🔸️حلقة 28
🔸️مريم تحكي:
طلعت الدروج وحدة وحدة...بعد ما قاتلي خالتي نعيمة هي لي باش طلعلنا العشا...تبسمت و انا نرا في عمر خارج من بيتها...يطلع منو ما يفلت حتى فرصة...والله لتوا مستغربة كيفاش باش يعرس و هو متعلق بيها لهدرجة...متأكدة لي حتى هي تحبو برشا...منعرفش شنوة باش يصير فيها وقت يعرس...نعرف لماهيش باش تعمل شي...و باش تفرحلو...اما ديما وجيعتها في قلبها...خايفة عليها برشا...و خايفة من اللي باش يصير في القضية...اصلا معادش نعرف كيفاش نتصرف في الحكاية...خذيت نفس و قربت منو نحكي
انا:مسيو عمر...ميسالش نسألك ؟
عمر:تفضل
انا:شنوة باش يصير في القضية ؟
عمر:منعرفش...اما باش نحاول نلقى حل...في الوقت هذا حاول متخليهاش تخمم في الحكاية برشا
انا:باهي عيشك
عمر:تصبح على خير
انا:و انت بخير
بقيت نغزرلو و هو نازل...تنهدت بالقاوي...وقربت من البيت باش ندخل...جات عيني على بيتو...الباب مشقوق شوية...دورت عينيا عالبلاصة مفما حتى حد...قربت شوية...حليتها شوية...مفما حتى حد الداخل...تبسمت على جنب...عالاقل نفركس على تليفوني...قبل ما يطلع...قربت من الكوافوز بالزربة...نفركس في القجار متاعها...ملقيتوش...قربت من تابل دونوي...نفس الشي...نفخت بالقاوي...هاو طلع منظم عليا السخطة هذا...خذيت نفس و قربت من التابل دونوي لاخرى...اول ما حليت القجر...لقيتو فيها...تبسمت بخبث...يطلع منو سي شباب...مخبيه هوني...و مخليني اكاكا...اصلا على شكون نحكي...واحد هامل و مجودر شنوة يجي منو...اول ما سكرت القجر...سمع صوت باب تحل...ضيقت عينيا بالوقت...كبست على تليفوني في يدي...و تلفت شوية نغزرلو...خارج من بيت البانو مبهمني زح كيفاش مفكرتش لي تنجم تكون فما بيت بانو في بيتو...اصلا منتبهتش للباب...وقت دخلت...عينيا وساعو و انا نغزرلو...قلبي نحسو باش ياقف منعرفش علاه...متوقعتش باش نراه هكا...هزيت يدي حطيتها على رقبتي...نغزرلو واقف قدامي بالكاب دو بان...و منشفة صغيرة في يدو...يعدي فيها على شعرو...عقد حواجبو يغزرلي مستغرب...نزل يدو يحكي
حسام:فاش تعمل هوني انتي ؟
فقت من سرحتي على صوتو...قحرتلو...و هزيت التليفون في وجهو نحكي
انا:باش ناخو تليفوني...و المرة الجاية البس دبشك قبل ما تخرج...اصلا زايد مع شكون نحكي...مع هامل كيفك
طيش المنشفة عالفوتاي...و قرب مني شوية...حسيت روحي وحلت...مديت الخطوة باش نمشي...وقف قدامي بالظبط...هزيت يدي في وجهو نحكي
انا:ابعدني احسنلك
هزني و حطني...غزرتو اكاكا دخلتني بعضي اكثر...جيت باش نحكي...جبدني من يدي بالقاوي...ضربت فيه قحرتلو نحكي
انا:سيببني فاش تعمممل ؟
نزل عليا شوية...باقي يغزرلي بنفس النظرة...كبس على يدي اكثر...دزيتو شوية نحكي
انا:والله كان تقربلي...ما نلم عليك دار الكل...هاني قتلك...ملا سيبني احسنلك
تبسم ندرا كيف...جبدت يدي منو بالقاوي...رخف يدو بالوقت...حسيت روحي باش نطيح...شديتو من كول الكاب...حط يدو على كتفي...دزني لتالي...طحت عالسرير بالوقت...عرفتو تعمدها الفازة...قبل ما نهز راسي...حسيت ببدنو فوقي...عينيا وساعو بالوقت...بدني جمد بالوقت...منجمتش نستوعب اللي قاعد يصير...عدا عينيه على وجهي...حسيت بصوابعو على خدي...تبسم يحكي
حسام:دخلت لبيتي بالسرقة...فركست في دبشي بلا علمي
نزل بصوابعو...عداهم على شفايفي...و كمل كلامو يحكي
حسام:و فوق هذا الكل...هامل و منحشمش...اه و ندرا شنية فكرني
انا:ا ابعدني...ياخي شنية تستخايل في روحك...ما عملت شي غالط...انت محبيتش ترجعلي تليفوني و انا عرفت كيفاش نلقاه...كهو الحكاية...و توا ابعدني
نزل عليا اكثر...حط خدو على خدي...يحكي في وذني
حسام:تعرف قداش ساعة...و تعرف كان يدخل حد توا...و يلقاك هوني تحتي...شنوة باش يصير ؟
انا:باز جنيت انت...سيبننني يا سخطة...ابعدني
حسام:شششش...قتلك من قبل...كل فعل تعملو عندو ردة فعل...يعني وحدة بوحدة...و كي انتي جيتني بساقيك لهوني
طلع راسو...و تبسم بخبث...هزيت يدي حطيتها على صدرو...ندز فيه لتالي و نحكي
انا:ابعدني...الله لا تربحك يا ساقط...يا اللي متحشمش
حسام:ياخي وين تربيت انتي ؟
انا:شيهمممك فيا اه...شيهمك وين تربيت و شكون رباني...ابعدني خليني نخرج
حسام:لا...شاهي حاجة اخرى انا
كبست بيدي عالتليفون...و بيدي لاخرى على صدرو
نبعد فيه لتالي...اما شي...شدني من يدي كبس عليها بعدها على صدرو...جيت باش نحكي...نزل على شفايفي بالوقت...قد ما عافرتو...منجمتش...اول مرة يبوسني بالطريقة هاذي...بالعادة يعملها بلعاني...اما منعرفش...علاه للحظة حسيت روحي رخفت...حليت عينيا بالوقت...نحس في روحي تخنقت...جبد روحو مني بالوقت...غزرلي ندرا كيف...منجمتش حتى نحكي معاه...نزل لرقبتي بالوقت...وقتها استوعبت لي قاعد يصير...حطيت يدي على كتفو...ندز فيه و نحكي
انا:ا ابعدني...رد بالك تمسني...ابعد امانك
فك تليفون من يدي...و جبد روحو لتالي...قعد على طرف السرير...هزيت روحي بالزربة...نزلت الخلعة ووقفت نغزرلو...يدور في التليفون في يدو...و يغزرلي خذيت نفس نحكي
انا:اعطيني تليفوني...خليني نخرج
حسام:باهي شد
قحرتلو و مديت يدي...باش نشدو عليه...جبد يدو لتالي و جبدني عندو بالوقت...جيت قاعدة في حملتو...كبس على جنبي...و قربلي اكثر...حسيت بالنفس متاعو في وجهي...نسمع فيه يحكي
حسام:اغزرلي هوني...اخر مرة تحط ساقك في بيتي...خاطر صراحة منجمش نشد روحي اكثر من هكا...متعرفش شنية نجم نعمل فيك...باهي
غزرتلو في عينيه بالوقت...هزيت يدي حطيتها على راسو من تالي...كبست على شعرو نحكي
انا:و انت مرة وحدة استوعب لانا ما نخاف من حتى حد...خاصة من واحد كيفك...ملا اخطاني...و ابعد جرتي...خاطر صدقني...منحملش حتى صوتك...مش حتى اني نراك قدامي...باهي سي حسام
رخفت يدي...و جبدت روحي منو بالزربة...هزني و حطني...و تبسم على جنب...قحرتلو نحكي
انا:اعطيني تليفوني توا
حسام:معينيش
انا:شقصدك ؟
حسام:هيا برا على روحك...تليفون هذا انساه
انا:ياخي نورمال انت...شتقصد بكلامك...اغزرلي هوني...ترجعلي تليفوني احسنلك
وقف بالزربة...هد عليا...وخرت لتالي...ضربت في الحيط...حط يدو قدام وجهي يحكي
حسام:معناها ماكش باش تخرج
انا:تليفوني قبل
حسام:باهي...دقيقتين في يدك...بعد ما يتسكر الباب هذاكا ترصالك هوني لصباح...و ما تستنى حتى حد يخرجك
بقى يغزرلي ندرا كيف...يستفز فيا...هزيت يدي...ضربتو بكل قوتي على كرشو...غمض عينيه بالوقت...ورجع حلهم يحكي
حسام:اخرج مريم
عديت عينيا على وجهو...منعرفش علاه سكت كي ريت يغزرلي اكاكا...و زادة مش مستانس يكلمني باسمي جبدت روحي منو...قربت من الباب بالزربة...و تلفت عندو نحكي
انا:متحشمش
اول ما تلفت...خرجت من البيت...خذيت نفس بالسيف منعرفش...كيفاش وصلت لبيت زهرة...كبست عالبواني و دخلت...وقفت بالزربة تحكي
زهرة:مريم شبيك ؟
انا:ز..زهرة امانك...اعطيني صاكي
زهرة:شبيك...شفما ؟
حطيت يدي على صدري نرد في النفس...منعرفش علاه تقلقت منو لهدرجة...حلت صاكي...و فرغاتو فوق السرير...حطت البخاخة متاعي في يدي...خذيت نفس منها...حسيت روحي ارتحت...شدتني من يدي تحكي
زهرة:ايجا اقعد
قعدت على طرف السرير...قعدت قدامي...حطت يدها على وجهي تحكي
زهرة:كيفاش تحس في روحك توا ؟
انا:لباس
زهرة:تحب نمشيو لطبيب ؟
انا:لااا مليحة متخافش
زهرة:حسام مرة اخرى مش هكا
انا:زهرة قتلك مفما حتى شي...جيست تعبت شوية
زهرة:باهي على راحتك...هيا قوم تاكول...خالتي نعيمة من بكري جابت العشا
هزيتلها براسي ايه...تعشيت معاها...و تفكيري في الكلام لي قالو...لتوا مزلت مروهجة من اللي صار...و من اللي حسيتو وقتها...هزيت يدي حطيتها على رقبتي...نهدي في روحي...غزرتلي تحكي
زهرة:مريم شصار ياخي...حسام عملك حاجة ؟
انا:ما ينجم يعملي شي
زهرة:مريم ماكش باش تبطلها العادة هاذي يعني
انا:شنوة ؟
زهرة:فهمت قصدي...مرة وحدة احكي لي تحس فيه...اشتكي...منعرفش...متبقاش ساكتة هكا
انا:شنوة نحكي زهرة...شتحبني نقلك بربي...انتي تعرف بالقدا...لهذا مش الريق متاعي...ما نحب حتى حد يشفق عليا
زهرة:من امتى وليت حد انا...مريم...عيش اختي متبقاش ساكتة هكا...هاك انتي واقفة معايا ديما منحبش نراك هكا
تبسمتلها...و هزيتلها براسي ايه...عديت يديا زوز على وجهي...نحكي
انا:زهرة
زهرة:يا روحي
انا:زعمة كان جات عندي امي...مكنتش باش نحتاج لهاذي ؟
كبست عالفنتولين في يدي...تبسمت و طلعت راسي غزرتلها...خذيت نفس...و كملت نحكي
انا:و حتى حد ما كان اشتكى من تربيتي...اما يصير...شعندنا نعملو...حتى هكا محلاني مش هكا
هزتلي براسها ايه...و قربت مني...حضنتني...تحكي
زهرة:محلاك...و مفماش احن منك يا روحي...كل حد يحكي غير هكا...معناها لتوا ميعرفكش بالقدا
انا:اييه نعرف...هيا سيبني عاد...خليني ناكول
زهرة:هههههههه باهي
عدينا سهرية مع بعضنا...لا حكينا في موضوع مراد و لا عمر...و لا حتى المجودر هذاكا...اصلا منحبش نسمع سيرتو...منعرفش علاه فما احساس داخلي يقول لي الايام الجاية باش تكون اصعب من هكا ببرشا...على زهرة و عمر و حتى انا...معادش نعرف حتى في شنوة نخمم بالظبط...دورت راسي شوية...لقيت زهرة ديجا رقدت...حتى هي تعبت من اللي صار اليوم...هزيت يدي بالسيف حطيتها على شفايفي...تعدات بين عينيا الفازة لي عملها...غمضت عينيا بالقاوي و رجعت حليتهم مسحت على شفايفي بغزول...و عاودت سكرت عينيا...نحب نغم على راسي...و نرقد...مفماش نرتاح شوية و ننسى اللي صار جرايرو...يمكن احسن حاجة نعملها توا...معادش نفكر فيه جملة.
🌸🌸🌸🌸
🔸️مراد يحكي:
حليت عينيا بالسيف...نحس في راسي باش يطرشق عديت يدي على وجهي...و تعدلت في قعدتي...منعرفش كيفاش هزني النوم هوني...مش بالعادة نبات في سوسيتي...اما البارح...ما نجمت نقابل حتى حد...تحل الباب بالوقت...طلعت راسي...قحرتلها نحكي
انا:متعرفش دق عالباب ؟
هي:سامحني مسيو مراد...في بالي مزال باش تجي
انا:باهي باهي...ابعث شكون يلم الطاولة هوني
هي:باهي...تحب شي اخر
انا:قهوة...و ما نحب حتى اجتماع اليوم...ألغي كلشي
هي:باهي
خرجت و سكرت الباب وراها...حطيت الفاست على جنب و هزيت روحي...حليت الشباك...منعرفش قداش شربت البارح بالظبط...ترميت عالكرسي...غزرت لساعة لتوا نستنى فيه...رجعت سكرتيرة بالوقت...حطت القهوة تحكي
هي:مسيو مراد المحامي هوني
انا:خليه يدخل
هي:باهي
اول ما خرجت هزيت روحي وقفت...قربت من الباب شوية...نغزرلو دخل...حط كرطابتو عالطاولة و قربلي شوية يحكي
هو:بونجور مسيو مراد
خطفتو من كول سوريتو...ديزتو لتالي...و قربتلو اكثر...نحكي
انا:بقى فيها بونجور...تعرف شنوة لي عملتو انت ؟
هو:م..مسيو مراد لحضة
انا:سكر ¤¤¤¤ فمك...ياخي نورمال في مخك...شكونك انت باش تحكي عليها اكاكا...كيفاه تطلب من القاضي تقرير من الطبيب...تعرفها شكون هذيكا...تعرف شكون رباها...انت اخر حد يحل فمو عليها...مش قتلك احكي لانا قتلك عليه و كهو...اما انت مزروب على موتك
هو:مسسيووو مراد...اسمعني...كلشي عملتو في مصلحتك
انا:مصلحة شنوة...تعرف شنوة صار فيها...تعرف شنوة لي حسيتو وقت غزرتلي اكاكا...اغزرلي هوني...تعمل لي تنجم عليه باش توفا الحكاية هاذي حتى قبل ما تبدا و الا باش نقتلك بيدي...و تعرفني نعملها
هو:باهي اسمعني قبل
رخفت يديا زوز عليه...وخرت لتالي...عديت يدي على شعري نحكي
انا:هات لي عندك فيسع
هو:التقرير الطبي باش يأذيها شوية صحيح...اما في تالي هذا السبب لي باش يخليها ترجعلك
انا:فاش تحكي ياخي؟
هو؛انا باش نزور تقرير
انا:لاااا انت بالرسمي مزروب...باش تمشي لدنيا لاخرى
هو:هاذي الطريقة الوحيدة لي باش تخلي عمر يبعد عليها...في المحكمة باش يصدقو لي فما علاقة بينها و بين عمر...و عمر باش يصدق العكس...و نظن ماهوش باش يجري ورا طفلة فما شكون ملكها قبلو
بقيت نغزرلو...هزيت براسي لا...مستحيل نحطها في موقف هكا...مستحيل نجرحها...نعرف بالقدا لهي ماهيش باش تتحمل هذا الكل...غزرتلو نحكي
انا:الحكاية هاذي نحيها من مخك...ما نحب حتى حد يعدي عليها...اصلا اخر حد يهمني...عمر لي تحكي عليه
هو:انت ميهمكش...اما ظاهر فيها تحبو
جبدتو من سوريتو مرة اخرى...كبست عليه بالقاوي نحكي
انا:فاش تخرم اه...ماكش ناوي تسكر ¤¤ فمك عالصباح
هو:كان عمر شك فيها...علاقتهم راح تدمر...و هكا ماكش باش تظطر تخليها تكرهو بالسيف عليها
دزيتو لتالي...و وخرت لتالي...نحس في راسي باش يطرشق...من جيهة عندو الحق...اما من جيهة اخرى منجمش...نعمل فيها هكا...خاطر متأكد لهي مستحيل تعمل اكاكا...منحبش نجرحها و لا نوجعها بالطريقة هاذي...اما زادة مفماش حل اخر...غزرتلو نحكي
انا:الطبيب باش تختارو المحكمة
هو:اكيد
انا:منحبش طبيب يمسها
هو:باهي باش نخلي طبيبة هي لي تعدي عليها
انا:باهي...اما بالاول خلي الطبيب يراها...و باز عمر باش يعمل مشكلة عالحكاية...و زوز اعطيهم قد ما يحبو المهم يسكرو فمهم
هو:باهي كيما تحب
انا:تنجم تخرج
هزلي براسو ايه و خرج...قربت من البيرو...هزيت صورتها...ثبت فيها شوية...نحكي
انا:سامحني يا روحي...سامحني...نوعدك كلشي باش يكون مليح
تنهدت بالقاوي نهدي في روحي...هزيت مفاتحي و خرجت من البيرو...منعرفش كيفاش وصلت لدار...اول ما دخلت لقيتها في وجهي...قربتلي بالوقت تحكي
انتصار:وين كنت ؟
انا:انتصار ابعدني مانيش ناقصك
انتصار:تنجم تفهمني لي قاعد يصير...وين تحب توصل انت و المحامي متاعك...شمعناها تخلي بنتي تتعدا لتقرير...مراد انت تعرف بالقدا...لزهرة مستحيل تعمل هكا...مستحيل
كلامها زاد دخلني بعضي اكثر...جبدتها من زندها...كبست عليها نحكي
انا:يزززي...مانيش باش نتحملك انتي زادة...اغزرلي هوني...اللي تحكي عليها...ربيتها بيدي...ما يهمني كلام حتى حد...و مهما صار مانيش باش نشك فيها...مفهوم كلامي...و توا اخطاني احسنلك
دزيتها لتالي...خذيت نفس...و بعدت عليها...اول ما وصلت لدروج...حبستني تحكي
انتصار:مراد...انت تحبها مش هكا ؟ الكلام لي تقول فيه زهرة صحيح
كبست على يدي و تلفت عندها...غزرتها ليا وجعتني تمنيت كان مصارش هذا الكل...كيفاش نجم نقلها ايه انا نحب بنتك...هزيتها و حطيتها...و رجعت تلفت...طلعت من غير حتى كلمة...عملت دوش...رخفت بيه اعصابي بدلت دبشي...و خرجت من دار...اصلا معادش نجم نبقى معاها...معادش نجم نرا نفس النظرة في عينيها نعرف بالقدا لقاعد نضر فيها حتى هي...اما معادش نجم نتحمل...الظروف ولات اقوى مني...زهرة لي قاعد نخسر فيها اهم برشا من كلشي...اول ما ركبت...تكيت راسي لتالي...و حليت البلار...خذيت نفس من النسمة الباردة
هزيت تليفوني...نغزر لنيمروها...كلمتها من غير ما نفكر مرتين...هزت عليا تحكي
سيرين:اهلا مراد
انا:وينك توا ؟
سيرين:في الخدمة
انا:نحب نراك ؟
سيرين:صراحة ت..توا منجمش ؟
انا:عديلي عرفك
سيرين:شقصدك ؟
انا:فيسع
سيرين:باهي
كبست عالتليفون في يدي...نسمع في حسان يحكي
حسان:تفضل مسيو مراد
انا:حاجتي بسيرين و انت باش تعطيها عطلة اليوم
حسان:باهي لي تحب عليه...هوكا معاك هي
انا:باهي
سيرين:شفما مراد ؟
انا:حضر روحك...مسافة الطريق و نكون عندك
سيرين:ب..باهي
علقت عليها و خدمت الكرهبة...وصلني ميساج...اول ما حليتو تبسمت بالوقت...باش تكون هدية باهية ليه...غريبة لهو باش يخسر كلشي فرد مرة...هو اختار الثنية الغالطة و الا مستحيل كنت باش ندمرو بالطريقة هاذي...اخر جلسة باش يوفا معاها كلشي...حتى خطيبتو لي عامل فيه يحبها...باش نخليه يذوق طعم الخسارة...و اليوم باش ياخو اول كادو ليه من عندي بعدها جاي الدور للباقي...اصلا في الاخير فما رابح واحد و كهو
أنت تقرأ
زهرة🌸
Diversos🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
