حلقة 126
حسام يحكي:
حليت الباب و نزلت عليها شوية...خذيت نفس من ريحتها...و عديت عينيا على وجها...خدودها لي حمارو خلاو رغبتي تزيد فيها اكثر...بالرسمي وليت نحس في روحي عريس...و هاذي اول مرة باش نقربلها عاونتها نزلت...وقفت مقابلتني بالظبط...و هزت راسها تحكي
مريم:روبة رزينة برشا...على هذاكا منجمتش ننزل وحدي
انا:ملا غلباتك الروبة يا روحي
مريم:خفت نطيح
انا:طيح و انا موجود ؟
مريم:يززي حسااام...من غير ما تتبولد عليا توا
انا:باهي ايجا هوني تراه
نزلت عليها شوية...هزيت في حملتي...دورت يديها زوز على رقبتي تحكي و تضحك فرد وقت
مريم:حساامي
انا:دلل
مريم:محلااك و انت تتصرف هكا يا روحي
انا:ساعة إنتي ما ريت حتى شي لتوا
قربتلي أكثر...حسيت بانفاسها لي ضربت في وجهي كبست عليا اكثر...و قربت تحكي بين شفايفي
مريم:شنية نعتبر كلامك هذا ؟
انا:شتقصد ؟
مريم:تهديد و لا
باستني قبل ما تكمل كلامها...لي خلاني نكبس عليها اكثر...من غير شي منعرفش كيفاه مزلت صابر عليها لتوا...سكرت الباب بساقي...جبدت روحها على صوت الخبطة تحكي
مريم:و لا حاجة اخرى ؟
انا:جرب و احكم انتي
حطت راسها على كتفي...و عدات صوابعها على رقبتي من تالي تحكي
مريم:حكمت عندي برشا
خذيت نفس و نزلتها بحذا الباب...حطيت يدي جنب راسها...و عديت عينيا على وجها مع ضو القمرة و الشارع...نزلت عليها اكثر...قربت لشفايفها نحكي
انا:مش قتلك معادش تستفزني ؟
مريم:ش..شعندي عملتلك ؟
انا:شنية لي معملتوش فيا ؟
جبدت روحي منها...في آخر لحظة قبل ما نبوسها...حلت عينيها مروهجة...دزتني بيدها تحكي
مريم:ماكش باش تقص عليهم الفازات هذوما ؟
انا:هيا ايجا ادخل عزيزتي
مريم:ابعد عليا...و رد بالك تخمم تبوسني مرة اخرى
قحرتلي و دخلت...تبسمت على جنب و خلطت عليها...وقفت وراها...نغزرلها و هي باهتة في الدار...هاذي زينة حضرتها ليلة عرسنا قبل...اما ملحقتش نخليها تفرح بيها و لا حتى تشوفها...قربتلها أكثر حضنتها من تالي...و حطيت راسي على كتفها نحكي
انا:شكون تحبني نبوس ملا ؟
مريم:هذا على خاطري ؟
انا:عندي غيرك أنا ؟
مريم:محلاها المفاجأة هاذي
انا:حبيتها ؟
مريم:عاللخر
كبست عليها اكثر...عديت شفايفي على رقبتها...نحكي
انا:ملا حبي باش تبقى متغشة مني
مريم:انت اخترت...ساعة شكون قلك احضني
حاولت تجبد روحها...كبست عليها أكثر...و دورتها عندي نزلت على اجنابها...و عديت عينيا على شفايفها حطيت يدي على ظهرها من تالي...و لصقتها فيا...و تبسمت نحكي
انا:نسيت لانتي متاعي...و أنا حر فيك ؟
مريم:معندكش حق تعمل فيا هكا
أنا:مكنتش نعرف لانتي تحب تبوسني
مريم:زاايد معااك
انا:ششش اركح ساعة...و زيد فما عروسة تتصرف هكا ليلة عرسها ؟
مريم:و فما عريس يعمل هكا في مرتو ؟
انا:والله ماكش باش تلقى شكون يحبك كيفي يا روحي
مريم:نعرف...و حتى انا منجمش نعيش من غيرك...و لتوا مش مصدقة الحلمة لي أنا فيها معاك
نزلت عليها شوية...خطفت بوسة من شفايفها...رغم انها تحكي بعفوية...اما هزتني لبعيد...و منجمتش نقاوم روحي عليها...جبدت روحي شوية...رجعتلها خصلات شعرها لتالي نحكي
انا:ماهيش حلمة يا عمري...كلشي تعيشو بعد توا هو واقع...على هذاكا نحبك تعيش من غير ما تخاف من الخسارة...و من غير ما تخمم بسلبية...و تذكر لأنا باش نكون معاك في كل خطوة تعملها
مريم:بربي...و لي عملتو قبيل ؟
أنا:هههههههه إيجا هوني
عاودت هزيتها مرة اخرى...شايخ على تعابير وجها غزرتلها نحكي
أنا:تعرفشي حاجة...منجمش نعدي نهاري من غير ما تعاركني...ولات حاجة اساسية بالنسبة ليا
مريم:بربي...ياخي وليت تشري العرك باش ترضي روحك...سي حسام
أنا:والله أنا نرضي روحي بحاجات أخرى....متحبش تعرفهم ؟
مريم:نعرفهم يا روحي
أنا:بربي ؟
مريم:نسيت لأنا وليت نعرفك اكثر من روحي
دزيت الباب بساقي...و حطيتها في نص البيت...عديت عينيا عليها...على خاطرها آخر مرة نشوفها بروبة العرس...تبسمت نحكي
انا:مدامك تعرف خلينا نبداو في صحيح ملا
جبدتها عندي في لحظة...حطت يديها زوز على صدري غزرتلي ندرا كيف...على اساس ناقص غزرتها انا...مديت يدي شوية...فكيت الفوال من شعرها طاح عالأرض حطيت شعرها على جنب...و نزلت بصوابعي من خدها لرقبتها...لأول فلس في روبتها من تالي نحكي
أنا:تعرف روحك شنية عملت فيا
كبشت في صدري أكثر...و هزت راسها شوية...نزلت بيدي للفلس الثاني...و تعديت بشفايفي من رقبتها لوذنها...نحكي
انا:تعرف وين وصلتني ؟
مريم:ح..حساام
انا:وجودك في حياتي...خلاني نعرف نعيش من اول و جديد...و عاجز باش نمشي خطوة بلاش بيك
مريم:أنت زادة عملت فيا نفس الشي يا حسام
أنا:مهما كانت ظروفنا...و مهما كان لي باش يعرضنا مستحيل يجي نهار و نفلت يدك و إنتي أعمل نفس الشي زادة
مريم:باش نعمل...خاطرني منعرفش نعيش من غيرك
عديت صوابعي على خدها...و هزيتلها راسها شوية...خطفت بوسة من شفايفها نحكي
أنا:هوكا طلعت حبي رومانسية زادة ؟
مريم:قاعدة نتعلم منك يا عمري
أنا:متحبش تتعلم حاجات أخرى
مريم:مش حتى تكمل...تحل الروبة...ساعة خنقتني عاللخر
طلعت حاجبي مستغرب...منعرفش كيفاش نزلت عالبقية...نحل فيهم ورا بعضو...ضحكتها خلاتني في سينة اخرى...أول ما نزلت على شفايفها...دزتني بيديها زوز...تحكي
مريم:بالشوية حبيبي...شبيك مزروب ياخي ؟
انا:ترد في الفازة ؟
مريم:يجي منو ياخي...تعرفني منحبش فيك
أنا:بربي ؟
مريم:نحب ناخو دوش ساعة
جبدتها في حضني...قبل ما تبعد...غطست في رقبتها في بوسة الخال...قبل ما نسمع كلمة منها...كبست بيديها زوز...على أكتافي تحكي
مريم:ح..حسام...وجعتني
أنا:اركح ملا
مريم:نحب ناخو دوش
أنا:مع بعضنا ؟
كبست على صدري أكثر...تبعد فيا الفرخة...جبدت روحها مني...و حلت القارد روب تحكي
مريم:أنت تستنى هوني
أنا:نهون عليك ؟
مريم:والله مانيش باش نبدل رايي
كبست عالدبش في يدها...لدرجة مفهمتش شنية هزت و لا فاش قاعدة تعمل بالظبط...تنهدت بالقاوي...و خلطت عليها لبيت البانو...وقفت في الباب...و دزتني بيديها زوز...تحكي
مريم:حدك هوني يا روحي
أنا:متأكدة
مريم:عاللخر
غزرتلي ندرا كيف...و سكرت الباب في وجهي...حاولت نحلو...اما سبقتني كي دورت المفتاح...تكيت عالباب بالوقت...هدتني الفرخة على بكري...خذيت نفس و نحيت الفاست طيشتها عالفوتاي...حليت سوريتي من فوق...و ترميت عالسرير...نستنى فيها...باش تردني مراهق عقاب عمري...منعرفش قداش تعدا وقت بالظبط...حليت عينيا على صوت الباب...هزيت راسي شوية نغزرلها...هزيتها و حطيتها اكثر من مرة...ريقي شاح....و بدني تكبس اكثر من قبل...منجمتش حتى نهز روحي...و نقربلها...غمضت عينيا بالقاوي...و عاودت حليتهم نثبت في تفاصيلها...قد ما اشتهيتها عليها متوقعتش باش تطلع عليها هكا...و متوقعتش لي باش تلبسها اليوم بالظبط...هوكا طلعت تعرف تكمبس الفرخة و عرفت تختار الوقت المناسب...نزلت بعينيا من شقة صدرها...للفونت لي واصل لاول فخذها...وقفتها خلاتني نهز روحي بلا ما نفيق...قربت منها بخطوات ثابتة عديت عينيا عليها من غير ما نمسها...عضت على شفتها تحكي
مريم:شقولك ؟
أنا:كيفاش تحبني نجاوبك ؟
مريم:بطريقتك
أنا:يمكن طريقتي باش تكون قوية عليك
قربتلي شوية...حطت يديها زوز على صدري...و نزلت بصوابعها تحل في سوريتي و تحكي فرد وقت
مريم:مهم أنك تجاوبني
مديت يدي مروهج...عديت صوابعي على خدها لي باش يطرشق...شفايفها لي ينادولي باش نغطس فيهم كي العادة...منعرفش اذا نعذب في روحي و لا فيها بالرسمي وليت خايف عليها مني...خايف نتعدا حدودي و نضرها...قربتلي اكثر...نزلت بيديها شوية...كبست على أجنابي...حطت شفايفها على صدري...فازة خلاتني ننزل بيدي لظهرها...كبشت في سوريتي أكثر...و هزت راسها تحكي
مريم:باش تبقى تغزرلي برشا ؟
أنا:شتحبني نعمل ؟
مريم:توحشتك
أنا:مش هذا كلامك قبيل
مريم:و انت تنجم تصبر عليا اكثر من هكا ؟
أنا:متسألش يا روحي...اما نخمم ناخو دوش ساعة
كبست عليا اكثر...و حطت يدها على رقبتي...تحكي
مريم:ياخي في بالك باش نسمحلك ؟
أنا:بربي ؟
مريم:ماكش باش تغشش مرتك ليلة عرسك
انا:مممم تستغل في الوضع لصالحك ؟
مريم:حسااام...ياخي مصمم باش تغششني توا ؟
كبست على بروتال الروبة بين صوابعي...و نزلتهم شوية شوية نحكي
انا:والله انتي لي مجبورة ترضيني توا
غزرتلي ندرا كيف و نزلت راسها...تعرف كيفاه تستغلني الفرخة...هزيتلها راسها شوية...نحكي
انا:شنوة هذا ؟
مريم:أنت قاعد تجبد بالمرتاح...عامل فيا بلعاني
انا:ياخي انا نجم نضر حبي و نغششها ؟
هزتلي براسها ايه...و قلبت شفايفها...شخت عالفازة...و لقيت روحي غاطس فيها من غير ما نحس...عديت يدي على ظهرها...لصقتها فيا اكثر...يمكن لي خلاني نجبد عليها اكثر...منظرها هذا...لي حبيت نضيع فيه أكثر أما مخلاتليش مجال باش نقاومها...يديها لي ترخفو على أجنابي...خلاوني نفهم ضعفها...جبدت روحي شوية نحكي
أنا:قتلك ماكش باش تنجم للجواب متاعي
حطت راسها على صدري...ترد في النفس بالزربة...و تحكي فرد وقت
مريم:نعرف لأنت متحبش فيا...و زيد نحب نعدي ليلة معاك
أنا:إيجا هوني...إيجا
نزلت عليها شوية...هزيتها بين يديا...حطيتها في وسط السرير...و نزلت عليها شوية...كان من بوسة منجمتش تقاوم...شنية باش يصير فيها مبعد...زادة مانيش فاهم تصرفاتها الفترة هاذي...بعدتلها شعرها على وجها...نعدي في عينيا على تفاصيلها و نحكي فرد وقت
أنا:الليلة باش تكون بداية جديدة لعلاقتنا...بداية باش نسكرو فيها الماضي...و نبنو مستقبلنا مع بعضنا
حطت يدها على رقبتي...و غزرتلي ندرا كيف...قربتلي شوية...تحكي
مريم:أنا سكرت الماضي...ليا برشا...مدامني معاك...حتى شي ماهو باش يهمني بعد توا
تبسمت بالوقت...يدها لي نزلت من رقبتي...لسوريتي خلاتني ننزل عليها...و نفسخ الحدود لي بيني و بين قطعة القماش لي مغطية بدنها...للصبر حدود...و انا صبري قليل قدام اغراءها...و كيما كل مرة نغرق فيها و في تفاصيلها البنينة...كانها اول مرة...نضيع بين يديها و منعرفش نرجع لثنية...هي كهو لي ترضي غروري...و رغبتي...و تخلي قلبي يرضخلها...مهما كان السبب..كانت و باش تبقى الانسانة الوحيدة...لي ملكت قلبي...و خرجتني من الظلام لي كنت فيه...و قتلت حسام القديم...و خلقت واحد جديد...يفنى فيها هي و يموت عليها هي...آه و برا...هاذي اكبر متاهة نحب نبقى ضايع فيها و منرجعش لثنية...و مهما بعدت تبقى هي المرسى الوحيد...و بر الأمان...ملجئي...و نهايتي.
أنت تقرأ
زهرة🌸
De Todo🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
