🔸️حلقة 10
🔸️عمر يحكي:
تكيت بيديا عالرخامة...نخمم في كلام الطبيب...مش مستوعب انو وصل يعيطيها دوا و يخدرها...زادة منعرفش كيفاش باش تتعدا الفترة هاذي عليها...اللي متأكد منو انو الطريق باش تكون صعيبة...خاصة بعد ما خمت ترفع قضية عليه...نعرف انو باش نوحل في مشاكل كبيرة...نعرف انو كي هي عندي هوني...حتى حد ماهو باش يتقبل الفكرة كيما راهي...اما زادة معنديش حل اخر...منجمش نخليها وحدها بعد ما عطيتها يدي...طفلة صغيرة على لي قاعدة تعدي فيه توا...حطيت الفطور في صينية...و مشيت عندها لصالة...حطيتو عالطاولة...و قعدت بجنبها نحكي
انا:لباس توا ؟
طلعت راسها غزرتلي ندرا كيف...تبسمت شوية...تحكي
زهرة:لباس عيشك
انا:شوف زهرة...مانيش باش نظغط عليك...اما حاول تاكول حتى شوية...على خاطر دوا...و باش ميوجعكش راسك برشا باهي
زهرة:باهي
تبسمت على جنب...تكيت لتالي...نغزرلها تاكول...قص عليا صوت ميساج...جبدت تليفوني نقرا فيه << عمر ياخي لتوا متغشش مني...معادش تحبني انت...نعرف لي غلطت...اما امانك كلمني عيش حبي >> نفخت بالقاوي...و هزيت روحي وقفت...نعرف لي هملتها برشا من اخر مشكلة...دخلت لبيتي و طلبتها...هزت عليا بالوقت تحكي
سرين؛عمر عزيزي
انا:اهلا سرين لباس ؟
سرين:لااا مش لباس...طول ما انت بعيد عليا...انا مش لباس...تاعبة برشا عمر
انا:يزززي سيرين...امانك يزي
سيرين:فما شكون في حياتك غيري ؟
سؤالها لي جا على غفلة...روهجني...اصلا ولا مرة فكرت في وحدة غيرها تكون في حياتي...تنهدت نحكي
انا:فاش قاعدة تخرم سرين...كان عيني في اخرى...مانيش نحكي معاك توا
سيرين:اما زادة معادش تحبني كيما قبل
انا:سيرييين
سكت كيف حسيت بيها تبكي...نفخت بالقاوي...نحكي
انا:وينك توا ؟
سيرين:ف..في الدار
انا:باهي حضر روحك...مسافة الطريق
سرين:ب..باهي
علقت عليها...و دخلت لصالة بالزربة...هزيت مفاتحي...دوب غزرتلها و خرجت...منعرفش كيفاش وصلت عندها...لقيتها تستنى فيا...اول ما شديت الفران ركبت...خدمت الكرهبة...و بعدت عالدار...ركيت على جنب نحكي
انا:نسمع فيك لالة سرين
سيرين:اغزرلي قبل
نفخت بالقاوي...حسيت بيديها زوز...تحطو على وجهي...تلفت نغزرلها..قربت مني شوية تحكي
سيرين:ت..توحشتك
بقيت نغزرلها...نثبت في ملامحها لي تاعبة...جيت باش نحكي...قصت عليا كيف قربت مني باستني...جبدت روحها شوية...تتنفس بالقاوي...تحكي
سرين:ما تحكي شي...جيست ابقى معايا
انا:سيرين...يزي
جبدت روحي منها تكيت لتالي...نفخت بالقاوي...خذيت نفس نحكي
انا:انتي لي وصلتنا لهوني...قداش من مرة نبهتك...قداش من مرة سامحتك...شنية مزال نعمل اكثر
سيرين:ع..عمر...متحكيش معايا بالطريقة هاذي امانك
انا:كيفاش تحبني نحكي معاك...تحبني نغمض عيني و نتصرف عادي كانو ما صار شي
سرين:ل..لااا
انا:شنوة لي لا
سرين:ب..باهي انا غلطت...و برشا زادة...اما والله نحبك يا عمر...تعرف بالقدا لانا منجمش نعيش من غيرك
انا:و الحل توا ؟
سرين:باش يصير لي تحب عليه...دوب توفا خدمتي معاهم معاد نقابل حتى حد فيهم
عديت يدي على وجهي...و تلفت غزرتلها تترجا فيا بعينيها...نفخت نحكي
انا:باش تكون اخر مرة سرين...اعتبرو اخر انذار من عندي
هزتلي براسها ايه...و ترمات عليا من غير حتى كلمة...هزيت يدي حطيتها على ظهرها...تبسمت بالوقت...حتى انا توحشتها الفرخة...نزلت راسي شوية...نشم في ريحة شعرها...عديت يدي على شعرها نحكي
انا:اهدا توا...معادش نحبك تبكي باهي
سيرين:معادش تخليني امانك
انا:باهي عزيزتي
جبدت روحها شوية...قربت بستها من خدها...عديت صوابعي على خدها...نغزرلها...اول ما قربت لشفايفها...جات عيني على دوا...قلبي دق بالقاوي...في بالي طلعتو...اذا مشرباتوش في وقتو باش ترجعلها نفس الوجيعة متاع صباح...جبدت روحي منها مروهج...خدمت الكرهبة من غير حتى كلمة...باقي تغزرلي مستغربة...تحكي
سرين:عمر شفما ؟
انا:شي سرين
سيرين:اما
انا:قتلك مفما حتى شي
زدت في الفيتاس اكثر...وصلتها لدار...قربت منها بستها من خدها نحكي
انا:ما تمشي لحتى بلاصة قبل ما تكلمني باهي
سرين:باهي طمن
اول ما نزلت...شاورتلها بيدي...ودورت الكرهبة...منعرفش كيفاش وصلت لدار...هزيت دوا في يدي...وطلعت نجري...حليت الباب و دخلت...سكرتها ورايا...و دخلت لصالة...عقدت حواجبي كي ملقيتهاش غديكا...حطيت دوا عالطاولة...نعيط عليها...في بالي مشات كيما اخر مرة...قربت من بيت البانو دقيت عالباب شي...كبست عالبواني و حليتها...عينيا وساعو و انا نرا فيها طايحة عالارض...شعرها مغطي وجها...المريول طلع اكثر...نزلت عندها بزربة...هزيتها شوية...بعدت شعرها من وجها...نفيق فيها...و نحكي
انا:زهرة...زهرة فيق...تسمع فيا ياخي
حلت عينيها شوية...حمر مش نورمال...غزرتلي تحكي
زهرة:ر..راسي يوجع فيا
انا:باهي...باهي ما صار شي
كبست عليها اكثر...هزيتها في حملتي...و دخلت بيها لصالة...حطيتها عالفوتاي...غطيتها...و شربتها من دوا هذاكا...عدلت المخدة تحت راسها نحكي
انا:متخافش...تو تنقص الوجيعة...نسيت الدوا في الكرهبة من غير قصد
هزتلي براسها ايه...تسكر في عينيها و تحل فيهم مروهجة...بقيت نغزرلها...هزيت يدي بالسيف حطيتها على يدها...كبست عليها نحكي
انا:كيفاش تحس في روحك توا
زهرة:ا احسن شوية
انا:باهي حاول ترتاح توا...نبدل دبشي و نرجعلك
زهرة:م..مسيو
انا:مممم
زهرة:م..مرسي على كلشي
تبسمتلها و هزيت روحي...مشيت لبيتي...نحيت الفاست طيشتها عالفوتاي...على شعرة كنت باش نخليها تعيش نفس الوجيعة متاع صباح...عملت دوش و بدلت دبشي...كلمت الادارة...خاطر منجمتش نمشي ليوم لفاك...رجعت عندها لصالة...لقيتها مزالت مسطحة...قربت منها شوية نحكي
انا:لباس توا ؟
زهرة:مممم نقصت الوجيعة
انا:تحب ترقد
زهرة:لا
انا:باهي تحب تتفرج
زهرة:لا
انا:باهي على راحتك...كان احتجت شي كلمني
زهرة:ح..حتى حد ما سأل عليا ؟
بقيت نغزرلها...معرفتش بشنية نجاوبها...خذيت نفس نحكي
انا:تليفونك مش معاك على هذاكا
زهرة:ب..باهي و مريم ؟
انا:ممشيتش لفاك...و الا باز كان سألتني عليك
هزت روحها شوية...تحاول تقعد...مديت يدي عاونتها...تقعدت...و تبسمت على جنب تحكي
زهرة:ا اصلا من غير مريم...مفماش شكون يسأل عليا
انا:و امك وين ؟
زهرة:امي
تبسمت بوجيعة...منعرفش علاه حسيتها هكا...طلعت راسها غزرتلي في عينيا تحكي
زهرة:شباش نعمل توا...و وين نمشي...لازمني نلقى حل فيسع
انا:ما تخمم في حتى شي...تنجم تبقى هوني
زهرة:كيفاش ؟
انا:كيما سمعت...خاطر متنجمش تبقى وحدك الفترة هاذي...هوني باش تكون في امان اكثر
زهرة:ا اما
انا:ماكش باش تقلقني...كان تحب اعتبرني مش موجود...باهي
زهرة:ن..نجم نرجع نقرا ؟
انا:بالطبيعة تنجم...شكون باش يمنعك
زهرة:باش يلقاني وقتها
انا:متخافش...حاول تبقى قريبة مني...و متخرجش من لفاك وحدك...باز ماهوش باش يقربلك
زهرة:ل..لازمني نكلم مريم...عالاقل جيبلي دبشي
انا:باهي هوكا التليفون قدامك...كلمها وقت ما تحب
زهرة:باهي عيشك
دورت عينيا على وجها...و هزيت روحي خرجت...نحب نخليها على راحتها...نعرف لي هي تحب تحكي مع صحبتها...اصلا حالتها تاعبة...دخلت للكوجينة...فطرت كيما جا...و تفكيري معاها...و في اللي باش يصير...لميت الحالة...و جيت باش نرجع لبيتي...غزرتلها حطت تليفون عالطاولة...عرفتها حكات معاها...الغريبة اني مسمعتهاش جملة...هزت يدها...طلعت يد المريول...و عدات يدها على تراص مرسومة في زندها...ضيقت عينيا بالوقت...دورت يدها على ظهرها...غمضت عينيها بالوقت...عرفتها تتوجع...عقدت حواجبي مستغرب...اصلا محستش بيا واقف قريب ليها...دخلت من غير حتى كلمة...نزلت يدها كيف راتني...تحكي
زهرة:انا كلمتها..مرسي
بقيت نغزرلها...هزت روحها...وقفت بالسيف...تحكي
زهرة:شفما مسيو عمر ؟
قربت منها شوية...وخرت لتالي مفجوعة...ضربت في الفوتاي...جات باش طيح...لقفتها بيدي...كبست على ظهرها بلعاني...غمضت عينيها بالوقت...تحاول تجبد روحها...رخفت يدي...جبدتها منها...و طلعت يد المريول شوية...نثبت في تراص لي في زندها...و بجنبها تراص صوابعو...غزرتلها في عينيها...نحكي
انا:يضربك ؟
بقات ساكتة من غير حتى كلمة...نزلت راسها بالوقت...تهرب في عينيها مني...كبست على يدها نحكي
انا:جاوبني...قاعد يضرب فيك هو ؟
زهرة:م..مرة وحدة كهو
انا:و السبب ؟
زهرة:خ..خاطر عرف لانا كنت عندك هوني
انا:ياخي نورمال في عقلك انتي...كيفاش تسمحلو يحط يدو عليك
زهرة:ك..كان منعتو يعمل حاجات اكثر
انا:بربي...تنجم تفهمني شبيه يتصرف معاك هكا...مش على اساس يحب عليك لحاجات اخرى
طلعت راسها غزرتلي ندرا كيف...لمعة دموع ريتها في عينيها...هزتلي براسها لا تحكي
زهرة:م منعرفش...ا اما متأكدة ما يحمل يراني مع حتى حد...على هذاكا يتصرف معايا بالطريقة هاذي
انا:تقصد لهو يحبك
نزلت راسها بالوقت...حسيت روحي كثرتلها...منعرفش شبيني هديت عليها بالاسئلة...رخفت يدي على يدها...وخرجت من صالة...دخلت لبيتي...عديت يدي على وجهي...توا فهمت علاه هربت منو...تي وصلت بيه لهوني زادة...و ندرا شنية عمل فيها وقت كان مخدرها...نفخت بالقاوي...مشيت لبيت البانو...جبدت البوات فرماسي...نفركس على مرهم...اول ما لقيتو...رجعتلها...حطيتو عالطاولة نحكي
انا:حط منو باش يفيدك برشا
زهرة:ب باهي عيشك
انا:كان احتجت شي عيطلي
هزتلي براسها ايه من غير ما تغزرلي...عرفتها حاشمة من اللي صار...نزلت هزيت تليفوني...و دخلت للبيت...ترميت عالسرير...الاحداث الكل دور بين عينيا...نعرف و متاكد انو اللي جاي باش يكون اصعب...و بعد اليوم باش تكون فما طريق جديدة...لينا زوز...طريق غامضة...منعرفش شنية نهاية متاعها...و منحبش نخمم فيها زادة...اللي يهمني...انو هي ترتاح...مبعد لي كل حادث حديث
حليت عينيا صباح...غزرت لساعة...خذيت نفس و هزيت روحي...دخلت لبيت البانو...عملت دوش...بدلت دبشي...و مشيت للكوجينة...حضرت فطور...فطرت...و هزيت صينية...و دخلت عندها لصالة...لقيتها مزالت راقدة...قربت منها شوية...هزيت يدي...رجعت شعرها لتالي...نحكي
انا:زهرة...زهرة فيق
حلت عينيها شوية...ورجعت سكرتهم...تحكي بصوت نوم
زهرة:مممم شفما ؟
انا:تسمع فيا ياخي...قوم نحكي معاك و ارجع ارقد
هزت روحها شوية...تغزرلي مروهجة...شعرها طايح على وجها...تحكي
زهرة:هاني قمت
انا:اسمعني...انا باش نمشي للخدمة توا
تقعدت مليح...غزرتلي بخوف...عرفت وين هزها مخها...تنهدت بالقاوي نحكي
انا:متخافش...ماهوش باش يوصلك و انتي هوني
زهرة:اما
انا:كلشي تحتاجو موجود في دار...اشرب دواك في وقتو...و ما تحل الباب لحتى حد...و تو نطلبك في تليفون دار باهي
زهرة:باش طول انت
انا؛نكمل الحصص لي عندي و نرجع باهي
زهرة:باهي
تبسمت على جنب...و هزيت روحي خرجت...دريكسيون لفاك...اول ما دخلت للكلاصة...غزرتلي صحبتها ندرا كيف...كانها تحب تسالني...محاولتش نركز معاها برشا...كملت الكور...نغزرلهم بالواحد خارجين...قربت مني شوية تحكي
مريم:م مسيو عمر ميسالش نحكي معاك شوية
انا:تفضل
مريم؛نعرف لي زهرة عندك...و هي وصاتني على دبشها...انا منجمش نمشي لدارهم...على هذاكا جبتلها من عندي
نزلت راسي نغزر لفاليز صغيرة في يدها...قربت يدها شوية...شديتها عليها نحكي
انا:باهي
مريم:هي مليحة مش هكا
انا:لباس طمن
مريم:رد بالك عليها امانك...زهرة مش من نوع لي تحب تحكي...على هذاكا حتى كان قابلت مراد...ماهيش باش تقولك...خاطر تخاف منو...باهي
انا:باهي...اصلا من غدوة ترجع لقرايتها
مريم:تحكي بالرسمي
انا:ممم
مريم:باهي مرسي برشا...على كلشي
هزيتلها براسي باهي...هزيت البيسي و الفاليز...و خرجت...حطيتهم في الكرهبة من تالي...قص عليا صوت تليفوني...لقيتو حسام يطلب...هزيت عليه بالوقت نحكي
انا:اهلا حسام
حسام:وينك يا راجل
انا:شفما ؟
حسام:ساعتين نطلب فيك...لا تحب ترد و لا تحل الباب هذا
انا:باب شنية؟
حسام:دارك...باب شنوة حبيت ؟
انا:مزلت غديكا
حسام:ايه
انا:معادش دق...هاني جاي
علقت عليه...و حليت الباب...طرت بالكرهبة...و نطلب فيها فرد وقت...شي مهزتش...منعرفش كيفاش وصلت لدار...متأكد لي خافت انو يلقاها الهم هذاكا...اول ما وصلت...لقيت حسام بحذا الباب...واقف مبهم...مش فاهم شي...غزرلي مستغرب يحكي
حسام:تنجم تفهمني شفما ؟
منجمتش نرجعلو...حليت الباب و دخلت...مشيت لصالة بالزربة ملقيتهاش غديكا...بيت البانو نفس الشي...خذيت نفس نعيط عليها
انا:زهررررة...زهرررة وينك ؟
حسام:شكون زهرة ؟
انا:رعبتها طفلة...تي ندرا عليها وين ؟
حسام:فهمني شفما...شكون هاذي لي رعبتها
قحرتلو و حليت باب بيتي...زادة مفماش...نفخت بالقاوي...و مشيت للبيت لاخرى...نعيط عليها
انا:زهرررة وينك ؟
عقدت حواجبي كي ريتها...قاعدة ورا الكانابي...قربت شوية نغزرلها...مسكرة فمها بيدها...تغزرلي مرعوبة...دموعها مغطية وجها...نزلت عندها شوية نحكي
انا:لباس ماهو ؟
هزتلي براسها لا...ترعش وحدها...مديت يدي باش نشدها وخرت لتالي اكثر تحكي
زهرة:ه..هو هوني...رجع...قتلك باش يلقاني
هزيتلها براسي لا...عرفت انها فكرت مراد هو لي كان يدق عالباب...خذيت نفس نحكي
انا:زهررة يزززي...مفما حتى حد هوني
زهرة:ك..كان يدق عالباب...سمعتو
انا؛مش هو
حسام؛عممممر تي شفما ¤¤¤ شفما الداخل
اول ما دز الباب و دخل...ترمات في حملتي...كبست على سوريتي بيديها زوز...حطيت يدي على ظهرها...و تلفت عندو قحرتلو...يغزرلنا مستغرب...يسأل فيا بعينيه...عملتلو براسي باش يخرج...نفخ بالقاوي...و خرج...تنهدت بالقاوي...و نزلت بيديا لكتافها...جبدتها من عندي شوية نحكي
انا:زهرة...ريت لي مش هو...اكا ساقط متاع صاحبي كهو
هزتلي براسها ايه...باقي ترعش...حطيت يدي على وجها نحكي
انا:يزي وفات...هيا قوم معايا توا
كبست عليها...وقفتها معايا...هزت يدها تمسح في دموعها...غزرتلها في عينيها نحكي
انا:لباس توا ؟
زهرة:مممم...ف..في بالي رجع
انا:متخافش...طول ما انتي هوني معادش تخاف منو
زهرة؛ب..باهي
نزلت راسي نغزرلها...حالتها داخلة بعضها...المريول قصير شوية...تتنفس بالسيف...تنهدت نحكي
انا:ارتاح هوني شوية تو نرجع
زهرة؛ب..باهي
اول ما تسطحت عالكنبة...و طمنت لي هي مليحة...خرجت عند حسام...لقيتو يدور في صالة...مستغرب...اول ما شافني قربلي يحكي
حسام:عمر تنجم تفهمني لي قاعد يصير...خاطر منجمتش نخمم...ياخي من امتى جيب بنات لدارك انت...و سرين في بالها...مخممتش فيها الحكاية هاذي
انا:سكر ¤¤¤¤ شبيك هديت عليا بالاسئلة ؟
حسام:شكون طفلة هاذي ؟
انا:زهرة
حسام:زهررة ؟ وين سمعتو الاسم هذا انا ؟
انا:تذكرها الطفلة لي حكيتلها عليها نهارتها في نادي
حسام:لااا عاد...متقوليش نفس الطفلة
انا:بالظبط
حسام:عمر ياخي نورمال انت...مستوعب لي تعمل فيه...طفلة تقرا عندك...يعني كان سمعو اشاعة صغيرة برك لهي في دارك...باش توحل في مشاكل كبيرة
انا:نعرف حسام...نعرف هذا الكل...اما منجمش نخليها
حسام:شتقصد بكلامك ؟
انا:ما عندها حتى حد غيري...الطفلة صغيرة...و اللي قاعد يصير اكبر منها
حسام:صدقني معادش نستوعب اللي تحكي فيه...لاول مرة منجمش نعرف في شنوة قاعدة تفكر...باهي و سرين خممت فيها...شنوة باش تكون ردة فعلها
انا:منعرفش حسام...باز باش تفهم الحكاية
حسام:تفهم ؟ لا عاد انت تحكي على خطيبتك مش صحبتك...شهور و تسكن معاك هوني
انا:حساااام بجاه ربي يزي...نعرف لقاعد نعمل فيه...و من هوني لوقتها...نحل الحكاية
حسام:باهي يا عمر...على راحتك
نفخ بالقاوي...و تلفت...نعرف لي ما يقصد شي بكلامو...و كلشي قالو عند حق فيه...نفخت بالقاوي...اصلا ما نجم نحكي شي على حالتها...ما نحب حتى حد يعرف بالحكاية...منحبهاش تتأثر باللي صار اكثر من هكا...اصلا الحكاية شتبقى سر بينا...لين توفى
أنت تقرأ
زهرة🌸
De Todo🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
