🔸️حلقة 71
🔸️ﺣﺴﺎﻡ ﻳﺤﻜﻲ
ﻫﺰﻳﺖ ﺗﻠﻴﻔﻮﻧﻲ ﻧﻄﻠﺐ ﻓﻴﻬﺎ ﻭ ﻧﻌﺎﻭﺩ...ﺩﺧﻠﺖ ﺑﻌﻀﻲ...ﻛﻲ ﻣﺮﺩﺗﺶ...ﺳﺎﻋﺔ ﻧﻔﺪ ﻣﻦ ﺍﻟﻔﺎﺯﺍﺕ...ﻫﺬﻭﻣﺎ...ﺗﻌﺮﻓﻨﻲ ﻧﺨﺎﻑ ﻋﻠﻴﻬﺎ...ﺧﺎﺻﺔ ﻭ ﻫﻲ ﻓﻲ ﺍﻟﺤﺎﻟﺔ ﻫﺎﺫﻱ...ﺧﺬﻳﺖ ﻧﻔﺲ ﻭ ﺣﻠﻴﺖ ﺍﻟﺒﺎﺏ...ﺑﺎﺵ ﻧﺮﻛﺐ...ﻗﺼﺖ ﻋﻠﻴﺎ ﺷﺮﺍﺯ ﺗﺤﻜﻲ
ﺷﺮﺍﺯ:ﺣﺴﺎﺍﻡ
ﺗﻠﻔﺖ ﻧﻐﺰﺭﻟﻬﺎ...ﺳﻜﺮﺕ ﺑﺎﺏ ﺍﻟﻜﺮﻫﺒﺔ ﻣﺘﺎﻋﻬﺎ...ﻭ ﻗﺮﺑﺖ ﻣﻨﻲ ﻭﻗﻔﺖ ﻗﺪﺍﻣﻲ...ﺗﺤﻜﻲ
ﺷﺮﺍﺯ:ﻭﻳﻨﻚ ﺳﺎﻓﺎ ؟
ﺍﻧﺎ:ﻟﺒﺎﺱ ﺷﺮﺍﺯ...ﺍﻧﺘﻲ ﺷﻌﺎﻣﻠﺔ ؟
ﺷﺮﺍﺯ:ﺍﻧﺎ ﻟﻲ ﻻﺯﻣﻨﻲ ﻧﺴﺄﻟﻚ...ﺻﺎﺭﺕ ﺣﺎﺟﺔ ﺑﻴﻨﺎ ﻳﺎﺧﻲ ؟
ﺍﻧﺎ:ﺷﻘﺼﺪﻙ ؟
ﺷﺮﺍﺯ:ﺍﻧﺖ ﻗﻮﻟﻲ...ﺷﺒﻴﻚ ﻣﻌﺎﺩﺵ ﺗﺮﺩ ﻋﻠﻴﺎ...ﻭ ﻻ ﺣﺘﻰ ﺣﺎﻭﻟﺖ ﺗﺴﺄﻝ ﻋﻠﻴﺎ ﺣﺴﺎﻡ
ﺍﻧﺎ:ﻣﺶ ﻭﻗﺘﻬﺎ ﺍﻷﺳﺌﻠﺔ ﻫﺎﺫﻱ ﺷﺮﺍﺯ...ﻭ ﻣﺶ ﺑﻼﺻﺔ ﻧﺘﻨﻘﺎﺷﻮ ﻓﻴﻬﺎ ﻋﺎﻟﻠﻲ ﺻﺎﺭ
ﺷﺮﺍﺯ:ﺧﺎﻳﻒ ﻣﺮﺗﻚ تشوفنا ﻣﻊ ﺑﻌﺾ
ﺍﻧﺎ:ﺷﺮﺍﺍﺯ...ﻣﻔﻤﺎ ﺣﺘﻰ ﺷﻲ ﻧﺨﺎﻑ ﻣﻨﻮ...ﺧﺎﻃﺮ ما عندي ﺣﺘﻰ ﺷﻲ ﻧﺨﺒﻴﻪ ﻋﻠﻰ ﻣﺮﺗﻲ...ﻭ ﻣﻔﻤﺎ ﺣﺘﻰ ﺷﻲ ﺁﺧﺮ
نحكيو ﻓﻴﻪ ﺍﻧﺎ ﻭ ﺍﻧﺘﻲ
ﺷﺮﺍﺯ:ﺑﺎﻫﻲ...ﺍﻣﺎ ﺧﻠﻴﻨﻲ ﻧﻮﺿﺤﻠﻚ ﺣﺎﺟﺔ
ﺍﻧﺎ:ﺗﻔﻀﻞ
ﺷﺮﺍﺯ:ﻣﺮﺗﻚ ﻣﺪﺧﻠﺘﺶ ﺗﻘﺮﺍ ﺍﻟﻴﻮﻡ ﻭ ﺻﺤﺒﺘﻬﺎ...ﺷﻨﻴﺔ ﺍﺳﻤﻬﺎ ﺗﺬﻛﺮﺕ...ﺯﻫﺮﺓ ﻓﻲ ﺑﺎﻟﻬﺎ ﺯﺍﺩﺓ...أﻣﺎ ﻣﺶ ﻏﺮﻳﺒﺔ ﺷﻮﻳﺔ...ﻫﺎﻙ أﻧﺖ ﺭﺍﺟﻠﻬﺎ ﻣﺘﻌﺮﻓﺶ ﻟﻲ ﻗﺎﻋﺪ ﻳﺼﻴﺮ
ﺍﻧﺎ:ﺍﺗﻠﻬﻰ ﺑﺎﻣﻮﺭﻙ ﺷﺮﺍﺯ...ﺍﻟﻠﻲ...ﻗﺎﻋﺪ ﻳﺼﻴﺮ ﺑﻴﻨﻲ ﻭ ﺑﻴﻦ ﻣﺮﺗﻲ ﺣﺎﺟﺔ ﻣﺘﻬﻤﻜﺶ باهي
شراز:صدقني بعد فترة...باش تبدل رايك
تبسمت على جنب...و رجعت للكرهبة...خدمتها...و طرت بيها...كبست عالفولون...نحكي
انا:فاش تعمل يا مريم...فاش تعمل بربي
هزيت تليفوني...احسن شي تليفون متاعها مزال محلول عالأقل نجم نوصللها...ضيقت عينيا مستغرب..كي قريت العنوان لي خرجلي...نفخت بالقاوي...و دورت الكرهبة العصب ركبني من ساقي لراسي...منعرفش وين باش توصل بيهم تصرفات هذوما...محسيتش بروحي كيفاش وصلت...شديت الفران بالقاوي...و نزلت...دقيت الباب مرتين...فتحتلي البون تحكي
هي:تفضل مسيو ؟
أنا:مريم هوني ؟
هي:شكون حضرتك ؟
دزيت الباب بيدي...و دخلت...خلطت عليا تجري...تحكي
هي:مسييو فاش تعمل ياخي ؟
هديت عليهم لصالة...أول ما شافتني وقفت...تحكي
مريم:حساام ؟
هزيتها و حطيتها و دورت راسي نغزر لخالتها...قربت منها...جبدتها من يدها نحكي
انا:هيا إيجا...باش نمشيو
نرمين:لحظة حسام...معندكش حق تهزها بالطريقة هاذي
أنا:سامحني...و إنتي شكونك باش تدخل في مرتي
نرمين:خالتها...و عندي حق عليها
أنا:بربي ؟
مريم:حسام...خلينا نمشيو من هوني
نرمين:مريم عزيزتي...ماكش مجبورة على حتى شي
جيت باش نحكي...كبست على يدي أكثر...و غزرتلها تحكي
مريم:نعرف...أما حسام راجلي...و مانيش نعمل في حاجة غالطة...خالتي نرمين
أنا:هيا توا
مريم:باش نجيب تليفوني...خليتو في الطاولة برا
انا:فيسع
مريم:باهي
اول ما خرجت من صالة...قربت منها...غزرتلها في عينيها نحكي
انا:أغزرلي مدام نرمين...منعرفش لشنية قاعدة تخطط بالظبط...و لا شنوة تحب من مرتي...اما خليك بعيدة عليها...علاقتك بيها ماهيش باش تكون اكثر من خالة و بنت اختها...خاطر وقتها باش تلقاني في وجهك
نرمين:مانيش باش نخلي مريم...تعيش لي عاشتو اختي
انا:و حتى انا مانيش باش نسمحلك...تقرب من مرتي خلي كلامي هذا واضح ليك
نرمين:أنت
سكتت كي شافتها رجعت...خذيت نفس...و قربت منها سكرت الفاست متاعها نحكي
انا:دنيا باردة برا
مريم:باهي
أنا:هيا توا
مريم:باش نجيك مرة أخرى
نرمين:باهي عزيزتي...رد بالك على روحك
مريم:عيشك
كبست على يدها...و خرجت من دار هذيكا...حليتلها الباب...ركبت و خلطت عليها...من غير حتى كلمة اخرى خدمت الكرهبة...و طرت بيها...دورت راسها غزرتلي تحكي
مريم:حسام...أنا
أنا:ماكش مجبورة تبررلي
مريم:أما
أنا:يززي كهو
حطت يديها زوز على كرشها...خدودها حمورة باش يطرشقو...تنهدت بقوة...نعرف الحرب لي قاعدة دور داخلها...اما زادة محبيتش الفازة منها...لتوا مفهمتش إني نخاف عليها من كلشي...خاصة و هي في الحالة هاذي...منعرفش كيفاش وصلت لدار...شديت الفران بالقاوي نحكي
انا:أنزل
مريم:و أنت ؟
أنا:ميهمكش فيا
مريم:حساام
انا:مريم قتلك أنزل
مريم:مانيش باش ننزل...حتى تسمعني
دورت راسي غزرتلها...و تكيت لتالي...نحكي
أنا:تفضل...شتحبني نسمع ؟
مريم:منقصدش لي صار
انا:و شنية لي صار؟
مريم:يعني انا...كنت باش
أنا:شنية تحب تقول...كنت باش تخبرني...لإنتي باش تمشي بحذا خالتك ؟
مريم:صحيح
أنا:شنية لي منعك...و لا كي العادة...إنتي تعمل لي في راسك و كهو
مريم:مكنتش باش تخليني نقابلها
انا:واعية لروحك فاش قاعدة تحكي ياخي ؟
مريم:كنت باش تخليني ؟
أنا:مكنتش باش نخليك وحدك
مريم:و المرة لي بعدها باش تمنعني...حتى حد فيكم ماهو باش يفهمني...مانيش باش نقابلها بعد توا...مدام هذا يرتحك...اصلا مش حاجة جديدة فيكم
حلت الباب...و نزلت تسايس في روحها...منجمتش نخلط عليها...برغم كلامها لي دخلني في حيط...اول ما دخلت لدار...شديت ثنية داري...عالاقل لين نهدا شوية حليت الباب و دخلت...حطيت تليفوني و مفاتحي...و طلعت نتفقد البيت...اذا حضرت كيما وصيتهم...حليت الباب...تبسمت بالوقت...و انا نغزر لديكور الجديد...اكثر بيت حبيتها لتوا...و نعرف لباش تعجبها هي زادة...اول مرة نشيخ عاللون الروز...يزي من اللي تعدا علينا لتوا وقيت باش نعيش حياتي مع مرتي و بنتي كهو...هزيت البيبرون في يدي...و عاودت حطيتو..كلشي وصيت عليه...وصل كيما يلزم...اصلا كنت واثق في الجماعة لي يخدمو عندنا...باقي دبش باش نخليها تختارو هي براحتها...حطيت اللعبة في سريرها و رجعت لبيتي نحيت الفاست و ترميت عالسرير...غمضت عينيا بالوقت تعدا كلامها في راسي بالحرف...منعرفش علاه توا وين استوعبت...لي فما حكاية...منعرفش بيها...و لا أنا محاولتش نفهمها...للحظة حسيت كأنو فما شكون...صب عليا...سطل ما بارد...هزيت روحي بالزربة...نزلت اللوطة دخلت في حيط...كي لقيت امي طلبتني...حليت باب الكرهبة...و نطلب فيها فرد وقت...الخوف لي حسيتو ساعتها...خلاني دوب نركز مع ثنية...عديت يدي على وجهي...نهدي في روحي...منعرفش كيفاش وصلت..اول ما دخلت..عارضتني أمي...تحكي
أمي:أهلا سي شباب
أنا:وينها مريم ؟
أمي:توا تذكرت مرتك ؟
أنا:أمي بجاه ربي شفما...و شبيك مرديتش عليا ؟
أمي:ماكش باش تقص عليهم العادات هذوما...شنية مزال معملتش لطفلة...ياخي تحب تقتلها باش ترتاح تكلم
انا:أمي...وينها مرتي ؟
أمي:في بيتها
خليتها و طلعت نجري...ساقي اعلى من راسي...حليت الباب...جات عيني عليها بالوقت...غاطسة في النوم تنهدت بالقاوي...اعصابي الكل ترخات...قربت منها
قعدت على طرف السرير...و مديت يدي نعدي فيها على تكنفيرة خدودها...و خصلات شعرها...غزرت لكرشها كابسة عليها بيدها...حطيت يدي عليها...نحب نتأكد لبنتي زادة بخير...حلت عينيها بالوقت...دوب غزرتلي و عاودتهم سكرتهم...خذيت نفس نحكي
انا:لباس ماهو...كيفاش تحس في روحك ؟
مريم:ل..لباس
جبدت روحها مني...قعدت على جنب...تنهدت بقوة نحكي
انا:شنية لي صار ؟
مريم:حتى شي
هزيت روحي قربت منها...جات باش تقوم...كبست عليها و قعدت على ركبتي مقابلها...كبست على يديها زوز نحكي
انا:مريم...صارت حاجة انا منعرفش بيها ؟
مريم:لا...باز امي فتحية...تستنى فينا لوطة...هاني باش ننزل انا توا
انا:ماكش باش تقوم...حتى نحكيو مع بعض
مريم:ماكش مجبور تسمعني بعد توا
انا:مريم...يزي حبي...تعرف لانتي غلطت...و محقكش تصرف بالطريقة هذيكا
مريم:حساام أماانك...منحبش نحكي معاك توا
أنا:بربي
حطت يدها على كرشها...موجوعة...ضيقت عينيا نحكي
انا:شبيك ؟
مريم:منعرفش...من قبيل متحبش تركح
انا:هذيكا تحب عليا
مريم:برا زمر على روحك
انا:صحيتك
مريم:نحب ننزل اللوطة
انا:شرايك...نخرجو مع بعض ؟
مريم:وين ؟
انا:منعرفش...انتي اختار
مريم:معينيش توا
انا:هيا قوم بدل دبشك
مريم:قتلك منحبش
انا:باهي على راحتك...تو نخرج مع واحد من صحابي
مريم:عممر ؟
انا:لاهي مع مرتو و ولدو
مريم:ملا مع شكون ؟
انا:مدام متحبش...ميهمكش مع شكون باش نخرج
مريم:اكيد باش تخرج معاها
انا:ايه علاش لا
مريم:زايد معاك...ابعد عليا
انا:هيا قوم حضر روحك
جات باش تحكي...قصيت عليها...كي خطفت بوسة من شفايفها...نحكي
انا:هيا فيسع...بنتي جاعت
مريم:لا مجاعتش
انا:شيعرفك انتي ؟
مريم:حساام يززي
هزيت روحي...وقفت...هزيت كبوطها في يدي و قربت منها نحكي
انا:هيا قوم
مريم:باش نبدل دبشي قبل
انا:مش لازم
مريم:تحبني نخرج هكا ياخي ؟
انا:باش نمشيو لدارنا
مريم:ماهيش داري و منحبش نمشي
انا:حكاية ساعتين و نرجعو لهوني
مريم:فاش قام ملا...هوني مرتاحة أكثر
انا:يزي من دلال و قوم توا
مريم:بالسيف ياخي
انا:بالظبط...ايجا
قربت منها وقفتها...نلبسلها في كبوطها...تغزرلي و تتشوحر...جبدت يدها مني تحكي
مريم:يا حساام سييبني زح...ما نحب نمشي لحتى بلاصة
انا:باش تمشي بالسيف عليك
غزرتلي ندرا كيف...خذيت نفس و عديت يدي على خدها...نحكي
انا:ماكش باش تندم...صدقني
جبدتها من يدها قبل ما تقول حتى كلمة...نسايس فيها نعرف لي غششتها العشية...اما زادة باش نحاول نفهم اللي قاعد يصير بطريقة أخرى...لقيت امي اللوطة...كأنها تستنى فيا...قحرتلي تحكي
امي:وين باش تهز الطفلة الوقت هذا ؟
مريم:امي قلو لانا منحبش نمشي امانك
امي:حساام
انا:مانيش باش نخطفها...ساعتين و نرجع
جات باش تحكي قحرتلها...حطت يدها على كرشها و سكتت...خرجتها معايا و حليت الباب...نحكي
انا:اركب
مريم:سييبني...نركب وحدي
انا:باهي ازرب روحك
قحرتلي و ركبت...سكرت الباب بالقاوي...خذيت نفس و خلطت عليها...طول الثنية و هي مدورة وجها للبلار منعرفش كيفاش وصلت...خليتها دخلت و طلبت العشا من برا...نعرف لي لتوا ما كلات شي..خلطت عليها لقيتها واقفة في نص الصالة...غزرتلي تحكي
مريم:نسمع فيك...علاه جينا لهوني مرة اخرى ؟
نحيت الفاست حطيتها عالفوتاي و قربت شعلت الشوفاج...باقي تبع فيا بعينيها...عديت يدي على شعري نحكي
انا:اقعد تو تتعب
مريم:علاه جينا لهوني ؟
انا:هوني البلاصة لي لازم نكونو فيها
مريم:حسام امانك...مش وقت الدك متاعك توا...انا طاوعتك و جيت معاك لهوني...اما مانيش مجبورة نبقى هوني...و زادة نظن مفما حتى شي نحكيو فيه
قربت منها...حطيت يديا زوز على رقبتها..رجعت شعرها لتالي...و غزرتلها نحكي
انا:شبيك ديما تخمم كان في الحاجات الخايبة ؟
مريم:خاطرني ستانست بيهم
انا:الليلة...نحبك تنسى كلشي صار معانا...خليها تكون ليلة صافية بيناتنا و بعد العشا...باش نوريك...حاجة اكيد باش تحبها
مريم:وينو العشا ؟
انا:مش على أساس بنتي مجاعتش
مريم:انا لي جعت
انا:هيا ملا
نحات كبوطها...نزلت بعينيا لكرشها...ياسر كبرت على قبل...كبست عليها موجوعة...شديتها من يدها...قعدتها و قعدت بجنبها...غزرتلي ندرا كيف تحكي
مريم:كانت هوني قبل ما نجو ؟
انا:شقصدك ؟
مريم:متلفنيش حسام...اول ما دخلنا...ضو الصالة كان شاعل
انا:يقوى عليك ربي يا فرخة
مريم:جاوبني
انا:متخافش...معاد فما حتى حديدخلها من بعدك الدار هاذي
مريم:و تحبني نصدقك توا ؟
أنا:معندكش حل آخر و قبل ما نجيو..كنت هوني...مشى في بالي...باش نرتاح شوية...ياخي لقيت روحي نجري في جرتك
مريم:أنت شنية لي تحب عليه بالظبط حسام ؟
أنا:نحب عليك...على حياة هادية...ما فيها حتى حد غيرنا
مريم:مش كأنك وخرت شوية ؟
انا:أما أكيد مزال مخسرتكش
تبسمت بوجيعة...و تكات لتالي...قص عليا صوت الباب هزيت روحي بالسيف...حليت الباب...شديت القضية عليه و خلصتو...حضرت الصينية و رجعتلها...لقيتها غفات مرة أخرى...قعدت بجنبها...و سرحت في تفاصيل وجها...مديت يدي...نبعد في خصلات شعرها...دوب حلت عينيها تحكي
مريم:وصل ياخي
أنا:ممممم...هيا قوم تاكول شوية
مريم:باهي
أنا:مريم
مريم:مممم
أنا:حتى شي
مريم:كان مفما حتى شي مهم...خلينا نرجعو لدار
أنا:هيا كول عزيزتي
مريم:و أنت ؟
جيت باش نحكي...قص عليا صوت تليفوني...استغربت الميساج من عند عمر...أصلا كنت متوقع حكاية كيما هاذي...أما شكون لي وراها منعرفش...فقت من سرحتي على صوتها...تحكي
مريم:لباس ماهو ؟
أنا:لباس عزيزتي طمن
مريم:صارت حاجة ياخي ؟
أنا:حتى شي مريم
مريم:أصلا ماكش مجبور تحكيلي
انا:يزي عيش حبي
مريم:كان ماكش باش توصلني...نطلع نرتاح شوية ظهري يوجع فيا
أنا:كمل صحنك قبل
مريم:معادش عيني
انا:مرررريم..ياخي تحب تقتل روحك إنتي...شنية الحالة هاذي...ريت كيفاش وليت...بصحة الراس لي عندك...كان متحبش تخمم في روحك و فيا...خمم في بنتك...باهي أنا غلطت معاك...و تعبتك برشا...أما هي شذنبها...ريت لانتي معادش عارفة روحك...شنية تحب بالظبط...و لا فاش قاعدة تعمل...حتى قرايتك معادش لاهية بيها..كل مرة تجري ورا خالتك...لي ما تعرف عليها شي...و مرة ورا نورهان...باش تضمن حق بنتك لهي بنتي زادة...و تعرف بالقدا لمهما صار مانيش باش نسلم فيها...إنتي بالطريقة هاذي قاعدة تضر في روحك بلا ما تفيق قاعدة تضيع في روحك و كهو
شديت وجها بيدي كبست عليه...غزرتلها في عينيها...و كملت كلامي نحكي
أنا:تحب طلق ؟ هذا لي بيك ؟ تحب ترجع لحياتك...و لا تعيش بفلوس أمك ؟ جاوبني مريم..كان أنا باش نطلقك توا...إنتي باش تكوني مرتاحة...باش تعيشي كيما تحبي تنجم تربي بنتك وحدك ؟ مقتنعة باللي تعمل فيه ؟
دموعها تحصرو...ترمش في عينيها بالزربة...تمنع فيهم جبدت روحها...مني تحكي
مريم:م...نحب حتى شي...و لا شي لا منك و لا من غيرك...حتى أنت كيفهم
أنا:باهي قولي من شنية موجوعة...فاش قام تصرفات هذوما...تكلم عزيزتي
كبست بيديها على حرف الفوتاي...و وقفت...تمشي بالسيف...طلعت الدروج من غير حتى كلمة...هزيت روحي خلطت عليها...كي العادة متحبش تدخل لبيتي قربت من بيت فرح حلتها...قربت خطوتين و وقفت قربت منها وقفت...بحذا الباب نغزرلها...جمدت في بلاصتها...خذيت نفس و قربت منها...حضنتها من تالي كبست عليها نحكي
أنا:عجباتك ؟
مريم:ش..شنية هذا ؟
عديت يدي على كرشها...و نزلت عليها أكثر...بستها من خدها...نحكي
أنا:مفاجأة...أما هاك اكتشفتها وحدك
مريم:ك..كيفاش...نقصد...أنت إمتى
أنا:أول شي باش تقص الشهقة هاذي...مبعد نحكيو في كلشي
مريم:ح..حسام...أنا معاد فاهمة حتى شي
أنا:تو تفهم يا روحي
تلتفت عندي بالوقت...غرست وجها في صدري...و حضنتني بالقاوي...متوقعتش التصرف هذا منها...أما في لحظة بدني تكبس...كي حسيت بدموعها على صدري مش بالعادة تبكي...و يمكن ثاني مرة نحضر عليهم الدموع هذوما...حاولت نجبدها من عندي...كبست عليا أكثر...غرست يدي في شعرها نحكي
أنا:مريم...شبيك عزيزتي ؟
كبست عليا أكثر...شهقاتها ماشية و تزيد...خلات قلبي يخض بالقاوي...بستها من راسها نحكي
انا:يزي كهو...هيا إيجا معايا
دوب نجمت نجبد روحي منها...عديت يديا زوز...على خدودها...نمسح في دموعها...و قعدت معاها على الفوتاي...متاع أميرتنا الصغيرة...حطت راسها على صدري...نعرفها مزالت تاعبة لتوا...بقيت نعدي في يدي على شعرها...لين حسيتها هدات شوية...خذيت نفس نحكي
انا:مريم يا روحي...يزي كهو...و فهمني شنية لي قاعد يصير...من يومين كنت لباس...شنية الحالة هاذي لي وصلتلها ياخي ؟
مريم:انا مانيش باش نجم نربيها حسام...مانيش باش نكون أم مليحة
انا:و شكون قال الكلام هذا ؟
مريم:أنا عمري ما عملت خير في أختي...كيفاش باش نربي بنتي
انا:مريم قابلت أختك مرة أخرى ؟
مريم:لا
انا:ملا شنية لي صار...و من غير ما تكذب عليا
مريم:ب..بابا عرف لأنا قاعدة نقابل في رنيم
أنا:و وين المشكلة ؟
مريم:البارح كلمتها...و عرفت لهو منعها أنها تقابلني...و لا تحكي معايا
انا:هي قاتلك الكلام هذا ؟
مريم:ل..لا...كانت تتهرب...و محبتش تجرحني...أما كي طلبتها أنا
أنا:كمل
مريم:هز عليا هو...و قال لانا معنديش أخت و معنديش عيلة زادة...و مدام اخترت حياتك...متفسدتش حياة أختك...و أبعد عليها...أنا والله ما خممت نضرها بشي ج..جيست...حبيتها تسامحني...حبيت نحس لفما حد من عيلتي واقف معايا...هو من قبل فكلي امي...و توا أختي زادة...على هذاكا مشيت بحذا نرمين...ميهمنيش إذا هي تحبني و لا لا...أما كي نبدا قريبة منها...نحس لأمي معايا...نحب نثبتلو...لانا مانيش خايبة...و انا اللي صار قبل الكل...خاطرني كنت محروقة على أمي...هو مخممش لأنا يمكن نخلط على أمي...مخممش لانا مانيش باش نسامحو...أما رغم هذا الكل...نحب بنتي تعرفو...نحبو كي يشوفها يحس بالذنب متاع أمي و متاعي زادة...نحبو يعرف لأنا حاولت جهدي باش منكرهوش...أما سكرها في وجهي...على هذاكا حسام
رد بالك تكون كيفو...رد بالك يجي نهار و تخلي بنتك
رد بالك تسلم فيها...حتى كان هي غالطة...راهي والله توجع الحكاية برشا
جبدتها عندي بالوقت...حضنتها بقوة..كبست على ظهرها متوقعتش باش يوصل يحكي معاها بالطريقة هذيكا عديت يدي على شعرها نحكي
انا:متأكد لهو حكى معاك اكاكا...من حرقتو عليك يا روحي...و متأكد زادة لهو يحبك...و باش يجي نهار و يسامحك فيه
مريم:م..مانيش باش نسامحو
جبدتها من عندي شوية...حطيت يديا زوز على خدودها و تبسمت نحكي
أنا:يزي كهو...معادش تخمم في الحاجات الخايبة لي باش تصير...بعد توا...ماكش بحاجة حد في حياتك...و متأكد زادة لإنتي باش تكون أحسن أم زادة
مريم:باهي
أنا:يزي عاد توا
قربت منها أكثر...بستها من راسها...هزت يدها...عداتها على خدها...تحكي
مريم:إمتى حضرت هذا الكل ؟
أنا:عجباتك
مريم:عاللخر
هزت روحها وقفت بالسيف...تكيت لتالي...نغزرلها قاعدة دور في البيت...حسيتها تفرهدت على قبل..تلفتت عندي تحكي
مريم:ياسر محلاها البيت
أنا:بقية الدبش تو نشروه مع بعضنا
مريم:هوكا موجود كلشي هوني
أنا:لا فما حاجات نحبك تختارهم إنتي
مريم:إمتى ؟
أنا:كمل دوفواراتك غدوة...مبعد نهزك وين تحب
مريم:كيفاش عرفت لأنا نعدي ؟
هزيت روحي وقفت...قربت منها...عديت يديا زوز على زنودها...نحكي
أنا:بعد توا...معاد نحبك تخبي عليا حتى شي...صغير و لا كبير...حياتنا بعد توا...باش تولي واضحة
مريم:مش على أساس تحب طلق ؟
أنا:مجنونة...انا نحب على فرصة أخرى و كهو
بقات تغزرلي...من غير حتى كلمة و قربت مني حضنتني تنهدت بقوة...نحكي
أنا:تنجم تبدل باقي ديكور...على ذوقك
كبست عليا...من غير حتى كلمة...عرفتها مش قد بعضها كبست على ظهرها نحكي
أنا:تحب ترجع بحذا فتحية
مريم:لا...نحب نبقى هوني أكثر
أنا:هيا ترتاح شوية قبل...و تنجم ترجع للبيت وقت ما تحب
مريم:ميسالش...جيبلي الصحن متاعي...و البيتزا زادة
هزيتلها براسي إيه...كبست على يدها...و تبسمت نحكي
أنا:هيا حبي...برا ارتاح توا
مريم:مفماش بيت أخرى ؟
أنا:في بيتي ترتاح أكثر
مريم:حتى هي إرتاحت فيها
أنا:مش وقت غيرتك توا
مريم:أنا نغير منها
أنا:ملا هيا قدامي
مريم:تو نمشي وحدي...أنت برا جيب لي قتلك عليه
أنا:باهي يا روحي
بستها من راسها...و خرجت من البيت...نزلت اللوطة برغم تفكيري لي بقى واحل في الخدمة...أما نحب نعيش معاها كل لحظة في وقتها...رجعتلها...نلقاها دور في بيتي...تبسمت نحكي
انا:هيا إيجا...كول شوية...ناخو دوش و نرجعلك
مريم:باهي
خليتها و دخلت لبيت البانو...عملت دوش تفرهدت بيه بدلت دبشي و خرجت...غزرتلي تحكي
مريم:صحة ليك
أنا:عيشك يا روحي
مريم:تو أمي فتحية تتحير علينا
أنا:تعرف لإنتي معايا...هيا توا
عاونتها تسطحت و تمديت بجنبها...جبدتها عندي...نعدي في يدي على كرشها...كبست على يدي تحكي
مريم:نجم نقابل نرمين بعد توا ؟
أنا:متمشيش وحدك...و معادش تتصرف من راسك
مريم:باهي
انا:عيش صغرونتي
تكيت راسي لتالي...نخمم فيها و فرد وقت في عمر منعرفش شنية لي باش يصير بعد توا...على هذاكا نحب نطمن عليها قبل...و على بنتي زادة...بعدها باش نلقى حل لكل شي.
أنت تقرأ
زهرة🌸
Random🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
