حلقة 130
عمر يحكي:
شديت الفران بالقاوي...و تلفت عندها نغزرلها...دخلت بعضها أكثر...عديت عينيا على وجها...حسيت بضعفي اكثر...حسيت روحي قداش خذلتها في وجودي و غيابي زادة...اللي سمعتو...حرقني من داخل...فكرة انو كان فما احتمال معادش نشوفها مرة اخرى...خلاتني على أعصابي...و فرد وقت نقمت على عيلتي اكثر...عديت يدي على وجهي...نحكي
انا:انزل زهرة
دورت راسها...غزرتلي مفجوعة...دموعها تحصرت مرة أخرى...كبست على يديها أكثر...تحكي
زهرة:ل..لا...خلينا نمشيو لدارنا عمر...مش لازم نقابلهم توا...اصلا نص الليل
انا:و كي طيشك نص الليل برا...علاش مخممش ؟
زهرة:منحبش نقابلو توا
انا:خايفة منو ؟
زهرة:خايفة نخسرك و نخسر بنتي مرة أخرى
حليت الباب و نزلت...من غير ما نجاوبها...قربت من جيهتها...حليتلها الباب...نحكي
انا:انززل
نزلت عليها شوية...شديتها من يدها...و هبطتها...رعشتها وصلتلي الخوف لي هي فيه...هزيتلها براسي ايه...و جبدتها معايا...رغم نحس في روحي باش نطرشق...اما محبيتش نفجعها أكثر...ضربت عالباب ورا بعضو...لين حلت مليكة...دخلت و دخلتها معايا...وقفت في نص الصالة نحكي
انا:برا فيقهم الكل مليكة
زهرة:ع..عمر يززي اماانك...مش لازم لي تعمل فيه
انا:سكر فمك انتي...حسابي معاك يجي مبعد...مدامك سكت عاللي صار...معناها الغيت وجودي بالنسبة ليك
زهرة:اسمعني مرة وحدة
انا:وخرت برشا زهرة
هزيت راسي نغزرلو هابط...و الكل وراه...عديت يدي على وجهي نحكي
انا:اهلا سي عثمان
بابا:عمممرر...شنية هذا لي تعمممل فيه ؟
امي:عممر ولدي شنية لي صار ؟
انا:والله المرة هاذي...انا باش نقعد...و نتوما تحكولي لي صار في غيابي
بابا:شقصدك ياخي ؟
انا:انت ادرى يا بابا...منعرفش كان مزلت تستحق الكلمة هاذي من اصلو
بابا:عممممر يزززي كهو...هاات الموضوع من التالي...و قولي شنية لي خلاك تهد علينا نص الليل
دورت راسي غزرتلها...واقفة بجنبي من غير حتى كلمة...تنهدت بالقاوي نحكي
انا:شنية مشكلتك مع مرتي بابا ؟
بابا:ياخي على خاطرها هي...هديت علينا كي الحاكم
انا:و مستعد نعمل اكثر
امي:عممر شفما ؟
انا:جاوبني انتي امي...شنية لي خلاك تولي كيفو بالظبط
بابا:عمممر
انا:باااهي هاااني باش نوضح الحكاية...مدام ولى ما فيبالكمش بيها
كبست على يدها و جبدتها قدامي بالظبط...عديت عينيا على وجها...و عاودت غزرتلو نحكي
انا:شكون عطاك الحق تعمل في مرتي اكاكا ؟
بابا:شقصدك ؟
انا:تعرف قصدي بالقدا...ارجع شهور لتالي...تو تفهم قصدي
بابا:شنية كذبت عليك المرة هاذي ؟
انا:مرتي متكذبش
بابا:تحكي مع بوووك كان نسيت
انا:بابا ؟ بابا لي خلى مرتي تولد بين اربع حيوط...بابا لي طيشها بدمها في الشارع...و حرمها من بنتها...تحب نزيدك شنية عملت ؟
بقى يغزرلي من غير حتى كلمة...كبست يدها...و رعشتها...خلاتني نغزرلها بالوقت...هزيت راسي على صوتو يحكي
بابا:افتراااء
هزيت حاجبي مستغرب...و تبسمت على جنب...نحكي
انا:ملا زهرة قاعدة تفتري عليك ؟ و على امي...و على سلمى زادة ؟
جبدت يدي منها...و قربت من أمي...وقفت قدامها بالظبط...نحكي
انا:انتي شقولك في اللي سمعتو ؟
نزلت راسها بالوقت من غير ما تجاوبني...غزرت لسلمى...و قربت منها نحكي
انا:و انتي ؟
وخرت خطوة لتالي...و ضحكت بالوقت...دورت عينيا عليهم...نحكي
انا:حتى حد فيكم ما عندو جواااب ؟
بابا:اللي سمعتو منهاااا مش صحيح...هي لي طيشت بنتها باش ترررجع لساااقط هذاكا
قرب منها بالزربة...و مد يدو باش يضربها...كبست عليها قبل ما توصل لخدها...كبسة يديها على ظهري...خلاتني ننزل على يدو اكثر...قحرتلو نحكي
انا:رررد باااالك...ردد بااالك تخمم تحط يدك عليها و لا تمسهاااا
نطرتلو يدو...و تلفت عندها...كبست على يديها زوز...نحكي
انا:متخاافش...باهي
زهرة:ن..نحب نمشي توا
انا:هدي روحك
هزتلي براسها ايه...خذيت نفس طويل...و جبدت روحي منها...غزرتلو نحكي
انا:شنية لي منعرررفش بيه زادة ؟ شنية عملت في غيابي سي عثماااان
هند:انا نقلك
هزيت راسي نغزرلها...قربت مني شوية...وقفت بيناتنا...تحكي
هند:لي سمعتو من زهرة الكل صحيح...بابا...عمل هكا و اكثر...حتى تعرف هدد كل حد فينا...باش يخبي الحقيقة عليك...حتى ريحان...وقت حاولت نهزها لامها...هددني بالفرد...و كان مش مصطفى ساعتها...مانيش موجودة توا
دورت راسي غزرتلو بالوقت...مصدوم من كمية الحقائق اللي نسمع فيها...عديت يدي على وجهي...نحكي
انا:علاااش ؟
قربت منو شوية...و هزيت راسي في وجهو...كبست عالبونية متاعي نحكي
انا:علااش عملت فيا هذا الكل ؟ علاش اخترتها هي باش تعاقبني ؟ شنية ذنبها ؟ علاش منجمتش تحبنا ؟ و لا تعتبرنا اولادك...تكلم شبيك ساكت
امي:عممر يززي عيش ولدي
مديت يدي شوية...حبستها قبل ما توصل عندي...و كملت نحكي
انا:جاوبني...اعطيني سبب واحد يخليك تعمل فينا هذا الكل...سبب واحد يخليك تاقف في وجهنا...يخليك تحطم احلام صغارك قبل ما تبدا...علاش حاولت تبيع حتى بنتك...هذا الكل على خاطر الفلوس...هذا الكل على خاطر متحبش شكون يكسرلك كلمتك ؟
جبدت روحي منو...قبل ما نفقد أعصابي أكثر...قربت منها نحكي
انا:و انتي سلمى ؟ شنية عذرك ؟
سلمى:ع..عمر
انا:معندكش عذر كي العادة...ديما زهرة لي غالطة و انتي الملاك الطاهر لي يحبني مش هكا ؟
سلمى:عمر اسمعني
جبدت روحي قبل ما تحط يدها عليا...وخرت خطوة لتالي...نحكي
انا:متحطش يدك عليا...متتوقعش قداش وليت نتقزز منك...و حتى من صوتك...تعرفشي حاجة...حتى بلاصة هند متستحقهاش...حتى متوقعتش لانتي باش تنزل للمستوى هذا...و ترخص روحك بالطريقة هاذي...معادش تخليني نشوفك مرة أخرى في حياتي
دورت راسي على يديها زوز...لي تحطو على يدي...جبدت روحي منها نحكي
انا:متمسنيش امي...انتي بالظبط...معادش عندك حتى حق...لا عليا و لا على حتى حد فينا...انتي ديما كنت شاهدة على كلشي...كنت حاضرة على معاناة كل حد فينا...اما فضلت تبقى سااكتة...من سنين زادة بقيت ساكتة...و وقت كان باش يستخدم بنتك على أساس أنها صفقة بقيت ساكتة زادة...و وقت مرتي كانت بين حياة و موت...عطيتو يدك و عاونتو عاللي يعمل فيه...زعمة علااش...علاش اخترت تكون كيفو هو ؟
امي:ع..عمر يا روحي
انا:متقربش مني...حتى لتوا مستغرب في روحي كيفاه مزلت نقلك امي...انتي و هو نفس الشي
جبدت روحي منها...و عاودت قربت منو...باقي واقف في بلاصتو...ما عمل حتى خطوة...وقفت قدامو بالظبط نحكي
انا:انت خليتني عااجز حتى باش نلومك...على خاطر الحق عليا لي خممت نرجعلكم...حتى خليتني عاجز باش نمشي للمركز...و نشتكي بيه
هز راسو غزرلي ندرا كيف...تبسمت على جنب و كملت نحكي
انا:شنووووة استغربت ؟ علااش متعرفش لي بلاصتك بين اربع حيوووط...تعرفشي...حتى هذا ماهوش عقاب كافي بالنسبة ليك...حتى متعرفش قداشني كاره روحي...على خاطرني ولدك
دورت راسي غزرتلها مرة اخرى...لتوا مش مصدق لي عمل فيها هذا الكل...قربت منها نحكي
انا:يمكن مانيش باش نعوضك عاللي عملو فيك سي عثمان...اما عالاقل نجم نخلي القرار ليك...كان تحب تمشي للمركز...و كان تحب تنجم تردلو لي عملو فيك...يا روحي
زهرة:م..منحب حتى شي عمر...هزني من هوني و كهو
هزيتلها براسي ايه...و مديت يدي...مسحت دمعتي قبل ما تهبط...و عاودت غزرتلو نحكي
انا:بعد توا معاااد فما حتى شي يجمعني بيكم...لا من بعيد و لا من قريب زادة...علاقتنا تقطعت هوني...حتى لحق الوقت باش تلم دبشك و ترجع للبلاد سي عثمان...الفيلا هاذي و العز هذا...باش يرجعو لمولاهم في اقرب فرصة...و انت دبر امورك عاااد...حتى كان رجعت املاكك...و مكاانتك...ماكش باش ترجع كرامتك...و حتى اولادك لي ضيعتهم
هزيتو و حطيتو...و قربت من هند...عديت صوابعي على خدودها...مسحت دموعها...و بستها من جبينها جنحكي
انا:حضر رووحك...و كلشي تحتاجو...بعد توا انتي باش تعيش عندي...و حتى حد ماهو باش يمسك و لا يتعرضلك بعد توا...و كلامي هذا موجه لكل حد فيكم...كان صار و حد غلط معاها بحرف...حسابو باش يكون معايا...و ان شاء الله معادش نتلقاو في الدنيا هاذي مرة أخرى...يا سي عثمان الكبير
جبدت روحي لتالي...نحس في بدني الكل يرعش...مديت يدي لزهرة...شدتني بالوقت...كبست عليها و خرجت...خرجت من غير ما نلتفت ورايا...و لا نسمع لالحاح امي مرة أخرى...حتى توسلاتها و دموعها مأثروش فيا المرة هاذي...حليتلها الباب ركبت و خلطت عليها...طرت بالكرهبة...ضربت يديا زوز عالفولون نحكي
انا:ياااا ريتك حكيت من قبل...ياااا ريتك مسكتش لتوا يا زهرة
زهرة:ع..عمر...هدي روحك اماانك...ش..شبيك تسوق هكا
انا:منجمت نعملو حتى شي...امااا انتي كنت تنجم..تنجم تخليه...ياخو حقو بالكامل
زهرة:ب..باهي...حبس الكرهبة توا...أماانك
شديت الفران بالقاوي...دموعها لي زادو...خلاوني نفقد أعصابي أكثر...و حسيت روحي عاجز ناحيتها...حتى بعد ما قطعت علاقتي بيهم...أول مرة نكره روحي على خاطرني ولدهم...على خاطرني لتوا نحمل إسمو...في الوقت لانا قاعد نلم في العيلة...لي ضيعها...كان يضرب فيا بسكينة حافية من تالي...حليت الباب و نزلت..بعدت عالكرهبة شوية...نرد في أنفاسي لي خنقتني...عديت يديا زوز على وجهي...منجمتش نغزر لوجها...حاشم منها...و من اللي عملوه فيها...منجمتش حتى نطلب السماح...على خاطر حتى شي ماهو باش يعوضها عالليلة هذيكا...غشي الكل خرجتو في صيحة وحدة...و إلا كنت باش نطرشق من داخل...دورت راسي نغزرلها واقفة بحذا الكرهبة...ترعش بكلها...دموعها غطات وجها للحظة حسيت روحي هديت...و بديت نستوعب خوفها من كلامها لي تقص...و يديها لي تعدي فيهم على خدودها...خذيت نفس و قربت منها شوية...مديت يديا زوز باش نشدها..وخرت خطوة لتالي...تنهدت بالقاوي...و كبست على أكتافها...بستها من جبينها و جبدتها في حضني...عنقتها بقوة الخوف لي حسيتو دقايق لتالي بقوة الخيبة و القهرة لي حسيتهم...فوق لي تعدا عليها الكل...عثمان خذا فيها بايو و مرمدها في غيابي...و لا مرة ستخايلت أنها تعدات بالظروف هذيكا في غيابي أنو موصلتش حتى تهز بنتها بين يديها من أول لحظة يمكن توا بالظبط بديت نستوعب تعلقها الزايد بريحان و خوفها عليها من عيلتي...توا فهمت علاش محبتش ترجعلي قبل...طلع مش مراد الوحيد...سبب عذابها...فرد وقت حاولت نحميها من كلشي و منجمتش نحميها من عيلتي...دموعها لي قوات خلاتني نكبس عليها أكثر...لي خلى دموعي تنزل بالوقت...منجمتش حتى نستخايل الحالة لي كانت فيها...و لا وجيعتها...أصلا جرد فكرة تخليني نفقد اعصابي من غير ما نحس...خذيت نفس نحكي
أنا:سامحني زهرة...سامحني على خاطر منجمتش نحميك منهم
كبست على سوريتي بيديها زوز...غرست راسها في صدري أكثر...شهقاتها قوات...و كلامها لي خرج متقطع كمل عليا
زهرة:خ..خفت برشا ليلتها...خفت نموت قبل ما نشوف بنتي مرة وحدة...خفت يطلع كلام بوك صحيح و بنتي تطلع ميتة...خفت أنت تصدقهم و تحرمني منها..مكانش عندي حل آخر غير مراد وقتها...معرفتش وين نمشي و لا شنوة نعمل بالظبط...و محبيتش نعمل فيهم أكاكا نهارتها...أما والله هو لزني...حتى عاودت رجعت الأملاك الكل بإسمو...والله
أنا:شششش...ما تلوم روحك على حتى شي...إنتي ما عندك حتى ذنب في اللي صار يا عمري
هزت راسها شوية...غزرتلي ندرا كيف...خدودها حمارو أكثر...عديت صوابعي عليهم نحكي
أنا:علاش محكيتليش قبل...علاش ما خبرتنيش باللي صار معاك...و خبيت عليا ؟
زهرة:م..محبيتكش تخسر عيلتك
أنا:إنتي عيلتي الوحيدة يا روحي
زهرة:م..ماكش باش تبقى متغشش مني ؟
أنا:مستحيل...و كان عديت حياتي الكل نطلب في سماح مانيش باش نردلك حقك
زهرة:أنت ما عندك حتى ذنب...معادش تقول هكا
أنا:يا ريتني سمعت كلامك قبل و صدقتك...و إلا مكانش صار فينا هكا
زهرة:معادش تلوم روحك على حاجات صارت في الماضي...أنا نسيت...و أنت زادة لازمك تنسى
أنا:تعرفشي شنية أكثر شي نحب عليه توا ؟
زهرة:شنوة ؟
أنا:نرقد في حضنك...نتحسس صوابعك بين خصلات شعري...نحب نحس بالراحة معااك
زهرة:و أنا زادة نحب نفس شي
ضحكت بالوقت...حطت يدها على خدي...تمسح في دموعي بصوابعها...و تحكي
زهرة:باهي ملا نرجعو نهزو ريحان و نمشو لدارنا
انا:خليها ريحان...باش تكون في امان معاهم...و زيد لازمهم سطاج براتيك...مدام عندهم زوز صغاار في ثنية
زهرة:ماهيش باش تبكي ؟
أنا:بربي...هي كي شافت حسام سلمت فيا...تهنى باش تكون مليحة...و من غدوة نجيبها باهي ؟
زهرة:باهي يا روحي
نزلت عليها شوية...بستها من جبينها...و تبسمت نحكي
انا:هيا ايجا
زهرة:شنية تحس في روحك ساعة ؟
انا:لباس يا عمري...مدامني معاك...باش نكون مليح ديما
عديت عينيا على وجها...مكنتش نعرف شنية نعمل من غيرها...جبدت روحي شوية...و مديت يدي حليتلها الباب...نحكي
انا:هيا عزيزتي
غزرتلي ندرا كيف...و قربت مني ركبت...سكرت الباب وراها و خلطت عليها...خدمت الكرهبة من غير حتى كلمة...قربها مني كان كي المسكن بالنسبة ليا...مديت يدي شوية...قربتلي بالوقت حطت راسها على صدري...ثنية كاملة...عديتها سارح...نحاول نستوعب لي صار فيها ليلتها و الحالة لي كانت فيها...و الغريبة مزلت مصدوم كيفاه نجمت تتعدا اللي صار معاها و تقوم من جديد...شديت الفران...و نزلت راسي نغزرلها...تنهدت تحكي
زهرة:وصلنا ؟
انا:مممم...هيا كمل نومتك في دار
زهرة:باهي
اول ما نزلت كبست على يدها...و طلعت...اما نكذب كان نقول ناري طفات...لتوا نحب نعرف شنية طبيعة راجل هذا و وين يحب يوصل...كيفاش يوصل يطردها حتى من دارها...و يعرف لي معندهاش وين تمشي...فقت من سرحتي على صوتها تحكي
زهرة:حتى انت لازمك ترتاح
انا:برا بدل دبشك انتي...تو نخلط عليك
زهرة:باهي
عديت صوابعي على خدها...و جبدت روحي لتالي طيشت الفاست عالفوتاي...و حليت البالكون...استندت بيديا عالحديدة...نرد في نفس...مفماش نبرد شوية...و ننسى لي سمعتو...و ننسى انو لي كان سبب أمي و بابا منعرفش قداش تعدا وقت...و كل لحظة حاولت نهدي روحي فيها...شعلت اكثر...حسيت بيديها زوز...دارو عليا...حضنتني من تالي تحكي
زهرة:مش على أساس باش تخلط عليا
غمضت عينيا بالقاوي...و عاودت حليتهم...نجبد في نفس ورا بعضو...تلفت عندها نغزرلها...عديت يديا زوز على زنودها...نحكي
أنا:شبيك خرجت هكا...الجو بارد
زهرة:استفقدتك
انا:هيا توا ملا
زهرة:و انت ؟
نزلت عليها شوية...هزيتها في حملتي...و قربتلها شوية...نحكي
انا:استفقدتني ملا
زهرة:أنت قتلي بدل دبشك و أنا نخلط عليك
انا:و انتي فيسع سمعت الكلام ؟
زهرة:نسيت لأنا تلميذتك
انا:مممم صحيح...اما كان تحب نذكرك...لي كنت تلميذة كسولة
زهرة:جيست كنت نخاف منك...و الامور السيئة تصير الكل في الحصة متاعك...اكا علاش خذيت نظرة خايبة عليا
انا:و توا معادش تخاف ؟
حطيتها في وسط السرير...و ترميت بجنبها...تقعدت و ثنات ساقيها تحكي
زهرة:معادش نخاف منك...من أول مرة عطيتني يدك موليتش نخافك...نقصد...بديت نفهم طبيعتك...و فرد وقت لقيت روحي نحبك...يعني حاجات هكا
أنا:ايجا عندي
زهرة:نحب نعرف حاجة ساعة
انا:دلل
زهرة:باش تكمل معاها في المشروع
أنا:تقصد في ملك ؟
زهرة:ممممم ملك
أنا:منعرفش...الأمور داخلة بعضها...و منجمش نخليهم في نص المشروع
زهرة:معناها باش تبقى قريبة منك
هزيت روحي تقعدت...لين وليت مقابلها...عديت صوابعي على خدها نحكي
انا:علاش سؤال هذا توا ؟
زهرة:حتى شي...حبيت نعرف و كهو
أنا:ملك ما تعنيلي حتى شي...لا قبل و لا توا
زهرة:يعني و لا مرة خممت فيها...نقصد أنت تعرف اهتمامها بيك...حتى خاطرت بحياتها...باش تحميك
نزلت بيدي شوية...حطيتها على رقبتها...تكيتها لتالي...و نزلت عليها...نحكي
أنا:صغرونتي...هات من تالي و قلي غايرة منها
زهرة:مانيش غايرة...أما
انا:باهي صدقتك...من غير ما تبررلي...أما كي العادة مظطر باش نعاودلك الدرس...و لآخر مرة...انا من غيرك إنتي...ما نرا حد...و مهما كانت الظروف لي فرقتنا قبل...صورتك ما فارقتني حتى لحظة
زهرة:أما هاك باش تبقى تخدم معاها
أنا:باهي عزيزتي...نوعدك باش نلقى حل في اقرب وقت...مهم انتي تكون مرتاحة
زهرة:مدامني معاك...مرتاحة و عاللخر زادة...اما وجودها جنبك يقلقني كهو الحكاية
انا:لطف على حبي
عديت عينيا على تفاصيلها مرة أخرى...عوجت فمها مش عاجبها...نزلت بصوابعي عليهم...نحكي
انا:علاش محكيتليش قبل ؟
زهرة:ف..في بالي سكرنا الحكاية
أنا:منجمتش نحيها من مخي...نحس في روحي تاعب و عاجز فرد وقت
زهرة:ا..أنت مرة صدقت سلمى...و اللي صار كي العادة حاجة متتصدقش...خفت نحط روحي في موقف خايب خاصة و إحنا مطلقين و بعد لي عملتو في عيلتك زادة منعرفش...كنت خايفة و كهو...يعني فكرة لأنت ماكش باش تصدقني خوفتني...فرد وقت محبيتكش تخسر علاقتك بيهم
أنا:لهدرجة معادش تنجم تاثق فيا زهرة ؟
زهرة:منقصدش لي فهمتو عمر...أما وقتها تاعبة...و أنت موليتش كيما قبل زادة...و ريحان من شيرة...والله كنت خايفة نتحرم منها أكثر
منعت دمعتها بصوابعي...و نزلت بيدي شوية...حطيتها على كرشها...منعرفش علاش رجعلي نفس الإحساس متاع قبل...عديت عينيا على وجها نحكي
أنا:توجعت برشا ليلتها ؟
زهرة:ع..عممر
أنا:نحب نسمع اللي صار الكل زهرة...شنوة لي صار بالظبط...و شنية لي خلاك تمشي لعندهم...نحب الحقيقة كاملة...نحبك تغزرلي...و انتي تعاود فيها
زهرة:س..سمعت مراد و هو يحكي مع المحامي...ليلتها كان باش يبعث شكون لعندك...و ي..يقتلك...مكانش عندي حل آخر...غيرهم...حاولت نوصللهم الموضوع...عالاقل يحموك منو...خبرت سلمى...وعدتني لهي باش تخبرك بكلشي...أما قبل ما نوصل ليهم...عرفت لأنا باش نولد...ب..بوك جبرني نولد في القصر...على خاطرو يظن لي ريحان ماهيش ب..بنتك
بقيت نغزرلها مصدوم...هاذي جملة أخرى خلاتني مستغرب من اللي نسمع فيه...متوقعتش يوصل يشك في مرتي بالطريقة هاذي...حتى بنتي معندهاش ذنب جبدت روحي منها مروهج تقعدت في بلاصتي و عديت يدي على وجهي...نحصر في دموعي...لي منجمتش نتحكم فيها...هاذي ثاني مرة يقهرني و الضربة كانت أقوى على قبل...حطت يدها على كتفي و كملت كلامها تحكي
زهرة:خبروني لهي ماتت...مع إني سمعت صوتها كي ولدت...ملحقتش باش نحملها و لا نشم ريحتها...الكلام لي قالو مزال محفور في ذاكرتي لتوا...و منجمتش ننساه...و منجمش نخليه يمس ريحان و لا يقرب منها
انا:شنية لي قالو ؟
زهرة:لي صار هوني تنساه...و تبعد على ولدي بعد سما عالارض...مداام جيت و لوحت وسخك علينا...لي ندرا منين جبتها...جاب ربي هز امانتو...و كان مزلت تعتب باب القصر...موتك على يدي...ياا هااملة
دورت راسي نغزرلها...غارسة ظوافرها في كفوفها...تقول في الكلام بغصة كبيرة...خلاتني عاجز بعد الكلام لي سمعتو...و منجمتش نسألها مرة اخرى...بعدت شعرها تحكي
زهرة:خرجني بعد ما ولدت...سليم هو لي عاوني وقتها
انا:سليم ؟
زهرة:كانت أول مرة نقابلو فيها...تنجم تقول كان مش سليم وقتها...مستحيل كنت نجم نعيش
أنا:علاش خبيت عليا لتوا...علاش حملت على روحك هذا الكل...حتى كان صار و مصدقتكش...حتى كان شكيت في حبي ليك...محقكش تسكت زهرة...محقكش تخبي عليه...و اللي صار ينجم حتى يتحاكم عليه
زهرة:ه..هدي روحك...انا حكيتلك على خاطرك حبيت تعرف...و ميهمنيش شنية عقابو...اكيد باش يجيه نهار و يتحاسب...اللي صار ولى من الماضي توا
انا:ماهوش ماضي...لي صار عليك في غيابي...منجمش نعديه بالساهل...منجمش نعدي فكرة لي صار...لتوا نحس في روحي مصدوم...و باش نهبل...انتي و هند و حسام...الكل خبيتو عليا حقيقة لي صار...ليلتها كان فما احتمال نخسر حد منكم...كان فما احتمال نخسر بنتي و منلحقش باش نحملها بين يديا...كيما كنت نجم نخسرك...و ماكش قدامي توا...علاااش ولا مرة خمم بالمنطق هذا...علاش عمرو ما خمم فيا شنوة نحب و شنوة نكره...دمرني قبل و خلاني عشر سنين غريب على عيلتي...اما المرة هاذي حتى امي عندها فضل في اللي عملو...مرة هاذي خلاوني نقتنع بقرار خذيتو سنين لتالي...و معادش باش ندم عليه
حطت يدها على خدي...دورت راسي غزرتلها بالوقت كبست عليا و تبسمت تحكي
زهرة:عممر...انا معاك توا...و هذا لي يهمني...نعرف لي صار خايب و يوجع...اما مدامني معاك...قاعدة نبرا...و قاعدة نلم في قوتي من عندك...في راايي لي عملتو اليوم كان كافي و هند ما عندها حتى ذنب و معندهاش غيرك انت...على هذاكا حاول تنسى لي سمعتو...و ايجا عندي تراه
كبست على يدي...و تسطحت لتالي...نزلت عليها بالوقت...حطيت راسي على صدرها...غرست صوابعها في شعري...مديت يدي بالسيف...حطيتها على كرشها نحس في روحي غارق...و منعرفش نسبح من غيرها يمكن هي لي بحاجتي في الوقت هذا...اما لقيت روحي هارب من اللي عملوه فيها...ليها هي...وين حسيت روحي ارتحت...و افكاري هدات شوية...خذيت نفس نحكي
انا:نحب على صغير آخر زهرة...حتى كان معادش عندي الحق...بعد اللي صار فيك...اما نحب نعيش لي تحرمت منو و إنتي حبلة بريحان
زهرة:مش حتى تكبر ريحان شوية
انا:مانيش باش نظغط عليك زهرتي...حتى شي ماهو باش يصير من غير موافقتك...أما عالاقل حاول تحبني كيما قبل
زهرة:مممم المشكلة...إني وليت نحبك اكثر من قبل...اما انت توا باش تحاول ترقد و ترتاح...باهي
انا:بااهي يا روحي
كبست عليها اكثر...نتحسس في صوابعها لي بين خصلات شعري...و يدها لأخرى لي تحطت على خدي خلات اعصابي تترخف...قربها راحة كافية بالنسبة ليا...لي يخلي هاجس بعدها...يتنحى من مخي...غمضت عينيا و غفيت...براحة...عكس الخوف لي نحس فيه المهم انها معايا...و كهو
أنت تقرأ
زهرة🌸
Overig🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
