🔸️حلقة 6
نطرت من بلاصتي جيت واقفة...منعرفش كيفاش فاتني الوقت...لبست دبشي بالزربة...و مشيت لبيت البانو...غسلت وجهي برشا مرات نحب نفيق...خليت شعري اكاكا...اصلا منجمتش نرجع للبيت باش نلمو سمعت صوت مريم لوطة...عرفتها وصلت...نزلت بالزربة نغزر لمراد عاطيني بظهر يحكي معاها...و امي معاه جات عيني في عينها...غزرتلي ندرا كيف...خذيت نفس نحكي
انا:صباح الخير
مريم:بونجور عزيزتي...هاني من بكري نستنى فيك
تلفت عندي بالوقت هزني و حطني كي العادة...قلبي دق بالوقت...كان يرفض...البراصلي معادش ترجعلي جملة...جيست تبسمت نحكي
أنا:ب..باش نمشي مع مريم
مراد:وين ؟
أنا:لسوق مع مريم...تحب تشري حاجات و انا باش نعاونها
مريم:منجمش نمشي من غيرها...أمان طاطا إنتصار مترفضش
إنتصار:باهي برا اتفرهدو على روحكم
غزرتلو في عينيه...ما قال حتى كلمة...كملت نزلت الدروج و قربت من مريم...باش نخرجو...وقفني يحكي
مراد:استنى
تلفت عندو...قرب مني شوية...مد يدو عطاني الكارت متاعو...يحكي
مراد:شد هاذي
انا:علاه ؟
مراد:اشري لي تحب عليه
بقيت نغزرلو مصدومة..بالعادة يعطيني فلوس منعرفش علاه تعمد يعطيني الكارت متاعو...مديت يدي بالسيف شديتها عليه و هزيتلو براسي ايه...منحبش ندخل معاه في نقاش توا...حليت الباب و خرجت مع مريم...غزرتلي تحكي
مريم:فاش قام يعطيك الكارت متاعو
أنا:مريم مراد يحب يعرف اذا بالحق ماشيين نشريو دبش
مريم:كيفاش ؟
أنا:إذا شريت بالكارت...باش يعرف لأنا صرفت منها معناها اليوم باش نتلز نصرف من فلوسو
مريم:باهي اخطانا منو توا...بقات نص ساعة كهو...خلينا نشدو طاكسي فيسع
انا:باز تو يرميها و يمشي...نعرفو يعملها
مريم:زهرررة وقتك توا...تي امشي فيسع
انا:باهي باهي
حبست طاكسي بيدها...طول الثنية و انا نحاول نتأكد انو مراد...ماهوش ورانا...منعرفش كيفاه وصلنا لشط نمشي و انا مكبشة في مريم منعرفش علاه...لمحتو من بعيد واقف يغزر للبحر...يديه في مكاتبو...تي من وقفتو كهو عرفتو هو...حبست مريم تحكي
مريم:برا توا...أعرف منو علاه طلبك
أنا:باش تخليني وحدي
مريم:يا بنتي هو طلبك إنتي مش أنا...و زادة أنا شنبقى هوني نعس عليك
أنا:باهي
بقيت نغزرلو...نحب نرجع لتالي...نحب نبعد و كهو...كل خطوة نعملها...تخلي قلبي يدق بالقاوي...منعرفش كيفاه باش نحكي معاه و لا شنوة نقولو..غمضت عينيا بالقاوي و رجعت حليتهم نحكي مع روحي << متخافش زهرة أنت شتاخو البراصلي متاعك و ترجع...شي ماهو باش يصير >> خذيت نفس طويل...تقويت على روحي و قربت منو.
🔸️عمر_يحكي:
حسيت بيها ورايا...من خطواتها و ريحتها...ريحتها لي بقات في خشمي من وقت حملتها...تلفت عندها نغزرلها...عديت عينيا على وجها...على يديها لي لافة روحها بيهم...خصلات شعرها رجعو لتالي مع النسمة منعرفش علاش طلبت منها تقابلني...حتى انا مصدوم من روحي...كيفاش خرجت الكلمة هذيكا من فمي منعرفش...أما منجمتش ننسى لي سمعتو في الكلينيك...منعرفش علاش نحب نعرف حكايتها...يمكن هكا معادش نفكر فيها جملة...فقت من سرحتي على صوتها تحكي
زهرة:هاني جيت كيما طلبت..منجمش نطول أكثر..تنجم تعطيهالي توا
هزيت يدي شوية...وريتلها البراصلي...أصلا كان مخذيتش الكرهبة باش نغسلها...مكنتش باش نلقاها دوب عطهالي الراجل...عرفتها متاعها...من اسمها لي منقوش فيها...مدت يدها بالوقت...باش تشدها...رجعت يدي لتالي...عينيها وساعو...و غزرتلي مصدومة...تبسمت على جنب نحكي
انا:مزال مقلتش شنوة شرط
زهرة:م..مش قتلي لازم نقابلك هوني
انا:مممم اما مقلتش انو هذا هو شرط
زهرة:باهي...مسيو عمر...نسمع فيك
انا:باهي...في الاول انتي باش تحكيلي كلشي قاعد يصير معاك...بعدها تاخو البراصلي متاعك
زهرة؛ش..شنوة لي باش نحكيه
انا:طبيب قال حالتك نفسية...و نظن انو الحالة بسبب شخص واحد...تعرف على شكون نحكي
عينيها وساعو اكثر...حسيت برعشتها من يديها لي ترخفو على جيلي...ربثتها و هي ترجع في شعرها لتالي...و تحاول تحكي فرد وقت
زهرة:ا انا...مسيو عمر...م مفما حتى شي...ا انا جيست كنت تاعبة و كهو...مفما حتى حكاية
انا:معناها ؟
زهرة:ح..حكاية فارغة م..من اصلو...انا جيست تعاركت مع امي نهارتها...امانك اعيطيني البراصلي متاعي...نحب نمشي
عينيا تركزو في لمعة عينيها...في دموع لي محصورين و شعرة باش ينزلو...منعرفش اذا لي نعمل فيه صحيح و لا غالط...منعرفش علاه...قاعد نتصرف معاها بالطريقة هاذي...اما حسيت وراها سر كبير...حتى انا لقيت روحي نحب نعرفو...خذيت نفس نحكي
انا:باهي اهدا
زهرة: باش تعطيهالي مش هكا
انا:مممم وقت انتي تقرر تحكيلي...انا نرجعهالك
زهرة:ك..كيفاش
انا:لي سمعتو...و توا لازمني نمشي
قبل ما تحكي كلمة...تلفت عطيتها بظهري...قربت مني بالزربة جات في وجهي تحكي
زهرة:م..مسيو عمر امانك...رجعهالي...البراصلي هذيكا هدية بابا...امانك...كان فما شي باز راني حكيتو
قحرتلها قحرة متاع موت...جمدت في بلاصتها...هزيتها و حطيتها...تبسمت على جنب...مشيت و خليتها واقفة...حسيت بخوفها...اما منجمتش نرجع لتالي...حتى انا مش فاهم لقاعد نعمل فيه...حطيت البراصلي في مكتوب الفاست...حليت باب الكرهبة...وركبت...طول الثنية و انا نخمم في اللي صار...اصلا متوقعتهاش جي...توا عرفت قداش تعنيلها شركة هاذي...خوفها كان واضح في عينيها و كلامها...زعمة شكونو باش تخاف منو لهدرجة...هذا لي كنت نسأل فيه ثنية كاملة...ضربت يديا زوز عالفولون بغزول...شيهمني انا...شيهمني فيها و في حكايتها...شبيني نتصرف هكا...شبيني شديت صحيح في الحكاية...قص عليا صوت تليفوني...لقيتو حسام يطلب...مديت يدي و هزيت عليه...نحكي
انا:وي حسام
حسام؛وينك عمر...مش على اساس تجي لنادي
انا:مسافة الطريق
حسام:باهي نستنى فيك
كبست عالفولون اكثر...دريكسون لنادي...منعرفش كيفاه وصلت...بدلت دبشي و خلطت عليه...لقيتو ديجا بدا...غزرلي يحكي
حسام:وينك لتوا ؟
انا:هاني جيت
بديت معاه و تفكيري في اللي صار...حتى كي كان يحكي مسمعتوش...نفخ بالقاوي...و حط يدو في وجهي يشاورلي بيها
حسام:وييين مشيت...عندي ساعة نحكي معاك
انا:شفما حسام ؟
حسام:شبي ¤¤¤ اليوم...تنجم تفهمني
نفخت بالقاوي...مديت يدي هزيت المنشفة و بعدت عليه...خلط عليا يحكي
حسام:نحكي معاك سي عمر
انا:فكني حسام...مانيش ناقصك
حسام:شنية الحكاية ؟
قعدت عالكرسي...و طلعت راسي غزرتلو...مش بالعادة نخبي عليه...تنهدت نحكي
انا:فما طفلة عندي
حسام:ايه شبيها...متقوليش تضربت فيك و عملتلك مشاكل كيما الحكاية لاخرى
يحكي و شاد الضحك بالسيف...قحرتلو...عقد حواجبو يحكي
حسام:باهي باهي كمل نسمع فيك
انا:الطفلة هاذي وراها حكاية
حسام:كيفاش ؟
انا:البارح طاحت في الكلاصة...ظطريت انا نهزها للكلينيك
حسام:ايه ؟
انا:الطبيب لي يخدم غديكا قال انو لازمها طبيب نفساني
حسام:يعني الطفلة مريضة
انا:تنجم تقول ظغوطات نفسية...تي تخاف من كلشي...حتى كي نحكي معاها...تردلي بالسيف...كانو واحد ظاغط عليها
حسام:باهي شيهمك فيها انت...مش من عادتك تتلهى بحد
انا:نعرف حسام...هذا لي حارقني...الطفلة متحبش تروح من مخي...كل مرة نقول ميهمنيش فيها...نلقى روحي نخمم في نفس الحكاية...صدقني كان تبقى هكا باش تضيع
حسام:فاش تخمم ؟
انا:منعرفش...صدقني منعرفش...نحب نفهم منها الحكاية...كان هي تحتاج شكون يعاونها...انا باش نتصرف...منعرفش علاه...اما حرام اللي قاعد يصير فيها...تستخايل...ديما فما شكون يوصلها...من كرهبتو ظاهر فيه لباس عليه...اما وقت كنا في الكلينيك...خافت من التكاليف...و اكثر من هكا ديما روطار...و داخلة بعضها...تحكي كان مع صحبتها برك...و لاحظت حاجة اخرى
حسام:شنوة ؟
انا:فما تراص على يدها...و زروقية قديمة زادة...قاعدة تتعرض لضرب و لا لعنف ؟ يمكن هذا سبب حالتها...حتى كي سألتها ليوم...حسيت روحها باش تخرج...على انها تخبرني
حسام:عمر الحكاية ظاهر معقدة اكثر من هكا...اخطاك منها طفلة...كان عينها كانت تحكي...و زادة احسن باش متدخلش في مشاكل مع سيرين ماك ريت اخر مرة...اسبوع و انت تقنع فيها انو الحكاية فارغة
حطيت راسي بين يديا زوز...نحسو باش يطرشق...من شيرة حسام عندو حق في اللي قالو...اما زادة منجمتش نحيها من مخي...خوفها اليوم اكدلي انو فما شي...منعرفش شبيني شديت صحيح في الحكاية...عالاقل نعرف سبب ورا تصرفاتها...عالاقل نجم نعدي العام هذا من غير ما نزيد نضرها انا زادة بتصرفاتي...خاصة عالروطار و كلامها في نص الدرس...و الفازات لي تعملهم من غير ما تاخو بالها...في الاول هذا شي كان يقلقني و يفددني منها...اما في اخر فترة...لاحظت انو تصرفاتها الكل عندو مبرر واحد...و هو الخوف...نفخت بالقاوي...و هزيت روحي وقفت نحكي
انا:عندك حق...الحكاية هاذي فارغة...احسن شي معادش نخمم فيها جملة
حسام:باهي احسن...هيا خلينا نكملو
هزيتلو براسي باهي...و خالطت عليه...نحاول ننسى الحكاية جملة...اما فرد وقت باقي نخمم في اللي صار...منعرفش كيفاه تعدا الوقت...خرجنا مع بعض...اول ما وصلت للكرهبة...حبسني يحكي
حسام:عمر...فكر بالقدا باهي...خاطرني نعرف انك ماكش باش تفوتها الحكاية...على هذاكا متتصرفش من راسك
انا:باهي حسام طمن
هزلي براسو ايه...حليت باب الكرهبة...و طرت بيها...منحب نخمم في حتى شي اخر...اول ما وصلت لدار...خذيت دوش تفرهدت بيه...و مشيت جبدت المشروع متاعها...حليتو نغزر فيه...غريبة رغم ظروفها الكل...و حالتها النفسية...نجمت ترسمو بالقدا...حتى تفاصيل الصغيرة منساتهمش...مع انو مش من لي يتبعو درس برشا...تي شطر الساعة تعديها تهدر و شطر لاخر سارحة...قص عليا صوت تليفوني...لقيتها سرين تطلب...هزيت عليها...نسمع فيها تحكي
سرين:عمر حبي...وينك انت
انا:هاني سرين لباس ؟
سرين:متغشة منك انا ؟
انا:مممم و السبب ؟
سرين:شبيك نهار الكل مطلبتنيش ؟ ياخي معادش تحبني انت و لا شنية الحكاية
انا:ملا الفرخة متغشة مني
سرين:مانيش فرخة عمر...تي عمري 26 سنة توا...شبيك مزلت تقولي فرخة
انا:سرييين يا روحي...تنجم تهدا و تفهمني شبيك
سرين:مممم متغشة منك عمر...مش على اساس ليوم عطلة...و شنعدوها مع بعض
انا:كانت عندي قضية عزيزتي...تلزيت نتلهى بيها...و زادة كنت تنجم تطلبني...مش حتى نكلمك انا
سرين:باش ترد لوم عليا
انا:مانيش نلوم فيك...كان جا عينك تعدي نهار معايا...كنت تنجم تطلبني
سرين؛باهي باهي...في الاخير طلعت انا الغالطة
انا:سرين خرجت اليوم ؟
سرين:انا ؟
انا:نحكي مع غيرك انا
سرين:لا مخرجتش
انا:متأكدة
سرين:مممم علاه حتى نكذب عليك...اصلا بقيت نعاون امي في قضية دار
انا:باهي
سرين:تتعدالي غدوة للخدمة ؟ نحب نفطر معاك
انا:باهي عزيزتي
سرين:مممم باهي حبي...امي تعيطلي...نكلمك مبعد
انا:باهي
سرين:نحبك
طيشتلي بوسة في تليفون و علقت...تبسمت عالفازة...رميت تليفون عالطاولة و تكيت راسي لتالي...منعرفش علاه حسيتها تتهرب من حاجة...محاولتش نخمم برشا...هزيت روحي بالسيف...نحس في بدني مهدود...دخلت لبيتي...ترميت عالسرير...سكرت عينيا بالوقت...معادش نعرف في شنوة نخمم بالظبط...احسن شي نغم على راسي و نرقد مفماش نرتاح شوية
🔸️زهرة تحكي:
بقيت واقفة في بلاصتي...نحس روحي في دوامة كبيرة...نغزرلو ماشي و يبعد...لا نجمت نستوعب...و لا حتى نقول كلمة اخرى...قلبي نحسو باش يخرج من بقعتو...فكرة لانا باش نحكيلو على مراد...و نخبرو كلشي...خلاتني نرعش في بلاصتي...منعرفش شبيه شد صحيح في الحكاية...منعرفش شمدخلو...و لا علاه اهتم بيها برشا...فقت من سرحتي كي بعد عليا...تلفت نمشي...نحب نبعد من هوني...نحب نبعد عالبلاصة هاذي و ننسى كلشي حكيتو معاه...دموعي نزلو بالوقت...منعرفش اصلا علاه قاعدة نبكي...حتى مريم لي قاعدة عالكرسي تستنى فيا مريتهاش...قربت مني تجري...وقفت في وجهي تحكي
مريم؛زهرة شبيك...شقالك عمر ؟
دموعي نزلو اكثر...نحس الكلام وحل في حلقي...منجمتش نحكي معاها و لا نغزرلها...ترميت عليها حضنتها بكل قوتي...كبست على ظهري من غير حتى كلمة...جبدت روحي منها...كان وقت حسيت روحي هديت...كبست على يدي تحكي
مريم:زهرة امانك عزيزتي شبي حالتك هكا...عملك حاجة...طلب منك حاجة قلقتك
خذيت نفس بالسيف...عديت يديا زوز على وجهي...نمسح في دموعي و نحكي فرد وقت
انا:م..محبش يرجعلي البراصلي متاعي
مريم:علاش...مش قالك ايجا لهوني باش تاخوها
انا:ا اما بشرط
مريم:شررط ؟؟ فاش تحكي انتي ؟
انا:ي يحب يعرف حكايتي الكل...يحبني نحكيلو على
م..مراد
مريم:شنننننننوة ؟
بقيت ساكتة...حتى انا مزلت مصدومة من اللي صار...رجعت شعرها لتالي...تحكي
مريم:علااااه...شيهمو فيها الحكاية هو...علاه يحب يعرف
انا:منعرفش مريم...صدقني منعرفش...كلشي نعرفو انو هو مستحي يرجعلي البراصلي متاعي
مريم:لاااا عاااد...شنية يستخايل في روحو...شمدخلو فيك هو
انا:مريم اخطانا منو نحس في راسي باش يطرشق
مريم:شباش تعمل توا
انا:نمشي نصرف من الكارت متاع الهم لاخر...و الا باش تبان الحكاية كذبة
مريم:باهي خلينا نمشو
هزيتلها براسي ايه...و مشيت معاها...نعمل في الخطوة بالسيف...منعرفش في شنوة نخمم بالظبط...حتى كي دخلنا للبوتيكات...منجمت نشري شي...و لا نغزر لشي...غزرتلي مريم تحكي
مريم:شتحب تشري
انا:اختار انت...اصلا مانيش شنلبسهم
تنهدت بالقاوي...و جبدت روبة في يدها...روبة في نوار...قصيرة و ياسر مزيانة...غزرتلي تحكي
مريم:زهرررة...تطلع عليك مش نورمال...والله
انا:مريم عيش اختي...ياخي شنفرح بيها انا
مريم:باهي زهرة...احسن شي اشريها و خلينا نمشيو
انا:هبلت مريم...ريتها قداش غالية
مريم:زهررة تتبهلل عليا ياخي...عالاقل يعرف لانتي صرفت منها الكارت
هزيتلها براسي ايه...مش عيني نحكي جملة...عطيتها الكارت...هي لي خلصت...و خرجنا...بقيت طول الثنية ساكتة...نخمم في اللي باش يصير...منعرفش كيفاه تعدا نهار...نعرف لي مريم تعمدت تبقى معايا...باش تفرهدني...تفكيري الكل عند عمر و في اللي قالو و في البراصلي لي عندو...اول ما وصلت لدار...حسيت بخنقة منعرفش علاه...يمكن منحبش نراه توا و لا نقابلو...حليت الباب و دخلت...كيف مسمعتش صوتو لوطة...مشى في بالي مزال مرجعش...خذيت نفس و طلعت دروج هذاكا بالسيف...تهزيت و تحطيت على صوتو يحكي
مراد:شبيك لتوا ؟
طلعت راسي شوية نغزرلو...خارج من بيتو...لابس كان شورت كهو...حاولت نغزر لاي بلاصة كان فيه هو...خذيت نفس نحكي
انا:م مع مريم
مراد:باهي اهدا شبيك خايفة
انا:شي تاعبة و انا نحب نمشي لبيتي
قرب مني شوية...وخرت لتالي اكثر...حبست كيف حسيت بالحيط ورايا...وصل عندي بالوقت...حط يدو بحذا راسي...غزرلي ندرا كيف...قلبي دق بالقاوي...للحظة خفت كان هو عرف باللي صار...و كان امي تطلع مش هوني...وقتها بالرسمي باش تكون نهاية متاعي...طاح الكيس عالارض...و طاحت منو روبة...عدا عينيه على وجهي يحكي
مراد:ماكش باش تبطلها العادة هاذي
انا:ش..شنوة ؟
مراد:زهرررة...امتى باش تولي تتصرف عادي...شبيك كل ما تشوفني تتنطر من بلاصتك...ياخي نورمال انتي في مخك
بقيت نغزرلو...تنهدت بالقاوي...شعرة و قلبي يحبس...منعرفش كيفاش تبسمت...عالاقل باش نسلم منو توا...خذيت نفس نحكي
انا:لااا مانيش خايفة...ا انا جيست
مراد:شنوة
انا:مش انت ديما تهددني على هذاكا
مراد:مجنونة...برا ارتاح توا...و انزل للعشا من غير ما نظطر نطلعلك
انا:باهي
وخر شوية لتالي...جبدت روحي بالوقت...مشيت بالزربة لبيتي...اول ما وصلت للباب...ذكرت الكارت متاعو...تلفت عندو بالوقت نحكي
انا:مراااد
تلفت عندي بالوقت...اصلا مش مستانسة نكلمو...و لا نعيطلو...من وقت صارت الحكاية...غزرلي يحكي
مراد:مممم شنوة ؟
انا:لحظة
جبدت الكارت من الصاك...و غزرتلو في عينيه...نحكي
انا:الكارت متاعك
تبسم على جنب...نزل هز الروبة من الارض...ما جات شي في يدو...منعرفش علاه تبسم وحدو...حطها في الكيس و قرب مني يحكي
مراد:تفضل
مديت يدي بالسيف شديتها عليه...هز يدو عداها على شعرو...باقي يتبسم وحدو...قحرتلو نحكي
انا:شنننوة ؟
مراد:ههههههههههه شي زهرة برا لبيتك توا
حطيت الكارت في يدو بغزول...و تلفت دخلت...سكرت الباب ورايا...عندي برشا مريتوش يضحك بالطريقة هاذي...نفخت بالقاوي...طيشت الكيس عالارض...و مشيت بدلت دبشي...و لميت بيتي لي خليتها اكاكا...و فرد وقت قاعدة نفكر في اللي صار...منعرفش كيفاه تعدا الوقت...نزلت عالعشا معاهم...لقيت امي حطت طاولة...قعدت معاهم...غزرتلي تحكي
امي:زهرة لباس عزيزتي
انا:لباس امي
امي:لقيت البراصلي متاعك
انا:مزال
امي:باهي متقلقش روحك
تبسمتلها و غطست في صحن...نحس في روحي عندي برشا مكليتش...طلعت راسي شوية لقيتو يغزرلي...وقتها فقت على روحي...خذيت نفس نحكي
انا:صحة ليكم انا شبعت
امي:باهي زهرة برا ارتاح
هزيتلها براسي ايه...وخرت بالكرسي لتالي...و قمت...جات عيني في عينو...تنهدت بالقاوي...و تلفت عطيتو بظهري...طلعت الدروج هذاكا وحدة وحدة...دخلت لبيتي...و سكرت الباب...ترميت عالسرير...غمضت عينا بالوقت...تعدا كلامو في راسي << طبيب قال حالتك نفسية...و نظن انو الحالة بسبب شخص واحد...تعرف على شكون نحكي>> حليت عينيا نغزر لسقف...سؤال واحد كهو جا لراسي...كان انا حكيتلو...زعمة شنية باش يتبدل ؟ باش يحتقرني اكثر من هكا ؟ و لا باش يفضحني وسط صحابي...ينجم يعملها اذا هو يكرهني لهدرجة...بلكشي قاعد يفركس على سبب باش يتهنى من خلقتي...اصلا نعرفو هذا لي يحب عليه هو...تي من اول نهار مش حاملني...عديت الليل الكل نتقلب في فرشي...منجمتش نرقد...كل مرة نغمض عينيا...صورتو تحضر...معادش فاهمة اللي قاعد يصير...اول ما غفيت طلع الصباح...قمت من بلاصتي بالسيف...نفركس في الدبش...كي العادة رصاتلي في سروال و خلعة...هزيت صاكي و نزلت اللوطة...صبحت عليهم و خرجت نجري...قبل ما يشدني بالكلام...وصلت لفاك بطلوع الروح...منحبش نقابلو و لا نغزرلو جملة...وصلت روطار بشوية كي العادة...جيت باش نرجع غزرلي يحكي
عمر:ادخل
كبست على صاكي و دخلت...منعرفش شبيه مع الصباح...حاستو مخبيلي شي اخر...اصلا كرهت القراية هاذي الكل جرايرو هو
جبدت الكرسي و قعدت...بحذا مريم...كلمة لا...خاطر نعرف لباش يطردني في اي لحظة...تقريب ساعة تعدات...مغزرليش جملة...للحظة كنت باش نصدق لي مش هو...طلعت راسي...كي عرفت لهو باش يرجعلنا ورق المشروع...حط الورقة متاعي قدامي و تعدا...حليت المخطط شوية شوية...عينيا وساعو و انا نغزر لنقطة لي عطهالي...تلفت لمريم بالوقت...لي حتى هي تصدمت...نحس في نفس تسكر عليا...متوقعتش باش يعملها...غزرت للمخطط متاع مريم...حتى هي عطاها نقطة باهية...فاش قام جات عليا...تي عديت تقريب شهر و انا نرسم فيه...رغم ظروفي التاعبة...اما عطيتو وقتي الكل...طلعت راسي غزرتلو...من غزرتو عرفتو عملها بلعاني...كبست عليه بيديا زوز...نحس في روحي باش نبكي...حاولت ناخو نفس و زوز...نهدي في روحي...باقي نغزرلو...يسكر في البيسي متاعو...و يهز في كرطابتو من غير حتى كلمة اخرى...اول ما خرج...لميت صاكي بالزربة...هزيت المخطط في يدي و خرجت نجري...حتى مريم لي تعيط عليا مرجعتلهاش...لي يهمني اني نبعد من هوني و كهو...شديت طاكسي و طلعت...باقي تعيط عليا من تالي...منعرفش كيفاه وصلت لدار...لقيت امي مشات للجمعية...و هو باز مشى للخدمة...طلعا لبيتي نجري...رميت صاكي عالارض...حطيت يديا زوز على راسي...نحسو باش يطرشق...نفس ماشي و يتسكر عليا...كلشي جا على يدي كسرتو...نحب نفرغ غشي الكل...جات عيني عالمخطط...هزيتو من عالسرير بغزول...قطعتو طروف...حسيت روحي باش نتهد...تحل الباب بالوقت...طلعت راسي نغزرلو...شاد دوسي في يدو...ظاهر رجع على خاطرو...دور عينيه عالبيت...مصدوم ورجع غزرلي...يحكي
مراد:زهررررة
بقيت نغزرلو...اول ما دخل قربت منو بالزربة...نضرب فيه بيديا زوز على صدرو و نصيح فرد وقت
انا:انت سبببب في كلشي...انت سببب في اللي قاعد يصير...اخرج من حيااااتي يززززي تعبت منك مراد...تعبت...انت قاعد تقتل فيا بالعرق...يزززي امانك...يززززي
بقى واقف في بلاصتو من غير حتى كلمة...كبشت بيديا زوز في سوريتو...نحس في ساقيا رخفو و معادش يهزوني...طحت عالارض...نزل عندي بالوقت...حضني بيديه زوز...حطيت راسي على صدرو...اول مرة نقربلو لهدرجة...خاطر معادش عندي قوة ندزو بيها...في فمي كان كلمة وحدة
انا:نكرهك مراد...نكرهك...نكرهك
هز يدو...يبعدلي في شعري من وجهي...من غير حتى كلمة...نسمع في دقات قلبو...لي دق بالقاوي...دموعي نزلو اكثر و اكثر...تعبت منو...تعبت من اللي قاعد يصير...اللي عملو عمر...يكفي باش نعرف اني نجم نعاود العام...تعبي الكل ضاع في لحظة...هذا الكل جراير مراد و عمايلو...كلشي خايب قاعد يصير هو سبب فيها...باقي يعدي في يدو على شعري و يحكي
مراد:شششش وفااات...اهدا
بقيت ساكتة...منجمتش حتى نحكي معاه و لا نرجعلو...تنهد بالقاوي يحكي
مراد:شكونو زهرة ؟
قلبي دق بالوقت...دموعي لي كانو ينزلو...و لا شهقة ورا اختها...مش مراد لي تتعدا الحكايات هاذي عليه...كبس عليا اكثر يحكي
مراد:شكون اللي عملت هكا على خاطرو
كبست عليه بيديا زوز...صوتو لي خرج بنبرة تهديد...خوفني اكثر...خذيت نفس بالسيف نحكي
انا:ح..حتى حد
رخف يديه شوية على ظهري...منجمتش نبعد عليه...منحبش نرا وجهو...كبس على كتافي...و جبدني شوية...غزرلي في عينيا يحكي
مراد:نسمع فيك
بقيت ندور في عينيا على وجهو...و اللي عملو عمر بين عينيا...خذيت نفس بالسيف...نحكي
انا:ا انا اليوم في لفاك
بقى يغزرلي...يستنا فيا نكمل...هزيت يدي بالسيف...عديتها على خدي...و كملت نحكي
انا:ا المشروع لي كنت نعمل فيه
طلع راسو غزر للمخطط لي قطعتو...حسيتو فهم عليا...عقد حواجبو...يحكي
مراد:علاه هذا الكل زهرة
انا:م مانيش باش ننجح...معادش نحب نقرا...معادش نحب نرجع لفاك...تعبت من كلشي
هز يديه زوز حطهم على وجهي...يمسح في دموعي...و يحكي فرد وقت
مراد:زهرة...زهرتي المزيانة...باش تسلم من اول مرة انتي...و كان منجحتش العام هذا...تنجح العام لي وراه...زهرة نحبك تبقى قوية ديما...خاطر انا وراك...تحب تبدل لفاك...نخليك تقرا في وحدة احسن منها...و كان لزم نحكي مع البروف لي كلفكم بالمشروع...اما دموع هذوما اخر مرة نراهم باهي
بقيت نغزرلو...قرب مني اكثر باسني من راسي...ما نجمت نحكي حتى كلمة...نحس في راسي رزين برشا...قرب مني اكثر...محسيتش بيه كيفاه حملني...حطني عالسرير...نحالي الكونفارس...غطاني...و نزل عليا يحكي
مراد:منحبك تخمم في حتى شي توا...ارتاح و كهو
مرجعتلوش...بقيت نغزرلو...و هو يعدي في صوابعو على خدي...منجمتش حتى نبعد وجهي منو...بعد عليا شوية...نشوف معاه و هو يلم في البيت...نحس في راسي رزين برشا...رجع كلشي لبلاصتو...نسمع في تليفون ينوقز...هز يحكي
مراد:مانيش باش نجي...خلي الاجتماع لغدوة
علق من غير حتى كلمة اخرى...قرب مني شوية يحكي
مراد:تو نرجعلك باهي
غمضت عينيا بالوقت...منحبش نغزرلو...تلكمت على روحي اكثر...نحس في بدني مهدود...نحب ننسى لي صار الكل...اما متجمتش...كانو فما حد كابس على افكاري...صوتي نحسو ضايع...نسمع في تليفوني ينوقز...اما ملقيتش جهد لا با نقوم و لا نكلم حد...نخمم في اللي صار...و كيفاه باش نتصرف معاه...كنت في واحد وليت في زوز...لقيت روحي نكره فيه...كيما نكره مراد بالظبط...حتى هو ولى كيف الكابوس بالظبط...لفاك كانت البلاصة الوحيدة لي نجم نرتاح فيها من ظغط الدار...و نحاول نتلهى باي شي كان اني نخمم في مراد...اما فيسع ما رجع مراد مرة اخرى في هيئة عمر...باقي نرد في نفس بالسيف...تحل الباب بالوقت...دخل و في يديو...كاس و دبوزة ما...قرب مني شوية...قعد على طرف السرير...قعدني شوية...شربت من عندو...اصلا دوب نجم نراه...تكيت لتالي...نسمع فيه يحكي
مراد؛لباس توا ؟
هزيتلو براسي ايه...تنهد بالقاوي...يحكي
مراد؛زهرة توجع فيك حاجة
بقيت نغزرلو...كيفاه ينجم يتصرف هكا...كيفاه مينجمش يستوعب انو سبب في كلشي قاعد يصير...خذيت نفس نحكي
انا:ن نحب نرقد
هزلي براسو ايه...حط الكاسة عالتابل دونوي...و هز روحو وقف يحكي
مراد:كان احتجت شي كلمني
سكرت عينيا...حليتهم كان وقت حسيت بيه خرج...تنهدت بالقاوي...معادش نجم نفهمو...و لا نفهم شنية لي قاعد يدور في راسو...نحس في راسي رزين برشا...شي من البكا و شي من اللي صار...باقي افكار تهز فيا و جيب...لين حسيت مخي باش يطرشق...كلشي نحب نعملو اني نرقد...و نهرب من الواقع هذا الكل...نحب وقت نفيق...منلقى لا مراد و لا عمر اللي ندرا منين خرجلي...نحب نبدا حياتي من الاول...نحب نعيش طفولة اخرى...و حياة اخرى...وقتها برك...نجم نكون زهرة...وقتها برك نجم نحب اسمي...لبابا اختارهولي...هذا كلشي نحب عليه
أنت تقرأ
زهرة🌸
Acak🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
