🔸️حلقة 52
🔸️عمر يحكي:
بقيت قاعد على الفوتاي...كابس على يديها زوز...تكات عليا من غير حتى كلمة...ترعش بكلها...طول الثنية و هي ساكتة...حتى وقت وصلنا...ما قالت حتى كلمة باقي مكبشة فيا...بستها من راسها نحكي
انا:شبيها زهرتي...صارت حاجة ياخي ؟
زهرة:م..متخلينيش وحدي...أماانك
أنا:هاني معاك...و باش نبقى معاك ديما...أما نحب نعرف شبي حالتك هكا ؟
جبدت روحها شوية...طلعت راسها غزرتلي ندرا كيف ريت نفس الخوف في عينيها...هزيت يدي...حطيتها على خدها نحكي
أنا:نسمع فيك
زهرة:ع عمر...مش أنت قلتلي م..ما تخبي عليا حتى شي و قلت لي باش صدقك ديما...و مستحيل نخليك
كبست على يدها...و هزيتلها براسي ايه...نحكي
أنا:أكيد يا روحي
زهرة:ا أنا اليوم...مشيت مع مريم للبوتيك
أنا:إيه مبعد
زهرة:غ غديكا أنا ريت حاجة
عديت صوابعي على خدها...رجعت شعرها لتالي نحكي
أنا:صغرونتي...أحكي لي ريتو من غير خوف...باهي
كبست على يدي أكثر...ضيقت عينيا بالوقت...نستنى فيها تكمل كلامها...غزرتلي ندرا كيف تحكي
زهرة:أوعدني لي ماكش باش تتغشش مني...و ماكش باش تعصب عليا زادة
أنا:مستحيل...تعرفني منحبش فيك
زهرة:ع عمر...ا أنا وقتها ر ريت كرهبة م..مراد
بقيت نغزرلها من غير حتى كلمة...دوب كملت كلامها نزلت دمعتها...و توترت أكثر...حاولت نستوعب الحكاية في مخي...قبل ما نحكي حتى كلمة...خذيت نفس نحكي
أنا:شقصدك ؟
زهرة:ع عمر...و والله ريتها...والله لا راني نكذب...خ خبرت مريم زادة...أما مصدقتنيش حتى هي
أنا:ششش اهدا ساعة...و فهمني بالقدا باهي
هزتلي براسها إيه...باقي ترعش منعرفش من البرد و لا من الخوف...تغزرلي بنظرة ضايعة...من غير حتى كلمة عرفت وين هزها مخها...كبست على خدها...نمسح في دموعها و نحكي
أنا:أحكيلي كلشي عزيزتي...نسمع فيك
زهرة:م..مراد قبل...وقت يحب على كرهبة...ي يوصي عليها من برا...و وقتها زاد طلب كرهبة أخرى...ا اما ياخوها ك..كان وقت يكون عطلة...و انا ر..ريتها اليوم زادة
أنا:متأكدة ياخي...متكونش متاع حد آخر
زهرة:ل لا...عمر...والله نفس رقم زادة...والله
أنا:مزلت مذكرة الرقم ؟
زهرة:إيه...¤¤¤¤¤¤¤¤
مديت يدي...جبدتها عندي...حضنتها...و كبست عليها بالقاوي...نحكي
انا:باهي يا روحي...اهدا توا
عاودت جبدت روحها...و طلعت راسها...سألتني متردة
زهرة:ص..صدقتني مش هكا
عديت عينيا على وجها...هزيتلها براسي ايه...و حاوطت وجها بيديا زوز...نحكي
انا:أكيد يا روحي...مفماش علاش نكذبك
زهرة:ش شنوة باش يصير توا عمر...م..مش مات و معادش يرجع
أنا:أغزرلي هوني...أنا باش نعرف شنوة السر ورا الكرهبة لي ريتها...و باش نتأكد من الحكاية بنفسي...باهي
زهرة:بالحق ؟
أنا:وعد عزيزتي...و توا نحبك تنسى لي ريتو جملة..إنتي قادمة على قراية و كونترولات...و أنا نحب مرتي تنجح عاد...باهي
هزتلي براسها إيه...و قربت مني أكثر..حضنتني بالقاوي بقوة الخوف لي قاعدة تحس فيه...حطيت يدي على ظهرها كبست عليها...نعرف لي مجابتش الحكاية من فراغ...على هذاكا...مستحيل نعديها بالساهل...لين نطمن لي معادش تتعاود الحكاية معاها...نعرف بالقدا قداش تأثر فيها...على هذاكا...منحبهاش تتأزم مرة أخرى حسيتها هدات شوية...تنهدت بقوة نحكي
أنا:زهرة...رقدت ياخي
زهرة:لا
أنا:شرايك تاخو دوش توا
زهرة:منحبش...متخلنيش وحدي أماانك
أنا:عالحسبة هاذي ملا باش نعملو دوش مع بعضنا
طلعت راسها...غزرتلي ندرا كيف...مستنيتهاش تحكي وقفتها معايا...كبست على يدها...و هزيتها لبيت البانو باقي مطاوعتني من غير حتى كلمة...عبيت البانو...و هزيت يديا زوز...نحي في دبشها بالقطعة...نحس في تفكيرها بعيد برشا...أصلا وقت تبدا هكا...منعرفش كيفاش نتعامل معاها...إسمو كهو...يخليها في الحالة هاذي...كبست على خدها نحكي
أنا:كلشي باش يكون مليح...باهي
هزتلي براسها إيه...و قربتلي أكثر...بستها من راسها نهدي فيها...و نحكي
انا:إيجا صغرونتي هيا
منعرفش قداش تعدا وقت بالظبط...باقي كابس عليها في حضني...لين حسيتها هدات شوية...تكات راسها على صدري تحكي
زهرة:عمر
أنا:مممم
زهرة:علاش رجع ظهر مرة أخرى في حياتي
أنا:شششش ماهوش باش يرجع يا روحي
زهرة:أنت صدقتني مش هكا...اللي تعمل فيه معايا توا مش شفقة
أنا:مفماش علاه نشفق عليك...نعرف لي إنتي ريتها و أنا باش نتأكد منها الحكاية...على هذاكا منحبكش تفكر برشا...طول ما أنا معاك...إنتي باش تكون لباس...باهي
زهرة:نعرف يا روحي
نزلت بستها من كتفها...و حطيت شعرها على جنب نحكي
أنا:مجعتش ياخي
زهرة:شوية
أنا:باش تعاوني ملا
زهرة:شنوة باش طيب أنت ؟
أنا:منعرفش...إنتي قولي شنية تحب ؟
زهرة:بالرسمي
أنا:مممم
تلفتت عندي شوية...طلعت راسها غزرتلي ندرا كيف و قربت تحكي في وذني
زهرة:نحب على نفس ال plat لي عملتو وقت كنا في الفيرما
أنا:أما واحد فيهم ؟
زهرة:لي عملتو أول مرة...أمان
أنا:تدلل معناها
زهرة:ممممم
قربت منها شوية...خطفت بوسة من شفايفها...نحكي
انا:باهي لالة...هيا من توا...أحسن ما ترصالنا في حاجة أخرى
زهرة:ب..باهي
هزيت روحي قبلها...لبست الكاب دو بان...و قربت منها لبستها الكاب متاعها...و بستها من خدها نحكي
أنا:إرتحت توا ؟
زهرة:مممم أحسن
تبسمت و خرجت وراها...بدلت دبشي...و تلفت نغزرلها رجعت سرحت مرة اخرى...تنهدت بقوة...قربت منها عديت صوابعي على خدها...نحكي
أنا:تلبس دبشك و تخلط عليا...باز مانيش باش نحضر كلشي وحدي
زهرة:باهي عزيزي
بستها و خرجت...أول ما دخلت للكوجينة...عديت يدي على شعري...منعرفش شنوة نعمل بالظبط...و منعرفش زادة قداش مزال باش يظهر في حياتنا...خذيت نفس نهدي في روحي...أول ما بديت نقص في الخضرة خلطت عليا...تكات على الرخامة تحكي
زهرة:نعرف لأنت خليت خدمتك على خاطري
أنا:قرب مني تراه
قربت مني شوية...مديت يدي...دورتها على جنبها...و جبدتها عندي...نحكي
أنا:المهم مرتي تكون لباس...و الباقي الكل يتعوض
زهرة:عيش حبي
حضنتني بالوقت...تبسمت و بستها من راسها...جبدت روحها شوية تحكي
زهرة:ممممم كيفاش نجم نعاونك
أنا:والله كان تبقى تغزرلي هكا...نبقاو من غير عشاا عزيزتي
زهرة:يااااا عمر يزززي أماانك
أنا:ههههههه شنعمل...كي مرتي عسل
زهرة:صاار
أنا:عندك شك إنتي
زهرة:لا نعرف روحي عاد
انا:صاااار...و تعرف لي قاعدة تستفزي فيا
زهرة:مممم...و باش تكمل...خاطرني جعت برشا أنا
انا:باهي صغرون...برا حضر الطاولة إنتي
زهرة:كهو
انا:مممم
باستني بالزربة و جبدت روحها...عدينا بقية الوقت غديكا...حسيتها تفرهدت...و نسات الحكاية شوية...باقي دور قدامي...ضيقت عينيا نحكي
أنا:عزيزتي محسيتش روحك شبعت...و إنتي لي تجي على يدك تاكلها
زهرة:لا...من بكري ما كليت شي
انا:هيا برا شد بلاصتك توا
زهرة:باهي
عوجت فمها...و سبقتني...خلطت عليها...دوب حطيت الصحن...غطست فيه...تبسمت و جبدت الكرسي...قعدت مقابلها...نغزرلها...و كلامها متاع قبيل يتعاود في مخي نحاول نلقى حل للحكاية في أقرب فرصة...قبل ما تتعاود معاها مرة أخرى...طلعت راسها غزرتلي تحكي
زهرة:مرسسي برشا يا روحي
أنا:صحة حبي
هزت روحها قربت مني...قعدت في حملتي...و تكات عليا تحكي
زهرة:أنت أحن واحد في الدنيا عمر...نحبك برشا
هزيت يدي عديتها على جنبها...و كبست عليها نحكي
انا:و إنتي روحي يا زهرتي
زهرة:والله منعرفش شنوة كان باش يصير فيا من غيرك عمر...كيفاش كنت باش نجم نعيش
أنا:ششش منحبكش تفكر في اللي صار...حياتنا باش تكون أحلى من هكا
زهرة:اللي يهمني أنك معايا عمر
أنا:بالطبيعة ياروحي...و أنا نجم نفرط فيك
كبست عليا أكثر...خذيت نفس من ريحتها...و تنهدت نحكي
أنا:زهرة...هيا عزيزتي...لازمك ترقد شوية
زهرة:و أنت ؟
أنا:نكمل الخدمة لي عندي و نخلط عليك
زهرة:لا منحبش...باش نلم الكوجينة قبل
انا:باهي...قوم نلموها مع بعض
زهرة:أما عندك خدمة...تو نلمها وحدي
أنا:هيا برك
هزيت روحي في جرتها...أول ما كملنا...هزيتها معايا للبيت نحكي
انا:هيا برا إرتاحي توا
زهرة:أنا زادة باش نراجع شوية عمر
أنا:غدوة عطلة...و تنجم تقرا على روحك...توا نحبك ترتاحي هيا
زهرة:باش طول برشا أنت ؟
أنا:أول ما نكمل نخلط عليك...و توا نحبك تسمع الكلام باهي
زهرة:باهي
بقات تغزرلي ندرا كيف...تستعطف فيا...هزيتلها براسي باش تشد بلاصتها...قربت منها غطيتها...منعرفش علاه حسيتها تعبت برشا اليوم...طفيت الضو...و رجعت لصالة هزيت تليفوني...طلبت صاحبي لي يخدم في المركز شوية و هز عليا يحكي
رياض:أهلا عمر لباس ؟
أنا:لباس صاحبي...صراحة لازمني نعرف حاجة مهمة برشا
رياض:أكيد
انا:تذكرها القضية لي جيتك مرة عليها
رياض:أكيد...أما في بالي تحلت...و هاك عرست بيها الطفلة...و راجل أمها مات في الحادثة
أنا:بالظبط...أما فما حاجة صارت اليوم
رياض:شنوة ؟
انا:مرتي...قالت لي هي شافت كرهبتو...و أكيد ماهيش صدفة
رياض:متأكدة لهي كرهبتو
أنا:¤¤¤¤¤¤¤¤ هذا هو رقم الكرهبة...يا ريت تتأكد من الحكاية...و لشكون ولات الكرهبة بعد موتو...يعني اي تفصيل صغير...ممكن يفيدني...خاطر منحبهاش تتعب جرايرو مرة اخرى
رياض:أكيد صاحبي...من غدوة نعرفلك الحكاية
انا:باهي عيشك
رياض:من غير مزية
علقت عليه...و ترميت عالفوتاي...عديت يديا زوز على وجهي...و حليت البيسي...كملت الخدمة....لي خليتها الصباح...أصلا منعرفش كيفاش خرجت و المشروع...بعد أشهر قليلة...لازمو يطبق على ارض الواقع..تعدات ساعة و زوز...منعرفش قداش بالظبط...تهزيت و تحطيت على صوتها...منعرفش كيفاش وصلت للبيت شعلت الضوء نغزرلها...تقعدت...حاطة يديها زوز على وذنيها...تصب بالعرق...قربت قعدت قدامها...حضنتني بالوقت...تحكي
زهرة:ق قتلك باش يرجع...ماهوش باش يخليني...م مستحيل
كبست عليها اكثر...عديت يدي على شعرها نحكي
أنا:ششش اهدا عزيزتي...حلمة خايبة و تعدات على روحها
زهرة:م متخلينش وحدي...أماانك
أنا:هاني معاك...اهدا عزيزتي
جبدت روحها مني...و طلعت راسها...غزرتلي ندرا كيف تحكي
زهرة:ريت نفس الكابوس مرة أخرى...م مراد..مراد...انا ريتو...ن..نفس الشي تعاود مرة اخرى
هزيت يدي...نمسح في دموعها...و نهدي فيها فرد وقت نحكي
انا:اغزرلي هوني...طول ما انا معاك...حد ماهو باش يقرب منك...مراد مات...و ماهوش باش يرجع...و حتى حكيت مع شكون...باش يتأكد من حكاية الكرهبة
زهرة:ب..بالرسمي
انا:و راس حبي
رجعت حضنتني...و كبشت فيا بيديها زوز...تحكي
زهرة:م متخلينيش وحدي امانك عمر
انا:باهي يا روحي...استنى لحظة..تو نرجعلك
جبدت روحي منها...مشيت للكوجينة...هزيت كاسة الما و رجعتلها...شربتها شوية...و طفيت الضو...شعلت الفيوز و تسطحت بجنبها...حطت راسها على صدري...و كبشت فيا أكثر...بقيت نعدي في يدي على شعرها و نحكي فرد وقت
أنا:شرايك نعديو الويكاند في الفيرما ؟
زهرة:ا أما عندي قراية برشا...و لتوا ما حضرت شي
أنا:مزال اسبوع...و أنا باش نعاونك
زهرة:كان مننجحش عمر
أنا:نعرف لي إنتي باش تنجحي...هذا الكل باش يفوت يا روحي
زهرة:باهي
كبشت فيا اكثر...تنهدت بالقاوي...متوقعتش باش توصل للحالة هاذي...و منجمتش نسألها اكثر عاللي صار...لين نتأكد من الحكاية...نزلت راسي شوية نغزرلها...رجعت غفات مرة اخرى...بستها من راسها...و تكيت لتالي...باقي نعدي في يدي على شعرها...منعرفش قداش تعدا وقت بالظبط...و لا كيفاش هزني نوم...و غفيت انا زادة..نعرف يمكن جينا ايام اصعب من هكا...على هذاكا نحبها تنسى حكاية مراد...و تنساه جملة و معادش يظهر في حياتنا مرة اخرى.
أنت تقرأ
زهرة🌸
De Todo🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
