🔸️حلقة 11
فقت الصباح...حليت عينيا شوية...تململت في الفرش راسي مزال يوجع اما مش كيما البارح...تذكرت لي لازم نمشي معاه للفاك...نطرت من بلاصتي جيت قاعدة...باز يكون مشى و خلاني...خرجت من البيت بالزربة...ضربت فيه بالقاوي...شدني من ظهري...طلعت راسي نغزرلو عقد حواجبو يحكي
عمر:لباس ماهو ؟
أنا:ف..في بالي مشيت
عمر:ريض روحك مزال الحال
انا:أما راك حاضر
رخف يدو شوية على ظهري...تعدلت في وقفتي...نسمع فيه يحكي
عمر:هيا برا حضر روحك إنتي زادة
هزيتلو براسي باهي...جبدت روحي منو و دخلت لبيت البانو...قلبي يدق بالقاوي...ريقلت اموري...و غسلت وجهي...غزرت للمرايا...وجهي تاعب برشا...تنهدت بالقاوي...ورجعت للبيت...بدلت دبشي...سلكتني مريم المرة هاذي...لميت شعري كعكة...و مشيت للكوجينة...لقيتو يفطر...عملي بيدو باش نقعد...جبدت الكرسي...و قعدت مقابلاتو...كليت شوية...و غزرتلو نحكي
انا:باش نمشي ناخو حربوشة
هزلي براسو ايه...خذيت نفس و مشيت لصالة...شربت وحدة...كبست عليه في يدي...نغزرلو...خفت كان تشدني كريز اخرى في لفاك...حطيتو في مكتوبي...و خلطت عليه...خرجت معاه...وقفت بحذا الكرهبة...جيت باش نركب من تالي...ضيق عينيه يحكي
عمر:مانيش الشوفور متاعك
انا:ا أما
عمر:أركب زهرة
حل الباب وركب...كبست على سناني...و ركبت بحذاه بقيت طول الثنية ساكتة...من تنبيزة لي كليتها منو محسيتش بالثنية كيفاش وصلنا...نزلت بالوقت...حسيت للكل مركز معانا...نزلت راسي و خلطت عليه...دخلت للكلاصة قبلو...أول وحدة جات عيني عليها مريم..قربت مني بالزربة...عنقتني بالقاوي..من غير حتى كلمة..كبست عليها...جبدت روحها شوية تحكي
مريم:زهرة يا روحي توحشتك يا طفلة
أنا:حتى أنا عزيزتي...مرسي برشا على كلشي
رجعت حضنتني...كبست عليا بيديها زوز...تحكي
مريم:مجنونة...على شنوة تشكر فيا ياخي...والله مش مصدقة لي ريتك قدامي
انا:عيش اختي الغالية
قص علينا صوت وائل من تالي...يحكي معايا
وائل:زهرررة
جبدت روحي شوية منها...و تلفت عندو...غزرتلو نحكي
انا:وائل لباس ؟
وائل؛لباس...طمني عليك انتي ؟
انا:لباس...وائل بربي سامحني...منقصدش لي صار اخر مرة
وائل:ما صار شي...انا نسيت و انتي لازمك تنسى...و كان احتجت شي...متترددش...انا باش نكون معاك ديما
انا:مرسي برشا وائل عيشك
تبسملي ندرا كيف...جا باش يحكي...قص علينا عمر كي دخل...تبسمتلو و قربت من بلاصتي قعدت...غزرتلي مريم تحكي
مريم:هذوما نسخات الكل عالدروس لي قريناهم اسبوع لي فات...انتي اقراهم...و كان مفهمتيش حاجة باش نعاودلك انا
كبست عليهم بيديا زوز...و تبسمت...غزرتلها نحكي
انا:مانيش باش ننسى وقفتك معايا جملة
مريم:مزالت تعاود في نفس الكلام...هاو يا بنتي تو نحلف عليك و معاد تشوف شي من عندي
انا:باهي باهي هاني سكت
طلعت راسي...غزرتلو...سكت على صوتو...حطيت يدي على خدي...نغزرلو...نثبت في كلشي فيه...خاصة عينيه ظاهر حتى هو عندو حكاية...مش مصدقة انو نفسو عمر عمل هذا الكل على خاطري...جات عيني في عينو غزرلي ندرا كيف و تلفت...نسمع في مريم تحكي
مريم:مرتاحة معاه ؟
أنا:عاللخر...أول مرة نرتاح لهدرجة
مريم:متأكدة ؟
انا:مممم
مريم:هذاكا الأهم...رد بالك على روحك عيش أختي
انا:ع..عطاني بيت في دارو
مريم:تحكي بالرسمي ؟
أنا:مممم...البارح جا صاحبو...كليت رعبة منو
مريم:لطف عليك...ظاهر فيه ساقط
أنا:ششش مريم...رد بالك يسمعك
مريم:باهي باهي
طلعت راسي غزرتلو...قحرلي باش نسكت..عرفت روحي كثرتلها...تكيت لتالي...و كملت نكتب...محسيتش بالوقت كيفاش وفا...أول ما خرجو...قرب مني يحكي
عمر:متبعدش من هوني برشا...كان صار شي...إيجا عندي
أنا:باهي
أول ما خرج...جبدتني مريم من يدي...قعدتني تحكي
مريم:توا تحكيلي شعملك الساقط هذاكا..علاش هربت من الدار..سكت شوية كي تذكرت لي صار...النفس تسكر عليا...تنهدت بالقاوي نحكي
أنا:و..وقت عرف لأنا عديت ليلة عند عمر
مريم:شعمل ؟
انا:ض..ضربني
مريم:شننننوة..زهرة شتقصد بضربك المجنون هذاكا
انا:بالسبتة متاعو
مريم:لااا عاد...باز مجنون...و انتي اكثر منو خاطرك ساكتة على كلشي
انا:باش نرفع قضية
مريم:و اخييرا تحركت لالة
انا:م..منحبش ندخل عمر في الحكاية...كان لزم نمشي نرفع قضية وحدي
مريم:برا امشي...تلقاه يستنى فيك عند الباب...و قلو مراد انا شنمشي نرفع عليك قضية
هزيت يديا زوز حطيتهم على راسي...كبست عليه...نحكي
انا:باهي باهي مريم...سكر عالموضوع...راسي باش يطرشق
مريم:شبيك ؟
انا:شي...معاك دبوزة ما
مريم:ايه لحظة
جبدت حربوشة...و خطفت الدبوزة من يدها شربتها بالوقت...قبل ما تقوى الوجيعة...من غير ما نخمم في شنوة يصير كان يعرف...المهم اني نرتاح...و متشدنيش كريز اخرى...تكيت شوية لتالي...لين حسيت روحي ارتحت...و مشيت معاها للكور...تعدات ساعة رزينة...ما نجمت نتبع منها شي...تفكيري الكل في مراد...و شنية اللي يمكن يعملو...هزيت الورق في يدي و خرجت مشيت مع مريم للبركينغ...كرهبتو مفماش...قلبي دق بالوقت..منعرفش علاه حسيت بخوف ندرا كيف تملكني ساعتها...بلعت ريقي بالوقت...خفت كان هو فد فيسع و جبد بيا...منجمتش حتى نحكي...و لا نتصرف...قربت مني مريم تحكي
مريم:وينو هذا...مش قلك...استناني شصار ؟
بقيت ساكتة...اصلا منجمش نكلمو...خاطر معنديش رقم متاعو...و حتى منجمش نمشي لدارو...بعد ما خلاني هوني...حسيت بخنقة...كبست مريم على يدي تحكي
مريم:اهدا زهرة...بلكشي عندو قضية تو يرجع...و كان مرجعش انتي باش تجي معايا باهي
هزيتلها براسي باهي...و بديت نمشي...منعرفش شباش نعمل توا...مريم تمشي بحذايا ساكتة...حسيت بغصة متاع بكا...منجمش نستخايل روحي...واقفة قدام مراد خاطر المرة هاذي يقتلني جملة...حبست كي حسيت بيه شد الفران بالقاوي...تلفت نغزرلو...نزل البلار يحكي
عمر:اطلع
تلفت لمريم...هزتلي براسها ايه...قربت سلمت عليها...و مشيت ركبت بحذاه...طار بالكرهبة...و يحكي فرد وقت
عمر:وين كنت ماشية ؟
انا:منعرفش
عمر:مش قتلك متبعدش ؟
أنا:ك..كي مريتش كرهبتك...مشى في بالي أنو
عمر:شننننوة...إني خليتك و مشيت..تشوف فيا ¤¤¤¤¤ معاك...باش نخليك
صوتو ماشي و يعلى...أصلا أول مرة يخسر في الكلام قدامي...سكت منحبوش يتغشش اكثر...ضرب يدو عالفولون يحكي
عمر:معادش تتصرف من راسك...مش شنبقى نجري ورا الفروخ عقاب عمري
كبست على الورق في يدي...مش ناقصة صياحو توا أصلا منجمش نردلو و لا ندافع على روحي قدامو خاطر اللي عملو على خاطري مش قليل...على هذاكا احسن شي نسكت...لين يهدى...بلكشي وقتها نجم نحكي معاه
أنت تقرأ
زهرة🌸
Random🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
