زهرة🌸

الحلقة الثانية و الثلاثون

🔸️حلقة 32
🔸️مراد يحكي:
زهرة...زهرة...زهرة...نجري و اسم واحد يدور في راسي صورة وحدة قاعد نرا فيها بين عينيا...غمضت عينيا زوز...كلامها يتعاود في مخي...كانها تقولي فيه توا كلامها لي كيما حاولت متجمتش ننساه حتى طرف
زهرة:شمزلت تححب مني مرااااد...شنننية تحبني نعمل باش تخرج من حياتي و تخطاني...خذييييت مني كلشي...دارنا و أمي...و حياتي...و تواااا شرفي...علاااه هكا...قول حاجة...احكككي شي مررااااد...قلي لأنا معنديش دخل في الحكاية...قلي لي طبيبة غلطت متخلينيش نكرهك اكثر من هكا...شبيييك سااااكت
حبست في لحظة...نرد في نفس...رجعت راسي لتالي نتحسس في قطرات المطر على وجهي...نلعن في روحي ألف مرة...قد حبي ليها...وجيعتي كانت أكبر خليتها تتحمل حاجات اكبر منها...وجعتها بقصد و من غير قصد زادة...هزيت يديا نزلت كابيش الفاست...و خذيت رشفة من دبوزة الما...نسمع في تليفوني ينوقز هزيت من الكيت من غير ما نعرف شكون...نسمع في المحامي يحكي
هو:مسيو مراد وينك ؟
انا:شفما ؟
هو؛لازم نراك توا
انا:اختصر شفما قتلك
هو:الطبيبة لي عدات على مدموزال زهرة نهارتها
أنا:شبيها ؟
هو:عندي توا...و تحب تقابلك
أنا:باهي
علقت عليه...تنهدت بالقاوي...و كملت ثنية لدار...طلعت لبيتي...عملت دوش و بدلت دبشي...غريبة كيفاش إنتصار...مزالت راقدة لتوا...قربت منها شوية...حطيت يدي على جبينها...نحكي
انا:انتصاار...لباس ماهو؟
انتصار؛مممم ماخذة برد و كهو
أنا:تحب نهزك للكلينيك
إنتصار:لا
أنا:ملا خلي نطلب طبيب يجيك
إنتصار:خليك معايا مراد...و باش نكون مليحة
انا:عندي خدمة انتصار...لازمني نخرج
انتصار:اليوم عطلة
انا:منطولش و نرجع
انتصار:شنوة باش يصير في القضية ؟
انا:منعرفش انتصار...اخرج منها الحكاية
انتصار:مراد رد بالك تأذي بنتي...الطفلة صغيرة...و متعرفش شنية لي تعمل فيه...مهما صار رد بالك تضرها
انا:يزززي انتصار...كان حبيت نضرها...نخسرها القضية من نهار الاول...و انتي اكثر وحدة تعرف شنية نجم نعمل
انتصار:باهي...أمانك مطولش عليا برشا
انا:باهي
تلفتت لشيرة لاخرى...و غطست في نوم مرة أخرى منعرفش قداش بقيت نغزرلها بالظبط...منعرفش علاه ديما نحسها اكثر وحدة مظلومة فينا...تظلمت من راجلها الاول...جرة العذاب لي عداتو معاه...و الضرب لي خذاتو منو...بطل العادة هاذي كان وقت كبرت زهرة شوية..هذا لي كانت تقولو ديما...حتى فما لي تراص على بدنها رغم السنين مراحوش...كان يضربها خاطر تحب طلق منو و متعيش معاه...كنت ديما نقول لهو واحد مريض...اما من نهارت حطيت يدي على زهرة حسيت روحي منفرقش عليه برشا...مستحيل كان مرة اخرى مزلت نمد يدي عليها...حتى انتصار قاعد نظلم فيها لثاني مرة باللي نعمل فيه...اما معادش نجم نتحكم في روحي...و لا في اللي نحس فيه مع زهرة...منجمش نقول كان نبعد ننساها...فكرة لهي باش تكون ليه تخليني نهبل في عقلي...نقتلو قبل ما يحط يدو عليها تنهدت بالقاوي و خرجت من البيت...لبست كبوطي في دروج...منعرفش كيفاش وصلت للكرهبة...باقي المحامي يطلب و يعاود هزيت عليه نحكي
انا:راني في ثنية ؟
هو:اما مسيو
علقت عليه قبل ما يكمل كلامو...مانيش ناقصو حتى طرف...شديت ثنية لبيروه...وتفكيري في لي صار فيها اخر مرة...ركيت على جنب و دخلت عندو...وقفو زوز مع بعض...دورت راسي غزرت لطبيبة نحكي
انا:شفمااا ؟
هي:م مسيو مراد لازم نحكيو...الموضوع مهم برشا
انا:نسمع فيك
هي:ز زهرة عاودت التقرير عند الطبيب
انا:شننننوة...شتقصد بكلامك ؟
هو؛مسيو مراد هكا باش نكونو في مشكلة
انا:مشكلة شنننية لي تحكي عليها انتي...انتي وين كنت كيفاش تخلي راجل يمسها...تعرف شمعنها الللي صار
هي:م مسيو مراد صدقني...عرفت كان وقت هد عليا سي عمر للبيرو
عديت يدي على شعري نهدي في روحي...بدني الكل يرقل من العصب...فكرة انو الطبيب عدا عليها...انها تحطت في موقف اكاكا قدامو...خلاتني نخرج من عقلي هديت على طبيبة شديتها من يدها...دزيتها لتالي نحكي
أنا:تعرف شنية لي تحكي فيه...تعرف شمعناها راجل حط يدو عليها
هو:مسيو مراد اهدا
انا:انت تسكر فمك احسنلك
هي:ا أسمعني
أنا:إمتى صارت الحكاية هاذي
هي:البارح
بقيت نغزرلها...نستوعب في كلامها...معناها بعد ما خرجت من عندي...مشات للكلينيك...لا مستحيل كيفاش منبهتش للحكاية...كيفاش خليتها ضاعت مني...كبست على يدها اكثر...نحكي
انا:شنوة لي صار؟
هي:طلب مني نشهد في المحكمة...و نقول لانت طلبت مني نزور تقرير
رخفت يدي عليها...ووخرت لتالي شوية...تبسمت على جنب...و هزيت براسي ايه نحكي
انا:باهي اعمل لي قلك عليه
هو:مسيو مراااد مستحيل...هكا باش تخسر القضية
انا:اعمل لي قتلك عليه
هي:باهي
انا:تنجم تخرج توا
اول ما خرجت...طلع راسو غزرلي ندرا كيف...يحكي
هو:تضر في روحك راك...و بما اني المحامي متاعك هذوما سنين الكل مانيش باش نسمحلك...دمر لي بنيتو في لحظة...جرة هالقضية
انا:مش مراد لي يدخل الحبس...قبل ما توفا اللعبة
هو:فاش تخمم
انا:خلي زهرة تاخو القضية...هاذي اهم حاجة باش نفسيتها تتحسن و تهز روحها من جديد...منجمش نأذيها اكثر من هكا..ورا الحكم باقي الحكاية عليك أنت تصرف و خرجني فيسع
هو:عالأقل باش تشد الحبس شهرين و لا 3 بعد ما نقدم طعن
انا:ميهمش برشا...اللي يهمني أنو كلشي يوصلني...كأني قاعد برا بالظبط
هو:باهي مسيو مراد...لي تحب عليه باش يصير
انا:باش نعطيك ارقام محددة...كلمهم هوما باش يعونوك
هو:باهي طمن
انا:نتقابلو في المحكمة ملا
هو:كان صارت اي حاجة كلمني
انا:باهي
تنهدت بالقاوي...و خرجت من عندو...رجعت لدار طمنت على انتصار...كلمت الطبيب عدا عليها...و كتبلها دوا منجمتش نهملها...حسيت الدنيا الكل ضيقة عليا اول ما ظلامت...و طمن لهي ارتاحت...هزيت روحي و خرجت شديت ثنية لدارهم القديمة...وين ريتها اول مرة...ركيت الكرهبة...و تكيت لتالي...نذكر في كل لحظة عشتها معاها...و كلشي صار بينا بالتفصيل...نحب ننسى لي قاعد يصير توا و الاحداث تالية...نحب نتذكر الحاجات الباهية لي عشتهم معاها و كهو...مفماش نرتاح شوية من الوجيعة هاذي.