🔸️حلقة 8
ركيت الكرهبة في البركينغ...تلفتتلي مستغربة...اصلا مغزرتش لثنية جملة...كانها مش هوني...دورت عينيها على وجهي تحكي
زهرة:و..وين احنا ؟
انا:داري
عينيها وساعو بالوقت...جات باش تحل الباب و تنزل...سكرتها من عندي...تلفتتلي مرعوبة تحكي
زهرة:ح..حل الباب امانك...انا مش كيما انت فهمت...نحب نمشي توا
فهمت وين هزها مخها...خذيت نفس طويل...نحكي
انا:متخافش...انتي باش تكون في امان اكثر هوني...عالاقل اليوم
زهرة:اما
انا:طمن ماهو باش يصير شي
هزتلي براسها باهي...حليت الباب و نزلت...خلطت عليا...باقي تمشي ورايا...لين وصلنا لدار...حليت الباب...و تلفتلها...باقي واقفة مترددة...هزيتلها براسي باش تدخل...قربت بالسيف دخلت...تهزت و تحطت مع تسكيرة الباب...دخلت معاها لصالة...هزيت يدي نحكي
انا:ايجا اقعد
هزتلي براسها ايه...قعدت على حرف الفوتاي...عرفتها مزالت خايفة...خذيت نفس نحكي
انا:تو نرجع
زهرة؛ا انت تسكن هوني وحدك
انا:مممم ارتاح كان تحب...ما تخاف من شي
زهرة:باهي
خرجت و خليتها...مشيت للكوجينة...ما لقيت حتى شي محضر...حتى من الخضرة وفات...ملحقتش حتى نقضي...نفخت بالقاوي...و طلبت من برا...دخلت لبيتي...بدلت دبشي...و فرد وقت نخمم في الحكاية متاعها...باقي تليفوني ينوقز...سكرتو جملة...و خرجت...غزرت لصالة لقيتها مسطحة عالفوتاي...محبيتش ندخل عندها...عالاقل ترتاح شوية...رجعت للبيت...ترميت عالسرير...نحاول نرتاح شوية...منعرفش كيفاش تعدا الوقت...فقت من سرحتي...على صوت الباب ينوقز...عرفت الماكلة وصلت...هزيت روحي...خرجت من البيت...لقيتها واقفة في الباب...ضيقت عينيا نحكي
انا:شبيك ؟
زهرة:ب..باز عرف لانا هوني...ا امااان متخليهش يهزني معاه...امانك
انا:متخافش مش هو...انا طلبت ماكلة من برا...تلقاها وصلت
هزتلي براسها لا...و قربت مني شوية...غزرتلي ندرا كيف تحكي
زهرة:م..متحلش الباب امانك...انا خايفة برشا
انا:زهرررة يزي
خليتها واقفة...و قربت باش نحل الباب...تلفت عندها...وجها اصفر مش نورمال...خذيت نفس...و حليتها...دوب شافت الراجل حسيتها ارتاحت من غير ما نغزرلها...شديت عليه اللي وصلو...خلصتو و دخلت...غزرتلها نحكي
انا:تنجم ترتاح توا
هزتلي براسها ايه...ورجعت لصالة...دخلت للكوجينة...حطيت الماكلة في صحون...هزيت صينية في يدي و رجعتلها...حطيتها عالطاولة بحذاها نحكي
انا:لازمك تاكول شوية
زهرة:م..مانيش جيعانة
انا:هيا فيسع
خليتها و خرجت...نسيت دوا في الكرهبة...رصاتلي ننزل نجيبو...اول ما طلعت...لقيتها كلات شوية و تكات لتالي...ضيقت عينيا نحكي
انا:علاه مكملتش ؟
زهرة:كهو شبعت...مرسي مسيو عمر
حطيت دوا قدامها...غزرتلو مستغربة...خذيت نفس نحكي
انا:اشرب حربوشة توا
زهرة:د..دوا شنية هذا ؟
انا:نظن مهدئات...وصاني طبيب عليهم...باش يفيدوك
هزت البوات في يدها...تقرا فيها...عرفتها خايفة مني...اصلا شربتها بالسيف...تنهدت نحكي
انا:بالشفا
زهرة:عيشك
انا:ارتحت توا
زهرة:احسن
انا:باهي معناها نجمو نحكيو
زهرة:في شنوة ؟
انا:على مراد
تعدلت في قعدتها...غزرتلي ندرا كيف...شبكت يديها تحكي
زهرة:ش..شبيه
انا:شكون مراد ؟
بقات تغزرلي مستغربة...هزت روحها وقفت...تحكي
زهرة:نحب نمشي
انا:ترص اقعد في بلاصتك
زهرة:ا انا
انا:قتلك اقعد
قعدت مترددة...تكيت لتالي...و غزرتلها في عينيها...نحكي
انا:انا باش نسالك و انتي تجاوبني...معندكش حل اخر
زهرة:ا اما
انا:شكون مراد ؟
بقات ساكتة...منعرفش علاه خايفة منو لهدرجة...خذيت نفس نحكي
انا:اكيد مش خوك...ملا صاحبك ؟
هزتلي براسها لا...كبست على يديها اكثر...كملت نحكي
انا:خطيبك ؟
زهرة:ل..لا
انا:عايشين فرد دار نتوما
هزتلي براسها ايه...قلبي دق بالوقت...منعرفش علاه...مع اني من وقت كنا في كلينيك تاكدت لهو قريب ليها...تنهدت نحكي
انا:ملا راجلك
زهرة:لاااا
ضيقت عينيا مستغرب...احتمال واحد كهو جا لراسي...لهوما عايشين فرد دار...من غير ما يربطهم شي...منعرفش علاه بقيت نغزرلها...و لا ملقيتش اسئلة اخرى...عديت يدي على شعري...نحكي
انا:معناها نتوما
هزتلي براسها لا...قبل ما نكمل كلامي...نزلت راسها تحكي
زهرة:لااااا مش لانت فهمتو...انا مش اكاكا...م مراد
انا:شنية ملا...كمل
زهرة:راجل امي
قالت كلمتها و طابست راسها اكثر...عينيا وساعو بالوقت...مجاش لبالي جملة...انو يكون راجل امها...مخي حبس...منجمتش نفكر في الباقي...و لا في اللي قاعدة تعيش فيه...منجمتش نسالها اكثر...حسيت الكلام وحل في حلقي...باقي ساكتة من غير حتى كلمة...بقينا دقايق ساكتين زوز...طلعت راسها شوية...غزرتلي ندرا كيف تحكي
زهرة:هوكا جاتك فرصة اخرى...تنجم تفضحني توا
بقيت نغزرلها...هذا لي جا لبالها...تبسمت على جنب نحكي
انا:في بالك انا نعملها ؟
زهرة:ا انا بسببك باش نعاود عام كامل...علاه باش تسكت توا
انا:باهي زهرة اغزرلي هوني
طلعت راسها...غزرتلي في عينيا...تفرك في يديها فرد وقت...خذيت نفس نحكي
انا:متخافش مني...معنديش نية هكا...توا فهمني...انتي علاش تخاف منو لهدرجة
زهرة:ه..هكا برك
انا:باهي...قاعد يضر فيك هو ؟
زهرة:لاا
انا:شمعناها لا ؟ ملا علاش الخوف هذا الكل
زهرة:حتى شي
انا:عملك شي من قبل
زهرة:يزي امانك معادش تسالني
انا:معناها عمل
هزت يديها زوز كبست على راسها...و غمضت عينيها تحكي
زهرة:راسي راسي...نحسو باش يطرشق
عرفتها تحب تتهرب من اسئلة الكل...تنهدت بالقاوي نحكي
انا:علاه مشتكيش بيه...شنية لي منعك...هذا الكل خوف منو
طلعت راسها غزرتلي ندرا كيف...دموعها محصورين تنفست بالقاوي تحكي
زهرة:م..ماكش باش تفهم..حتى حد ما هو باش يفهمني
انا:باهي باهي...ارتاح توا...انسى الحكاية جملة...و ما تفكر في حتى شي...جرب ارقد و كهو
زهرة:ه..هوني
انا:عندك حل اخر ؟
هزتلي براسها لا...هزيت روحي وقفت...غزرتلها نحكي
انا:فما بيت اخرى...صحيح مش معدلة...اما تنجم ترتاح فيها
زهرة:انا مليحة هوني
هزيتلها براسي باهي...اول ما وصلت للباب...حبستني تحكي
زهرة:مسيو عمر
تلفت عندها بالوقت...جات عيني في عينها...غزرتلي ندرا كيف تحكي
زهرة:مرسي على كلشي
تبسمت على جنب...و مشيت لبيتي...ترميت عالسرير...افكار تهز فيا و جيب...كلمة راجل امي باقي تدور في مخي...صحيح معرفتش الحكاية شنية بالظبط...اما نجمت نتوقع شنوة لي عاشتو في الفترة هاذي...زعمة قداش من عام و هي تعاني منو...و شنية لي جبر امها تعرس بواحد كيفو...اصلا ميظهرش راجل امها جملة...و علاه هي تخاف منو بالطريقة هاذي...اول ما تسمع اسمو تترعب منو...اسئلة هدت على راسي فرد مرة...هزيت روحي...مشيت لبيت البانو...عملت دوش...بدلت دبشي و خرجت...حسيت روحي تفرهدت شوية...مشيت لصالة باش نطمن عليها...لقيتها مسطحة...و غاطسة في نوم...قعدت على حرف الطاولة...حطيت المنشفة على جنب...و هزيت يدي بعدت خصلات شعرها لتالي...مش مستوعب لي قاعد يصير معايا...مش انا لي ندخل طفلة لداري...حتى سيرين...طول الفترة هاذي جات مرتين و لا ثلاثة...باش تعرف كيفاش تختار ديكور جديد...مفكرتش شنوة ممكن يصير مبعد...و لا بعد اللي صار في لفاك...كلشي كان يهمني...اني نبعدها و كهو...زعمة هو شيحب منها...علاش طفلة صغيرة يصير فيها هذا الكل...زهرة تفكرني...في هند اختي لي مريتهاش من عشر سنين و لا فايت...تقريبا هوما في نفس العمر...تنهدت بالقاوي...و هزيت روحي وقفت...جيت باش نخرج...حبست على صوتها...تحكي
زهرة:س..سيبني منحبش...س..سيبني...مراد ا..امانك لا
صوتها ماشي و يعلى...قربت منها بالزربة...رجعت قعدت عالطاولة...حطيت يدي على يدها...نحكي
انا:زهرررة...زهررة فيق
حلت عينيها مفجوعة...اول ما غزرتلي...وخرت لتالي...عرفتها خايفة...جبدت يدي منها نحكي
انا:اهدا...انتي شفت كابوس...و انا ظطريت نفيقك
زهرة:وين انا ؟
انا:لاا عاد...كل ما ترقد و تفيق...تفقد الذاكرة انتي
بقات تغزرلي مستغربة...هزيت روحي وقفت...نحكي
انا:ارجع ترقد...حاول متخممش فيه برشا...باش متحلمش بيه
بقات تغزرلي من غير حتى كلمة...رجعت للبيت...هزيت ملحفة ورجعتلها...لقيتها...ولات تسطحت...غطيتها...نحكي
انا:الجو بدا يبرد...كان احتجت شي اطلبني
زهرة؛ب..باهي عيشك
غزرتلها ندرا كيف...ورجعت لبيتي...ترميت عالسرير...نحس في بدني مهدود...ذكرت سيرين...اصلا منعرفش وين باش توفا حكاية الخدمة...تي كي نخمم فيها برك...نحس راسي باش يطرشق...نفخت بالقاوي...و غميت على راسي رقدت
🔸️زهرة_تحكي:
حليت عينيا...على ضو الشمس لي داخل من الشباك...بقيت نغزر للبلاصة مروهجة...احداث البارح تعدات بين عينيا...قلبي دق بالوقت...منعرفش بعد توا شنوة اللي باش يصير و لا شنوة اللي باش يعملو...هزيت روحي بالسيف تقعدت...نحس في راسي باش يطرشق...يوجع فيا بطريقة غريبة...دورت عينيا عالصالة...متوقعتش لهو باش يجيبني معاه لدارو...ذكرت لنقرا عندو اليوم...وقفت بالسيف...اول ما وصلت للباب...لقيتو خارج من بيتو...مبدل دبشو كي العادة...ريحة برفانتو دخلت خشمي...ضيق عينيه يحكي
عمر:ارتحت في نومة ؟
انا:مممم باش نمشيو مش هكا...كان متنجمش تهزني تو نجي في طاكسي
عمر:لااا انتي باش تبقى هوني
انا:ك..كيفاش
عمر:لازمك ترتاح الفترة هاذي و كانك عالقراية تو انا ندبر راسي
انا:ا اما م..ميجيش هكا
عمر:شنوة ؟
انا:ن نبقى هوني في دارك و ز زادة امي باش تتقلق عليا
عمر:كلمها امك...طمنها عليك...حاول متخرجش من هوني حتى نجي...عالاقل لين يهدا الوضع
انا:ا اما
عمر:اعمل لي قتلك عليه و ما تفكر في حتى شي
هزيتلو براسي باهي...بقيت نشيع فيه لين خرج من دار...رجعت قعدت عالفوتاي...جبدت تليفون من صاكي...لقيتو مسكر...منعرفش كيفاه نسيتو...اول ما حليتو...وصلوني مكالماتو و ميساجات متاوعو...ليل كامل يطلب فيا...حليتهم نقرا فيهم << وينك زهرة ؟ >>...<< رد على ¤¤¤ اليوم الا ما نوريك >>...<< باهي يا زهرة انتي اخترت الطريق هذا...تركب مع الساقط متاع بروفك...و تزيد تسكر عليا ¤¤ تليفون...باهي >>...<< اسمع كان نعرف برك لانتي و هو تحت سقف واحد الا ما نهدو عليكم...والله نقتلك يا زهرة >> رميت تليفون من يدي...عالطاولة...قلبي دق بالقاوي...نحسو باش ياقف...لحق يعرف انو عمر البروف متاعي...باز ماهوش باش يعديلي لي صار...تهزيت و تحطيت على صوت تليفون...قربت شوية شوية...نغزر للرقم...تنهدت بالقاوي...كي لقيتها مريم تطلب...هزيت عليها...نحكي
انا::م..مريم
مريم؛وينك زهرة...وينك يا طفلة...دنيا مقلوبة عليك
انا:ع عند عمر
مريم:شنننننننوة...زهرة فاش تحكي ؟
انا:م..مراد هددني من قبل...و البارح مكانش عندي حل اخر...مكانش وين نمشي...اصلا كان يعرف لي عديت ليلة في دارو...يقتلني يا مريم
مريم:زهرررة لازمك تتصرف...هذا مش حل
انا:شنوة نعمل ؟
مريم:تشتكي بيه
انا:مستحيل
مريم:معندكش حل اخر
بقيت ساكتة...نحس في قلبي باش يخرج من بقعتو...فقت من سرحتي على صوتها تحكي
مريم:عمر هوني...انتي وين ؟
انا:في دارو...مخلانيش نجي...خاطر البارح كنت في الكلينيك
مريم:شنننوة ؟
انا:لباس عليا مريم...برا اقرا على روحك...باش تعاوني مبعد
مريم:باش نكلمك اول ما نكملو باهي
انا:باهي
علقت عليها...و تكيت لتالي...نفكر في كلامها...حتى امي كي طلبتني...منجمتش نعاود نكلمها...نخاف يكون بحذاها...عندها حق مريم هذا مش حل...و مانيش شنبقى هاربة منو ديما...بالرسمي لحق الوقت...باش نتصرف و ناخو خطوة جديدة
هزيت روحي بالسيف...مشيت لبيت البانو...احسن شي بابها كان مفتوح...غسلت وجهي...استغربت كيف ريت حالتي...تنهدت بالقاوي...زعمة شنية مزال يصير فيك يا زهرة...مسحت وجهي بالمنشفة...ريحتو دخلت خشمي...غمضت عينيا بالقاوي ورجعت حليتهم...و لا مرة توقعت اني نكون في وسط دارو...خذيت نفس وخرجت...حبست كي جات عيني على بيتو...الباب محلول نص...بقيت واقفة في بلاصتي...نغزر لديكور متاعها لي في الابيض و الاسود...محاولتش نقرب اكثر...تنهدت بالقاوي...و مشيت للكوجينة...مش كبيرة برشا...اما تحفونة...حليت الفريجيدار...عبيت كاسة حليب شربتها...ورجعت لصالة...ترميت عالفوتاي...و حليت التلفزة...نغزرلها و تفكيري مع مراد...و في اللي باش يعملو...منعرفش قداش تعدا وقت بالظبط...لقيت روحي غفيت...فقت من حلمة خايبة مفجوعة...على صوت تليفوني ينوقز...لقيتو مراد يطلب...جمدت في بلاصتي...باقي يضرب...مديت يدي بالسيف هزيتو...خذيت نفس و رديت عليه...نسمع فيه يحكي
مراد:ويييييين ¤¤¤ وييينك زهرة...حل فمك احسنلك
صياحو خلاني نتلبد اكثر...قلبي نحسو باش يخرج من بقعتو...منجمتش نرد عليه...ولى يصيح اكثر
مراد:زهرررررة قتلك وينك...خاطر والله كان نلقاك بطريقتي ما ندمك على عملتك
انا:ف..في الحالتين ماكش باش تخليني...ا اخطاني مراد عيشك...انا تاعبة برشا
سمعتو كي تنهد بالقاوي...عرفتو يحاول يهدي في روحو...و يحكي فرد وقت
مراد:زهرة يا روحي...وينك انتي...تعرف بالقدا مانيش باش نضرك...لحظة غش خاطر تعرفني نهبل كان حد اخر يحط يدو عليك
انا:ا انت متحبش تفهم...انو انا و انت مستحيل نكونو مع بعض...انا مستحيل نحبك...و لا نكون ليك
مراد:باش تكون معندكش حل اخر...انتي ليا و كهو
انا:انت واحد مجنون مراد...مستحيل تكون عبد كيما الناس الكل
مراد:اخر مرة نسالك وينك ؟
انا:مانيش باش نجاوبك
مراد:والله كان نعرف لانتي عديت ليلة في دارو...والله ما نعديهالك...نقتلك زهرة...نقتلك و نباصي عليك
بقيت نرد في نفس بالسيف...علقت عليه بالوقت...منجمتش نسمعو اكثر...علقت من غير ما نجاوبو بحرف...بقيت قاعدة في بلاصتي...نحس في راسي باش يطرشق...تهزيت و تحطيت على صوت الباب...هزيت روحي وقفت وخرت لتالي اكثر...منعرفش علاه جا في بالي عرف بلاصتي...اصلا وليت نتوقع منو كلشي...طلعت راسي شوية...كي ريتو دخل...قرب حط البيسي متاعو عالطاولة...و غزرلي يحكي
عمر:لباس ماهو ؟
هزيتلو براسي ايه...حطيت يدي على راسي...نهدي في روحي...خذيت نفس نحكي
انا:ل..لباس...جيست فكرت
عمر:شنوة ؟
انا:شي مسيو عمر
عمر:شبيك واقفة
بقيت ساكتة...معرفتش شنية نقولو...تهزيت و تحطيت على صوت تليفونو ينوقز...ضيق عينيه يحكي
عمر:اهدا
هزيتلو براسي ايه...جبد تليفونو...و خرج من صالة..وليت قعدت عالفوتاي نرد في نفس...لتوا صوت مراد في وذني...تكيت راسي لتالي...نحاول نرتاح...و تاخو نفس...دخل بالوقت...قعد عالفوتاي...مقابلني يحكي
عمر:لباس توا ؟
انا:مممم مليحة عيشك
عمر:شربت دواك
بقيت ساكتة...اصلا نسيتو جملة...نفخ بالقاوي...يحكي
عمر:اغزرلي هوني
طلعت راسي شوية...جات عيني في عينو...تكا لتالي يحكي
عمر:اللي تعمل فيه غالط...كان تبقى خايفة منو لهدرجة...ماهوش باش يخليك...انتي بيدك قاعدة تعطيه في الفرصة هاذي
بقيت نغزرلو...رجعت شعري لتالي...و تنهدت بالقاوي نحكي
انا:ش شباش نعمل...مراد كيف الطوفان...اصلا قبيل هددني
عمر:شنننوة...شتقصد بهددك...وين لقيتو انتي
انا:ك كلمني في تليفون...قالي كان نعرف لانتي بقيت عندو...الا ما نقتلك
عمر:تحكي بجدك انتي ؟ نورمال في مخك...شعندو يعملك ؟
تبسمت على جنب...و انا نذكر في السنين لي عديتها و انا خايفة منو...خذيت نفس...ووقفت نحكي
انا:ا انا لازمني نلقى حل...لازم نرجع لدار...باش نقولو عديت ليلة في الكلينيك هكا و لا هكا باش يصدقني
وقف في جرتي قرب مني...هزني و حطني...يحكي
عمر:باهي برا عندو...اما يا زهرة هاذي باش تكون اخر فرصة ليك...كان تحب امشي من هوني و ارجع للجحيم لعايشة فيه...و الا تقرر تواجهو لاول مرة في حياتك
بقيت نغزرلو...الكلام ساهل برشا عالفعل...حتى كان شتكيت بيه...يعرف كيفاش يسلك روحو...يعرف كيفاش ينفي الحكاية جملة...منجمتش نرجعلو خاطر حسيت بضعفي اكثر...نزلت هزيت صاكي و تليفوني و خرجت من غير ما نرجع نغزرلو...منعرفش كيفاش وصلت لوطة...تلفت نغزر للبرتمان متاعو...قلبي دق بالوقت...نعرف روحي خسرت اكبر فرصة في حياتي...نعرف لانا راجعة للجحيم بساقيا...تمنيت ساعتها كان منعني...و لا حتى خلط عليا...نمشي و تفكيري بعيد برشا...منعرفش كيفاش وصلت لدار...قلبي دق بالوقت...نحب نولي...اما زادة منجمتش...بقيت واقفة في بلاصتي...يمكن عمر عندو حق ماهيش باش جيني فرصة اخرى اني نتهنى من مراد و حكايتو...يمكن انا تسرعت من خوفي...وخرت خطوة لتالي...تحل الباب بالوقت...جات عيني في عينو...ظاهر فيه كان خارج...بقى يغزرلي...كانو يستوعب لانا بالرسمي واقفة قدامو...تبسم على جنب و كمل حل الباب...يستنى فيا ندخل...تنهدت بالقاوي...و دخلت لنفس الجحيم مرة اخرى...تهزيت و تحطيت على تسكيرة الباب...كبست على صاكي اكثر...بقيت واقفة في بلاصتي...قرب مني وقف مقابلني...يهز فيا و يحط...في لحظة شدني من شعري كبس عليا...بكل قوتو...طلعت راسي جات عيني في عينو...غزرلي ندرا كيف...يحكي
مراد:اهلا بيك حبي...تنجم تقولي وين كنت
انا:س..سيبني مراد توجع فيا
مراد:من امتى تبات برا دار انتي
سكت منجمتش نرجعلو...كبس عليا اكثر...طلعني الدروج هذاكا...من غير ما يرخف يدو على شعري...دز باب بيتي و وطيشني عالارض...يحكي و يصيح
مراد:جاووبننني حل ¤¤ فمك كنت عندو
دورت وجهي عليه منحبش نغزرلو...و لا حتى نحكي معاه...غمضت عينيا بالقاوي...و حليتهم على ضربة السبتة...تسكر عليا النفس...متوقعتش باش يضربني...اول مرة يهز يدو عليا...كبست بيدي عالارض...محبيتش نصيح...كل صرخة كتمتها داخلي...منحبش نضعف قدامو اكثر...رماها على طول يدو...و نزل عندي...شدني من شعري يحكي
مراد:جاااوبني ¤¤¤ جاوبني زهرة...انتي بقيت عندو...حط يدو عليك ؟ حل فمك راني باش نهبل...راني باش نقتلك
منجمتش نحكي معاه...صورتو ماشية و تبعد من قدامي...دموعي نزلو بالوقت...حسيت بدني ترخف...حطيت راسي عالارض...نرد في نفس...تعدات صورة عمر بين عينيا...عندو حق...مكانش لازم نرجع...يدو ترخفت شوية على شعري...حطها على خدي...يحكي
مراد:زهرررة...شبيك عزيزتي
حسيتو فاق على روحو...من اللي عملو...هزني بين يديه...حطني عالسرير...بدني الكل موجوع...بعدلي شعري من وجهي يحكي
مراد:زهررة جاوبني امانك...منقصدش اللي صار...صدقني منعرفش كيفاش عملت هكا...امانك جاوبني...جاوبني يا روحي
جبدت وجهي منو...منحبش نغزرلو...دموعي نزلو بالوقت...مسحهم بصوابعو يحكي
مراد:زهرة يا روحي...اماانك يزي...والله ما نقصد نحط يدي عليك...تعرفني نحبك...اما انتي اخترت...انتي لي مشيت عندو
انا:ك كنت في الكلينيك...م مش عندو
مراد:شنوووة ؟
انا:ا اخرج من هوني
مراد:مانيش باش نخليك وحدك
انا:ش..شتحب مني زادة...هاك عملت لي تحب عليه
هزلي براسو لا...كبس على يدي...و نزل باسني منها يحكي
مراد:سااامحني...سامحني صغرونتي...نوعدك باش تكون اخر مرة
حبيت نجبد يدي منو منجمتش...نزل عليا اكثر...باسني من راسي...يحكي
مراد:باش نهزك للكلينيك توا
انا:ل..لا ابعد عليا كهو
مراد:باهي باهي...ارتاح توا...هاني باش ننزل نحضرلك حاجة
جبدت يدي منو و لفت راسي عليه...غمضت عينيا...حليتهم كان وقت سمع تسكيرة الباب...هزيت روحي بالسيف...تكيت لتالي...دموعي نزلو اكثر...بدني يحرق فيا مش نورمال...قد ما توقعت انو يجن عليا...مجاش لبالي لهو باش يضربني...اما شي اهون من شي...احسن شي ميحطش يدو عليا...و لا يقربلي...نزلت السرير...قربت من الباب نمشي بالسيف...سكرتها من داخل و تكيت عليها...منجمش نرجع لبلاصتي...قعدت عالارض...نبكي بالشهقة...نسمع فيه يدق عالباب و يحكي
مراد:زهرة حل الباب
حطيت يدي عالباب...اما منجمتش نحكي...معادش نجم حتى نغزرلو...باقي يحكي
مراد:حل الباب عيش حبي...نوعدك معادش نحط يدي عليك
نزلو دموعي اكثر...حطيت يدي على فمي...خذيت نفس نحكي
انا:ن نحب نرقد
مراد:زهرة اسمعني...رد بالك تعمل حاجة في روحك...حل الباب خلينا نحكيو
انا:منحبش...مراد اخطاني عيشك
مراد:باهي يا زهرة باهي
تنهدت بالقاوي كي حسيتو بعد عالباب...هزيت روحي بالسيف...رجعت لسرير...ترميت عليه...و غمضت عينيا...نحب نهرب من الواقع...و ننسى كلشي صار...مفقتش كان في الليل على صوت الباب...نحس في بدني مدقدق...نسمع في امي تحكي
امي:زهرة حل الباب عزيزتي...زهرة تسمع فيا...حل الباب امانك
هزيت روحي بالسيف...حليت الباب...جات عيني في عينها...غزرتلي مصدومة...قربت مني...حطت يديها زوز على وجهي تحكي
امي:زهرة شبيك عزيزتي...شبي حالتك هكا...شصار...راني من بارح نفركس عليك
جبدت روحي منها...ورجعت لبلاصتي...قربت مني بالزربة قعدت قدامي...تحكي
امي:وين كنت عزيزتي...جاوبني امانك
انا:ه هذا لي يهمك تعرفو
امي:شتقصد زهرة
انا:انا قاعدة نموت امي...راجلك يقتل فيا بالعرق
امي:زهرة...مراد ضربك
هزيتلها براسي ايه...عينيها وساعو...وقفت بالزربة...تحكي
امي:لاااا عاد...كيفاش يحط يدو عليك...كثرلها راو
بقيت نغزرلها مصدومة...متوقعتش باش تعمل ردة فعل هكا...جات باش تمشي...حبستها كيف شديتها من يدها نحكي
انا:م..متمشيش
رجعت قعدت قدامي...قربت منها شوية...حطيت راسي على صدرها...يمكن اكثر وقت انا بحاجة ليها...تنهدت نحكي
انا:ا امي امانك خلينا نمشيو من هوني...نرجعو لدارنا...معادش نجم نتحمل اكثر
امي:زهرة شفما عزيزتي
جبدت روحي منها شوية...غزرتلها في عينيها...نحكي
انا:نحب نمشي من هوني...معادش نجم نتحملو اكثر...مراد خنقني...تعبني يا امي...نحب نعيش مرتاحة...امانك اتصرف...هو واحد مريض صدقني مجنون...مستحيل يكون طبيعي
امي:زهرة فاش تحكي انتي
انا:امي مرااد...مراد يح
سكت كي ريتو واقف في الباب...عروق يديه مكبوسين...قلبي دق بالوقت...كيف ذكرت لي صار صباح...فقت من سرحتي...كي امي وقفت...تحكي
امي:مرااااد ياخي نورمال انت...فاش قام حتى تضربها
غزرلي ندرا كيف...ورجع غزر فيها...يحكي
مراد:مدخلش روحك انتصار
امي:كان نسيت هي بنتي انا زادة
مراد:كي تحل في فمك...تعرف بنتك وين كانت
تلفت عندي غزرتلي مستغربة...تسأل فيا بعينيها...نزلت راسي بالوقت...نسمع فيه يحكي
مراد:لالة زهرة...البارح عدات ليلة في دار بروف متاعها
طلعت راسي...جات عيني في عينو...من غزرتو...عرف لي تأكد من الحكاية...تلفتتلي امي تحكي
امي:زهرة لي سمعتو صحيح
بقيت ساكتة...اصلا معنديش كلام نجاوب بيه...تنهدت تحكي
امي:صحيييتك يا زهرة...صحيت
خرجت من البيت تجري...طلعت راسي غزرتلو...من تقحيرتو...تلكمت على روحي اكثر...خفت كان يرجع يضربني...تنهد يحكي
مراد:متخافش...مانيش باش نمسك...اما باش تحكيلي كلشي توا
بقيت نغزرلو...قرب مني اكثر...قعد قدامي...شبك يديه يحكي
مراد:نسمع فيك
انا:شنوة ؟
مراد:شفما بينكم
انا:حتى شي
مراد:زهرة جاوبني...شفما بينكم ؟
انا:حتى شي...هو بروفي و انا طالبة عندو
مراد:و حاجات اخرى
انا:شتقصد ؟
مراد:من امتى تمشي معاه لدارو
انا:هههههه انت تسال فيا سؤال هذا...على اساس متعرفش وين نمشي و وين نجي
مراد:زهرة متركبهاليش ليلة...نحب نعرف شنية طبيعة علاقتكم
انا:منعرفش
مراد:شتقصد؟
انا:مفما حتى شي بيناتنا...اما هو عاوني...تعرف علاش
تلفت عندي غزرلي ندرا كيف...تبسمت على جنب نحكي
انا:خاطر هو شاف الوحش لانا عايشة معاه...عرف لانا قاعدة نموت بالشوية...و انت السبب
مراد:شصار بينكم البارح
انا:مراد...الناس مش الكل كيفك...و ميخموش كيفك...كان انت لي عقلك مريض...مش لازم العباد يكونو كيفك زادة
تبسم على جنب...و هز يدو...عدا صوابعو على خدودي...يحكي
مراد:خاطر العباد لي تحكي عليهم...ميحبوكش كيفي...و ميحسوش لانا نحس فيه...زهرة انت كيف الروح بالنسبة ليا...كان تبعد عليا نموت...كان حد غيري يقرب منك...منجمش نتحكم في روحي...في بالك...الوجيعة لحسيتها انت اليوم خاطرني
سكت شوية...و هز يدو عداها على وجهو...تنهد بالقاوي و كمل كلامو يحكي
مراد:هزيت يدي عليك...انا حسيتها دوبل...علاه وصلتني لهوني اه...علاه عملت هكا
طلعت راسي...غزرتلو في عينيه...تبسمت على جنب نحكي
انا:تعرف حاجة مراد...انا نرتاح...كان وقت نموت...وقتها برك انت باش تعتقني...و تنسى وحدة اسمها زهرة
مراد:ماكش باش تموت...قداش من مرة نقلك...يا نعيشو مع بعض...يا نموتو مع بعض...زهرة حياتك مربوطة بيا
انا:باهي مراد...و امي خممت فيها...خممت شنوة يصير فيها كان تسمعك
مراد:ما نحب نخمم في حتى حد غيرك...نعرف روحي باش نخسر برشا حاجات...اما المهم انتي تكون معايا
انا:مستحيل...فهمت مستحيل
مراد:باهي...ملا اسمعني لفاك هذيكا من اليوم معادش تعفسها
انا:شتقصد ؟
مراد:باش نبدلك لفاك
انا:في نص العام ؟
مراد:ميهمش...لي عندي قلتو...و عمر و لا ندرا شاسمو...نحب تنساه و تنحيه من مخك جملة...احسنلك
انا:مش على كيفك مراد...باش نرجع لقرايتي
تبسم على جنب و هز روحو وقف...عدل الفاست متاعو...اول ما وصل للباب تلفتلي يحكي
مراد:ارتاح توا...مزال وقت عالكلام هذا
بقيت نغزرلو لين خرج و سكر الباب وراه..تكيت لتالي مروهجة..منحبش نفكر فيه و لا في كلامو خاطر متأكدة لماهوش باش يعدي اللي صار جملة
أنت تقرأ
زهرة🌸
Random🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
