زهرة🌸

الحلقة مئة و التاسعة عشر

🔸️حلقة 119
🔸️مريم_تحكي:
جبدت روحي شوية...حليت الباب و نزلت...لتوا مش مصدقة لي قاعد يصير معايا...في الوقت لي كنت ناوية على عركة معاه...استسلمت اول ما ريتو...أول ما شميت ريحتو...و حسيت بقربو...الأيامات لي عديتها من غيرو كانت كابوس بالنسبة ليا...حسيت روحي باش نهبل من فكرة إني نخسرو و باش ياخو وحدة غيري...قربت منو شوية...كبست على يدو...نزل راسو شوية غزرلي ندرا لصقت فيه أكثر...اصلا معادش نجم نتحمل فكرة انو هو باش يبعد عليا مرة اخرى...كبس عليا اكثر...من غير حتى كلمة...عرفتو مزال مغشش من الفازة متاع بكري أكا لي خلاني نسكت...سكر الباب و جبدني معاه...و قرب حل الباب...و رخف على يدي...تنهدت بالقاوي و دخلت...اول ما شعل الضو...تلفت عندو...قربت منو شوية...حطيت يديا زوز على صدرو...دزيتو عالباب...و استندت عليه...طلع حاجبو مستغرب...خذيت نفس نحكي
انا:باش تبقى متغشش مني ؟
حط يدو على جنبي...كبس عليا بالوقت...غمضت عينيا من قوة الكبسة...و حليتهم على انفاسو لي قوات في وجهي...سرحت في ملامحو...مديت يدي شوية...عديت صوابعي على خدو نحكي
أنا:توحشتك عاللخر
قربلي أكثر...غمضت عينيا على شفايفو لي تحطت فوق شفايفي...دقات قلبي قوات أكثر...كي جبد بيا...كبست على صدرو اكثر...و حليت عينيا قحرتلو...مد يدو شوية عدا صوابعو على شفايفي يحكي
حسام:ريت مخيبو الإحساس هذا
أنا:ترد في الفازة ياخي ؟
حسام:بالظبط
رخف يدو على جنبي...و تعدل في وقفتو...عدا يدو على شعرو يحكي
حسام:باش نبقاو برشا هوني ؟
ضربت ساقي عالارض...دخلت و خليتو واقف في بلاصتو..حليت الفاست متاعي...و طيشتها عالفوتاي..من الغزول لي ركبني جرايرو...اما في لحظة هديت...و انا نغزر لصالة...دورت راسي نغزرلو...حط الفاست متاعو...و قعد يغزرلي...مديت يدي...نحكي
أنا:شنية هذا ؟
حسام:أكتشف وحدك
أنا:ساعة مش انت مشيت بفاليز صغيرة ؟ هاذي متاع شكون ؟
حسام:تأكد وحدك
قحرتلو...و قربت من الطاولة...عديت عينيا على لي بوات...هذوما كيفاش جابهم الكل منعرفش...حليت اول وحدة جات على يدي...اكثر من نوع متاع شكولاطة فوق بعضها...تبسمت بالوقت نحكي
انا:هذوما متاعي انا ؟
حسام:مممم
انا:جووو...حبيتهم
سكرتها و حطيتها على جنب...و قربت لأكبر وحدة قعدت عالارض...و غزرتلو نحكي
أنا:و هاذي شنية فيها ؟
حسام:حاجة سبيسيال ليك إنتي
أنا:لهدرجة ؟
حسام:تحب تشوفها ؟
هزيتلو براسي ايه...و كبست عليها نحل فيها...منعرفش علاش صعبت عليا...عاودت غزرتلو...متحركش من بلاصتو..عامل فيا بلعاني...نحيت الغطا حطيتو عالأرض عينيا وساعت و قلبي خض بالقاوي...كبست عليها بيديا زوز...هزيتها شوية شوية...و وقفت معاها...نغزر لصدر الروبة لي مرصع...حجارحها يلمعو بطريقة غريبة معرفتش نضحك و لا نبكي من الفازة أصلا مستوعبتش لي قاعد يصير معايا...و لا فاش هو قاعد يخمم...نزلتها شوية...نغزرلو...و نحكي فرد وقت
انا:ح..حسام...شنية هاذي ؟
هز روحو وقف...قرب مني...غزرلها و عاود غزرلي يحكي
حسام:الموديل هذا سبيسيال ليك إنتي
انا:ش..شقصدك ؟
حسام:مش حبيت تعرف السبب لي خلاني نطول في باريس
هزيتلو براسي إيه...قربلي شوية...عدا صوابعو على خدي...يحكي
حسام:ظطريت نستنى لين تكمل الروبة متاعك
كبست عليها بيديا زوز...و غزرت لعينيه...نحكي
انا:ت..تقصد أنو أنت إخترت التصميم هذا ؟
حسام:مممم...حبيتو عليك إنتي
أنا:ا..إحنا معرسين كان تتذكر
حسام:صحيح...أما مزلت نحب نشوفها عليك
أنا:نلبسها توا ياخي ؟
حسام:الصبر يا ربي...حبي شبيه مخك الأيامات هاذي
أنا:م..منعرفش...أما بالرسمي عرسنا تعدا ليه برشا...وين باش نلبسها هاذي ؟
حسام:باهي هدي روحك ساعة
قرب مني شوية...فكها من يدي...و حطها في البوات غزرلي ندرا كيف يحكي
حسام:قداش عندنا معرسين توا ؟
انا:تقريب عامين
حسام:باهي...قبل عامين من توا...تتذكر عملتي فيك ؟
أنا:ح..حسام...شبيك تحكي عاللي صار ؟
حسام:ريت مزلت تدخل بعضك كي تتذكرها...أنا قبل الوقت هذا حرمتك من برشا حاجات مريم...مطلبتكش من بوك ؟ كيما لبنات الكل...و معملتلكش العرس لي تحلم بيه...و فوقها حرمتك من حقك...و الباقي إنتي أدرى بيه...نزلو دموعي بالوقت...نزلت راسي...منجمتش نغزرلو أكثر...في بالي نسيت هذا الكل...أصلا معادش حاقدة عليه...معادش نخمم في اللي صار معايا...إحنا زوز غلطنا في حق بعضنا...و دفعنا فاتورة هذا الكل ببنتنا...هزلي راسي شوية...يحكي
حسام:يززي كهو...معادش نحب نشوف دموعك مرة أخرى
عدا صوابعو على خدودي...خذيت نفس طويل...نحكي
أنا:مزلت نحب نجربها
حسام:هههههه أصبر شوية عزيزتي...مزال وقتها
انا:بالحق
حسام:باهي...هاات البوات الروج هذيكا
قربت من الطاولة هزيتها في يدي...و عاودت قربت منو...نحكي
انا:هاذي ؟
حسام:مممم حلها
كبست عليها...و حليت الرباط متاعها...باقي يغزرلي من غير حتى كلمة...نحيت الغطا...لقيت بوات اخرى صغيرة في قلبها...جبدها بالوقت...و حلها هو...غزرت للخاتم لي فيها و عاودت غزرتلو نحكي
أنا:ح..حسام
حسام:تقبل تعرس بيا مريم ؟
بقيت نغزرلو من غير حتى كلمة...متوقعتش الفازة منو الكلام وحل في حلقي و منجمتش نخرجو...ضيق عينيه يحكي
حسام:هيا عزيزتي...ماهيش مستحقة برشا تفكير
أنا:لا...نقصد إي...إي نقبل
ترميت في حضنو بالوقت...قبل ما يقول حتى كلمة كبس على ظهري يحكي
حسام:بالشوية يا فرخة
أنا:م..مانيش مصدقة لي قاعد يصير
حسام:باهي...أغزرلي ساعة
هزيت راسي شوية نغزرلو...بعدلي خصلات شعري بصوابعو...و كبس على يدي...يحكي
حسام:من الليلة باش نبداو صفحة جديدة مع بعضنا
من غير ماضي...و من غير ما يكون فما وجيعة...و مهما لي كان باش يصير بيناتنا...معادش باش تنحي خاتمي من يدك...باهي
هزيتلو براسي إيه...حط الخاتم في صبعي...و هزلي يدي لعندو...باسني منها...و قربلي باسني من جبيني متوقعتش باش نعاود نعيش نفس اللحظات هذوما معاه...مديت يديا زوز...حطيتهم على اجنابو...نحكي
أنا:و..خ..خاتمك أنت وينو ؟
حسام:في بيتنا
أنا:باهي خليني نمشي نجيبو ملا
حط يدو على كرشي...رجعني لتالي...و ضحك بالوقت يحكي
حسام:مانيش هارب عزيزتي...نلبسو مبعد
انا:علاش مش توا ؟
حسام:لاحقين عليه
انا:ماكش باش تنحيه مرة أخرى
حسام:تدلل
انا:باهي...شنية مزال في لي بوات
حسام:هيا كمل تفرج براحتك
نزل عليا شوية...باسني من خدي...و عاود ترمى في بلاصتو...غزرت للخاتم مرة اخرى و تبسمت...منعرفش علاش حتى هو حسيتو سبيسيال...حطيت خصلات شعري ورا وذني...و حليت بوات اخرى...كبست على شفايفي و انا نغزر للكعب لي تابع الروبة...حطيتو من يدي و حليت آخر بوات...ضحكت بالوقت و انا نغزر للبرفان لي نحبها و لروج الاحمر...مديت يدي شوية عديت صوابعي..عالتاج لي في وسطهم...نحيتو..حطيتو فوق راسي...و غزرتلو نحكي
أنا:شقولك ؟
حسام:إيجا عندي...تو نقلك
انا:لاا...نحب نعرف شنية في الفاليز هذيكا
حسام:متأكدة ؟
انا:مممم
حسام:باهي...حلها ملا
ضيقت عينيا بالوقت...منعرفش علاش حسيتو مخبي حاجة...نزلتها عالارض...و حليتها شوية شوية...عينيا وساعو بالوقت...و أنا نغزر ل  Sous-vêtements و لي nuisette...و لي لفت انتباهي أكثر...أنو وحدة منهم محطوطة على جنب...كبست عليها في يدي نحكي
أنا:ش..شنية هذا حسام ؟
حسام:هاذي بالظبط...شتهيتها عليك
رجعتها و سكرت الفاليز بالوقت...منجمتش نغزر لوجهو مرة أخرى...حتى ندمت على سؤالي ليه...ضحك يحكي
حسام:كان تحب البسها توا...هاني نستنى فيك هوني
انا:في أحلاامك
قربلي شوية...خطفني من يدي...جبدني عندو...في لحظة لقيت روحي في حملتو...مديت يدي نثبت في التاج...و نحكي فرد وقت
انا:حساام...شبييك شعرة لا طحت
حسام:ماكش باش تطيح...أما قبل قولي...علاش محبيتش تلبسها
أنا:م..منحبش
حسام:مش قتلك معادش نحبك تحشم مني
أنا:تي يزززي...شبيك استلمتني انت
حسام:معناها باش تخليني نتحصر هكا
انا:حسااام
حسام:باهي...هاني باش نسكت
دورت راسي شوية...غزرت لروبة...و مديت يديا زوز كبست عالتاج...نحكي
انا:حسااام
حسام:مممم
أنا:قاعدة نحس في روحي عروسة
حسام:مريم...ياخي لتوا مفهمتش انتي ؟
أنا:نفهم شنية ؟
مد يدو شوية...عدلي التاج و غزر لعينيا...يحكي
حسام:باهي...اغزرلي...في رايك انا علاش اخترت هذوما الكل ؟
انا:علاش ؟
حسام:خاطرني نحب نشوفك عروسة يا روحي
انا:م..مش إحنا معرسين ؟
حسام:مممم صحيح...أما أنا خذيتك من دار بوك بطريقة خايبة...و حرمتك من فرحة كاملة يا عمري
أنا:ش..شقصدك ؟
حسام:هاني باش نعاود نطلبك من سي أحمد...و نعملو عرسنا زادة
أنا:ع..عرس...أنا و أنت ؟
حسام:مممم...صحيح قبل ما ننسى...بقية التحضيرات باش نخليها عليك إنتي...اختار لي يعجبك...و أنا معاك في كلشي باهي
بقيت نغزرلو من غير حتى كلمة...منجمتش تستوعب الكلام لي قاعد يقول فيه...رجعلي خصلات شعري لتالي يحكي
حسام:شبيك ؟
انا:حسام ياخي تحكي بجدك أنت ؟
حسام:متحبش ياخي ؟
انا:لااا...نقصد إي نحب
حسام:باهي هدي روحك توا...مبعد نكملو التحضيرات مع بعضنا باهي
قربت منو أكثر...حضنتو بالوقت...مش مصدقة اللي قاعد يصير معايا...متوقعتش باش يعمل هكا على خاطري...عدا يدو على ظهري...يحكي
حسام:آخر مرة نلقاك في الحالة...متاع بكري...مفهوم كلامي
كبست عليه أكثر...و خذيت نفس من ريحتو...نحكي
انا:مفهووم
حسام:صحيت
جبدت روحي شوية...و عديت عينيا على وجهو...مديت يدي...نزلت بصوابعي...نمشي فيهم على خدو و نحكي فرد وقت
انا:ح..حسام...نحب نسألك...اما كان باش تتغشش هاني باش نسكت
حسام:نسمع فيك
انا:باهي...نحب نسألك على...ش..شراز
حسام:شمجيبها لتفكيرك توا ؟
انا:م..متفهمنيش بالغالط...ن..نحب نعرف اذا مزالت تخدم معاكم
حسام:منعرفش مريم...بعد اللي عملو عمر آخر مرة..نظن صلاحيات مراد معادش موجودة و هكا شراز أكيد ماهيش باش تولي طرف من المشروع
أنا:معناها...معادش باش تقابلها...مش هكا ؟
حسام:مريم...يا روحي...منحبكش تغير منها شراز...على خاطر بالرسمي...ما تعنيلي حتى شي...باهي...حتى سمعت لي راجلها هوني...اكا علاش معادش ظهرت في ساحة
انا:رجعتلو هي ؟
حسام:امورهم عزيزتي...لي يهمني أنا...أنها معادش تقربلك...و لا حتى تحاول تاذيك مرة أخرى
انا:باهي يا روحي...نحب نخبرك حاجة اخرى
حسام:شنوة
انا:كي كنت مسافر...خالتي نرمين طلبتني
حسام:شتحب عندك ؟
انا:منعرفش...تحب تشوفني
حسام:مشيت عندها ؟
انا:لااا...أنت قتلي متمشيلهاش وحدك...و حتى هي كانت مسافرة زادة
حسام:مزلت تحب تقابلها ؟
انا:ص..صراحة إي
حسام:باهي عزيزتي...أول ما نريقل اموري...نهزك تعدي نهار بحذاها...باهي هكا
هزيتلو براسي إي...و نزلت بستو من خدو...نحكي
انا:نحب نقلك حاجة اخرى زادة ؟
حسام:دلل
انا:أنت كي طلبت يدي قبل توا...نقصد قبل ما نعرسو
حسام:مممم
انا:باهي وقتها خبيت عليك حاجة
حسام:و علاش تحب تخبرني بيها توا ؟
انا:خاطر توا...نعرف لي متنجمش تخليني
حسام:صاار ؟
انا:و زادة من قبل كنا نعيشو مع أمي فتحية
حسام:باهي هاني نسمع فيك
انا:باهي...صراحة أنا منعرفش نطيب...نعرف كان لازمك تعرف من قبل...أما
حسام:نعرف حبي...نسيت لأنا عديت أيامات تحت يدك
أنا:دكك عليا ياخي ؟
حسام:نقول في الحقيقة...أما كان تحب نرجعو نعيشو بحذا فتحية
أنا:نحاول نتعلم
حسام:زعمة تنجم تتعلم ؟
أنا:أمي فتحية...و خالتي نعيمة يعلموني...حتى إني تعلمت حاجات من عند طاطا حياة
حسام:صااار
أنا:والله
حسام:و ناوية تجرب فيا عزيزتي ؟
انا:زايد معاك...سيبني خليني نقوم
كبس عليا اكثر...و قربلي شوية...يبوس فيا من رقبتي و يحكي فرد وقت
حسام:خليك
انا:برا زمر
حسام:شووو كي لسانها طويل
أنا:ملا نعيشو بحذا أمي فتحية هكا تحافظ على سلامتك يا روحي
حسام:أنا نحب ناخو راحتي عزيزتي
أنا:بربي ؟
حسام:ممممم قولي ساعة...مزلت في رايك ؟
انا:شنوة ؟
حط يدو تحت مريولي بالظبط...كبس على جنبي و جبدني...عندو أكثر...حسيت بانفاسو لي ضربت في وجهي...غزرلي ندرا كيف يحكي
حسام:متأكدة متحبش تلبسها
أنا:ع..علاش ؟
حسام:نحب نشوفك بيها
أنا:م..مش على أساس باش تعاود تطلبني من بابا...ملا علاش نلبسها توا
حسام:شنوة عزيزتي...نواية تحرمني شهر آخر زادة
أنا:مش هكا الأصول ؟
حسام:منمشيش بالأصول أنا...حتى نقلك...من غير ما تلبسها جملة
جيت باش نحكي...قص عليا كي وقفني...و هز روحو وقف...نزل عليا شوية...هزني في حملتو...دورت يدي على رقبتو...نحكي
انا:فااش تعمل ياخي ؟
حسام:في اللازم حبي
انا:باهي هبطني ساعة...نحب نحضر روحي
حسام:خلي عليك...مزالو الأيامات
أنا:بربي ؟
لزني ليه أكثر...باسني من خشمي...و غزرلي...يحكي
حسام:مش على أساس توحشتني إنتي
أنا:عاللخر
حسام:هيا باهي برشا عزيزتي
انا:وين ماشي انت ؟
حسام:لبيتنا
انا:من توا ؟
حسام:علاش شعندك تعمل توا ؟
انا:لتوا معاودتش ريت الروبة متاعي
حسام:لاحقة عليها الروبة متاعك...توا عندنا حاجة اهم
فهمت قصدو كي طلع اول درجة...اصلا كيفاه وصل لهوني منعرفش...كبست على رقبتو...و قربتلو أكثر نحكي
انا:باش تلبس خاتمك توا ؟
حسام:مزلت تخمم فيه انتي ؟
أنا:من أول نهار نحيتو...مزلت نخمم فيه
باسني من جبيني...عبارة يهدي فيا...دز الباب بساقو حطني عالسرير...تعدلت في قعدتي نغزرلو...حل القجر سبقتو كي جبدتو من داخل و هزيت روحي وقفت لبستهولو نحكي
انا:معادش نحبك تنحيه جملة
حسام:تدلل
مد يديه زوز...نحالي التاج من شعري...حطو عالتابل دونوي...يحكي
حسام:ملا توحشتني يا فرخة
انا:م..متغزرليش هكا
حط يدو على ظهري من تالي...جبدتي عندو أكثر...لين معادش فما مسافة تفصلنا...مديت يديا زوز حطيتهم على صدرو...نلعب بفلس سوريتو و نحكي فرد وقت
انا:معادش باش تسافر مرة اخرى...مش هكا
حسام:نسافرو مع بعضنا
انا:المهم معادش تبعد عليا جملة
حسام:توبة كان مزلت نبعد يا روحي
انا:م..معناها سااايي باش نولو نعيشو مع بعضنا ؟
حسام:مممم...من غدوة تنجم تركح أمورك و تنظم دبشك...و كان تحب تنجم تبدل الديكور زادة
أنا:منحبش نبدلو...عاجبني هكا
حسام:باهي خلينا في أمورنا توا
انا:شنوة ؟
كبس على ظهري أكثر و وخر بيا لتالي...طحت عالسرير نزل عليا بالوقت...يحكي
حسام:حتى أنا توحشتك
انا:كهو ؟
حسام:مممم...شنية تحب مريتي أكثر
مديت يدي حطيتها على رقبتو...قربتو ليا اكثر...نحكي
أنا:نحبك أنت..نحبك دللني هكا ديما...و معادش تتغشش مني...و معادش تصيح عليا
حسام:كهو ؟
مديت يدي لأخرى...عديتها على صدرو...و غزرت لعينيه نحكي
انا:و أهم حاجة معادش تبعد عليا جملة
نزل عليا أكثر...باسني من عيني و عاود غزرلي...يحكي
حسام:علاش مزلت نجم نبعد انا ؟
أنا:لا
نزل بصوابعو من خدي...لشفايفي..كبس عليهم...يحكي
حسام:اما لتوا...متعاقبتش...عالمكالمات لي مكنتش ترد عليهم
أنا:خ..خفت منك...بعد ما غبت عليا أكثر...و بعد كلام أمي فتحية...تتغشش مني أنت زادة
حسام:نعرف إني تعبتك معايا بعد الحادث...أما محبيتكش تعاود نفس الغلطة متاعي...و تصدق لي ريتو بعينيك من غير ما تسالني
أنا:ش..شنية لي صار ؟
حسام:ليلتها كان يحكي عليك و هو يغزرلي لعينيا مريم عبارة متأكد لانتي...ب..باش تكون ليه
حطيت صوابعي على شفايفي...نعرف شنية المجهود لي عملو...باش قال الكلام هذا...خذيت نفس نحكي
أنا:مستحيل حسام...مستحيل نكون لحد غيرك...انت تعرف هذا بالقدا
حسام:نعرف أما أكيد مكنتش باش نعديلو الكلام لي قالو...لتوا مزلت مغلغل عليه
أنا:بربي حساام...مش على أساس باش نبداو صفحة جديدة
حسام:عندك حق
نزل بيديه الزوز على اجنابي...طلعلي مريولي شوية يحكي
حسام:عاوني نحيوه
هزيت ضهري شوية...نساير فيه...حطو على جنب و بعدلي خصلات شعري يحكي
حسام:ملا كنت تحب تبوسني ؟
انا:بربي...و أنت شبيك واثق هكا...و أصلا شكون قلك لانا حبيت نبوسك
حسام:متأكدة ؟
جيت باش نحكي...قص عليا كي خطف بوسة من شفايفي...و غزرلي ندرا كيف يحكي
حسام:مزلت متحبش ؟
انا:ممم..م..منحبش
نزل عليا اكثر...حط شفايفو على شفايفي مرة أخرى...و عاود جبد بيا في لحظة...قحرتلو...و مديت يدي...نبعد فيه و نحكي
انا:الحق عليا...لي قاعدة نساير فيك
حسام:ملا شكون تحب تساير إنتي ؟
انا:حسااام...معادش تلعبلي على أعصابي أكثر
حسام:مممم باهي يا روحي...هاو باش نوريك اللعب على قاعدة يا فرخة
جيت باش نحكي...حط يديه زوز تحت ظهري...و جبدني عندو...قعد و قعدني في حملتو...عدا يدو على طول ظهري...بدني رعش بالوقت...قربلي اكثر...يبوس فيا و يحكي فرد وقت
حسام:كان فتحية تعرف شنية يصير فيا...في قربك مكانتش باش تجرأ باش تهددنا جملة
انا:ب..باهي...أعترف لأنت تحبني...و متنجمش تعيش من غيري
نزلت بيديا زوز...لأزرار سوريتو...نحل فيهم...كبس على ظهري أكثر...يحكي
حسام:الحب ما يجي شي...قدام لي نحس فيه معاك يا روحي
انا:معناها تعشقني أنت ؟
حسام:ايجا تو نجاوبك بطريقتي...هز يدو لاخرى...حل البياس الفوقانية...ورجعني لتالي...و عاود نزل عليا مديت يديا زوز...نزلتلو سوريتو بالوقت...حسيتو هبل بالفازة...اصلا كي نبدا معاه و بين يديه...نولي في عالم آخر ما فيه حتى حد غيرنا...و بعد اللي تعدا علينا معادش نضيع حتى فرصة تجمعني بيه و تخليني في قربو...حتى الخوف لي كان داخلي معادش نحس بيه و مرة أخرى لقيت روحي بين يديه من غير مقاومة مني أصلا بعد اللي عملو ليلة...خلاني بالرسمي نحس روحي اميرة و مفما حد كيفي...كبست على شعرو من تالي...و لزيتو ليا أكثر...مستمتعة بالاحساس البنين لي قاعدة نعيش فيه معاه...و بكلامو...لي خلاني نحب عليه أكثر أصلا الحقيقة الوحيدة لي تجمعنا انو الراجل هذا كان متاعي من قبل...و باش يبقى متاعي...لآخر لحظة في عمرنا