حلقة 72
🔸️زهرة تحكي:
حليت عينيا شوية...الوجيعة لي في حزامي تنحات تلفت نغزرلو...لتوا غاطس في نوم...حتى هو ليلة كاملة مرقدش...قربت منو شوية...عديت صوابعي على خدو نغزر لتفاصيل وجهو...ليلة البارح كانت اكبر كابوس نعيشو في حياتي...خفت اني نخسرو...و معادش نجم نحضنو مرة أخرى....كيما نعرف لي القضية ماهيش باش توفا هوني...و ماهوش باش يرتاح حتى يدمرنا الكل نزلت عليه شوية...خطفت بوسة من شفايفو...و قمت دخلت لبيت البانو...عملت دوش خفيف...تفرهدت بيه بدلت دبشي...و مشيت للكوجينة...حضرت الفطور و رجعتلو...لتوا راقد...قعدت على طرف السرير...نعدي في صوابعي على خدو...و شفايفو...حل عينيه شوية...و عاود سكرهم...تبسمت نحكي
انا:صباح الخير
عمر:صباح النور يا روحي
انا:شبيك لتوا ؟
عمر:المشكلة فيك عزيزتي...انتي لي ديما تفيق بكري
انا:بربي...توا وليت انا الغالطة
جبدني من يدي...جا وجهي مع وجهو....كبس على ظهري...و هز يدو لأخرى...حطها على رقبتي يحكي
عمر:شنوة يا فرخة...تحب تعاركني عالصباح ؟
انا:لا...البيبي في صفك المرة هاذي...منجم نعملك شي انا
عمر:باهي و البيبي يعرف...لانا نحب امو...و نموت عليها
انا:لا ميعرفش...اما انا نعرف
جا باش يحكي...قصيت عليه...كي نزلت على شفايفو بستو...تبسم يحكي
عمر:يا روح قلبي...تعرف شنية أكثر حاجة نخاف منها اني نفيق صباح و منراش وجهك قدامي
انا:و انا أكثر حاجة نخافها...انك معادش باش تكون في حياتي...خايفة نفيق في نهار من نهارات و منلقاكش بجنبي...خايفة انك بالرسمي تبعد عليا و تنساني
عمر:زايد مجنونة...تعرف بالقدا...لي انتي قطعة مني...و مهما عملت...منجمش ننساك...زادة فما صغرون في ثنية باش يربطني بيك لاخر عمري...يعني رغم على ناس الكل...باش تبقى تابعتني انا و كهو
نزلت عليه أكثر...كبست على خدو...و غزرتلو في عينيه نحكي
انا:منحبش نخمم في اللي صار البارح...و لا في اللي باش يصير مبعد...خاطرني متأكدة انو مهما عمل ماهوش باش يقتل حبنا
عمر:ايجا تراه
جبدني أكثر...قلبني تحتو...و حاوطني بيديه زوز يحكي
عمر:شو محلاها عالصباح
انا:هههههههه يزيتش توا
عمر:مش قتلك معادش دوش بلا بيا
انا:مممم والله المشكلة فيك انت
غزرلي ندرا كيف...نزل عليا أكثر...يبوس فيا...و يحكي فرد وقت
عمر:مممم ملا هاني باش ناخو بايي توا
انا:اما الفطور حاضر
عمر:ما عيني في حتى شي...غيرك انتي
تبسمت بالوقت...حتى انا منحب على حتى شي غيرو جبدتو عندي أكثر...حطيت كلشي على جنب...و استسلمت بين يديه...نحب نعيش كل لحظة معاه...حتى انا شاهياتو عاللخر السخطة...تعدات الصبحية في الفرش...جبد روحو مني يحكي
عمر:مش على أساس متحبش ريحة جال دوش متاعي
انا:شتهيتها عالصباح...شنعمل ؟
عمر:انتي تتشهى و انا نوحل
انا:بربي
حط يدو على كرشي...يعدي فيها...تبسم و غزرلي يحكي
عمر:بدات تكبر الفرخة
انا:انت متأكد لهي باش تكون طفلة
عمر:هذا لي نحس فيه انا...و قاعد نستنى فيها بالدقيقة و الدرج
انا:ماهيش باش تفك بلاصتي عندك
عمر:منعرفش...في رايك انتي ؟
قربت منو أكثر...دخلت في حضنو...و هزيت راسي شوية نحكي
انا:حتى حد ماهو باش يفك بلاصتي عندك...انت متاعي انا و كهو
عمر:يا مغيارة...حد ماهو باش يسلم منك
انا:لاا
عمر:ههههههههه زايد مجنونة...ياخي متقراش اليوم
انا:نقرا ساعتين الصباح...و سيبون فوتهم
عمر:هاك عديتهم مع رويجلك...جيب الكور و انا نفهمك فيه مبعد
انا:محلاه رويجلي يا ربي...قداشني نموت عليه انا
عمر:ممممم متستفزنيش عيش حبي....تو نشدك هوني ساعتين أخرى
انا:مممم علاش لا
عمر:ههههههههههه خاطر ماكش وحدك توا...منحبش نضرك
انا:صااار
عمر:هاك انحرفت يا فرخة
انا:مش مني
عمر:زيد امسحها في البيبي
انا:بالظبط
عمر:هيا قوم تاكول شوية...و اشرب دواك
انا:و انت ؟
عمر:ناخو دوش و نخلط عليك
انا:تاخو دوش بلا بيا ؟
غزرلي ندرا كيف...كبست على شفايفي بالوقت...تبسم على جنب يحكي
عمر:ممممم فكرة...ايجا تراه
جبد روحو مني...و نزل هزني بين يديه...يحكي
عمر:تحب على دوش آخر ياخي ؟
انا:نحب عليك انت
حضنتو بالوقت...الوقت لي عديتو معاه صباح...خلاني ننسى لي عديتو البارح الكل...حتى هو معادش جبد الموضوع...خاطر اللحظات هذوما خاصين بينا احنا و كهو...عاوني بدلت دبشي...و شيحت شعري...خليتو يبدل...و رجعت للكوجينة...سخنت لي نقدر عليه...اصلا الماكلة بردت الكل...فطر معايا...و هز مفاتحي يحكي
عمر:انا باش نمشي في قضية توا
نطرت من بلاصتي جيت واقفة...قربت منو بالزربة نحكي
انا:وين ماشي ؟
عمر:لشريكة عزيزتي...تعرف لي شي ما تحل لتوا
انا:باش ترجع ؟
عمر:باش نرجع
انا:توعدني ؟
عمر:يزي حبي...متخوفنيش عليك...منحبكش تعب روحك أكثر...يزيك توا...برا ارقد شوية لين نرجع...ما تمشي لحتى بلاصة...و ما تحل الباب لحتى حد متعرفوش...و ما تهز على حتى نومرو جديد...باهي...و كان صار شي كلمني فيسع
انا:ب..باهي
حط يدو على كرشي...و قرب مني أكثر...باسني من راسي يحكي
عمر:و رد بالك على بنتي زادة
انا:و انت رد بالك على روحك...و تذكر لانا نحبك و نموت عليك زادة
عمر:عيش صغرونتي
باسني بوسة خفيفة...و خرج...تنهدت بالقاوي...و سكرت الباب وراه...رجعت لصالة...ترميت عالفوتاي...و شعلت التلفزة...ما عيني في حتى شي...من وقت خرج و قلبي مقبوض...نوقز تليفوني بالوقت...هزيت روحي شوية نغزرلو...نفس الرقم لي كان يطلبني بكري...متأكدة لهو قاعد يطلب فيا توا...هزيتو في يدي...مترددة بين نرد عليه و لا لا...من شيرة خايفة من عمر...و من شيرة أخرى خايفة يضرو...كان منهزش عليه...تقويت على روحي...و هزيت...نحكي
انا:شتحب مني ؟
مراد:شبي حبي منرفزة عالصباح ؟
انا:تعرف لأنت أحقر واحد عرفتو في حياتي يا مراد كان تعرف قداش نكرهك...و نتقزز حتى من اسمك
مراد:نعرف...كيما نعرف لانتي باش تتراجع عالكلام هذا زادة
انا:فاش قام تطلب فيا توا...مكفاكش اللي عملتو ليلة البارح
مراد:اهدا عزيزتي...بعد شوية باش يوصلك ميساج...تو تلقى فيه عنوان داري الجديدة...نستنى فيك بعد ساعة
انا:تعرف شنية لي قاعد تقول فيه توا...انا مرا معرسة توا...معناها مرت راجل سي مراد...حط هذا في بالك...و بالشوية بالشوية...تو تفهم انك مهما عملت...ماكش باش دمر حبنا باهي
مراد:علمك تتفلسف كيفو...هاني نستنى فيك بعد ساعة مكانش...باش نكون مظطر نخليهم يشدوه ليلة و ماكش باش تلحق حتى تودعو عزيزتي
علق عليا...من غير ما نزيد معاه كلمة...هزيت روحي وقفت...نمشي و نجي في بلاصتي...منعرفش شنوة نعمل بالظبط...صوت الميساج وترني أكثر...زعمة نكلم عمر و لالا و كان صار و مراد نفذ تهديدو...اكيد باش نخسر عمر جملة...بعد صراع طويل مع روحي...لبست كيما جا و خرجت من دار...دنيا باردة عاللخر...حليت تليفون...نقرا في الميساج...شديت طاكسي...و قلبي يضرب بالقاوي...و تكبست أكثر كي طلبني عمر...فقت من سرحتي...على صوت تكسيست يحكي
هو:وصلنا مدام
خلصتو و نزلت من الكرهبة...طلعت راسي...نغزر للفيلا الجديدة لي شراها..طلع مريقل امورو الكل هوني..قربت شوية...قص عليا صوت تليفوني مرة أخرى...خذيت نفس و هزيت عليه...نسمع فيه يحكي
عمر:زهررة وييينك ياخي ؟
انا:سامحني عمر اماانك
عمر:قتلك وينك جااااوبني ؟
انا:وين لازم نكون...مانيش باش نخليه يضرك جرايري
عمر:زهرة يا روحي...متتصرفش من راسك عيش حبي قلي وينك توا و انا نجي نهزك...اكيد الامور باش تتصلح اما مش بالطريقة هاذي
انا:مهما صار نحبك تسامحني...باهي يا روحي
عمر:زهررررة
نزلت تليفوني بالوقت...حطيتو سيلونس...و رميتو في صاكي...قربت من الباب نحكي مع العساس
انا:مراد هوني
هو:تفضل مدام زهرة
طلع حتى هو يعرفني...مد يدو كبس عالزر...تحل الباب بالوقت...و كانو تحل باب جهنم قدامي...غمضت عينيا بالقاوي و عاودت حليتهم...خذيت نفس...و مديت الخطوة...نمشي و صورة عمر بين عينيا...صوتو في وذني...مراد ماهوش باش ياقف...و حد ما ينجم يوقفو غيري انا و كهو...جات عيني عالبون...تبسمت تحكي
هي:تفضل مدام
انا:وينو توا ؟
هي:سي مراد قاعد في الجنينة...تفضل من هوني
كبست على صاكي...و خلطت عليها...نمشي بخطوات رزينة...حسيت بوجيعة خفيفة في كرشي...حتى البيبي حس بيا...جات عيني عليه...قاعد يفطر...عامل مولا درا مش هوني...البون وخرت بالوقت...و مشات على روحها حطيت يدي على كرشي نحكي
انا:كلشي باش يكون مليح...مانيش باش نخاف منو
خذيت نفس و قربت منو...طلع راسو شوية...يثبت فيا كي العادة...غزر لكرشي...و تبسم على جنب...حط الشوكة و السكينة من يدو...و تكى لتالي...يحكي
مراد:اهلا بيك يا روحي
انا:نسمع فيك
مراد:شبيك ديما مستعجلة...ارتاح الساعة...في بالي الوقفة برشا و الستراس...مش باهي للبيبي عزيزتي
انا:البيبي لي تحكي عليه...عندو بوه...خليه هو يقلق عليه...خاطر صراحة...الدور هذا ميناسبكش جملة...و عبد كيفك حرام يكون بو...و عندو صغير
مراد:متقولش كلام تندم عليه مبعد يا روحي
انا:والله معاك انتي...ماني باش نندم على حتى كلمة نقولها...كنت تحب عليا...هاني قدامك توا...و اكيد مش خوف منك...اما حبيت نوضحلك...انو حتى حد ماهو باش يطلع خاسر من اللعبة هاذي يا مراد...غيرك انت و كهو
هز روحو وقف...قفل فلس الفاست متاعو...و قرب مني وقف قدامي بالظبط...يحكي
مراد:ميهمنيش اذا ربحت و لا خسرت...اما كان ماكش باش تكون ليا...ما راح تكون لحتى حد غيري...لا عمر متاعك...و لا حد آخر في دنيا يا زهرة
انا:مرة وحدة برك...حاول تفهم...لانا نتقزز منك...نكرهك و نكره كلشي يذكرني فيك...برا عيش حياتك و اخطاني اللي عملتو معايا لتوا مانيش باش نسامحك عليه...و الموت ارحملي...من اني نعيش مع واحد كيفك
قرب مني أكثر...وخرت خطوة لتالي...حطيت يدي عالطاولة...حسيت روحي تحصرت...تبسم على جنب يحكي
مراد:مانيش نستنى فيك تحبني زهرة...خاطرني ستانست نعيش بالطريقة هاذي...المهم عندي انك باش تكون ليا و كهو
انا:مانيش باش نكون لحد غير عمر...افهم لانا نحبو هو قريب و لا بعيد عليا...مانيش باش نسلم فيه...و مانيش باش ننساه...مهما عملت معايا يا مراد
عدا عينيه على وجهي...هز يدو...رجعلي خصلات شعري لتالي...و نزل بصوابعو...لرقبتي يحكي
مراد:حتى في الوضع هذا...و مفوتش عليه الفرصة تعرف حاجة...منحبش نرا لي تراص هذوما عليك مرة أخرى...وقتها مانيش باش نضمنلك نبقى هكا
كمية الحقد لي ريتها في عينيه ساعتها...خلاتني نوخر أكثر...نحب نبعد عليه قد ما نجم...عرفتو يحكي على تراص لي خلاها عمر...جات عيني...عالسكينة...عاودت غزرتلو بالوقت نحكي
انا:شنية تعمل...باش تشكي بيه خاطر مس مرتو...اللي عملو من حقو هو و كهو...في تالي انا متاعو هو برك
هز يدو شدني من رقبتي...كبس عليا بالقاوي...لين سكر عليا النفس...قحرلي بصفة غريبة...يحكي
مراد:ريت النفس لانت تاخو فيه توا...هذا من حقي انا موتك و حياتك بيدي يا زهرة...مش بدنك و كهو متحاولش تستفزني بالكلام هذا...و متخلينيش نحقد عليك أكثر...رد بالك تخرج شيطان لي داخلي يا زهرة رد بالك...والله العظيم باش ندمركم واحد واحد...و مانيش باش نرحم حد منكم...متوصلنيش باش نملكك بالسيف عليك...و كان بقيت ساكت توا...اعرف على خاطرك حبلة و كهو
النفس تسكر عليا...مديت يدي نفركس عالسكينة في الوقت لي كان يحكي فيه...كبست عليها...قربلي أكثر لين حسيت بالنفس متاعو في وجهي...يحكي بحقد كبير
مراد:سي راجلك الا ما نعفس عليه بساقي و نخليه يتمنى يرا النور...و كان تحبو يبقى عايش و مرتاح بالسيف عليك باش تكون ليا...متاعي و ملكي انااا و كهههو...تسسسمع فيا
صياحو قوا في وجهي...سكت كي غرست السكينة في جنبو...بقى يغزرلي مروهج...يدو ترخفت على وجهي بالوقت...عينيه حمارو...متوقعتش روحي باش نعملها متوقعتش نوصل اني نخمم نقتلو بيدي...وخر خطوة لتالي...رميت السكينة من يدي عالارض...بدني الكل يرعش...حط يدو على بلاصة الجرح....الدم لي نازل خلى خواطري دور بالوقت...قربت منو شوية نحكي
انا:م..مراد
كبس بيدو عالكرسي...و طاح على ساقيه...منجمش يتحمل أكثر...حتى هي الضربة مش صغيرة...نزلت قدامو...نحكي
انا:ا..انت السبب في هذا الكل...مكنتش باش نخليك تقرب منو
شدني من يدي بالوقت...يتغوصر من الوجيعة...دوب تبسم يحكي
مراد:ششش اهدا...م..منحبكش تخسر البيبي جرايري...و م..ماكش باش تخلص مني عزيزتي
بدا يكح بالقاوي...وخرت لتالي أكثر...جمدت في بقعتي كي ريت الدم متاعو على يديا زوز...هزيت صاكي من الارض...و قمت...نحب نبعد من هوني جملة....مستحيل انا نعمل هكا...مستحيل.
🌸🌸🌸🌸🌸🌸🌸🌸🌸🌸🌸🌸
نوخر و نغزرلو فرد وقت...بدني تكبست كي ضربت فيه من تالي...تلفت نغزرلو...متوقعتش باش يلقاني بالزربة هاذي...هزيت يديا زوز نحكي
انا:ع..عمر...مش قصدي...و..والله مش قصدي نقتلو ه..هو...هو لي حاول
بقى يغزرلي مصدوم...و هز راسو غزرلو...حط يدو على خدي يحكي
عمر:باااهي...اهدا توا
هزيتلو براسي لا...جبد روحو مني...و قربلو...بدا يدوخ خاطر نزف برشا...نزل قدامو يحكي
عمر:مزال عايش...هاني باش نكلم الإسعاف توا
انا:ب..باهي
اول ما جبد تليفونو...دخلت البون تصيح...نزلو دموعي بالوقت...مخفتش على روحي...قد ما خفت على عمر يوحل في مشكلة أخرى جرايري...دوب كلمهم عطاهم العنوان و علق...قرب مني...جبدني من يدي...يحكي
عمر:امشي توا
انا:ن..نخلوه وحدو ؟
قحرلي...سكت بالوقت...قرب من البون...وقف قدامها يحكي
عمر:كي يفيق عرفك...قلو هاذي آخر فرصة ياخوها المرة الجاية...باش نقتلو اكيد
كبس على يدي أكثر و خرجني معاه...حل باب الكرهبة يحكي
عمر:اركب
نزلت راسي و ركبت...نحس روحي في عالم آخر منعرفش شنوة قاعد يصير فيه...لتوا نحس في كبست يدو على رقبتي...صياحو في وذني...هزيت يديا شوية نغزر لدم متاعو...تبسمت نحكي
انا:ماهوش باش يموت...نعرف لهو باش يرجع مرة أخرى...ماهوش باش يتهنى حتى ياخو مني كلشي
شد الفران بالقاوي...و تلفت عندي...يحكي و يصيح فرد وقت
عمر:مشش قتلك...متخرجش من الدااار مهما صااار
مش قتلك رد بالك تعطيه فرصة أخرى يشدنا بيها...مراد اللي انتي ضربتو بسكينة...عاود حط اوراقو وثبت للكل لهو مزال عايش لتوا...و كان فاقد الذاكرة من فترة...اما انتي باللي عملتو...ينجم يضرك بييه...في بالك هكا تتحل المشكلة...موت مراد هو الحل في رايك جاوبني
بقيت ساكتة...نثبت في يديا و كهو...موت مراد عمرو ما كان حل باش انا نرتاح....تبسمت على جنب نحكي
انا:لا...ماهوش باش يموت...و زادة ماهوش باش يخلي حد فينا مرتاح...مدام انا مزلت عايشة
عمر:فاش قاعدة تحكي ؟
طلعت راسي غزرتلو...عديت عينيا على وجهو...و تبسمت نحكي
انا:مراد ماهوش باش يخليك تعيش مرتاح...و مانيش باش نسمحلو يضرك جرايري انا...انا سبب في اللي قاعد يصير...انا لي دخلت لحياتك على غفلة...انا لي خليتك تعيش هذا الكل يا عمر...انت عمرك ما راح ترتاح مدام انا موجودة في حياتك
نزلت راسي نفرك في يديا...نحب نمسح الدم متاعو منحبش ريحتو لي لاصقة فيا...تنهد بالقاوي...و حل الباب نزل...جا من جيهتي...حلي الباب يحكي
عمر:ايجا تراه
جبدني من يدي...نزلني...و حل دبوزة الما...يغسلي في يديا من غير حتى كلمة...حسيت روحي تفرهدت شوية...كي تنحى الدم متاعو عليا...هز يدو رجعلي شعري لتالي...حسيتو تصدم بالوقت...طلعلي راسي يعدي في عينيه على رقبتي...طاحت الدبوزة من يديو يحكي
عمر:شنية هذا ؟
بقيت نغزرلو من غير حتى كلمة...غمض عينيه و عاود حلهم يحكي
عمر:زهرة سألتك جاوبني
انا:ح..حاول ي..يخنقني...على هذاكا ضربتو انا
عمر:يخنقك ؟
انا:ت..تغشش مني خ..خاطر شاف تراص متاعك على رقبتي...ع..على خاطر قتلو لانا نحبك...هو عمل فيا هكا مقصدتش نضربو بالسكينة...و..والله مش بلعاني انا عملتها
ضرب يدو عالكرهبة...بحذا راسي...تهزيت و تحطيت بالوقت...دموعي نزلو أكثر...خرج غشو الكل في الكرهبة ما نجمت نحكي معاه حتى كلمة...بقى يحكي وحدو
عمر:السااااقط الكلللب...والله ماهي باش تتعدالو الفازة اتو نوريه كيفاش يحط يدو على حاجتي...■■■■■■ الا ما نخليه يخلص حق اللي عملو الكل
غمضت عينيا بالقاوي...منحبش نغزرلو...و هو في الحالة هاذي...عديت يدي على خدي...نمنع في دموعي..جبدني عندو بالوقت...حضني بالقاوي...يحكي
عمر:يزززي كهو..متبكيش...حد ما يستهل دموعك هذوما و راس حبي ماني باش نعديلو الفازة..انتي كهو معادش تتصرف من راسك باهي
انا:ب..باهي
عمر:هيا عزيزتي...يزيك لي صار اليوم
انا:ع..عمر
عمر:شنية يا روحي ؟
انا:كرشي توجع فيا...باش نموت
غزرلي مستغرب...كبست على يدو أكثر...باش منطيحش غزرلي مفجوع يحكي
عمر:باهي...حاول تهدا عزيزتي
انا:م..موجوعة عاللخر
عمر:هيا يا روحي
ركبني و خلط عليا...تكيت عليه موجوعة...عدا يدو على شعري يحكي
عمر:متخافش يا روحي...هاني معاك
انا:م..منحبش نخسر بنتي يا عمر
عمر:ماكش باش تخسرها...حاول تهدي روحك...كلشي باش يكون مليح
كبست على يدو أكثر...وجيعة ماشية و تقوى في كرشي يهدي فيا و يسوق فرد وقت...اول ما وصلنا...شد الفران بالقاوي...و نزل عندي...حل الباب...و هزني بين يديه يحكي
عمر:هيا عزيزتي
اول ما دخلنا...كبست عليه أكثر...منحبوش يبعد عليا قرب منا الفرملي يحكي
هو:دخلها هوني مسيو
حطني عالسرير...و عدا يدو على شعري...يحكي
عمر:متخافش...انتي باش تكون مليحة
منجمتش نردلو...صياحي بدا يقوى...دخلت الطبيبة بالوقت تحكي
هي:هاني معاها مسيو...استناني برا
كبست على يدو أكثر و غزرتلو...دوب نجمت نراه...وسط دموعي...نرد في نفس...و نحكي فرد وقت
انا:م..متخلينش وحدي...امانك
عمر:متخافش يا روحي...هاني معاك هوني
انا:متخرجش من هوني
كبست عليه أكثر...بحجم الوجيعة لي حسيتها... غزر لطبيبة يحكي
عمر:نجم نبقى معاها ؟
هي:باهي مسيو
بقيت كابسة على يدو...منحبوش يبعد عليا حتى شوية بقى يحكي معايا...و فرد وقت الطبيبة قاعدة تعدي عليا حسيت روحي تخدرت من الزريقة...فقت بعد ساعتين لقيتو قاعد بجنبي...وجهو اصفر...كبست على يدو غزرلي مصدوم يحكي
عمر:لباس يا روحي ؟
انا:مممم...ب...بيبي لباس ؟
حط يدو على كرشي...و تبسم بالوقت...بعدلي خصلات شعري يحكي
عمر:لباس عزيزتي...طمن
تبسمت بالوقت...و هزيت يديا زوز حطيتهم على يدو لي فوق كرشي...نحكي
انا:س..سامحني...انت ديما تعاني جرايري
دمعة هربت مني بالوقت...مسحها بصوابعو...و غزرلي يحكي
عمر:ششش...قتلك من قبل حتى حد ما عندو الحق...انو يبكيك...حتى انا
انا:بعد لي عملتو...م..مراد ماهوش باش يعتقني...و بلكشي مات...شنية باش يصير فيا وقتها ؟
عمر:متخافش...مزال عايش...و ضربة مش قوية برشا
انا:م..من وين عرفت ؟
عمر:ميهمش توا...نحي الحكاية من مخك
حسيت لهو مزال متغشش من الفازة...اصلا عندو حق في كل كلمة قالها وقتها...و يمكن كبرت المشكلة أكثر من اللي كانت قبل...خذيت نفس نحكي
انا:و..والله ما نقصد يا عمر...انا جيست حبيت نبعدو عليا و كهو
عمر:قتلك معادش تخمم فيها الحكاية...و آخر مرة تتصرف من راسك...مفهوم كلامي
انا:مفهوم
هز روحو وقف...عدل الفاست متاعو...و غزرلي...يحكي
عمر:هاني باش نمشي نريقل الأوراق و نرجعلك
انا:لااا
هزيت روحي مروهجة...شعرة لا طار سيروم من يدي غزرلي مستغرب...كبست على يدو نحكي
انا:متخلينيش وحدي عمر...امانك
عمر:درجين و نرجع
انا:لاااا...براس امك متخلينيش...حاسة لهو قريب مني امانك
عمر:باهي عزيزتي...اهدا هاني معاك
كبست على يدو أكثر...الخوف لي حسيتو...اكثر من اني نجم نوصفو...هز يدو كبس عالزر...شوية وقت و دخلت الفرملية...غزرلها يحكي
عمر:ميسالش...تكلم الطبيبة ؟
هي:باهي مسيو
اول ما سكرت الباب...هزيت يدي لأخرى...جبدتو من الفاست متاعو...حطيت راسي على كرشو...و حاوطتو بيديا زوز نحكي
انا:خليك هوني معايا
غرس يدو في شعري...و تنهد بالقاوي...يحكي
عمر:هاني معاك...حاول تهدا...على خاطر البمبينو باهي
انا:خفت برشا...اني نخسرو...و نخسرك معاه
عمر:حتى شي في دنيا ماهو باش يخلينا نخسرو بعضنا نحي الأفكار هذوما من مخك و ما تخلي حتى شي يأثر على حبالتك...باهي
انا:شنية مزال باش يصير فينا ؟
عمر:حتى شي...مدامنا مع بعض...مراد ما عندو ما يعمل
انا:باهي و حسام و مريم...و هند...شنية باش يصير فيهم ؟
عمر:مانيش باش تخليه يقرب منهم زادة
كبست عليه أكثر...دخلت الطبيبة بالوقت...تبسمت و هي تغزرلنا...جبد روحو شوية...قربتلي تحكي
هي:لباس توا مدام ؟
انا:احسن...البيبي كيفو ؟
هي:ممممم البيبي زادة مليح...اما باش يبقى عالحالة هاذي...لازمك ترتاح...و تنقص من ستراس
انا:باش يعيش مش هكا
هي:متخافش مدام...اكيد باش يعيش...اما متنساش لي وصيتك عليك...و تاخو الفيتامينات في وقتهم زادة
انا:باهي دكتورة عيشك
عمر:معناها نجم نخرجها توا ؟
هي:اكيد مسيو...و من غير ما تنسى لي وصيتك عليه
عمر:باهي عيشك
اول ما خرجت...عاود قرب مني...باسني من راسي يحكي
عمر:هيا البس تراه
انا:سخانة
عمر:دنيا باردة برا...و زيد الروبة متاعك...مكبوسة على بدنك...و تعرفني نفد منهم الفازات هذوما
انا:باهي...ما قصدي شي...من غير ما تتغشش عليا توا
نزلت راسي بالوقت...قعد بجنبي على طرف السرير...و جبدني عندو...حطيت راسي على صدرو...كبس عليا يحكي
عمر:معادش نعرف شنية نعمل بالظبط...ساعات نغير عليك حتى من الدبش لي يتحط على بدنك...من الهوا لي داير بيك...مهما عملت مانيش باش نجم نخبي هذا الكل...منجمش نخبيك على ناس الكل زهرة...و اصلا ماكش باش تحس بالنار لي شعلتها فيا...خاطرك مشيتلو بساقيك...و خليتو يحط يدو عليك...منجمش نعدي هذا الكل...منجمش ننسى لي صار...تراص صوابعو لي مزالو على رقبتك...باش نخليه يخلص حقهم الدوبل صدقني
هزيت يدي حطيتها على صدرو...للحظة خفت عليه...و من اللي قاعد يدور في راسو...خذيت نفس نحكي
انا:انت مجبور تنسى على خاطري...على خاطر بنتنا لي في الثنية...ماكش باش تدخل معاه في الحرب هاذي يا عمر..ماكش باش تخليني...منحبش نعيش وسط الخوف منحبش نفيق كل صباح و نقول يمكن هذا آخر نهار لينا افهمني عمر...انا ما حاجتي بشي...غيرك انت و كهو نحب نكمل حياتي معاك...منحبش نعيش و انت مش معايا...انا دوب نجمت نصدق لانا باش تولي عندي عيلة امانك متحطمش الحلمة لانا قاعدة نبني فيها...شوف
هزيت يدو...حطيتها على كرشي...و غزرتلو في عينيه نحكي
انا:هي زادة تحب تعيش مع بوها...تحب تشوفك كل صباح...تحبك تهزها معاك و تخرجها...توصلها كل صباح للمدرسة...و تحضر عيد ميلادها كل عام...و مرة على مرة تاخولها شكولاطة في يدك...كي تبدا مروح من الخدمة...تلقاها قدام الباب تستنى فيك...باش تعنقك...و تبوسك...و توريك العلامات متاعها و ملاحظات البروف زادة...تحبك تحكيلها كل ليلة قصة...و يمكن تحكيلها قصة حبنا زادة...نحب بنتي تكبر و هي ترا في حب بوها لامها...هذا لي نحب عليه انا يا عمر...نحب بنتي تعيش لي تحرمت منو انا...مش تعيش مع ام تكرها...و خلاتها لحد اخر يربيها...و منحبهاش تبكي على قبر بوها حياتها الكل...اغزرلي بالقدا...و قولي مستعد تربي بنتك بالطريقة هاذي...و لا باش تخليها جي لدنيا و ما تلقاش بوها في ظهرها...مستعد تحارب باش تعيش معانا العيشة هاذي...و لا جيست باش تاخو ثارك من مراد...و ندرا شكون يطلع عايش منها اللعبة هاذي...جاوبني عمر امانك
عديت عينيا على وجهو...دمعة نزلت على خدو حرقتني معاه...عديت يدي مسحتها بالوقت...تنهد بالقاوي يحكي
عمر:زهرة تنجم تعنقني...عنقني و كهو
هزيتلو براسي ايه و قربت منو...عنقتو بيديا زوز...كبس عليا...كأني باش نهرب عليه...منعرفش شنية لي كنت نفكر فيه وقت ضربت مراد...يمكن خممت لانا منجمش نحضن عمر مرة أخرى...منجمش نقولو الكلام هذا الكل مرة و انا صغيرة...كنت نستخايل لبابا باش يرجع مرة أخرى...و اني نجم نوريه كلشي تعلمتو...و كلشي صار معايا...كبرت و فهمت انو هاذي جيست حلمة...ماهيش باش تتحقق...اما فرد وقت مزلت نستنى فيه...في احلامي وقت نرقد...وقت نغمض عينيا زادة...منحبش نعيش نفس الوجيعة مرة أخرى...منحبش نعيش على خيال عمر...منحبش نستناه في احلامي...و لا نستخايلو لي هو بجنبي...منحبش نحكي لبنتي حكاية ناقصة نحبو هو يكون معايا...نحب نكمل حياتي و انا بين يديه نحب نفيق كل صباح على غزرتو الدافية...انا خسرت برشا في حياتي...بابا و امي...و صغري...على هذاكا معنديش استعداد نخسر عمر جملة...خاطر حياتي باش تكون ناقصة
#سمر🌸
أنت تقرأ
زهرة🌸
Diversos🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
