدروس من عند مريم...و انا نفهمك في الباقي
زهرة:باهي
أنا:اليوم نحكي مع فتحية...نعرسو في أقرب وقت...هذا أحسن حل لينا زوز
زهرة:ك..كان يطلع مراد مرة أخرى
أنا:معادش تخمم فيه مراد...و رد بالك نسمعك حكيت معاه و لا عليه...و كان صار و كلمك تخبرني فيسع
زهرة:باهي عمر...أما نظن ضيعت تليفوني البارح...من بكري نفكرس عليه ملقيتوش
أنا:تليفونك عندي
زهرة:علاه ؟
أنا:بدلت نومروك...هكا معادش يكلمك و لا يدور بيك...و كان هو جابو مرة أخرى..تخبرني بالوقت...مفهوم كلامي
زهرة:باهي
أنا:زهرررة...مش تلفني بكلمة باهي...نعرفك راني
زهرة:آخر مرة والله
أنا:صحيتك
زهرة:و أنت سامحتني مش هكا
هزيت يدي جبدتها عندي...تكيتها عليا...نحكي
أنا:مفما حتى شي نسامحك عليه...بعد توا...كلشي باش يكون مليح
لزت ليا اكثر...خذيت نفس...هذا باش يكون أحسن حل توا...أما زادة منحبش نعرس بيها عالساكت هكا...جبدتها من عندي...نحكي
أنا:هيا قوم حضر روحك
زهرة:نمشيو من توا
أنا:مممم هيا
هزتلي براسها ايه...و خرجت من الكوجينة...تكيت لتالي تصاور سيرين تعداو بين عينيا...منعرفش كيفاش نجم يوصل ليها...تي لهدرجة يهمها في الفلوس...يمكن احسن حاجة اني محبيتهاش...و معادش نحس بالذنب إني خليتها...طريقها باينة...يمكن على هذاكا منجمتش نتفاهم معاها جملة...قص عليا سرحتي صوتها لي جاي من بعيد
زهرة:أنا حاااضرة
هزيت روحي بالوقت...لقيتها تلبس في كبوطها...هزيت الفاست متاعي..و مفاتحي...نحكي
أنا:هوكا تليفونك...و كيما وصيتك
زهرة:باهي...و شباش نقول لأمي فتحية
أنا:كنت تخمم فيها البارح فتحية مش توا
زهرة:ماهيش باش تتغشش مني خاطر كذبت عليها مش هكا...و حتى أنت قتلها باش نعرس بسيرين...و كنت باش تسافر بلا ما تقولها زادة
انا:قول لانتي متغشة مش فتحية
زهرة:لا مش متغشة...هيا نمشيو
تبسمت على جنب...و هزيت يدي قرصتها من خدها غمضت عينيها بالوقت...عندها حق كنت باش نغلط في حق الكل...وقت مشيت من غير حتى كلمة...منعرفش كيفاش وصلنا للكرهبة...طول الثنية و هي ساكتة..نعرف لي قاعدة تخمم فيه توا..أما زادة منجمش نخليها تنسى لي صار بين ليلة و نهار...ركيت الكرهبة على جنب و نزلت...حليتلها الباب نزلت...قربت مني...خايفة من فتحية...حتى أنا منعرفش كيفاش باش نقابلها هزيت يدي حطيتها في يدها...و قربت من الباب..كبست عليا أكثر...غزرتلها نهدي فيها...أول ما فتحت نعيمة لقيتها في وجهي...تغزرلنا زوز...ظاهر محضرة روحها بالقدا المرة هاذي...جيت باش نحكي...قصت عليا تحكي
فتحية:زهرة إنتي أطلع لبيتك توا
زهرة:أما
فتحية:قتلك أطلع...أنا و عمر عندنا كلام مع بعض
غزرتلي ندرا كيف...هزيتلها براسي ايه...جبدت يدها من يدي...و طلعت...غزرتلها نحكي
أنا:تفضل لالة فتحية
فتحية:أمشي قدامي ساعة
هزيتلها براسي ايه...و خلطت عليها لصالة...قعدت مقابلتني تحكي
فتحية:نسمع فيك
أنا:أنا باش نعرس بيها فتحية
فتحية:ساهلة هي...تخطب وقت ما تحب و تبطل وقت ما تحب
أنا:سوء تفاهم...مراد رجع لساحة...و الأسوء من هكا هو باش يخرج في أقرب فرصة من الحبس
فتحية:شننننوة...مش على أساس باش يقعد عام و لا ندرا شنية فاش قام يخرجوه توا
أنا:منعرفش...لي نعرفو...أنو زهرة لازم تكون معايا عالاقل كي يقرب منها...نكون معاها...ريت بعينيك تصرفاتها تالية...دخلت دنيا بعضها
فتحية:عمر...هاني باش نعاودها انت واحد من ولادي...و الطفلة أمانة عندك...نعرف لي تحبها...كيما نعرف لي عمرك ما خممت في سيرين بنفس الطريقة...هاذي باش تكون أول و آخر مرة تخليها فيها و تحاول تبعد مكانش أنا نعرسلها بمحمد باش نحميها
أنا:لا فتحية ملكية خاصة هذيكا...متنجمش تاخوها مني
فتحية:جربني ملا
أنا:لااا عاد...نحب نعرس و نرتاح
فتحية:و إمتى قررت العرس
أنا:الأسبوع الجاي
فتحية:بالسرعة هاذي
انا:منجمش نوخرو أكثر من هكا...إنتي اتلهى بالأمور الكل و خبرني...منعرفش في الحاجات هذوما أنا
فتحية:باش تعرس بيها على ساكت
أنا:أكيد لا...يزي لي تعدا عليها...منحبش نعرس بيها على أساس خاطفها...باش يكون عرس صغير...المهم نخرجو من جو الحزن هذا
فتحية:باهي طمن...باش نبدا تحضيرات من توا...و انت شد موعد من توا عالاقل نعرفو اما نهار باش تعرس سي شباب
أنا:باهي أمي...هاني باش نمشي توا...شنية لازم نجيب معايا
فتحية:حتى شي...تو نتلهى بالأمور هاذي وحدي متنساش لي زهرة بنتي زادة
أنا:عيشك امي...و متظغطش عليها برشا...تعرف لهي تصرفت أكاكا من خوفها
فتحية:باهي طمن سي عمر
أنا:لازمني نمشي توا
فتحية:ربي معاك ولدي
أنا:عيشك أمي
هزيت روحي خرجت من دار...منعرفش عليه ساقط لآخر وينو...خدمت الكرهبة و قصدت ربي...عندها حق لازمني نبدا من توا...و ما نخمم في حتى شي غيرها هي و كهو.
أنت تقرأ
زهرة🌸
Ngẫu nhiên🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
