🔸️حلقة 12
🔸️زهرة_تحكي:
حليت عينيا شوية...طلعت راسي نغزر لساعة...تقريب نص ليل...نطرت من بلاصتي بالزربة...ما حضرت شي لكنترول غدوة...لميت شعري...و عديت يديا زوز على وجهي...نحاول نصحصح بالقدا...نزلت قعدت عالأرض نحاول نقرا من غير ما نخمم في حتى شي آخر...و لا في اللي صار صباح...عديت تقريب ساعتين و انا في نفس البلاصة...هزيت روحي شوية قمت...مشيت للكوجينة...عبيت كاسة ما...و تلفت باش نخرج...تهزيت و تحطيت كي ريتو واقف ورايا...كبست عالكاسة في يدي و انا نغزرلو...لابس سروال من غير مريول...شعرو داخل بعضو...ظاهر فيه كان راقد...عديت عينيا على كل تفصيلة في وجهو...عدا يدو على شعرو...يحكي
عمر:مزلت فايقة لتوا
انا:راني نريفيزي
عمر:لتوا ؟
انا:عديت نهار راقدة...و ما حضرت شي لغدوة
عمر؛برا ارقد توا...لازمك ترتاح
انا:ما كملت شي...منعرفش كيفاش باش نعدي غدوة
عمر:الكنترول مش غدوة
انا:كيفاش ؟
عمر:حتى انا ما حضرت شي...على هذاكا باش يكون اخر كنترول...برا ارتاح...و غدوة حضر للي بعدو
انا:باهي كان هكا
قربت منو شوية باش نخرج...تبسمتلو...نحكي
انا:ليلة سعيدة
عمر:و انتي اسعد
نزلت راسي...تعديت عليه و خرجت...خذيت نفس من ريحتو...و مشيت بالزربة لبيتي...رديت الباب شوية...و تبسمت وحدي...منعرفش علاه...كل مرة نغزرلو ندخل بعضي...و نحس ندرا كيف...متوقعتش ورا غموضو الكل...يطلع منو هذا الكل...متوقعتش لهو يعاوني بالطريقة هاذي...حتى امي مخلاهش تضربني...شربت كاسة الما فرد مرة...نزلت الورق من السرير و تسطحت...نحس كل قطعة في بدني توجع فيا...احسن شي مش باش نعدو غدوة...و الا باز مكنتش شنجم نعوض...نقطة متاع المشروع...غمضت عينيا و غطست في نوم...تعداو الايامات بالزربة...محسيتش بيهم...حتى مراد لا عاد ريتو و لا سمعت صوتو...نجمت نرتاح منو شوية...حتى عمر منحكيش معاه برشا...اصلا الاسبوع هذا...حسيتو مظغوط برشا..و لاهي في حاجات أخرى تعشيت و دخلت لبيتي...بدلت دبشي...و حطيت وراقي نريفيزي...باش نعدي اخر كنترول عندو غدوة...لقيت روحي ما فاهمة شي...اصلا منعرفش كيفاش عديت ساعات هذوكا عندو...كل مرة وين نلقى روحي شاردة غزرت لساعة...تاخر الوقت شوية...هزيت روحي بالسيف مشيت لصالة...ملقيتوش...عرفتو في بيتو...خذيت نفس و مشيت عندو...اول ما وصلت للباب...وقفت...جيت باش ندق...اما نزلت يدي...كي سمعتو يحكي في تليفون...كنت باش نولي...اما زادة كراستي بقات عندو...كاتبة شطر دروس فيها...كبست روحي و دقيت الباب...و قلبي نحسو باش ياقف فرد وقت...نسمع فيه يحكي
عمر:أدخل
نزلت على شفايفي شوية...مشى في بالي باش يخرج مش يقلي ادخل...هزيت يدي بالسيف...دزيت الباب شوية...و دخلت...طلعت راسي نغزرلو...مسطح...يدو تحت راسو...هاذي اول مرة...ندخل فيها لبيتو من وقت جيت لهوني...منجمتش نغزر لعينيه اكثر...هزني و حطني يحكي
عمر:شفما زهرة ؟
أنا:ا أستاذ انا
قص عليا...كي تبسم على جنب...باقي يغزرلي ندرا كيف...كبست على يديا اكثر...حسيت الكلام وحل في حلقي...ضيق عينيه يحكي
عمر:نسمع فيك
أنا:ا أمانك تنجم ترجعلي كراستي...وحلت و منجمتش نكمل...خاطر كاتبة شطر دروس فيها
عمر:اما كراسة ؟
أنا:ل..لي انت فكيتو مني...أكا نهار في الكلاصة
عمر:مممم تعرف لي مزال في الكرهبة...باش ترصالي ننزل نص الليل
هزيتلو براسي لا...وخرت لتالي شوية...نحكي
انا:لااا ميسالش...اصلا منعدوش بكري...تو صباح ساهل...سامحني كان قلقتك...ليلة سعيدة
بقى يغزرلي من غير حتى كلمة...وخرت لتالي أكثر و خرجت...خذيت نفس...و مشيت لبيتي بالزربة...قعدت عالارض...نغزر للورق...نحس في راسي باش يطرشق منعرفش كيفاش باش نعدي غدوة...حطيت راسي عالطاولة...نحاول نلقى حل...حليت عينيا...كي حسيت بالباب تحل...نغزرلو داخل...هزيت راسي بالوقت...نثبت فيه...قرب مني...يحكي
عمر:وين وحلت ؟
أنا:كيفاش ؟
عمر:أنا باش نفهمك
بقيت نغزرلو...مش مستوعبة لي قالو...قرب مني شوية قعد على طرف سرير...شبك يديه...و نزل يقرا...طلعت راسي شوية نغزرلو...قلبي يدق بالقاوي...باش ياقف تلفت شوية...نسمع فيه يشرحلي...حاولت قد ما نجم نركز مع كلامو...مد يدو شوية...باش يجبد الورقة حسيت بالنفس متاعو في وجهي...بدني تكبس بالوقت منعرفش شبيني بالظبط...علاه قربو يدخلني بعضي لهدرجة...غمضت عينيا...نحاول ناخو نفس...طلعت راسي شوية...جا وجهي مع وجهو...قلبي دق بالقاوي أول مرة نحسو قريب مني لهدرجة...دور عينيه على وجهي...مفهمتش غزرتو...و مفهمتش شنية لي قاعدة نحس فيه...جبد الورقة بيدو...يحكي
عمر:الدرس هذا متركزش معاه برشا
دورت راسي نغزر للورقة...كبست بيدي على مريولي نحاول نهدي روحي...و نبعد اللي قاعدة نحس فيه خذيت نفس نحكي
انا:ع علاه ؟
عمر:مش وقت اسئلتك توا...شنية لي مفهمتوش زادة
انا:ك كهو...مرسي برشا
عمر:باهي...هيا توا قوم ترقد...لازمك ترتاح باش تعدي بالقدا
هزيتلو براسي ايه...دور عينيه على وجهي...و هز روحو وقف...كبست روحي...ووقفت في جرتو...نحكي
أنا:مرسي على كلشي
عمر:مش لازم تشكرني كل شوية
أنا:ب باهي...ليلة سعيدة
عمر:و إنتي زادة
كبست على يديا زوز...منعرفش علاه كي نبدا واقفة قدامو...منعرفش نتصرف...هزني و حطني...تبسم على جنب...جا باش يحكي...سمع تليفونو ينوقز...عدا يدو على شعرو و خرج من البيت...ترميت عالسرير بالوقت حطيت يدي على قلبي نهدي في روحي...اصلا اول مرة نوصل نحس هكا...مع حد...و شكون مع عمر...تنهدت بالقاوي...نحاول نخمم في امتحان غدوة...و ننسى لي قاعدة نحس فيه...راسي يوجع...اما محبيتش نشرب حرابش...خاطر منجمش نفيق صباح..عديت ليلة نتقلب في فرشي...اول ما طلع نهار...هزيت روحي...بدلت دبشي...مشيت لبيت البانو بالزربة...ريقلت أموري حضرت فطور خفيف...ورجعت لبيتي...نعاود في اللي حفظتهم لين يفيق هو...فقت من سرحتي كي دق على الباب...و دخل يحكي
عمر:حاضرة
أنا:مممم لحظة
هزيت روحي نلم في الورق...نحط فيهم في صاكي نسمع فيه يحكي
عمر:فطرت
أنا:إيه...فطرت قبيل
عمر:باهي هيا
خلطت عليه...طول الثنية غاطسة في الورق محسيتش بالوقت كيفاش وصلنا...تلفتلي يحكي
عمر:ركز كهو باهي...متخافش
أنا:باهي
عمر:هيا أمشي توا
تبسمتلو و نزلت من الكرهبة...سبقتو للكلاصة...قعدت بحذا مريم...نقراو مع بعض لين يلحق الوقت...قص عليا صوت طفلة من تالي تحكي
هي:تعرف حاجة وائل...فما عباد هوني...النوت متاعهم مضمونة...في رايي من غير ما يعدو الكنترول معانا جملة
كبست عالورقة في يدي...قلبي دق بالقاوي...عرفتها قاصدتني من كلامها...تلفتت مريم تحكي
مريم:على شكون تحكي إنتي ؟
هي:تعرف على شكون...من غير ما تسألني
وائل:رانيا يزي
هي:نحكي في حاجة غالطة زعمة
مريم:إيه غالطة عزيزتي...و كان تشد فمك أحسنلك
هي:و الا شباش تعمل ؟
مريم:اتو نوريك...شنية لي نعملو
هزيت يدي كبست على يدها قبل ما تقوم...منحبهاش تتعارك معاها جرايري..أصلا نعرف وين تحب توصل..من وقت وليت نجي و نروح معاه...و انا نسمع في كلام منهم...اما ديما نحاول نطفيهم...خذيت نفس نحكي
انا:خلينا نكملو مريم
مريم:ماكش تسمع فيها ياخي
أنا:سمعتها...أحسن شي طفيها
جات باش تحكي...دخل عمر بالوقت...تلفت غزرت لوائل حاول يعتذرلي من غزرتو...طفيتو ورجعت تلفت...نغزر لعمر...لي بدا يحط في الاوراق...هزيت روحي بدلت بلاصة...خاطر كنت قاعدة مع مريم...قحرت لرانيا...و قعدت...حط الورقة قدامي و تعدا...عديت شي نص ساعة نغزرلها...راسي ماشي و يكبس عليا...خذيت نفس...و بديت...حاولت قد ما نجم نركز مع الورقة منعرفش كيفاه كملت...هزيت يدي نحكي
أنا:مسيو
طلع راسو غزرلي...ضيق عينيه مستغرب...قرب مني شوية يحكي
عمر:مفهمتش حاجة ؟
أنا:لا كملت و نحب نخرج
عمر:شنننوة ؟
حطيت يدي عالطاولة كبست عليها...نحس في راسي باش يطرشق...تنهدت نحكي
أنا:ل..لازمني نخرج
جبد الورقة شوية...منعرفش كيفاه جاوبت عالاسئلة هذوكا...ضيق عينيه يحكي
عمر:زهرة ركز...كمل جاوب و أخرج
أنا:راسي يوجع فيا
عمر:متخافش...تو كي تاخو دواك ترتاح...إنتي برك ركز
هزيتلو براسي ايه...وخر لتالي شوية...كملت جاوبتهم بالسيف...غزرتلهم بداو يخرجو...هزيت الورقة...و قربت منو...غزرلي يحكي
عمر:كملت ؟
انا:مممم
عمر:زهرة رد بالك تشرب دوا قبل ساعتين
انا:باهي طمن
عمر:اسبقني توا...نص ساعة اخرى و نجي
تبسمتلو...و هزيتلو براسي ايه...خذيت نفس و خرجت من الكلاصة...قعدت على اول كرسي قابلني...نحاول نهدي روحي...عالاقل لين يتعدا الوقت...و نجم نشرب الدوا...منعرفش كيفاه نجمت نعدي الكنترول هذاكا...و تفكيري الكل في الكلام اللي قاعد يدور...خايفة كان الحكاية تكبر اكثر...و يظطر يخليني هو زادة...غزرت لساعة...لتوا مزال مخرجش...خذيت نفس...و هزيت روحي باش نشري دبوزة ما...نعمل في الخطوة بالسيف نحاول نركز اكثر...باش مندوخش...اول ما قربت باش نوصل...حسيت بيد خطفتني...و جبدني معاه لتالي
أنت تقرأ
زهرة🌸
Разное🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
