أنت تقرأ

زهرة🌸

De Todo

🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...

#تحرش #تملك #حب #خيانة #عشق #غيرة #كره

الحلقة مئة و الرابعة و ثلاثون

2K 37 0

بواسطة SamarElKaid

بقلم SamarElKaid

حلقة 134
هند تحكي:
لميت اوراقي كي العادة...حطيتهم في صاكي...بعد الشهور لي تعدات عليا...معداش نعرف نقدم خطوة وحدة...الحاجة الوحيدة لي نجم نعبي بيها وقتي...المعهد و الدروس...حتى ريحان لي ستانست بيها...استفقدتها...تنهدت بالقاوي...و تلفت لآسيا...تبسمت بالوقت و انا نغزرلها...اكثر حاجة فرهدتني...رجوعها لمصطفى...و ليا فرد وقت...من غيرها كنت باش نضيع اكثر...مفماش حد يفهمني كيفها هي...قربت منها شوية...عطيتها يدي...هزت راسها غزرلي...كبست عليا...تحكي
آسيا:جيت في وقتك
انا:نعرف يا روحي...مدام ولدك خلاك تولي رزينة هكا...لازمني نكون في الخدمة
آسيا:تحملني شوية عزيزتي
انا:انا عمري ما تقلقت منك آسيا
آسيا:عيش اختي...نهار تحبل تلقاني في الخدمة
عديت عينيا على وجها...دوب نجمت نتبسم على كلامها...من غير شي نحس في روحي ضيعت ثنيتي...و ضيعتو فيها...و معرفتش نبدا من جديد...اصلا متوقعتش باش نوصل نحبو و نتعلق بيه...حتى احساسي مع مراد تلغى مع وجودو هو...كبست على يدها...و خذيت نفس نحكي
انا:هيا قوم
هزت روحها وقفت...غزرتلي ندرا كيف...و تبسمت تحكي
آسيا:باش يرجع اكيد
انا:معادش يهمني...خلينا نمشو مصطفى يستنى فيك
كبست على يدها...و خرجت معاها...معادش نحب نحكي في سيرتو مرة أخرى...بعد الشهور هذوما...مدامو اختار ثنيتو...معناها سكر الماضي وراه...يمكن خسرت فرصتي معاه...و منجمش نعمل اكثر من هكا...خاصة بعد ما ضيعت ثنيتو...هزيت راسي نغزرلو...تبسمت...نحكي
انا:والله مكنتش نعرف لي سي خويا...يحترم الوقت
آسيا:والله حتى انا مستغربة فيه
مصطفى:تحكو عليا ؟
انا:تنجم تقول اي
تبسم بالوقت...باسها من راسها...و قربلي باسني من خدي...يحكي
مصطفى:هيا خلينا نمشو
انا:اعفوني انا...نحب نمشي شوية
آسيا:متأكدة ؟
مصطفى:فما حاجة عزيزتي ؟
انا:لا...يمكن نمشي بحذا زهرة و عمر
مصطفى:باهي رد بالك على روحك...و كان ستحقيت شي كلمني
انا:باهي يا روحي
جبدت روحي منهم و رجعت لتالي...نتحسس في نسمة الخريف على وجهي...حتى الجو بدا يبرد على بكري...عديت عينيا عالبلاصة لي تقابلنا فيها اول مرة...نفس الشي نعملو...في كل مرة نتعدا من هوني...ساقيا رزنت قدام الكافي متاع عم لطيف...دقايق عديتهم و انا واقفة مقابلتها...نتذكر في كل لحظة عديتها معاه هوني...شبيني منجمتش نخرجو من مخي منعرفش...شبيني
منجمتش ننساه...رغم اني نهرب من كل لحظة...و كل ذكرى جمعتني بيه...الوقت كان ضدنا...و الظروف كانت ضدنا زادة...و انا كنت ضد كلشي...غمضت عينيا بالقاوي...خذيت نفس طويل...و عاودت حليتهم...نغزرلو في بلار الكافي...قلبي خض بالقاوي...للحظة حسيت روحي نستخايل فيه...تلفت عندو شوية شوية...و هزيت راسي نغزرلو...صدمتي بحضورو خلاتني جامدة في بقعتي...بدني رعش...و صوتي ضاع...غمضت عينيا مرة أخرى...نعرف لي قاعد يصير مجرد حلمة...نعرف لي هو مستحيل يرجع...هزيت براسي لا...و عاودت حليتهم...مديت يدي شوية...محاولة مني باش نمسو...اما منجمتش...منجمتش نحط يدي عليه...منجمتش نصدق لي هو واقف قدامي...قربلي شوية يحكي
كريم:انا رجعت هند...رجعت خاطرني منجمتش نبعد عليك اكثر من هكا
وخرت خطوة لتالي...نغزرلو مصدومة...مستحيل هذا الكل يصير هكا صدفة...هزيتلو براسي لا...نحكي
انا:لاااا...لااا مستحيل
تحل الباب ورايا...خرج عم لطيف...يغزرلنا مستغرب...كبست على صاكي...و بعدت عليهم...نحكي مع روحي
انا:مستحيل...ماهوش باش يرجع...ماهوش باش يرجع...ماهوش باش يرجع
كبست يدو خلاتني ناقف مرة أخرى...دورني عندو بالوقت يحكي
كريم:استنى...متنجمش تمشي هكا
جبدت يدي منو في لحظة...خذيت نفس طويل...نحكي
انا:شكوونك انت باش تمنعني ؟
قربت منو اكثر...ندز فيه بيديا زوز لتالي...من غير ما نعمل حساب لحد...و من غير ما ناخو بالي لي احنا في ثنية...ضربتو لصدرو نحكي
انا:شكوونك بااش تمنعني...اصلا علاااش رجعت...علاااش تواااا...جااوبني...مدااامك رجعت جاااوبني
كبس على يديا بالوقت...جبدت روحي منو...و قحرتلو نحكي
انا:متمسنيش...مدامك اخترت ثنيتك علااش رجعت توا...علاش بعد شهووور هذوما الكل...علاش تمنع فيا اني نبعد...شنية تستخايل في روحك ياخي...علاش تمارس في انانيتك عليا...توا تحبني نصدق انك رجعت على خاطري ؟انت رجعت على خاطر روحك...انت اكبر اناني عرفتو في حياتي يا كريم...و مستحيل نسامحك عاللي عديتو في غيابك
مديت يدي مسحت دمعتي...و تلفت عطيتو بظهري...نمشي بالزربة...نحب نبعد عليه و كهو...نحب نخبي دموعي...لي لقات طريقها...دموعي لي كانت تنزل عليه بالسر...نزلت قدام الناس الكل...يديه زوز لي دارت عليا في لحظة...خلاتني نجمد في بقعتي...حضني من تالي...و كبس عليا يحكي
كريم:خليك...متبعدش عليا مرة أخرى
انا:س..سيبني كريم...سيبني اماانك
كريم:نعرف روحي غلطت...نعرف روحي ظلمتك بقراري...اما اسمعني...عالاقل مرة وحدة...اعطيني فرصة وحدة اماانك
انا:ن..نحب نمشي و كهو
كريم:مانيش باش نسمحلك
انا:متنجمش تمنعني
كريم:توحشتك
انا:ي..يزي اماانك
كريم:مغبتش من بالي حتى لحظة
انا:تكذب
كريم:معرفتش نكمل من غيرك
انا:نجمت تعدي شهور من غيري
رخف يديه شوية...دورني عندو...من غير شي بدني معادش مطاوعني...حاوط وجهي بيديه زوز يحكي
كريم:حاولت...حاولت اما منجمتش...اعطيني فرصة وحدة...فرصة وحدة كهو
عدا صوابعو على خدي...يمسح في دموعي...عقلي يقولي ابعد عليه و امشي...اكيد باش يبعد عليك مرة أخرى...اما قلبي كان عندو رأي آخر...راي خلاني نتنازل على كلشي...و نترمى في حملتو...من غير ما نخمم في اللي صار...و لا حتى في اللي جاي...كبس عليا بيديه زوز...غمضت عينيا بالوقت...نشم في ريحتو...نتحسس في قربو...رغم نعرف العواقب و العوائق لي تنجم تكون في ثنيتي...نحب نسمعو...نحب نعرف علاش بعد عليا...و علاش رجع توا...نحبو يبقى معايا...و معادش يبعد مرة أخرى...لزيت ليه اكثر...نحب ننسى لي عشتو في الشهور هذوما الكل...نحب نبقى في حملتو...من غير ما نقول كلمة وحدة...حتى كان باش يبعد عليا مرة أخرى...المهم عندي اللحظة هاذي و كهو...باسني من راسي...يحكي
كريم:ايجا معايا
جبد روحو شوية...و كبس على يدي...شهقاتي لي زادت...منعتني حتى باش ناخو موقف...لقيت روحي في جرتو...من غير حتى كلمة...حل الباب متاع الكافي...ضيقت عينيا كي لقيتها فارغة...شد المفاتح على عم لطيف يحكي
كريم:عيشك عمي
لطيف:رد بالك عليها
بقيت نغزرلهم مستغربة...اول ما خرج سكر الباب وراه من داخل و قلب لوحة...خذيت نفس نحكي
انا:ف..فاش تعمل ؟
كريم:منحب حتى حد يقاطعنا
انا:نحب نمشي من هوني و كهو
كريم:مش على اساس باش نحكو مع بعضنا
انا:منعرفش علاش طاوعتك من اصلو...في رايي كلشي واضح من الاول...حل الباب هذا خليني نخرج
قربت من الباب...ندور في البواني...و نحكي فرد وقت
انا:حل الباب...انا الغالطة نتبع فيك...حل الهم هذا
حسيت بيه واقف ورايا بالظبط...تلفت عندو...في بالي باش نعاركو...اما قربو...خلاني نبلع الحروف لي كانت باش تخرج مني...حط يدو...جنب راسي...و نزل عليا شوية...يحكي
كريم:ماكش باش تخرج...قبل ما تسمعني...و تسامحني فرد وقت
انا:مانيش باش نسمعك...و مفما حتى شس نسامحك عليه...انت عملت لي ريتو مناسب و كهو
قربلي أكثر...لين حسيت بانفاسو ضربت في وجهي...حضنت صاكي...و عديت عينيا عليه...تنهد بالقاوي يحكي
كريم:اقعد خلينا نحكو
انا:منحبش
كريم:باهي...خليني نتصرف انا ملا
ضيقت عينيا مستغربة...جيت باش نحكي...قص عليا...كي هزني في حملتو...عينيا وساعو...و مديت يدي نضرب فيه على ظهرو و نحكي فرد وقت
انا:هبطننني...فاااش تعمل ياااخي
حطني على غفلة...غمضت عينيا و عاودت حليتهم...نوازن في روحي...قحرتلو نحكي
انا:ياخي نورمال في مخك انت ؟
كريم:اقعد
انا:منحبش...و كان ماشي في بالك باش تخليني نسمعك بالطريقة هاذي...غالط برشا سي كريم
كريم:شنية تحب تشرب ؟
انا:حتى شي....خليني نمشي و كهو
كريم:اقعد ساعة...و من غير ما تحاول تعمل حاجة...المفتاح في يدي
تبسم على جنب و جبد روحو شوية...قحرتلو...و جبدت الكرسي قعدت...نغزرلو...واقف ورا الكنتوار...من جيهة توحشتو عاللخر...و منحبش نبعد عينيا منو...و من جيهة أخرى...منجمتش ننسى لي تعدا عليا في غيابو...و اللي حاولت نعملو باش نوصلو...فقت من سرحتي كي رجعلي...حط الكاسة قدامي يحكي
كريم:هوكا الشكولاطة متاعك
انا:منحبش
دورت وجهي للحيط...منحبش نغزرلو...قعد بجنبي...مد يدو شوية...بعدلي خصلات شعري...لتالي يحكي
كريم:متحبش تسمعني و متحبش تغزرلي زادة...لهدرجة مقلقك وجودي ؟
خذيت نفس طويل و تلفت عندو...عديت عينيا على وجهو...نحكي
انا:كان رجعت باش تعاود تمشي...منحبش نغزلك و لا حتى نسمعك
عدا صوابعو على خدي...فازة خلات دقات قلبي تقوا أكثر...نكذب كان نقول نحبو يبعد عليا...تبسم يحكي
كريم:كان انتي تحتاجني في حياتك...مانيش باش نبعد مرة أخرى
انا:وين كنت ؟
كريم:كنت هوني ديما...اما منجمتش نقربلك
انا:متحاولش تلفني...نعرف لي سافرت من هوني...خليت كلشي وراك و خليتني انا زادة
كريم:خفت من الحقيقة...خفت قربي منك...يضرك...خفت نوجعك و نوجع روحي اكثر
انا:حقيقة انو مراد خوك مش هكا ؟
كريم:حقيقة انك ماكش باش تنجم تحبني...و ماكش باش تعطيني بلاصة في قلبك
انا:انت مشيت من غير ما تتأكد...حتى نظن عندك حق...معندكش بلاصة في قلبي...اصلا اول ما مشيت...نسيتك...سيبني توا نحب نمشي
حاولت نقوم...كبس على يدي و رجعني...غزرلي ندرا كيف...يحكي
كريم:تكذب...كان نسيتني...راك مفركستش عليا...و ممشيتش لكل بقعة احتمال انك تلقاني فيها
انا:هااك تعرف كلشي...شنية تحب مني توا ؟
كريم:طلعت ما نعرف شي
انا:ش..شقصدك ؟
تبسم على جنب و جبد روحو شوية...قحرتلو...و جبدت الكرسي قعدت...نغزرلو...واقف ورا الكنتوار...من جيهة توحشتو عاللخر...و منحبش نبعد عينيا منو...و من جيهة أخرى...منجمتش ننسى لي تعدا عليا في غيابو...و اللي حاولت نعملو باش نوصلو...فقت من سرحتي كي رجعلي...حط الكاسة قدامي يحكي
كريم:هوكا الشكولاطة متاعك
انا:منحبش
دورت وجهي للحيط...منحبش نغزرلو...قعد بجنبي...مد يدو شوية...بعدلي خصلات شعري...لتالي يحكي
كريم:متحبش تسمعني و متحبش تغزرلي زادة...لهدرجة مقلقك وجودي ؟
خذيت نفس طويل و تلفت عندو...عديت عينيا على وجهو...نحكي
انا:كان رجعت باش تعاود تمشي...منحبش نغزلك و لا حتى نسمعك
عدا صوابعو على خدي...فازة خلات دقات قلبي تقوا أكثر...نكذب كان نقول نحبو يبعد عليا...تبسم يحكي
كريم:كان انتي تحتاجني في حياتك...مانيش باش نبعد مرة أخرى
انا:وين كنت ؟
كريم:كنت هوني ديما...اما منجمتش نقربلك
انا:متحاولش تلفني...نعرف لي سافرت من هوني...خليت كلشي وراك و خليتني انا زادة
كريم:خفت من الحقيقة...خفت قربي منك...يضرك...خفت نوجعك و نوجع روحي اكثر
انا:حقيقة انو مراد خوك مش هكا ؟
كريم:حقيقة انك ماكش باش تنجم تحبني...و ماكش باش تعطيني بلاصة في قلبك
انا:انت مشيت من غير ما تتأكد...حتى نظن عندك حق...معندكش بلاصة في قلبي...اصلا اول ما مشيت...نسيتك...سيبني توا نحب نمشي
حاولت نقوم...كبس على يدي و رجعني...غزرلي ندرا كيف...يحكي
كريم:تكذب...كان نسيتني...راك مفركستش عليا...و ممشيتش لكل بقعة احتمال انك تلقاني فيها
انا:هااك تعرف كلشي...شنية تحب مني توا ؟
كريم:طلعت ما نعرف شي
انا:ش..شقصدك ؟
حاوط وجهي بيديه زوز...و قربلي أكثر...بدني رعش مع لمسة يديه...غزرلي ندرا كيف يحكي
كريم:عرفت مأخر برشا...خاصة بعد ما سكرت على كلشي يتعلق بيك...و كلشي يوصلني ليك...بدلت رقمي و الايمايل زادة...حتى حولت خدمتي من هوني...و ما خليت حتى شي يربطني بيك و لا بتونس
انا:ل..لهدرجة ؟
كريم:و أكثر...مشى في بالي باش نهرب منك...ياخي طلعت هارب من روحي
انا:ع..علاش رجعت ملا ؟
كريم:رجعت صدفة لداري...باش ناخو حاجة لازمتني...عرفت من جارتي انو فما طفلة...بمواصفاتك انتي...جات تفركس عليا...تليفوناتك و ايمايلات لي حليتها بعد شهور اكدتلي لهي انتي
انا:كان معملتش هذا الكل...مكنتش هوني توا
كريم:كنت موجود ديما
انا:متكذبش عليا كريم
كريم:حضرت معاك دروس البيانو...حتى حبيت المعزوفة الجديدة...لي اقترحتها عالبروف...كنت موجود معاك في الساعات لي كنت تعديهم في الجنينة لي بحذا داركم...كنت وراك في كل مرة تاقف برا الكافي هاذي...و تمشي من غير ما تحط ساقك فيها...كنت موجود ديما يا هند...اما منجمتش نقرب منك
غمضت عينيا بالقاوي...دموعي لي حاولت نمنعها...غلبتني و نزلت على خدودي...منعرفش على شنوة بالظبط...على كلامو...و لا على اللي عشتو في غيابو...و لا من الاحساس لي سيطر عليا توا...متوقعتش باش يكون قريب مني لهدرجة...صوابعو لي سرحت على خدودي...خلاتني نغزرلو مرة أخرى...عدا عينيه على وجهي يحكي
كريم:ششش...يزي كهو
هزيتلو براسي لا...تبسم بالوقت...و كبس عليا...يحكي
كريم:ايجا هوني
كبس عليا اكثر...و جبدني في حملتو...مديت يديا زوز...عديتهم على أجنابو...غطست في حضنو...بقوة الخوف لي حسيتو من بعدو...و احتمال انو يمشي مرة أخرى...غرس يدو في شعري...يحكي
كريم:توحشتك...توحشت كل لحظة نعديها معاك و بجنبك
هزيت راسي شوية...عديت عينيا على وجهو...نحكي
انا:م..معناها ماكش باش تمشي مرة أخرى
كريم:انتي شنية تحب ؟
انا:ا..انا...انا
كريم:انتي تحب تكون معايا ؟
بقيت نغزرلو من غير حتى كلمة...هذا لي نحب عليه صحيح...اما بعد اللي تعدا عليا...معادش نجم ناثق حتى في روحي...كبس عليا اكثر يحكي
كريم:جاوبني هند
هزيتلو براسي لا...طلع حاجبو مستغرب...خذيت نفس طويل نحكي
انا:ن..نقصد أي...اما ماكش باش تخليني مرة أخرى
كبس على يديا زوز...باسني منهم...و عاود غزرلي يحكي
كريم:آخر مرة يا روحي
انا:ت..ترجع تعيش هوني...في تونس
كريم:رجعت ليا برشا...رجعت وقت حسيت انو فما شكون بحاجتي
انا:و..و المعهد ؟
كريم:تحب تقرا عندي مرة أخرى ؟
هزيتلو براسي ايه...ضحك بالوقت...مديت يدي عديتها على خدي...نحكي
انا:م..متأكد ماكش باش تمشي مرة أخرى
كريم:اغزرلي هوني...نعرف روحي غلطت برشا...غلطت كي معطيتش فرصة لعلاقتنا...و معطيتش فرصة لروحي...حكمت عليك من غير ما نسمعك...و غلطت توا كي هديت عليك على غفلة...اما نحبك تعطيني فرصة وحدة كهو...نصلح بيها لي عملتو الكل
مديت يدي شوية...حطيتها على خدو...من غير ما نزل عينيا من وجهو...مش مصدقة لي هو معايا توا...للحظة نسيت كلشي...نسيت لي صار معانا قبل...نسيت عمر...و لا حتى كيفاه باش تكون ردة فعلو...خذيت نفس نحكي
انا:م..متخلينيش مرة أخرى...ا..انت متعرفش شنية صار في غيابك كريم
غمضت عينيا على شفايفو لي تحطت فوق شفايفي...دوب باسني منهم...و حط جبينو فوق جبيني يحكي
كريم:مستحيل يا عمري...مستحيل نخليك مرة أخرى
انا:ر..رجعت لامريكا ؟
كريم:لا...مخرجتش من البلاد جملة
انا:ب..باهي...امتى عرفت لانا كنت نفركس عليك
كريم:شهرين لتالي
انا:شهريين ؟
كريم:حبيت نتأكد لانتي مزلت بحاجتي....و ماكش باش تنساني...صدقني عشت نفس العذاب لي عشتو انتي و اكثر
انا:علاش خليتني الوقت هذا الكل يا كريم
قربلي أكثر...خطف بوسة من شفايفي مرة أخرى...يحكي
كريم:سامحني يا روحي...اكثر شي نحب نسمعو منك توا...هو قرارك بخصوص علاقتنا
كبست على خدو أكثر...غمضت عينيا على انفاسو لي قوات في وجهي...نزلت بيدي لأخرى على شعرو من تالي...نحكي
انا:منعرفش شنية لازمني نجاوبك...اما كلشي نعرفو توا...معادش نحبك تبعد عليا مرة أخرى...معادش نحبك تحرقلي قلبي...و لا حتى تخليني عايشة في فراغ هذاكا...نحبك كريم...و محبيتش غيرك...نحبك و نموت عليك...كنت و باش تبقى احلى صدفة في حياتي
كبست على شعرو...بقوة كبسة شفايفو على شفايفي في لحظة...منعرفش علاش قلت الكلام هذاكا الكل...و لا حتى كيفاه خرج مني...اما معادش نحب ضيع حنى فرصة حتى لحظة...كيما عملت قبل...كلشي نعرفو و متأكدة منو...اني محبيتش غيرو...و حتى حد ماهو باش يحبني بالطريقة هاذي...يدي عرفت مع انفاسي لي تقطعت...جبد روحو شوية...يحكي
كريم:نحب نسمعها منك مرة أخرى
نزلت على شفايفي بالوقت...تبسم بالوقت...و قربلي أكثر...باسني من جبيني يحكي
كريم:ميسالش...مع الوقت تتعود عليها
جبدت روحي شوية...نهدي في روحي و في دقات قلبي...لي حسيتها مسموعة...خذيت نفس نحكي
انا:ش..شكولاطة متاعي بردت
كريم:تدلل
عدا عينيه على وجهي...غزرتو خلاتني نزل راسي بالوقت...كبس عالكاسة في يدو و جبد روحي مني...بقيت نغزرلو من بعيد...نحس في روحي وسط حلمة...عديت صوابعي على شفايفي...متوقعتش احساسي معاه...يغلبني لهدرجة...و متوقعتش ندخل للبلاصة هاذي مرة أخرى...هزيت روحي وقفت...و قربت منو...وقفت قدامو بالظبط...نحكي
انا:متوقعتش لانت باش ترجع مرة أخرى
مد يدو شوية...كبس على يدي...و جبدني عندو...يحكي
كريم:و انا متوقعتش لي باش نعيش نهار هذا معاك...و لا حتى نسمع الكلمة هذيكا منك
انا:ماكش باش تختفي مرة اخرى...ماكش باش تخليني مهما صار...و الا مستحيل نسامحك مرة أخرى...حتى ماكش باش تلقاني جملة
كريم:انتي حبني بالطريقة هاذي...و انا مستحيل نبعد عليك مرة أخرى
عديت عينيا على وجهو...نزلت على شفايفي شوية...و خذيت نفس نحكي
انا:انت زادة مزلت تحبني مش هكا ؟
قربلي اكثر...عدا صوابعو على خدي...و يدو لأخرى رجعلي بيها خصلات شعري...يحكي
كريم:انا حبيتك...من اول مرة ريتك فيها
نزلت بصوابعو شوية...لشفايفي...كبس عليهم...يحكي
كريم:من أول لحظة بهدلتني فيها...لاول مرة ذقت بنة شفايفك حبيتك...و مزلت و باش نحبك لاخر لحظة في عمري يا هند
خذيت نفس و قربت منو اكثر...حطيت راسي على صدرو...من غير ما نقول حتى كلمة اخرى...كلامو بالنسبة ليا...بر الأمان لي تعبت باش وصلتلو...كبست عليه بيديا زوز...نحكي
انا:صارت برشا حاجات في غيابك...حاجات كنت نحب نحكي عليها و انا في حضنك
كبس على شعري...و نزل عليا اكثر...باسني من راسي...يحكي
كريم:بلاصتك هوني بعد توا...مستحيل نخليك تبعد عليا مرة أخرى
انا:اصلا معندكش حق باش تبعد مرة أخرى
جبد روحو شوية...كبس على يدي...و غزرلي ندرا كيف يحكي
كريم:قبل ما ناخو الخطوة هاذي و نجيك...حكيت لامي على كلشي...هي من قبل تعرف كلشي علينا...على زهرة و مراد و عليك...صحيح متنجمش تتكلم...اما فرحتها كانت واضحة
نزلت راسي شوية...نغزر للخاتم لي في يدو...دقات قلبي قوات مع صوتو و هو يحكي
كريم:هذا متاع امي...كان انتي وافقت يولي متاعك
انا:ك..كريم
كريم:كان انتي رضيت بالخاتم هذا...اعرف انك باش تتعدا معايا طريق كلها شوك...على خاطر علاقتنا باش تكون مرفوضة بالنسبة للكل...لعمر و زهرة...و حتى المجتمع...و حتى كان رفضتني توا...تأكد مانيش باش نسلم...لين تولي مرتي و على اسمي
عديت عينيا على وجهو...دقايق تعدات منجمتش نستوعب فيهم الكلام لي قالو...نعرف انو الخطوة هاذي صعيبة...و نعرف مواجهة عمر...اصعب حاجة...نجم نتعدا بيها في حياتي...اما مش المرة هاذي...مانيش باش نتنازل على خاطر حد...عالاقل نتبع صوت قلبي مرة وحدة كهو...في آخر لحظة كان باش يسكر يدو فيها...غزرتلو نحكي
انا:موافقة
غزرلي ندرا كيف...عينيه لي دمعت في لحظة...و ضحكتو...وصلتلي فرحتو بجوابي...تبسمت نحكي
انا:موافقة كريم...مهما كان لي باش يصير...مانيش باش نضيع ثنيتك مرة أخرى
كبس على يدي أكثر...نزلت راسي نغزر للخاتم لي تحط في صبعي...محسبتش شنية ممكن تكلفني الخطوة هاذي..قد ما ريت حجم الفراغ لي عشتو في بعدو...يديه لي حاوطوني على غفلة...كانو كي المهدىء بالنسبة ليا...حتى ولا مرة توقعت انو ممكن يصير كلشي فرد مرة...و لا حتى باش نولو مع بعضنا...صوت تليفوني فيقني على وضعي...جبدت روحي منو شوية...خذيت نفس...و جبدتو من مكتوبي...دخلت بعضي و انا نقرا في اسم عمر...غزرت لكريم...هزلي براسو ايه...خذيت نفس طويل...و هزيت عليه نحكي
انا:اهلا عمر
عمر:وينك صغرون ؟
انا:صارت حاجة ؟
عمر:لا...اما حبيت نقعدو مع بعضنا شوية
انا:عندي درس مهم و لازمني نرجع
عمر:ميسالش عزيزتي...رد بالك على روحك
انا:و أنت زادة
علقت عليه و نزلت تليفوني...خذيت نفس و غزرتلو...نحكي
انا:م..منحبش نكذب عليه...خاصة هو
قربلي شوية...فك تليفون من يدي...حطو على جنب...و كبس على خدي...يحكي
كريم:ماكش مظطرة تكذب عليه بعد توا
انا:شقصدك ؟
كريم:منعرفش كيفاش...و لا شنوة ردة فعلو...اما نوعدك باش نحكي معاه...في اقرب فرصة...و تأكد مستحيل نخون ثقتك فيا المرا هاذي...و لا حتى نفلت يدك بعد ما تمدتلي مرة أخرى
هزيتلو براسي ايه...باسني من جبيني...و بعد شوية...يخضر في شكولاطة و يحكي فرد وقت
كريم:نحبك تحكيلي كلشي صار في غيابي...و كلشي كنت تحب تحكيه قبل...و حتى كان تحب تعاركني ميسالش زادة
نزلت على شفايفي شوية...و قربتلو...وقفت قدامو بالظبط نحكي
انا:نعرف كيفاه ناخو انتقامي منك...اما عندي سؤال مهم توا
كريم:تدلل يا روحي
انا:باهي...اول شي نحب نعرف شنية عملت الشهور هذوما الكل
كريم:شتقصد ؟
انا:انت تعديت بفترة صعيبة متأكدة...اما نحب نعرف مع شكون عديت الوقت هذا الكل
استند بيدو عالرخامة...ضحك ندرا كيف...و عدا عينيه على وجهي يحكي
كريم:تستجوب فيا ياخي ؟
انا:من حقي نعرف...مش هكا ؟
كريم:شد هاذي ساعة
حط كاسة الشكولاطة في يدي...تكى بظهرو عالرخامة...و تبسم يحكي
كريم:عديتو مع الخدمة...و مع امي زادة...مكانش عندي وقت باش نتعرف على غيرك
نزلت الكاسة قبل ما توصل لفمي...و قحرتلو...نحكي
انا:على اساس تنجم تتعرف
كريم:عندك حق عزيزتي...فقدت الحق هذا...بعد ما ريتك اول مرة
مديت يدي ضربتو لكرشو...و هزيت راسي قحرتلو...نحكي
انا:بالطبيعة معندكش حق...اصلا كان تفكر برك...نقتلك المرة هاذي كريم
فك الكاسة من يدي...حطها على جنب...و جبدني عندو...حط يدو على ظهري من تالي...يحكي
كريم:تعرفشي حتى غشك...نموت فيه
انا:مممم هاني باش نعمل روحي صدقتك
كريم:صدقني هند...انا مكنتش نعرف شنية نعمل من غيرك
مديت يديا زوز...حطيتهم على صدرو...خذيت نفس طويل نحكي
انا:نعرف روحي غلطت برشا في حقك...ل..ليلتها مكنتش نعرف شنية نعمل بالظبط...خفت منك برشا...و فكرة انك تطلع كيما مراد...خوفتني...خفت من الوجيعة...اكا لي خلاني نبعد عليك اول مرة
كريم:حبيتو ؟
حطيت صوابعي على شفايفو بالوقت...و هزيتلو براسي لا...نحكي
انا:لااا...انا جيست تعلقت بالشخصية لي خلاني نشوفها هو...اما اللي حسيتو معاه مكانش حب...مكنتش نحس روحي مرتاحة بالطريقة هاذي...انا محبيتش حد غيرك كريم...و محسيتش بهذا كان بعد ما عطيتني بظهرك و مشيت
كبس عليا اكثر...حطيت راسي على صدرو...نسمع فيه يحكي
كريم:انسى كلشي صار قبل...حلينا نبداو من توا...انطلاقة جديدة...من هوني...صدقني مدامني عايش...معادش نخلي حتى يوجعك يا روحي
انا:و متبعدش زادة
كريم:ياخي انا مزلت نجم...بعد اللي سمعتو منك...مانيش باش نفلت يدك لاخر لحظة في عمري
انا:و كان عمر يرفض علاقتنا ؟
هزيت راسي شوية غزرتلو...نستنى في جوابو ليا...تنهد بالقاوي يحكي
كريم:مانيش باش تخليلو فرصة يرفض فيها
انا:نعرف لباش تتعب برشا معاه
كريم:مدامني باش نلحق ليك في الاخير ميسالش
تبسمت بالوقت...خايفة نحل عينيا و نلقى روحي في حلمة...ليا برشا محسيتش هكا...شفايفو لي تحطت فوق شفايفي...فيقتني على وضعي...دوب باسني و جبد روحو يحكي
كريم:ملا ماكش باش تخبرني شنية عملت في غيابي
انا:فما برشا حاجات...لازمك تعرفها
هزيت الكاسة...و كبست على يدو فرد وقت...غزرتلو نحكي
انا:ايجا نقعدو في بلاصتنا ساعة
خلط عليا من غير حتى كلمة...قعدت في بلاصتي...خذيت رشفة نحكي
انا:اول شي...ريحان كبرت...ولات تقعد...و خرجت اسنان زادة...اما معادش نشوفها كيما قبل...خاصة بعدما عمر قطعنا مرة أخرى...يعني يلزمني نمشي انا بحذاهم
كريم:شنية لي صار ؟
انا:عرف باللي عملو بابا في زهرة...لي شعرة و ماتت جرايرو...اما حتى هو خذا عقابو...معادش ينجم يحكي و لا يتحرك...لتوا...منعرفش اذا نشفق عليه...و لا ناخو موقف مع خاوتي زوز
كريم:اصلا لتوا مريتش حد في طيبتك...مزلت ناقم على دمعة خليتك تهبطها جرايري
انا:كهو عاد...مناش باش نحكو عالماضي مرة أخرى...اصلا كان جا حد و قالي باش ترجع مكنتش باش نصدقو
قربلي بكرسيه شوية...و عدا يدو على جنبي...حطيت راسي على صدرو من غير ما نخمم مرتين...اصلا معادش نخمم جملة...كلشي يهمني اني معاه و بجنبو...مهما كان لي باش يصير...و مهما كان لي باش يعرضنا...مانيش باش نسلم فيه مرة اخرى...و لا حتى باش نضيع ثنيتو...ضحيت برشا...و خسرت برشا...مانيش مستعدة نخسر المرة هاذي زادة...حتى كان ظطريت نحارب عيلتي...و حتى عمر...لي عشتو مع كريم...معرفتوش مع حد غيرو...و هذا لي تاكدت منو في الوقت لي بعد عليا...اصلا مش مصدقة لي هو رجع...و قاعد معايا و بجنبي...حتى منعرفش كيفاش تنازلت على كلشي بعد ما ريتو...و منجمتش ناخو موقف منو...على خاطرو اختار يبعد عليا...لزيت ليه أكثر...و غمضت عينيا...و عديت يدي على صدرو...نتحسس في قربو لي تحرمت منو...و محاولة مني...باش ننسى كلشي تعدا عليا في غيابو...عالاقل مرة وحدة كهو...نحب نحل عينيا على واقع...ما فيه حتى حد غيرنا...واقع مانيش باش نبكي فيه...و مانيش باش نحس بالخوف مرة اخرى...لاول مرة في حياتي...نلقى روحي نخمم في نفسي من غير حتى حد...لاول مرة نحس اني تعلمت نكبش في الحاجات لي تفرحني...و باش نقدم اكثر باش منخسرهاش...متأكدة مانيش باش نخسر عالمنا مرة اخرى...عالم ما فيه حتى حد غيرنا...احنا و كهو
#سمر 💙💕