🔸️حلقة 50
🔸️حسام يحكي:
شديت الفران بقوة...و تلفتلها...باقي تقحرلي و تخرنن هزيت يدي...كبست على وجها نحكي
انا:ماكش باش تسكت
مريم:ل لا...س سيبني منجمتش نحكي
أنا:أغزرلي هوني...كان مزلت باش تحكي...صدقني نسكتك بطريقتي...و إنتي أدرى
مريم:باهي
رخفت يدي شوية...عدات يدها على خدها...خاطرني وجعتها...قحرتلي تحكي
مريم: زايد معاك...واحد مجودر
أنا:تحب تعرف شنوة لي زايد ؟
مريم:افففف حسام يزي أماانك
أنا:توا تفهمني شنية لي صار...ماك الصباح كنت لباس
مريم:ما بيا شي...أصلا الكلام زايد معاك
أنا:مرررريم...أكثر شي نفد منو...هو اللف و الدوران هذا أحكي نسمع فيك
مريم:تعرف شراز من قبل ؟
بقيت نغزرلها...منعرفش كيفاش جات الحكاية لبالها...و لا كيفاش خمت فيها...أصلا منعرفش على روحي كيفاش ركزت معاها الصباح...يمكن الحالة لي كانت فيها ردتني سنين للماضي...ساعات نحس لي ما تبدل فيها شي...كأنها مشات البارح...مش من عشر سنين...علاه رجعت و شنية تحب مني...هذا لي منحبش نعرفو منحبش نعذرها جملة...نحبها تعاود تمشي من أول و جديد...نحبها تبعد عليا و كهو...خاطر مستحيل نجم نسلم في إحساسي مع مريم...مرات نحس روحي نعيش في حاجات جديدة...منعرفهاش من قبل...حتى مع شراز فقت من سرحتي على صوتها...تحكي
مريم:حسام...أنت تعرفها من قبل...جاوبني ؟
أنا:لااا
منعرفش كيفاش خرجت معايا الكلمة...أما لي تسكر من سنين مستحيل يولي...و شراز متاع توا...انا بالرسمي منعرفهاش...و حتى متاع قبل...كانت أكبر كذبة في حياتي...بقات تغزرلي ندرا كيف...تحكي
مريم:ملا شبيك...ركزت معاه الصباح أكاكا ؟
أنا:و إنتي شبيك شديت الصحيح في الحكاية لهدرجة
مريم:خاطرني خايفة...منحبش نقرب منك...كان فما شكون في حياتك...منحبكش تعدي بيا وقت...مبعد ترميني...حتى كان عرست بيا...تنجم تخليني زادة...على هذاكا...كان تعرف روحك...باش تمشي مبعد...أبعد من توا حسام...متقربش مني أكثر...أماانك
مديت يدي فكيت الحزام...و فكيت حزامها زادة...بقات تغزرلي مستغربة...تحكي
مريم:فاش تعمل ؟
انا:قرب مني
مريم:شنننوة ؟
انا: كان تاثق فيا حتى شوية...قرب مني...نحبك تعنقني توا
مريم:ا أما...أنا
أنا:توا مريم...و لا أنزل من الكرهبة...أنا باش ناخو القرار منك توا و في اللحظة هاذي...مستعدة تنسى خوفك..و تكمل معايا لتالي...يدك في يدي...و لا تحب تعيش في الماضي متاعك...إختار توا...و نوعدك معادش نقرب منك جملة
بقات تغزرلي مصدومة...أما نحبها تنسى الخوف هذا نحبها تكون معايا من غير خوف...و من غير وجيعة الماضي...ترددها خلى قلبي يدق بقوة...باقي تعدي في عينيها على وجهي...جيت باش نحكي...قصت عليا كي ترمات في حضني...حسيت بيديها صغار...لي دارو على رقبتي...كبست عليا بالقاوي...تبسمت بالوقت متوقعتش لي باش تاخو قرارها بالسرعة هاذي...هزيت يدي كبست على ظهرها...نزلت عليها أكثر...نشم في ريحتها الجديدة معناها قبلت الكادو...أكثر شي خفت أنها ترفضو...نعرفها وقت تكسح راسها...و تشد صحيح في حاجة...خذيت نفس نحكي
أنا:مانيش باش نخليك...مهما صار بينا...باش نبقى معاك ديما...باهي
جبدت روحها شوية...غزرتلي ندرا كيف و هزتلي براسها ايه...تحكي
مريم:باهي
عدات عينيها على وجهي...و هزت يديها زوز...حطتهم على وجهي....غزرتلي ندرا كيف تحكي
مريم:مستعدة باش نعيش معاك هذا الكل...و مستحيل نخليك مهما صار...أما
أنا:شنية ؟
مريم:ا أما كان صار...و وجعتني يا حسام...مستحيل نجم نسامحك...أنا هكا...منجمش نسامح...حتى بابا منجمتش نسامحو على موت أمي...على هذاكا منحبش نخسرك أنت زادة
هزيت يدي...حطيتها على يدها...كبست عليها و نزلتها شوية...بستها منها نحكي
انا:نحي الافكار هذوما من مخك...متربطش حياتك بالماضي...خاطرك باش تتعب برشا صدقني...و باش ضيع برشا حاجات...ضيعتهم انا قبلك...الماضي باش يقتل كلشي باهي فيك...على هذاكا حاول تنسى...حاول تعمل كيفي...باهي
مريم:و أنت زادة موجوع من الماضي ؟
بقيت نغزرلها...سألتني بلهفة...تحب تعرف الاجابة متاعها...تنهدت بقوة نحكي
أنا:كنت...أما توا لا
مريم:علاه ؟
أنا:خاطرك معايا توا...ما نحب نفكر في حتى شي آخر من غيرك...معادش نحب نبعد عليك جملة
مريم:شنية لي صارلك ؟
أنا:لي صار دفنتو عندي برشا مريم...منحبش حتى نفكر فيه...و نحبك تعمل نفس الشي يا روحي
مريم:باهي...و بابا حسام...شنية باش يصير كان يعرف
أنا:منعرفش...أما أكيد باش نحكي معاه...لي يهمني توا أنك موافقة تكمل معايا
مريم:باهي
نزلت بعينيا نغزر لشفايفها..منعرفش على روحي كيفاش قربتلها...و لا كيفاش غطست فيهم...شهرين تعدات حسيت روحي توحشتها برشا...توحشت هبالها و تخرنينها...البعد خلاني نتعلق بيها أكثر...جبدت روحي شوية...نحكي
أنا:شرايك تعدي نهار معايا ؟
مريم:موافقة
أنا:و وفر غيرتك...توحشتك و نحب نشبع بيك
مريم:مغرتش
أنا:أكا الظاهر عزيزتي...تقريبا الفاك الكل سمعت باللي صار معنا الصباح
مريم:اففف منك حسام...من غير ما تتمسخر عليا توا
أنا:باهي يا فرخة...من غير ما تقلبها علينا توا
قحرتلي...و جات باش تجبد روحها...كبست على يدها و جبدتها عندي نحكي
انا:خليك هكا
مريم:والله أنا مش متعودة على هذا الكل سي حسام لازمك تعذرني
انا:ههههههه مجنونة والله...لازمك تتعود...مش تفركس على اعذار
مريم:وين ماشيين توا ؟
انا:تو تعرف
مريم:لازمني نرجع بكري...قبل بابا
أنا:معناها مش باش نبعدو برشا
مريم:علاقتي مع بابا دوب تحسنت...بعدما حكيت معاه انت اخر مرة...و كان يعرف باللي قاعد يصير...اكيد ماهوش باش يعدي الحكاية
حسيتها تلوم فيا...نعرف مكانش لازم...نحكي معاه اكاكا عالاقل كنت نجم نواجهو ساعتها...تنهدت بالقاوي نحكي
انا:انسى الحكاية توا...انا باش نحكي معاك
مريم:شبيه ميحبكش ؟
انا:والله صدقني...حتى انا منعرفش
مريم:زعمة باش يولي يحبك ؟
أنا:إحتمال ضعيف برشا...يا روحي
مريم:معناها باش نظطر نختار بينكم
نزلت عليها شوية...بستها من راسها...و كبست عليها أكثر...نحكي
انا:لا...باش نعمل جهدي أنك...متتحطش في الموقف هذا
مريم:إن شاء الله
خدمت الكرهبة بالوقت...حسيت بخوفها...و توترها من الحكاية...اصلا ديما نحسها ضايعة...الماضي متعبها برشا و فقدان أمها لتوا مأثر فيها..خايفة لا تعيش نفس الشي مرة اخرى...يمكن اكثر حاجة...خلاتني متوتر من علاقتنا خايف لا نضرها...خايف نوجعها اكثر...من غير ما نحس طولت برشا باش فهمت انو ورا قوتها...فما طفلة صغيرة تحب تعيش...تحب ترا الدنيا بعين أخرى تحب تنسى و كهو...منعرفش اذا انا زادة باش نتهنى من الماضي و معادش يلاحقني...و لا حتى نتذكر انو كانت فما شكون في حياتي قبلها...تبسمت و انا نغزرلها كيفاش هدات أصلا الفرخة...تهدا بعد ما الواحد ياخو بخاطرها..شديت الفران...و غرست يدي في شعرها نحكي
أنا:هيا انزل توا
مريم:وين جينا ؟
أنا:متخافش...تو نرجعك بكري
مريم:باهي
أنا:باش ننزلو للشط ؟
مريم:فاش قام الفكرة هاذي توا
أنا:لوطة فما كافي حلوة...و زادة مزالت ساعة باش يخرج بوك
مريم:شمعرفك أنت ؟
أنا:مريم ياخي تحب تهبلني...مش بوك يخدم معانا
مريم:إيه صحيح...نسيت
أنا:هيا برك
مريم:باهي...يزي هاني باش ننزل
أول ما نزلت...خلطت عليها قربت منها...شديتها من يدها...غزرتلي ندرا كيف...و كبست عليا...منعرفش علاه نشيخ اكثر...خاطر ما عرفت حتى حد قبلي...حتى ساعات نحسها حاشمة مني الفرخة...نزلت معاها اللوطة دخلنا للكافي...دوب شربت قهوتها...و غزرتلي تحكي
مريم:حسااام...نحب نمشي للبحر شوية
انا:توااا
مريم:أمان...شوية برك
انا:باهي لالة...كمل قهوتك قبل
مريم:لااا...توا توا...أمان
جيت باش نحكي...اما قصت عليا...كي هزت روحها وقفت...تبسمت على جنب...حطيت الفلوس عالطاولة و خلطت عليها...حطت البوت متاعها على جنب...و هزت سروالها شوي...و قربت تلعب بالما...شاورتلي بيدها
باش نقرب منها...هزيتلها براسي لا...نحب نغزرلها و كهو شعرها تحرر مع النسمة القوية...اول مرة نراها...تضحك و فرحانة هكا...تبسمت على جنب...على التفكير لي جاني في راسي...نحب نتعدى الحدود الكل معاها...اما قبل هذا الكل...باش نحط الكل قدام امر الواقع...و اول حد سي احمد...لازمو يفهم انو مستحيل نخليه يبعدها عليا...بعد توا مهما صار...انا باش ناخوها...و باش نعاود حياتي معاها هي و كهو.
أنت تقرأ
زهرة🌸
Aléatoire🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
