🔸️حلقة 22
🔸️مريم تحكي:
زربت في خطواتي...على صوت الرعد...لفيت روحي اكثر..منحبش الجو هذا...ياسر يوترني و يدخلني بعضي المطر ماشية و تقوا اكثر...نسمع في صوت تزمير ورايا قلبي دق بالوقت...عقدت حواجبي...و تلفت...لقيتو هو نفخت بالقاوي...مانيش ناقصاتو حتى طرف...اصلا لتوا مغزلة منو و من كلامو..مشيت و خليتو...منحبش ندخل في عركة معاه توا...ياسر تأخرت عالدار...باقي مخالط عليا و يزمر...اول ما حبست...شد الفران بالقاوي...و نزل البلار يحكي
حسام:أركب نوصلك
أنا:لااا مرسسسي
حسام:شووو كي تحل في فمها...أسمعني مانيش ناقص هبالك توا...الوقت تأخر...أركب
أنا:شيههمك فيا ياخي...اااه متكونش خفت عليا و مافيباليش
حسام:نخاف عليك إنتي...ياخي ريت روحك كيفاه
أنا:لااا تنجم تخبرني أنت
حسام:أركب أحسنلك...كان مطلبكش عمر...مكنتش باش نتلز نجي وراك
أنا:ياخي باش تفهم انت...مانيش باش نركب مع واحد كيفك
حسام:نورمال في مخك إنتي...كان يتعرضلك حد توا
انا:علاه أنت شتفرق عليهم...ماك هامل كيفهم
جيت باش نمشي...أما حبست كي ريتو نزل من الكرهبة و نطر الباب وراه بالقاوي...من ردة فعلو عرفت لهو ماهوش باش يعتقني توا...وخرت خطوة لتالي...خطفني من زندي بالوقت...كبس عليا و جبدني عندو...حطيت يدي على صدرو باش منضربش فيه...نزل راسو يغزرلي دوب نجم نرا ملامحو...من المطر اللي زادت...قحرلي يحكي
حسام:ماكش باش تلم روحك...ياخي متترباش إنتي شنية حكايتك ؟
انا:أنت آخر حد يحكي على التربية باهي و تو سيييبني نزل يدك عليا
حسام:سكر ¤¤¤¤ فمك أحسنلك...أسكت خاطرني بديت نفقد اعصابي
انا:و كان منسكرش اه...شباش تعمل...محسوب خفت منك أنا...تي سييبني يا هم...يا هامل...نحي كسرتك عليا
باقي ندز فيه بيدي لاخرى...في لحظة شدني...و دورني دزني عالكرهبة بالقاوي...حاولت نجبد روحي منو...و نصيح فرد وقت
أنا:فااااش تعمل...سيييبننني...تي سي
سكتني كيف حط شفايفو على شفايفي...جمدت في بلاصتي...متوقعتش لهو باش يعملها...غمضت عينيا بالقاوي...كي حسيت بيه عضني...عرفتو لي عملها بلعاني...هزيت يديا زوز حطيتهم على صدرو ندز فيه لتالي...رخف يديه شوية...و جبد روحو مني...تبسم على جنب...يستفز فيا...منعرفش كيفاه هزيت يدي و ضربتو بكف...كف حطيت قوتي فيه الكل...و العصب لي ركبهولي...قبل ما يستوعب اللي صار...و لا يحكي حرف قربت منو أكثر ندز فيه لتالي و نصيح
انا:شنننننية تستخايل في روحك انت...رد بااالك تقرب مني مرة أخرى...و لا تحط يدك عليا...تي طلعت اسقط من اللي توقعتك...كيفاااش تعمل هكا يا ساقط
شدني من يديا زوز...رجعني لتالي...كبس عليا أكثر طلعت راسي نغزرلو...الما لي نازل من شعرو...عينيه حمارو بالوقت...حاولت نفك روحي منو اما منجمتش لصقني للكرهبة...و نزل عليا يحكي
حسام:قتلك أبعدني..قتلك متخلينيش نحطك في راسي خاطرني ندمك...و اللي عملتو توا...حليت على روحك باب جهنم...صدقني متنجمش تستخايل شنوة نعمل فيك
انا:هههههههههههههه تعرف حاجة والله ضحكتني سي حسام...تهديدك هذا ماهوش باش ينفع معايا...صدقني انا ما نخاف من حتى شي و لا حتى حد...يعني مش في اخر الحكاية باش نخاف من واحد كيفك
كبس عليا أكثر...حط خدو على خدي...يحكي في وذني
حسام:صدقني اسمي ماكش باش تنساه حياتك الكل على هذاكا حاول متخلينيش نكرهك اكثر...و مجيش في ثنيتي جملة و لا حتى تخليني نلمحك أحسنلك
قحرتلو فرد وقت نحاول نجبد يديا منو...رخف يديه شوية شوية ووخر لتالي...هزيتو و حطيتو نحكي
أنا:توا مش كرهتك و كهو
هزيت يدي عديتها على شفايفي...مسحتهم بكل قوتي نحكي
أنا:و عفتك زادة...و توا أبعد من قدامي...معادش نحب نرا منظرك جملة
دزيتو بيدي...و بعدت عليه بالزربة...قبل ما يحكي حتى كلمة...نمشي و نسب فيه...تقززت منو مش نورمال هزيت يدي نمسح في شفايفي بغزول...حسيت بدموعي باش ينزلو...خذيت نفس نمنع فيهم...ميستهلش نبكي على خاطرو...و لا نطيح دموعي على واحد ساقط كيفو...نمشي بالزربة...باش نلحق قبل بابا...محسيتش بروحي كيفاه وصلت للحومة....نغزر لناس لي خارجة من الجامع...باز يكون بينهم...زربت في خطواتي اكثر حليت الباب و دخلت...لقيتها في وجهي...غمضت عينيا بالقاوي...ورجعت حليتهم...نحيت البوتس...و دخلت خلطت عليا تحكي
رنيم:قداااااش ساعة ياخي
بقيت ساكتة...نحاول نتحكم في طرف الأعصاب لي بقى عندي...أول ما وصلت لبيتي...نسمع فيها تحكي
رنيم:زعمة كنت مع شكون ؟ و كان بابا يعرف لانتي دخلت توا...شيعمل فيك ؟
رخفت يدي عالبواني و تلفت عندها...متكية عالحيط و تغزرلي بحقرة...تبسمت على جنب نحكي
أنا:سكر فمك احسنلك
رنيم:و لا شباش تعمل...ممم نسيت لي وحدة ناقصة تربية كيفك تعمل اي شي
هديت عليها في لحظة...شديتها من شعرها...كبست عليها...نغزرلها بحقد...كلامو متاع قبيل تعدا في مخي أكثر كلمة نكرها انو حد يقول عليا قليلة تربية...قربتلها اكثر نحكي
انا:آخر مرة نبه عليك...معادش دور بيا رنيم...خاطرني باش نفسخ رابط الدم لي يجمعني بيك...و ندمك على كل كلمة قلتها...اخطاني احسنلك
رنيم:سييبني...تي سيببب...اممممي...يا امممي وينك
تلفت نغزر لأمها لي جاية تجري...ساقيها أعلى من راسها غزرتلي تحكي
حياة:سييبها فاش تعمل...علاش هكا مجودرة
كبست على شعرها أكثر...و دزيتها لتالي...قربت منها هزيت يدي في وجها نحكي
انا:اسمعنننني...باش تلم بنتك...و تعلمها تحكي...مكانش نهد دار فوق راسكم...و مدامك مزلت هنا لالة حياة خاطر انا حبيت...تذكر كلامي بالقدا...كلمة مني برك نخليك برا الباب هذا
حياة:م مريم فاش تحكي يا بنتي
انا:من غير ما تعمل فيها امي...انا و انت نعرفو بالقدا شنية لي خليتني نعيشو بكري...احترم روحك و شد قدرك...خير ما نوريهلك انا...و كان مزلت محترمتك لتوا...خاطرك مرت بابا و عشرة سنين على هذاكا ما نحب حتى وحدة فيكم دور بيا...و لا انتي و لا بنتك بااااهي
بقات واقفة تغزرلي...غزراتها كلهم شر...من وعيت عالدنيا و لا حسستني لهي أمي و لا تحبني...و تاكدت من هذا الكل...وقت كبرنا انا و رنيم...وقتها بديت نفهم و نستوعب...لهي عمرها ما كانت و لا باش تكون كيما امي...دخلت لبيتي و نطرت الباب ورايا...نحيت كبوطي طيشتو عالفوتاي...بدلت دبشي...و هزيت منشفة نشيح في شعري...كلامو لتوا يدور في مخي...و لا مرة جا لبالي اني باش نكره حد لهدرجة...أما مانيش باش نعديلو الفازة هاذي...الا ما نوريه نسا شتعمل...مش انا لي نخلي حد يقهرني...سمعت صوت بابا لبرا...عرفتو لي رجع...حطيت المنشفة على جنب...و خرجت نجري ترميت في حملتو...نحكي
أنا:بابا الغالي
بابا:مريم عزيزتي...وينك لتوا ؟
أنا:سامحني بابا...اما زهرة كانت في مشكلة...تعرفني منجمش نخليها وحدها
بابا:و لباس هي توا ؟
أنا:لباس طمن
بابا:معادش طول برا عيش بنتي...و المرة الجاية كلمني أنا نجي نهزك
أنا:باهي بابا سامحني
بابا:هيا ايجا
شديت فيه و دخلت معاه لصالة...تبسمولي بالوقت اصلا هذيكا طبيعتهم...قدام بابا يحبوني و يدلوني و كي يخرج يتقلبو فرد مرة مرة...و هذاكا لي وليت نعملو انا زادة...باز مانيش باش نخليهم يمشوني كيما يحبو قعدت عالطاولة بحذا بابا...نغزر لصحن...و تفكيري بعيد نخمم في زهرة و فرد وقت في السخطة هذاكا لتوا نحس بكبسة سنانو على شفايفي...نسمع في بابا يحكي
بابا:مريم
انا:مممم
بابا:شبيك متحبش تاكول...معجبكش ياخي...كان تحب نطلبلك حاجة اخرى
انا:لا بابا...اما كليت مع زهرة قبيل على هذاكا
بابا:هيا باهي عزيزتي
تبسمتلو و طلعت راسي غزرت لرنيم لقاعدة تقحرلي تبسمتلها...و فرد وقت نحذر فيها...خذيت نفس و غزرت لبابا نحكي
أنا:بابا...انا باش ندخل لبيتي توا...لازمني نريفيزي شوية
بابا:باهي يا روحي متعبش روحك برشا
انا:عيشك بابا
قربت منو بستو...عدا يدو على شعري..تبسمتلو و هزيت روحي دخلت لبيتي...ترميت عالسرير...هزيت يدي حطيتها على شفايفي...غمضت عينيا بالوقت...من الوجيعة لي حسيتها...نقمت عليه اكثر...و لا مرة توقعت اني باش نتحط في موقف اكاكا...و لا اي حد يقرب مني بالطريقة هاذيكا...طول عمري كنت نجنب اني نخلي حد يقرب مني...ما نحب حتى يدخل لحياتي أصلا من غير بابا و زهرة حتى حد ما يعرف طبيعتي ديما في بالهم مريم الطفلة الخايبة...اللي ما تخاف حد...ديما منحشمش و ناقصة تربية...انا هكا ما نحب حتى حد ياقف في طريقي...و لا يستضعفني منحبش لي يجي يقول اكا الطفلة يتيمة...خاطرني عمري ما حسيت هكا...لانو بابا عوضني على غياب أمي في حياتي...على هذاكا اخر همي شتعمل حياة...اصلا ما تنجم تعمل شي...مستحيل نعطيها الفرصة هاذي...انا اكاكا...و نسمع في صوت تليفوني...رميت يدي هزيتو لقيتو...ميساج من عند عمر...تنهدت بالقاوي...كي عرفت لي زهرة معاه توا...حطيتو ورجعت تسطحت...قد ما حاولت نرقد منجمتش...كل مرة نسكر عينيا تتعدا الفازة هذيكا قدامي...غميت على راسي بالمخدة...نحب نحي صورتو من عينيا...نحب ننسى لي صار...اصلا لتوا مبردش قلبي منو...اما الا ما نرجعلو الفازة لي عملها دوبل...مستحيل نسامحو عاللي عملو فيا...مستغربة كيفاش الاستاذ عمر يصاحب واحد ساقط كيفو و ميحشمش...اصلا الفرق واضح بينهم...باقي نطلع و نهبط...لين هزني نوم و رقدت.
أنت تقرأ
زهرة🌸
De Todo🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
