زهرة🌸

الحلقة مئة و اثنين

حلقة 102
زهرة تحكي :
حطيت المنشفة من يدي...و حليت القارد روب...خذيت روبة في الباج...منعرفش علاش اخترتها هي بالظبط مع أنو يومين لتالي...نبه عليا معادش نلبسهم...اما اليوم بالظبط...نحب نكسر القواعد الكل...مدامها هي زادة باش تكون موجودة...الفكرة هاذي بالظبط مقلقتني...مع انو مفما حتى شي بيناتهم...اما وجودها معاه مقلقني قربها منو...قاعد يخنق فيا...يمكن على خاطر ولا مرة كان قريب لوحدة من قبل بعد عرسنا...و منعرفش شكونها ملك و كيفاه طلعت في حياتو...منجمت نعرف عليها حتى شي...و هو زادة ما عطاني حتى توضيح يخليني نرتاح...هزيت يدي شوية...نغزر للخاتم مرة اخرى...متوقعتش باش يعاود يرجعهولي بالزربة...عديت صوابعي عليه...مدامو يحبني أنا...ملك حتى شي بالنسبة ليه...انا متأكدة...اصلا الكلام هذا برك...لي يخليني مرتاحة لتوا...ووجود بنتي زادة...منعرفش امتى توفى الدراما هاذي الكل...اما عمر باللي عملو آخر مرة...عطاني أمل جديد...أمل كافي باش يخليني قوية اكثر من قبل...خذيت نفس و طلعت الشركة بالسيف...و قربت من الكوافوز...قعد عالكرسي...حطيت مكياج خفيف...و روج غامق...تبسمت كي تذكرت لي صار آخر مرة...صحيح مقابلتوش من وقتها...اما كل لحظة تحفرت في ذاكرتي...يمكن على خاطر عندي برشا محسيتش بالفرحة هذيكا...شهور تعدات محسيتش بجو العيلة اكاكا...وجود ريحان نهارتها...رتحني بصفة غريبة حليت تليفوني...و عديت صوابعي على تصويرتها...3 ايام تعدات على آخر مرة شميت ريحتها و بستها
تنهدت بحصرة...معادش نجم نصبر على فراقها أكثر..من جيهة بنتي...و من جيهة أمي...أمي لي جابها عندي كيما وعدني...ليها يومين هوني...و باقي على نفس الحالة كان عندي اكل صغير لهي باش تفيق في أقرب فرصة أما صار العكس...خذيت نفس نحكي
انا:ساامحني ياا روح امك...سامحني بنيتي الغالية...اما نوعدك على قريب باش نكونو مع بعضنا ديما
حطيت رشة برفان...هزيت كبوطي لي في الماغون...و صاكي...و خرجت...تعديت لبيت امي طمنت عليها...و نزلت اللوطة...لقيتو قاعد عالطاولة كي العادة...حط تليفون من يدو و تبسم يحكي
مراد:صباح الخير
انا:صباح الخير
مراد:لباس اليوم ؟
انا:مممم احسن
جبدت الكرسي...و قعدت...هزيت الشوكة نحرك فيها...غزرلي يحكي
مراد:فما حاجة ؟
انا:شي
مراد:متأكدة
انا:تاعبة و كهو
مراد:امتى تبدا القراية ؟
انا:منعرفش
مراد:باهي كمل فطورك...باش نمشو
انا:قداش يبقى الاجتماع هذا ؟
مراد:علاش ؟
انا:توحشت بنتي و نحب نمشي بحذاها...كان معندكش مانع
مراد:باهي عزيزتي
دوب تبسمتلو...و نزلت راسي لصحن...نبلع في اللقمة بالسيف...معادش نجم نتحملو اكثر من هكا...معادش نطيق العيشة هاذي جملة...اول ما كملت هزيت روحي...لبست كبوطي و سبقتو للكرهبة...خلط عليا بالوقت...عديت طول الثنية ساكتة...معادش فاهمة اللعبة لي قاعدة دور بيناتهم...مرة في سوسيتي متاع مراد و مرة عند عمر...لمش فاهمة كيفاه ولات سوسيتي متاعو هو...بقات أفكاري تهز فيا و تجيب محسيتش بالوقت كيفاه وصلنا...خذيت نفس و نزلت...خلط عليا بالوقت...عديت عينيا عالسوسيتي...و على كل بقعة مشيت فيها...اول ما طلعنا...جات عيني عليهم..خارجين من البيرو مع بعضهم..قلبي خض بقوة...منعرفش علاش هزيت راسي قحرتلو...تبسم على جنب كأنو ما صار شي فيسع رجع للبرود متاعو ؟ غزر لمراد يحكي
عمر:تفضل من هوني سي مراد
هزلو براسو ايه...و حط يدو على ظهري من تالي..جبدت روحي بالوقت...و خلطت عليهم...نمشي وراهم و نغزل عالموقف لي ريتو فيه...نحيت كبوطي و غزرتلو بالوقت هزني و حطني...و جبد الكرسي قعدت...تبسمت على جنب...و قعدت...و كي العادة وصل الباقي باش بدا الاجتماع...هزيت راسي نغزرلها تحكي
ملك:الكولكسيون الجديدة...تخص موسم الخريف...مدام المشروع باش يكون حاضر بعد عام من توا...التصاميم الاولية قدامكم...نحب رايكم في الموديلات و الألوان باش نجم نحضر بقية تصاميم
هزيتهم في يدي..نشوف فيهم بالوحدة...و عاودت حطيتهم...نسمع في مراد يحكي
مراد:يعطيك صحة
ملك:عجبك ؟
مراد:كي العادة أكيد
ملك:عيشك
حسام:برافو ملك
دورت راسي شوية...نغزرلو...حط آخر ورقة من يدو يحكي
عمر:نظن ماكش بحاجة رايي في الحكاية
ملك:أنا خذيت رايك قبلهم الكل...و إلا مكنتش عرضتهم على الجماعة
هزيت حاجبي مستغربة...كيف ريتو تبسملها...و حتى هي مقصرتش معاه...خذيت نفس نحكي
انا؛في رااايي ماهيش حاجة جديدة...التصاميم و الألوان ريتهم قبل...كان تحب العرض ينجح خمم في حاجة جديدة و مودارن
دورت عينيا عليهم...الكل سكتو فرد مرة...قحرت لعمر و تلفت لمراد...عدا يدو على شعرو...يحكي
مراد:شنية لي معجبكش فيهم عزيزتي ؟
انا:كلشي...و كان كلامي غالط...يتكلم حد فيكم
ملك:أول مرة نتلقى نقد كيما هذا مدام ملك
انا:لازم منو عزيزتي باش تتحسن أكثر
عمر:انا في رايي التصاميم في المستوى...و كان فما مشكلة من طرف لاخر...نجمو نعملو تصويت
كبست عالستيلو في يدي...نهدي في روحي...هاو طلع مش نفسو...لي يقول نحبك و نموت عليك قبل يومين لتالي...توا عجبوه تصاميم و ولى عينو في تصويت و ندرا شنية...هزيت راسي على صوتو مرة أخرى
عمر:مدام ناقشنا كلشي...و ولى كلشي واضح...نجمو نبداو في الإجراءات الكل...و كل واحد فيكم يعرف خدمتو...نتلقاو في إجتماع آخر
ملك:أنا و زهرة...باش نقعدو مع بعضنا شوية
هزيت راسي غزرتلها...تبسمتلي ندرا كيف و كملت تحكي
ملك:باش ناقشو تصاميم مع بعضنا
تلفت لمراد لي قحر لملك...و خذيت نفس...نحكي
انا:أنا باش نكون مليحة...تنجم تطلب أشرف يجي يهزني
مراد:كان صارت حاجة كلمني...مظطر نمشي توا
انا:باهي
خرجو الكل مع بعضهم...تكيت لتالي...جات عيني في عينها...تبسمت تحكي
ملك:شنية مشكلتك معايا زهرة ؟
انا:رايي ولى مشكلة ؟
ملك:نعرف لتصاميم متاعي في المستوى
انا:ياسر واثقة من روحك
ملك:أكيد...عندي الثقة لإنتي فقدتها...ياخي خايفة من علاقتي مع عمر ؟
تبسمت بالوقت...عكس البركان لي حسيتو داخلي...و خذيت نفس نحكي
أنا:علاقتك بعمر ؟ ياخي باش نسألك إنتي تعرف شنية العلاقة لي بيني و بين عمر ؟
ملك:في بالي...لإنتي كنت مرتو
انا:مزلت مرتو
ملك:شنوة ؟
انا:علاقتي بعمر...متحددهاش ورقة...الراجل لانتي تعرفو و تخدم معاه...يعشقني أنا و كهو...أنا و بنتو الحقيقة الثابتة في حياتو...متغركش المظاهر عزيزتي
ملك:في راايي إحنا هوني باش ناقشو أمور الخدمة
أنا:انتي حبيت تتأكد من علاقتي بعمر...و أنا وضحتها متأكدة لانتي ماكش باش تاخو رايي في تصاميم متاعك...و حتى انا متهمنيش برشا
هزيت روحي وقفت...لبست كبوطي...خرجت شعري...و غزرتلها نحكي
انا:حتى المشروع هذا ميهمنيش من اصلو...كان نجح و لا خسر...و شي آخر نحبك تخليه قاعدة بالنسبة ليك لي بيني انا و عمر...اكبر من اني نقعد عالكرسي هذا و نحكيلك عليه...على خاطر لا انتي و لا أي وحدة غيرك تنجم تكسر الرابط لي بيناتنا...و صدقني انا ما عندي حتى مشكلة معاك...اما التصاميم متاعك...عاود شوفهم بالقدا...على خاطر انا شخصيا منجمش نلبس منهم وجهة نظر عزيزتي...نهارك زين
هزيتهم في يدي مع صاكي...و خرجت...خرجت من غير ما نخليها تقول كلمة أخرى...ناقص تسمي لي بينها و بينو علاقة...قربت لبيرو السكرتيرة...نحكي
انا:وين بيرو عممر ؟
هي:من هووني...خليني نعطيه خبر ساعة
انا:خلي عليك
هي:أما
خليتها واقفة...و قربت لبيروه...من غير ما نرد عليه حليت الباب بالقاوي و هديت عليه...هز راسو غزرلي بالوقت...دخلت سكرتيرة ورايا...غزرلها يحكي
عمر:بشرى أخرج توا...و ما تخلي حتى حد يدخل عندي
هي:باهي سي عمر
تكى لتالي يهز فيا و يحط...طيشت صاكي على أول كرسي عرضني...و قربت منو...رميت التصاميم على البيرو...نحكي
انا:هذوما لي هنتلتني على خاطرهم...قدامهم الكل ؟ مش على أساس متاثقش فيها...توا وليت مغروووم بتصاميم متاعها...و فرحاان بييها ؟ أما نقلك مش الحق عليك...الحق على البهلولة لي تصدق فيك...أما مداام الحكاية ولات تقلق هكا...مانيش باش ندخل فيها مرة اخرى...أصلا أنت طلقتني...معناها تنجم تاخوها...ظاهر فيها مغرومة بيك...على خاطر دقايق لتالي...قاعدة تحكي على علاقتك معاها...<< ياااخي خايفة من علااقتي مع عمر >>
عاودت كلامها بنفس الطريقة لي حكات بيها...بقى يغزرلي من غير حتى كلمة و لا ردة فعل...خذيت نفس و كملت كلامي نحكي
انا:باهي فهمت عليك...مش لازم جاوبني...أصلا انا الغاالطة على خاطر دخلت روحي من الأول
رجعت شعري لتالي...و تلفت هزيت صاكي...منحبش الغصة لي وحلت في حلقي تفضحني و تخلي دموعي تنزل...معادش نحب نحس بالضعف اكثر من هكا...أول ما هزيت راسي...وقف من بلاصتو...و قرب مني..وخرت خطوة لتالي...و تلفت باش نمشي...منحبش نحكي معاه أكثر من هكا...اول ما حطيت يدي عالبواني...خلط عليا بالوقت...وقف ورايا بالظبط و حط يدو عالباب...كبست على صاكي...و تلفت عندو...و هزيت عينيا من صدرو لوجهو...خذيت نفس نحكي
انا:ا..أبعد توا نحب نخرج
هز يدو شوية...يعدي في صوابعو على خدي...كانو عامل فيا بلعاني...نزل راسو شوية...فكلي صاكي من يدي...حطو على جنب...كبست على طرف كبوطي نحكي
أنا:شتحب من عندي توا ؟
عمر:في رايك ؟
انا:مش قتلك معادش نحب نعيش في المد و الجزر علاش تعمل فيا هكا ملا ؟
هز يدو لاخرى...حطها على رقبتي...نزل عليا شوية باسني من خدي...جيت باش نحكي...نزل على شفايفي بالوقت...غمضت عينيا...نستحلى في قربو...يمكن هذا لي كان حاجتي بيه...دوب جبد روحو...و عدا عينيه على وجهي...رجعلي شعري لتالي...و عدا صوابعو على شفايفي...يحكي
عمر:هديت توا ؟
هزيتلو براسي لا...تبسم بالوقت...و غزرلي يحكي
عمر:شنية مقلقك في تصاميم إنتي ؟
انا:محبيتهمش
عمر:شيهمنا فيهم إحنا ؟
انا:مش على أساس عجبوك ؟
عمر:عزيزتي...من غير ما تكبر الحكاية...تعرف لي التصاميم في المستوى
أنا:لاا
عمر:باش نبقاو نحكو عليها ؟
انا:بااش نحكووو عممر...اكيد باش نحكو و برشا زاادة
عمر:ششش...يزي كهو
جيت باش نحكي...سكتني كي كبس على شفايفي بصوابعو...بلعت ريقي بالوقت...قربو مني روهجني غزرتو دخلتني بعضي اكثر...غزرة نعرفها بالقدا...و مستانسة بيها قبل...و اكدهالي...صوت المفتاح لي دورو من غير ما ينزل عينيه من وجهي...قلبي خض بقوة...و منجمتش ناقف أكثر...كبس على وجهي بالوقت...باسني من راسي و تعدا لشفايفي بالوقت...حسيت بيديه لي نزلو من وجهي...لرقبتي...لكتافي بالظبط...كبس على كبوطي...و نزلو شوية...طاح على الأرض بالوقت...نزلت راسي غزرتلو...و عاودت هزيت عينيا في وجهو...كانت إشارة كافية باش نعرف وين يحب يوصل...حطلي شعري على جنب...و نزل عليا أكثر...باسني من رقبتي مديت يدي...كبست على جنبو بالوقت...هز راسو شوية يحكي في وذني
عمر:توحشتك زهررة...توحشتك قد صبري في الدنيا
عضني من وذني بالوقت...فاازة خلاتني نهز راسي شوية..و نكبس عليه أكثر...كبس على ظهري من تالي...و كمل يحكي في وذني
عمر:باش تخلص حق وحشي ليك...و حق كلامي لي كسرتو بلبستك هاذي
أما:ع..عمر
كبس على ظهري اكثر...لصقني فيه...لين معادش فما مسافة بيناتنا...و عدا خشمو على رقبتي يحكي
عمر:مش قتلك معادش تلبس هكا ؟
هزيت راسي شوية...و مديت يدي شوية...عديتها على صدرو نحكي
أنا:على خاطر متغشة منك انا
عمر:صاار ؟
انا:مممم
عمر:و تعاقبني بالطريقة هاذي ؟ ياخي تحب تجلطني إنتي ؟
أنا:علاش مكلمتنيش البارح ؟
عمر:معناها هذا هو الموضوع ؟
أنا:كنت معاها ؟
عمر:مجنونة...بنتك رقدتني و مرقدتش
أنا:بلكشي كانت مريضة ؟
عمر:متخافش لباس عزيزتي...أكيد مانيش باش نغفل عليها
تنهدت براحة...جيت باش نحكي...قص عليا كي كبس على ظهري أكثر يحكي
عمر:باهي و تعرف عقابك كيفاش باش يكون ؟
كبست على صدرو بالوقت...بعد ما حسيت بيدو لي تهبط في الشركة...وحدة وحدة...عديت عينيا على وجهو...نحس في الكلام الكل ضاع مني و منجمت نقول حرف واحد...لزيت ليه أكثر...نزل على شفايفي فرد وقت عدا صوابعو على طول ظهري..فازة روهجتني و خلاتني...نكبس عليه اكثر...تعدا برشا وقت عاللي قاعد يصير معانا توا...برشا وقت بعد ما قربلي وودعني فرد وقت...هزيت راسي شوية باش نحكي...قص عليا كي دورني بالوقت...كبست بيديا زوز على الباب..لصقني بالوقت...حط يديه على يديا من الشيرتين...و همس في وذني يحكي
عمر:توحشتك...توحشت ريحتك...بدنك...توحشت كلشي فيك زهرة
كل كلمة قالها...حسيت بيها...و قد ما حسيت بيها وجعتني...وجعتني عالحالة لإحنا فيها...وجعتني عالايام لي فرقتنا...حتى أنا باش نموت من وحشي ليه...حتى انا معادش نجم نصبر عليه...كيفو بالظبط و أكثر غمضت عينيا على ملمس شفايفو لي نزل بيهم من رقبتي...لكتافي...لظهري...دقات قلبي قوات اكثر...و ملقيتش مجال للحركة مع كبسة يديه...لي اول ما رخفهم...نزل بيهم لكرشي..و دورني عندو بالوقت غطس في شفايفي...من غير ما يقول حتى كلمة..مديت يديا زوز بالقدرة...كبست على كول سوريتو...و جبدتو عندي أكثر...جبد روحو شوية مع عضة خفيفة...تعمد باش يوجعني بيها...و عدا عينيه على وجهي...رجعلي شعري لتالي يحكي
عمر:تعرف لي مزلت شاهي باش نعضك
كبست على شفايفي بالوقت...و يديا تمردو لصدرو منعرفش كيفاش حليتهم فلس ورا خوه...و هزيت راسي شوية...غزرتلو...باقي واقف من غير ما يقول حرف آخر...قربتلو أكثر...كبست عليها...و نزلتها شوية منعرفش اصلا علاش عملت اكاكا...حسيتو فهم عليا كمل نحاها...و طيشها عالكرسي...عديت يديا زوز على صدرو...نحب نكسر كل حاجز تبنى بيناتنا الشهور هذوما الكل..جات عيني على الوشم لي على زندو...عقدت حواجبي مستغربة...أول مرة نشوفو...عديت صوابعي على الأرقام المحفورة في لحمو...و هزيت راسي غزرتلو نحكي
أنا:ع..عمر...شنية هذا ؟
كبس على يدي بالوقت...و قربها من شفايفو باسني منها...يحكي
عمر:أنسى الحكاية
أنا:إمتى عملتو هذا ؟
عمر:زهرة
أنا:جاوبني امانك
عمر:نفس النهار لي خرجت فيه من الحبس
حسيت بدمعتي لي نزلت على خدي بالوقت...للحظة استوعبت كمية الوجيعة لي عاشها الفترة هذيكا...و الله أعلم شنية لي تعدا على راسو...جبدني عندو بالوقت حضني...و كبس على ظهري يحكي
عمر:متبكيش يا روحي
هزيت راسي شوية...و مديت يدي حطيتها على خدو نحكي
انا:سامحني عمر
عمر:ششش
مسحلي دموعي...و نزل عليا شوية...باسني بوسة خفيفة يحكي
عمر:وين كنا إحنا ؟
ضحكت بالوقت...و تفرهدت شوية كي ريت ضحكتو عضيت على شفايفي بالوقت...كبس على يديا زوز...و نزل عليا...عضني من شفتي بالوقت...و تبسم يحكي
عمر:إنتي حبيت
أنا:عمر
عمر:ايجا هوني تراه
نزل عليا...حملني بالوقت...دورت يديا زوز على رقبتو و قربت لشفايفو...نحكي
أنا:فاش تعمل ؟
حطني على الفوتاي...و نزل عليا بالوقت...رجعلي شعري لتالي...و سرح في وجهي يحكي
عمر:زهرة منحبش نجبرك على ح..
سكت كي كبست على رقبتو من تالي...جبدتو عندي بستو بالوقت...كاني عطيتو الضوء الاخضر...حط يديه زوز على كتافي...و نزل بالروبة اكثر...هزيت ظهري شوية...تبسم يحكي
عمر:مستعدة باش تكون ملكي مرة أخرى ؟
انا:انا ملكك ديما عمر
عالكلمة...طارت الروبة بالوقت...كسر كل الحواجز لي بيناتنا مرة اخرى...و رجع عمر لي نعرفو...في كل كلمة في كل لمسة...في كل بوسة كانت تتطبع على بدني...كل حركة منو...خلاتني نستسلم بين يديه...و نحب منو اكثر و اكثر...تقريب 7 شهور تعدات...على آخر مرة عشت نفس الاحساس هذا معاه...جيت ناوية على عركة...لقيت روحي مسلمة بين يديه...أصلا آخر شي توقعتو...أنو يصير بينا هذا الكل...في البيرو متاعو عديت يديا زوز على ظهرو...نحب نتأكد انو لي قاعد يصير حقيقة مش حلمة...نحب نتأكد لانا ملكتو كيما عاود ملكني بالظبط...نسيت كلشي بين يديه...نسيت الوضع لاحنا فيه...نسيت طلاقنا...و اهم شي نسيت وعدي لمراد...اصلا معاد يهمني في حتى شي غيرو هو و كهو...و مستعدة نسلم في كلشي مرة اخرى...و نخسر اكثر من اللي خسرتو في حياتي...على خاطر سبقى هو الحاجة الوحيدة الثابتة في حياتي...و الحقيقة لي ما يحب يصدقها حد...كيما اني مستعدة نتعدا الحدود معاه مرة اخرى...من غير ما نعمل اعتبار لا لمراد...لا للحلال و الحرام...لا للكره و المحبة...اللي يجمعني بيه اقوى من هذا الكل...و اقوى من اني نجم نوصفو و نحكي فيه...و مهما صار حتى شي ماهو باش يكسر الرابط اللي يجمع بيني و بين عمر...لاخر لحظة في حياتنا...و لاخر نفس مني و منو زادة...حليت عينيا شوية شوية...دوب نجمت نتبسم بعد اللي صار...لتوا مش مصدقة اني كنت بين يديه نص ساعة لتالي...آخر حاجة...توقعتها تصير بيناتنا بعد الشهور لي تعدات علينا و بعد طلاقنا...و اللي تعدا على راسنا الكل...لحظات برك كانت كافية باش ترجعلي لي فقدتو...كانت كافية باش تحسسني بوجودي مرة اخرى...و كافية باش تخليني نحس بحبو ليا و لهفتو عليا...كيما قبل و اكثر...يدو لي تغلغلت في شعري...هداتني اكثر...و صوابعو لي سرحت على كتفي تمشي و تجي...حيرت فيا برشا أسئلة...ما ينجم حتى حد يجاوبني عليها...غيرو هو و كهو...كبست على صدرو بيدي...و هزيت راسي شوية نغزرلو...جات عيني في عينو...غزرتو دخلتني بعضي...و نساتني لي باش نقولو...كبست على شفايفي...لي دوب وليت حاسة بيهم...بعد اللي صار...عديت صوابعي على صدرو بالسياسة...و خذيت نفس نحكي
أنا:عمر
بقى يغزرلي من غير حتى كلمة...نزلت بصوابعي للتاتواج لي في زندو...رجعلي خصلات شعري...لي نزلت على وجهي...يحكي
عمر:نسمع فيك
عاودت غزرتلو بالوقت...نحس في الكلام لي باش نقولو وحل في حلقي...و منجمتش نخرجو...نزلت عينيا من وجهو لصدرو...هزلي راسي بيدو...يحكي
عمر:أغزرلي هوني...و قولي شنية مقلقك ؟
أنا:برشا حاجات عمر...نحبك تجاوبني عليهم...مثلا فاش تعمل هوني...و سوسيتي هاذي متاع شكون...من وين تعرف ملك ؟ و لا كنت تعرفها من قبل ؟ الأسئلة هاذي قاعدة تخنق فيا...خايفة من اللي قاعد يصير...خايفة منك و عليك عمر
هز روحو شوية تقعد...و قعدني معاه...كبس عالفاست متاعو لي فوق ظهري...من غير ما يبعدني على صدرو تنهد بالقاوي يحكي
عمر:تفهم كلشي مع الوقت عزيزتي
أنا:علاه مش توا عمر ؟ ياخي معادش تاثق فيا أنت ؟
هز يدو حطها على خدي...و جبدني عندو أكثر...حطيت راسي عليه...و الأسئلة لي عندي زادت أكثر و منجمتش نسألو مرة اخرى...خفت يطلع لي في بالي صحيح...و أنو علاقتنا مهما صار ماهيش باش ترجع كيما الأول فيقني من سرحتي...كي كبس على ظهري يحكي
عمر:السوسيتي متاع سي يعقوب
طلعت راسي شوية...غزرتلو...عينيه كانت ضايعة في فراغ...و غزرتهم خوفتني...تقويت على روحي نحكي
انا:ش..شكون يعقوب ؟
عمر:يعقوب رحماني
أنا:أب ملك ؟
عمر:مممم
انا؛يعني سوسيتي هاذي متاعها هي ؟
عمر:الوكالة عندي
أنا:كيفاه هكا ؟
عمر:عزيزتي مش وقتهم الاسئلة هذوما الكل
انا:عمر جااوبني امانك...عيش حبي
عمر:زهررة
انا:باهي مدام هو عطاك الوكالة...معناها تعرفو من قبل و تعرف بنتو زادة ؟
عمر:عرفتو في الحبس...هو خو عم طاهر...ارتحت توا ؟
جبدت روحي منو...و كبست على الفاست بيدي...نحكي
انا:لا مرتحتش
عمر:شنية تحب تعرف زادة ؟
أنا:علاقتك بملك
عمر:شبيها ؟
انا:منعرفش...أما حسيت لي فما إعجاب بيناتكم
دور راسو غزرلي ندرا كيف...و طلع حاجبو مستغرب يحكي
عمر:أنا و ملك ؟
هزيتلو براسي ايه...منعرفش علاش قلت الكلام هذا أما هاذي أول مرة نشوف طفلة قريبة منو لهدرجة...و تعاملهم مع بعض...دخلني في حيط...مد يدو...هز سوريتو...يلبس فيها و يغزرلي فرد وقت...مديت يدي شوية...هزيت الروبة متاعي من الأرض...منحبش نغزرلو و منحبش نسمع اللي باش يقولو زادة...مندمتش عاللي صار بيناتنا...أما فرد وقت نحس في حاجة كابسة على صدري...فكرة إني نجم نخسرو في اي لحظة...فكرة لانا نجم نخسرو و معادش يكون في حياتي...تخليني نضيع في متاهة معندهاش مخرج...حسيت بيديه زوز...لي تغرسو في جنابي...جبدني عندو في لحظة...هزيت راسي في وجهو...و غزرت لعينيه مرة أخرى...تبسم يحكي
عمر:ماكش باش تتبدل
بقيت نغزرلو من غير حتى كلمة...رخف يديه على جنابي...و حاوط وجهي...قربلي شوية...دوب باسني يحكي
عمر:قتلك قبل...و هاني باش نعاودلك...شك في كلشي زهرة...كان حبي ليك واضح...لا ملك و لا اي وحدة غيرها...تنجم تحرك فيا ربع من اللي عملتو فيا إنتي تعرف حاجة ؟
أنا:شنوة ؟
عمر:آخر حاجة نخمم فيها...اني نحرقك بالغيرة زهرتي ملك حتى شي بالنسبة ليا...لا هي و لا غيرها زادة منحبكش تعب روحك بالحاجات هذوما...على خاطر مستحيل نخلي وحدة اخرى تدخل لحياتي غيرك إنتي و كان جوابي متاع قبيل مكانش كافي...معناها إنتي معادش تحس بيا كيما قبل
هزيتلو براسي لا...و قربت منو بالوقت...دورت يديا زوز على رقبتو...حضنتو بالقاوي...نحكي
انا:عممر...افهمني اماانك...انا معاد نجم ناثق في حتى حد غيرك...و ما عندي حتى حد غيرك زادة...انا معادش نجم نتحمل اكثر من هكا...معادش نجم نبعد عليك و على بنتي اكثر...معادش نجم نبقى في الفيلا هذيكا اكثر
جبدني من عندو شوية...و رجعلي شعري لتالي فرد وقت...يحكي
عمر:ارجعلي ملا...خلي كلشي وراك و ما تخمم في شي
عديت عينيا على وجهو...هزيت يديا زوز...حطيتهم على وجهو...و قربت منو اكثر...حطيت خشمي على خشمو نحكي
انا:منحب نخسر حتى حد فيكم يا عمر...كان مزالني لتوا معاه...معناها خايفة عليك انت...على ريحان و على امي زادة...مراد قاعد يخطط باش يدمرك صدقني...كان يعرف اني رجعتلك ماهوش باش يعدي لي صار...و اول ضحية امي يا عمر
عدا يدو على ظهري...و كبس عليا في حضنو...يحكي
عمر:يززي كهو...نحب تنحي الخوف هذا...صدقني ما عندو ما يعمل...مدامني حي...مستحيل نخليه يضرك
جبدني شوية من عندو...و حط يدو على خدي...غزرلي ندرا كيف يحكي
عمر:انا باش نخرج امك من عندو...و نخرجك انتي زادة...وعد
انا:كيفاش باش تخرجها ؟
عمر:اكيد فما حل...اصلا معادش برشا و باش نخليه يكشف اوراقو الكل...لدرجة معندوش باش يقاوم مرة اخرى يا روحي
انا:رد بالك على روحك...منحبش نخسرك...منجمش نعيش وحدي عمر
عمر:شششش نحي الافكار هذوما من مخك...نحبك تكون قوية مهما صار يا روحي...و تذكر لانا معاك ديما...و مدامني حي لا مراد و لا اي حد غيرو...ينجم يضرك
هزيتلو براسي ايه...كلامو و ثقتي فيه كافيين باش يخلوني...نحس بالراحة...رجعلي شعري لتالي...و نزل بصوابعو لرقبتي يحكي
عمر:منحبش نشوفك في الحالة هاذي مرة أخرى..مفهوم كلامي
انا:و انت زادة خليك بعيد عليها
تبسم بالوقت...نزلت راسي...و عاودت ترميت في حضنو دورت يديا زوز على ظهرو نحكي
انا:متغزرليش اكاكا عمر...أما منحب حتى وحدة تكون قريبة ليك..مش بيدي...منجمش نتحكم في غيرتي..أنت متاعي وحدي
غرس يدو في شعري...و نزل باسني من راسي يحكي
عمر؛زهرة حرام عليك يا روحي
هزيت راسي شوية...بستو من رقبتو...و غزرتلو بالوقت تنهد بالقاوي يحكي
عمر:صحيتك
انا:شنعمل...توحشتك راني
عمر:زهرة
انا:مممم
عمر:منحبكش تبقى مغشة مني...بعد اللي صار آخر فترة نعرف روحي هملتك و يمكن ضريتك بكلامي...أما صدقني كلشي عملتو من خوفي عليك و كهو
هزيت روحي شوية...خطفت بوسة من شفايفو...و تبسمت نحكي
انا:مستحيل نتغشش منك...اصلا انت و ريحان...السبب لي خلاني قوية لتوا
كبس على ظهري...و عاود حضني...بعد شهور حسيت روحي رجعت شوية من اللي خسرتو...مهما عملت و مهما قاومت...حبي ليه اقوى من كلشي في دنيا...حتى اقوى مني...حضنو برك كافي...باش يخليني ننسى كلشي تعدا على راسي...تبسمت على صوتو يحكي
عمر:المرة هاذي باش ترصيلنا في توأم
هزيت راسي شوية...و تركزت على صدرو...نحكي
انا:عمر...أنا نحب نشوف ريحان...معادش نجم نصبر عليها أكثر
عمر:باهي...تو نهزك عندها
أنا:متعبش روحك...أشرف هوني...تو يوصلني
عمر:في الحالة لي إنتي فيها عزيزتي ؟
انا:شبيها حالتي
عمر:شي...خلي أشرف يهزك من الفيلا مبعد
انا:باهي
جبد الروبة بيدو...و حط يديه على جنابي...تحت الفاست...طيحها لتالي...و عدا عينيه على بدني...مديت يدي باش نهزها...غزرلي ندرا كيف يحكي
عمر:خلي عليك
قربلي أكثر...عاوني لبستها...و تلفت عطيتو بظهري..سكر الشركة بالسياسة...و حطلي شعري على جنب...باسني من رقبتي يحكي
عمر:آخر مرة تلبس هكا...مفهوم كلامي
هزيتلو براسي ايه...نزل بيديه لكرشي...و جبدني عندو...يحكي
عمر:في اقرب مدة باش نكتب صداقي عليك مرة اخرى
تلفت عندو بالوقت...متوقعتش باش يقول الكلام هذا توا...رجعلي شعري بصوابعو و كمل يحكي
عمر:إنتي مرتي انا و باش تبقى مرتي...و عمرك ما كنت طليقتي...و مستحيل كنت نوقع عالاوراق هذوما...كان مش خوفي عليك انو يضرك...و معادش نحبك تفسر اللي صار بطريقة غالطة...و تعاود نفس الكلام مرة اخرى باهي
انا:باهي يا روحي
نزل عليا شوية...باسني...من تصرفاتو حسيتو فهم خوفي...و قاعد يطمن فيا...عدلت روحي...و تلفت عندو...تبسم يحكي
عمر:هيا قوم...بنتك تستنى فيك
لبست الكعب متاعي...ورجعت شعري لتالي...هز روحو وقف و عطاني يدو...كبست عليه...و قمت...لتوا نحس في روحي مروهجة من اللي صار...و مش منجمة نعمل خطوة وحدة...تبسم يحكي
عمر؛متخاافش هاني معاك
هزيتلو براسي ايه...نزل هز كبوطي من الارض..لبسهولي و سكرو...حطلي شعري لتالي...لبس الفاست متاعو...هز مفاتحو و تليفونو و قرب مني...هزيت صاكي من الفوتاي...حتى هو حسيتو رزين عليا...كبس على يدي في لحظة...و دور المفتاح فرد وقت...اول ما حل الباب دورت راسي...مرة اخرى...و عديت عينيا على البيرو و على الفوتاي...على كل بقعة جمعتني بيه...و نفس الإحساس تغلغل داخلي...خلاني نكبس على يدو من غير ما نحس على روحي...هزيت راسي نغزرلها...واقفة مع السكرتيرة برا...نزلت راسها غزرت ليدو لي مكبشة في يدي...و عاودت غزرتلو تحكي
ملك:عمر حاجتي بيك اكيد
عمر:لازمني نمشي توا
ملك:مانيش باش ناخو من وقتك برشا...جيست نحب رايك في حاجة
كبست على يدو...و هزيت راسي غزرتلو...نحكي
انا:ميسالش عمر...هاني نستنى فيك
تبسمتلو بالوقت...نزل عليا باسني من خدي...و هزلي براسو ايه...يحكي
عمر:منطولش عليك
انا:باهي
جبد روحو مني...و مشى معاها للبيرو...غزرت لسكرتيرة تبسمتلي بالوقت...ضحكت معاها...و قربت وقفت بحذا الاصونصير...نستنى فيه يرجع...أصلا واقفة بالسيف هزيت راسي على صوتو يحكي
سليم:كيفك ؟
انا:سليييم ؟
دورت راسي نغزر في الشرتين...ما كان فما حتى حد غيرنا...خذيت نفس نحكي
انا:شتعمل هووني يااخي ؟
سليم:جيت باش نقابل طليقك...ياخي الصدفة جمعتنا مرة اخرى
انا:علاش تحب تقابل عمر ؟ شصاار ؟
سليم:فما برشا حاجات...ماهيش واضحة...و مدام سي عمر شريك مراد...نحب نتعرف عليه اكثر
انا:عمر ما عندو حتى علاقة بمراد...كان تحب تعرف حاجة...انا نجم نعاونك...انا و كهو
سليم:محسيتش روحك طولت برشا عليا ؟
انا:شتحبني نعمل ؟
سليم:اسمعني مدامك عايشة مع الراجل هذاكا...معناها فما خطر على حياتك
انا:شقصدك ؟ و فاش قام حتى لاحق مراد...منين تعرفو انت و شتحب من عندو ؟
سليم:مراد من رجال الاعمال المطلوبين عندنا...و انا شخصيا مناثقش فيه...و متأكد لوراه حكاية...و مش معناتو راجل امك...مظطرة باش تبقى معاه
انا:من وين تعرف لهو راجل امي ؟
سليم:المعلومات هذوما اي حد ينجم يعرفهم...اما لي غامض لتوا...علاقتك معاه ؟ و علاقتك مع طليقك...و الاهم الحالة لي ولدت فيها و شكون عمل فيك اكاكا
انا:مش تحب على مراد...شيهمك فيا انا ؟
سليم:باهي تو ناخو الاجابة من عند سي عمر ملا
عينيا وساعو بالوقت...آخر شي نخمم فيه...انو يعرف باللي صار توا...تلفت عندو نحكي
انا:باااهي...بااهي...شنية تحب مني توا ؟
سليم:صدقني زهرة...مستحيل نضرك...و مستحيل نخليك جزء من اللعبة لي قاعدة تصير...اما جيست نحب معلومات اكثر على مراد...يمكن انتي زادة تتحرر منو مبعد
بقيت نغزرلو من غير حتى كلمة...تبسم...و كمل كلامو يحكي
سليم:انا باش نحميك منو وعد...و عمر باش يكون مليح زادة...متخافش مني...خاطرني مستحيل نضرك زهرة...خمم بالقدا في كلامي...خاطر بالرسمي معادش فما وقت...و اكيد مبعد تفهمني اكثر...و تفهم علاش قاعد نعمل في هذا الكل...و علاش حاجتي بمراد زادة 
انا:باااهي...اكيد بااش نحاول نعاونك...اما وين نجم نلقاك ؟
سليم:انا لي باش نلقاك...رد بالك على روحك
حل باب الاصونصير و دخل...تلفت عندي...و حط يديه زوز في مكاتبو...بقيت نغزرلو لي تسكر الباب في وجهي...اخر حد توقعت اني نشوفو...و في سوسيتي هوني...فقت من سرحتي...على يدو لي دارت على جنبي...قلبي خض بالقاوي...نزل راسو غزرلي يحكي
عمر:سافا عزيزتي ؟
هزيتلو براسي ايه...من غير حتى كلمة...منعرفش شنية لي باش نقولو اصلا...و لا كيفاه باش تكون ردة فعلو كي يسمع انو سليم كان هوني...خاصة بعد اللي صار في الحفلة...دوب نجمت نغزر في وجهو...مش مستانسة نخبي عليه حاجة من قبل...تبسم يحكي
عمر:زهرة ياخي مزلت مخرجتش من الحالة لي خليتك فيها ؟
انا:عمر يززي اماانك
عمر:بااهي يا روحي ايجا
حل الباب...كبس على ظهري...و دخل معايا...كبست على صاكي...مخي يهز فيا و يجيب...قص عليا افكاري...كي كبس على جنابي في لحظة...ورجع بيا لتالي...نزل عليا في لحظة يبوس فيا و يحكي فرد وقت
عمر:ياخي ناوية تهبلني انتي ؟
انا:شنية عملتلك زادة ؟
عمر:ما عملت شي يا عمري...اما بالنسبة ليا وليت ديما متوحشك
انا:و انا نفس الشي يا روحي
لزيت ليه اكثر...عنقتو و غمضت عينيا...منحب نفكر في حتى شي آخر...كان انو هو رجعلي و كهو...يكفيني قربو باش نكمل لي بديت فيه...و باش نكون قوية اكثر...على خاطرو...على خاطر بنتي و امي زادة...باش نقاوم لاخر نفس في حياتي...و مانيش باش نسلم الا بعد ما نشوف خسارة مراد قدام عيني...و بعد ما نخلي عمر يرجع كلشي خسرو  من قبل...كيما متأكدة انو سليم باش يعاوني...عالاقل يكشف مراد و اللعب متاعو...و مهما عمل ماهوش باش يفرقني على عمر و لا على بنتي...مستحيل نخليه يتحكم في حياتي بعد توا...و انا لي باش نكشف اخر اوراقو...و نخليه يندم على كلشي عملو في امي و عمر و فيا زادة....مستحيل نسامحو عاللي عملو مهما صار