زهرة🌸

الحلقة الخامسة و الاربعون

🔸️حلقة 45
🔸️زهرة تحكي:
هزيت يديا...عدلت الفوال متاع الروبة...متوقعتش باش نعيش نهار هذا...باش نكون عروسة بالحق...باش نولي مرتو و على اسمو...رغم خوفي الكل...اما ما نحب نخمم في حتى شي...نعرف لهو مستحيل يخليني مهما صار و هذاكا لي يهمني...قص عليا صوت الباب...كي تحل دخلت وحدة من اللي يخدمو في صالة...قربت مني تحكي
هي:مدام الكادو هذا ليك
عقدت حواجبي مستغربة...منعرفش علاه هي جابتو قربت منها شديتو عليها نحكي
انا:شكون بعثو ؟
هي:منعرفش...مهمتي اني نوصلو و كهو
انا:باهي...ياخي مريتش مريم صحبتي...الطفلة لي كانت معايا صباح ؟
هي:لا...تحب نفركسلك عليها
انا:لا لا مرسي
تبسمتلي و خرجت...دورت البوات في يدي...ما فيها حتى اسم...استغربت شكون باش يبعث كادو بالطريقة هاذي...حليت البوات...نغزر علبة الموسيقى لي فيها تبسمت بالوقت...جبدت الكارت لي معاها...حليتو نقرا فيه << انتي متاعي >> قلبي دق بالوقت...عجبتني الفازة منو...كبست على الزر...شعلت بالوقت...نغزر للعروسة لي داخلها دور...حتى الموسيقى لي فيها ياسر محلاها...طلعت راسي...نغزرلو حل الباب و دخل حطيتها من يدي...و قربت منو بالزربة...ترميت عليه حضنتو بالقاوي...نحك
انا:مرسسسي برشااا عممر...مرسي يا روحي
هز يدو حطها على ظهري...يعدي فيها...و يحكي
عمر:على شنوة عزيزتي ؟
جبدت روحي منو...و طلعت راسي غزرتلو...تبسمت نحكي
انا:عالكادو
عمر:كادو شنوة ؟
ضيقت عينيا مستغربة...مش فاهمة كلامو...هزيت يدي بالسيف...شاورتلو عليها...عقد حواجبو يحكي
عمر:زهرة عزيزتي...ما بعثت حتى شي راني...أصلا أول ما وصلت جيت عندك
طاح الكارت من يدي...أول ما كمل كلامو...دم جمد في عروقي...فكرة لي مراد...هو لي بعثها...دخلتني بعضي دنيا دارت بيا و شعرة لا طحت...قرب مني...شدني من يدي يحكي
عمر:زهرة...لباس ماهو ؟
أنا:م مراد...مراد
غزرلي ندرا كيف...و نزل هز الكارت...قراه و كبس عليه في يدو...قربلي أكثر حضني...يحكي
عمر:ششش وفات...متخافش منو ما عندو ما يعمل
هزيت يديا زوز...كبست على جنابو...منحبش نبعد عليه و غرست وجهي في صدرو...باسني من راسي يحكي
عمر:إيجا معايا...إيجا
هزيتلو براسي لا...نزل بيديه لكتافي...كبس عليا...و جبدني شوية يحكي
عمر:إيجا أقعد
قربت منو اكثر...شديتو من يدو...جبدني معاه للفوتاي قعدني...و هز كاسة الما...شربني منها يحكي
عمر:وفات...اهدا
انا:ق قتلك باش يرجع
هز يدو حطها على خدي...و كبس على يدي...يحكي
عمر:ششش يزي...اهدا و اغزرلي
هزيت راسي بالسيف...غزرتلو في عينيه...للحظة حسيت روحي هديت...عدا صوابعو على خصلات شعري يحكي
عمر:هذا لي يحب يوصل ليه هو...يحبك تتراجع في اخر لحظة...الفازات هذوما يعمل فيهم...خاطر يعرفك و متأكد لانتي تخاف منو...و الدليل لي صار فيك توا
قربت منو...حطيت راسي على صدرو...نخرج في الكلام بالسيف
انا:خ خايفة برشا عمر...خايفة يبعدني عليك مرة اخرى
حط يدو على ظهري...كبس عليا...و تنهد بالقاوي يحكي
عمر:تاثق فيا
انا:اكثر من روحي
عمر:ملا نحبك تغزرلي توا
هزيت روحي بالسيف...و طلعت راسي غزرتلو...كبس على يديا زوز يحكي
عمر:مهما صار مانيش باش نخليك...و مستحيل نخليه يأذيك و لا يقرب منك طول ما انا عايش باهي
هزيتلو براسي ايه...و قربت منو اكثر...دورت يديا زوز على رقبتو و حضنتو...بقوة الخوف اللي داخلي...نحب ناخو قوتي منو...عدا يدو على ظهري...يهدي فيا منعرفش قداش تعدا وقت و انا في حملتو...رخف يدو شوية يحكي
عمر:حبي
انا:مممم
عمر:متحبش ترا صغرونتي شنية جبتلها
جبدت روحي منو بالوقت...غزرتلو في عينيه...نحكي
انا:شنووة ؟
جبد بوات صغيرة من مكتوبو...و حلها...عينيا وساعو و انا نغزر لشركة متاع L'infini في يدو...دور يديه على رقبتي...يسكر فيها و يحكي
عمر:متنحيهاش من رقبتك مهما صار...كل مرة تغزرلها تذكر لي انا نحبك و باش نبقى ديما معاك
هزيت يدي...عديت صوابعي عليها...و هزيتلو براسي ايه نحكي
انا:مرسي برشااا يا روحي...ياسر محلاها
قرب مني...كبس بيديه زوز على وجهي...باسني من راسي...يحكي
عمر:نحبك تعيش نهار هذا من غير خوف...و من غير ما تخمم في حتى شي اخر
انا:نجم نطلب منك شي...قبل هذا الكل
هزلي براسو ايه..خذيت نفس...و غزرتلو نحكي
انا:خليك معايا...لين يوفا العرس...و نولي مرتك متبعدش عليا أمانك
عمر:ايجا عندي
قربت منو تكيت عليه...هز يدو كبس عليا...غمضت عينيا...نحب ننسى لي صار الكل...نحب ننسى لي مراد موجود من اصلو...الليلة عرسي انا...و مستحيل نسمحلو يفرق بينا مرة اخرى...قربو مني...عطاني قوة غريبة هزيت يدي...حطيتها على يدو كبست عليه...هذا لي بحاجتو توا...انو هو يكون معايا و كهو...قص علينا صوت الباب...تهزيت و تحطيت...كبس عليا يحكي
عمر:اهدا عزيزتي...مفما حتى شي
كبست على يدو اكثر...و طلعت راسي نغزر للباب لي تحلت...خذيت نفس كان وقت ريت مريم دخلت تحكي
مريم:وينكم لتوا...الناس الكل تستنى فيكم اللوطة
عمر:شوية و نجيو
مريم:لباس ماهو...صارت حاجة ؟
عمر:لا...زهرة تعبت شوية...و توا لباس
مريم:علاه شصار ؟
أنا:شي عزيزتي...لباس توا
دورت راسي غزرتلو...تبسمتلو نطمن فيه...و هزيت روحي وقفت...كبست على يدو...وقف في جرتي...قرب مني...هبطلي الفوال يحكي
عمر:كيما وصيتك
انا:باهي طمن
هز يدو شوية...خذيت نفس و حطيت يدي في يدو غزرت لمريم...تبسمتلي بالوقت تحكي
مريم:تفضلو
كبست على يدو...و خرجت معاها...كل خطوة نقرب بيها دقات قلبي تقوا اكثر...كبست عليه اكثر...كيف دخلنا لصالة...خذيت نفس نهدي في روحي...اول ما وصلنا لطاولة...جبدلي الكرسي...قعدت...و قعد قدامي يحكي
عمر:اهدا عزيزتي...شي ماهو باش يصير
هزيتلو براسي ايه...طلعت راسي...نغزر لناس لي مركزة معانا...مريم لي واقفة على جنب...ياسر محلاها ليلة اول مرة نراها هكا...متوقعتش باش يجيو الناس هذوما الكل...حسيت بيدو لي تحطت على يدي...كبس عليا هديت بالوقت...فقت من سرحتي على صوت العدول يحكي
هو:آنسة زهرة حسيني تقبل بالسيد عمر بن قاسم زوجا لكي
كبس على يدي اكثر...غمضت عينيا...نتذكر في لي تعدا عليا الكل...و من اول نهار عرفت فيه عمر...متوقعتش باش نحبو و نتعلق بيه في اقل من عام...تذكرت كلام مراد و لي صار الكل...حتى الكادو و الكارت لي بعثهم قبيل...نعرف لي ماهوش باش يسكت...و لي هذاكا كان تحذير صغير منو على لي باش يصير مبعد...كثر الكلام في صالة...و العدول عاود نفس السؤال...حليت عينيا و خذيت نفس نحكي
انا:ايه نقبل
تلفت عندو بالوقت...اول مرة نتغلب على خوفي و على مراد...المرة هاذي مانيش باش نسمحلو يفسد حياتي...و لا باش نتراجع على اي قرار بسببو هو...تلفت للعدول نسمع فيه يحكي
هو:سيد عمر بن قاسم...تقبل بزهرة حسيني زوجة لك
عمر:نقبل
كبس على يدي بالوقت...وافق من غير ما يخمم مرتين وقتها برك نجمت ناخو نفس...اول ما وقعنا..كمل العدول كلامو...و وقف...وقفنا في جرتو...قرب مني...هز الفوال و باسني من راسي...تبسمتلو بالوقت...مش مصدقة لي وليت مرتو...قربلي اكثر يحكي
عمر:مبروك عزيزتي
كبست على يدو...قربلي أكثر...وقف قدامي بالظبط منحبش نبعد عليه حتى طرف...قصت علينا مريم كي نطرت علينا...تحكي
مريم:مبروووك عزيزتي...اونفان تهنيت عليك
قربت منها حضنتها بالقاوي...كبست عليها بيديا زوز نحكي
أنا:مرسسسي يا روحي...ربي يخليك ليا
مريم:شد روحك توا...وليت مرا معرسة عزيزتي اخطاني و خليني نفركس على راجل ليا
انا:ههههههههه والله مجنونة
جبدت روحي منها و انا نضحك...حطت يدها على خدي تحكي
مريم:محلاك يا روحي...حليلتو الاستاذ عمر الليلة باش يهبل
انا:يزززي احشم...تو يسمعك...والله حتى انتي طلعت مش نورمال...وين مخبية هذا الكل منعرفش
مريم:ما ريت شي يا روحي
انا:صار
مريم:مممم بالطبيعة
تلفت لعمر...نغزرلو واقف يحكي مع حسام...غزرلي يحكي
حسام:مبروك زهرة
انا:عيشك حسام
تبسملي...و دور راسو شوية غزرلها...عوجت فمها تحكي
مريم:تو نرجع عزيزتي
انا:وين ماشية ؟
مريم:برا اتلها براجلك يا روحي عندي ما نعمل انا
انا:ههههه باهي باهي
خلاتني و مشات...نعرف لي تحب تبعد عليه...و ما تعطيه حتى فرصة باش يحكي معاها...خذيت نفس و قربت منهم...تنهد بالقاوي يحكي
حسام:في رايي كان نخليكم وحدكم أحسن
عمر:أكيد
حسام:حسابك عندي أنت
مشى من غير ما يستنى كلمة اخرى...شديتو من يدو نحكي
أنا:عمر
عمر:مممم
أنا:معناها توا باش نولي زهرة بن قاسم
قربلي شوية...نزل عليا شوية...يحكي في وذني
عمر:مزال شوية عزيزتي
أنا:شقصدك ؟
عمر:مبعد تفهم قصدي...و كان تحب خلي نمشيو من توا
جبدت يدي من يدو...تبسم بالوقت...و رجع شدني من يدي...يحكي
عمر:إيجا الجماعة يستناو فينا
انا:باهي
غزرلي بشطر عين...و تبسم ندرا كيف...كبست على يدو و خلطت عليه...منحبش نفكر في اللي باش يصير مبعد لي يهمني الكل توا...اني معاه هو و كهو