🔸️حلقة 44
🔸️حسام يحكي:
نفخت بالقاوي و علقت على سكرتيرة...الخدمة داخلة بعضها اليومين هذوما...دوب نجم نلحق باش نرتاح ضيقت عينيا و أنا نغزر لأمي...مفجوعة على مريم قربت منهم مصدوم نحكي
أنا:أمي شفما لباس ماهو ؟
أمي:منعرفش...الطفلة موجوعة...في رايي هزها للكلينيك و لا كلم الطبيب
مريم:لا خالتي...احسن توا...تو نطلع نتسطح شوية
أمي:متأكدة
مريم:مممم والله لباس عليا...كان توجعت مرة أخرى نخبرك
أمي:حسام عاونها تطلع عيش ولدي
هزيتلها براسي باهي...مش فاهم لي قاعد يصير...قربت منها مديتلها يدي...غزرتلي ندرا كيف...هزت يدها بالسيف...حطتها في يدي...كبست عليها...و عاونتها وقفت...غزرتلها نحكي
أنا:لباس ماهو ؟
هزتلي براسها ايه...تنهدت بالقاوي...نحكي
أنا:تنجم تمشي
مريم:مممم نجم
أنا:باهي هيا ملا
أمي:متأكدة لإنتي مليحة ؟
مريم:والله لباس عليا خالتي...نحب نرقد و كهو
أمي:باهي عزيزتي
كبست على يدها أكثر...غزرتلي ندرا كيف...كل خطوة نعملها معاها...نستغلها أكثر...منعرفش علاه حسيت روحي توحشتها...حتى ليلة البارح نحب ننساها جملة و ننسى الكلام لي قلتو...أول ما وصلنا للفوق...جبدت يدها مني تحكي
مريم:سييبني...لباس عليا
ضيقت عينيا مستغرب...مش فاهم شبيها...قحرتلها نحكي
أنا:شبيك توا ؟
مريم:قتلك لباس عليا
أنا:مش على أساس
مريم:مريضة
أنا:بالظبط
مريم:لااا أنا جيست عملت اكاكا...باش نعاون زهرة تخرج
أنا:شقصدك ؟
مريم:على أساس متعرفش لي صاحبك كان هوني
أنا:عمر
كبست على يدي أكثر...يطلع منو الساقط...على هذاكا مردش عليا...غاطس في حبك درباني...و ضارب الدنيا خذيت نفس نحكي
أنا:برافو عليك...هاك عرفت تعديها على أمي
مريم:أنا جيست عاونت صحبتي...و آخر همي شنوة قاعدة تخمم فيا توا
أنا:شبي سماك توا ؟
مريم:ما بيا شي...ليلة سعيدة
جيت باش نحكي...عطاتني بظهرها باش تمشي...شديتها من يدها جبدتها عندي...نحكي
أنا:استنى وين ماشية
مريم:سيبني...مفما حتى شي نحكيو فيه
أنا:لا فما
جيت باش نحكي...أما سكت كي سمعت أمي طالعة كبست عليها أكثر...نحكي
أنا:أمشي قدامي...كلمة أخرى ما تلوم كان روحك
غزرتلي ندرا كيف...جبدتها عندي...و دخلتها لبيتي سكرت الباب...و تكيتها عليه...قحرتلي تحكي
مريم:شنوة تستخايل في روحك أنت اه ؟
كبست عليها...و قربتلها أكثر...نزلت عليها شوية...نحكي
أنا:فاش قام تصرفات هذوما توا ؟
مريم:تصرفات شنوة لي تحكي عليهم أنت ؟
أنا:لي تعمل فيهم
مريم:نتصرف كيما نحب...و توا سيبني أحسنلك
أنا:و إلا شباش تعمل ؟
مريم:حتى شي...و أنت زادة ما تنجم تعمل حتى شي سي حسام
أنا:صار...شنوة لي يخليك متأكدة ؟
مريم:أنت خليتني متأكدة...خاطر المرة هاذي باش تكون قد كلامك و تبعد عليا...باش توفي بوعدك لبابا سي حسام
عديت عينيا على وجها...تغزرلي بتحدي...تحدي خلاني ناقف بين حدين...نقرب منها و ننسى الوعد لي قلتو جملة...و لا نكون قد كلامي لبوها و نبعد عليها...لقيت روحي في الممنوع المرغوب...كلشي فيا يحب عليها و توا...أما فرد وقت منجمش نقرب منها أكثر من هكا فقت من سرحتي كي جبدت يدها مني تحكي
مريم:ميسالش تبعد لازمني نخرج توا
أنا:ماكش باش تخرج
مريم:ياخي نورمال أنت في مخك
أنا:لازم نحكيو
مريم:حكينا كلشي البارح...و أنا عطيت وعد لبابا...مهما صار مانيش باش نقرب منك...و لا حتى نحكي معاك...و أنت نفس الشي زادة...طول ما أنا معاكم هوني مجبور تحترمني...كيف زهرة بالظبط و اللي صار بينا الكل أنت جبرتني عليه...و خليتني نكرهك أكثر...كان مزلت تحس شوية كيما العباد...عاملني كيما أختك بالظبط...و ما تجربني على حتى شي...أنا و أنت نعرفو لهو حرام و ميجيش جملة
هزيت يدي عديتها على وجهي...منعرفش كيفاش نجمت نشد روحي لهدرجة...نعرف و متأكد لي عندها حق في كلشي...كيما نعرف لمستحيل يكون بينا شي خاصة بعد الكلام لي قلتو لبوها...قربت منها اكثر لصقت في الباب...نفسها قوا أكثر من الأول...نزلت عليها شوية خذيت نفس من ريحتها...عديت يدي على جنبها...و نزلت بيها للبواني متاع الباب...حليتها نحكي
أنا:أخرج
بقات واقفة في بلاصتها...غزرتلي ندرا كيف...وخرت لتالي...و هزيت يدي شوية نحكي
أنا:أخرج من هوني
مريم:ليلة سعيدة
تبسمت على جنب و خرجت...ضربت الباب بيدي سكرتها وراها...قربت من الكوافوز...كلشي جا على يدي طيحتو عالأرض...نحس في راسي باش يطرشق منعرفش شبيني...و لا شنوة لي قاعد يصير معايا تصرفاتها تخليني نهبل عليها...و متناقض حتى مع روحي...نحب نشدها نخرج فيها غشي الكل...مبعد نحضنها باش نهدا و ننسى كلشي صار...أما منجمش حاجة أقوى مني قاعد تمنع فيا...خايف عليها مني خايف منجمش نكون قد الحمل هذا...و نضيع طفلة صغيرة ما عندها حتى ذنب...نعرف ورا تمردها الكل
فما طفلة تحب تعيش...تحب ترا الدنيا من شيرة أخرى أنا منجمش نعطيها هذا الكل...خاطرني مزلت واحل في دوامة الماضي...أما فرد وقت وليت نحسها جزء من حياتي...وليت نخمم فيها أكثر من اي وقت منعرفش قداش تعدا عليا و انا قاعد في بقعتي ساعة زوز...لين حسيت روحي هديت شوية...خاطرني كل لي نعرفو انو لازمني نحكي معاها و كهو...خذيت نفس و هزيت روحي خرجت من البيت...خرجت معايا بالوقت مغزرتليش جملة...كملت طريقها باش تنزل...قربت منها شوية نحكي
أنا:وين ماشية ؟
مريم:متخافش...أكيد مانيش باش نضيع هوني
أنا:مريم...متركبهاليش في هالليلة الكلبة أحسنلك
مريم:أنت معادش تقلق روحك بيا...و تو تولي لباس عليك
أنا:صااار...معناها مزلت تحل في فمك معايا
مريم:علاه كنت تستنى فيا نحشم منك معناها
أنا:لا...إنتي بذات متحشمش مني...خاطر مع الوقت تولي تعرفها وحدك الحشمة
مريم:الحق عليا نضيع في وقتي مع هامل كيفك
أنا:أرجع للبيت
مريم:نازلة لصحبتي...كان معندكش مانع
أنا:قتلك أرجع
قحرتلي و كملت نزلت...كبست على يدي و خلطت عليها اول ما حلت لباب...دخلت زهرة...طلعت راسها غزرتلي مروهجة...عرفتها حشمت...قربت من الباب نحكي
أنا:زهرة برا شد بيتك...قبل ما تراك أمي
هزتلي براسها إيه و دخلت تجري...دورت راسي غزرتلها قحرتلي و خلطت عليها...خرجت و سكرت الباب ورايا باقي واقف يطمن عليها لين تدخل...تبسمت على جنب و قربت منو نحكي
انا:ماكش باش تبطلها العادة هاذي...منجمتش تصبر يومين أخرى
عمر:الله غالب صاحبي...زيد تحملني يومين اخرى
انا:كان تشلق بيكم فتحية...مدخلنيش بينكم
عمر:متخافش...هوكا مريم قامت بالواجب
هزيت يدي عديتها على شعري...نهدي في روحي...و نحكي فرد وقت
أنا:نعرف نعرف
عمر:فما شي تحب تخبرني بيه
أنا:منعرفش
عمر:شرايك نسهرو مع بعض
أنا:نفكر نمشي لداري...عالأقل نرتاح شوية
عمر:دار شنية...شتعمل فيها توا...و من إمتى أنت تمشي لدارك
أنا:عمر من غير ما تكبش فيا توا
عمر:تي أمشي برك
أنا:لحظة نجيب مفاتحي
عمر:نمشيو بكرهبتي
هزيتلو براسي إيه...خلطت عليه...ركبت بحذاه و تكيت لتالي...منحبش نسألو وين ماشي...بقينا طول الثنية ساكتين...تبسمت على جنب...كي ريتو شد الفران بحذا ريستو متاع العادة...من سنين نجو لهوني...وقت نهربو من هالدنيا الكلبة و المشاكل لي فيها...من الماضي و اللي صار فيه...البلاصة هاذي كهو...لي شهدت على أوجاعنا الكل...اعترافتنا...و برشا حاجات اخرى كتبتها السنين...حليت الباب و نزلت...دخلت قبلو...شديت طاولة مطرفة...خلط عليا بالوقت...جبد كرسي و قعد مقابلني...منعرفش شنية طلب بالظبط...نسمع فيه يحكي
عمر:نسمع فيك
أنا:تعرف لي هي رجعت ؟
عمر:شكون ؟
انا:شرااز
بقى يغزرلي من غير حتى كلمة...يمكن وسط المشاكل لي ظهرت الكل...ما نجمت نقلو شي...يكفي لي تعدا عليهم...تبسمت على جنب نحكي
أنا:و هي نفس البروف لي شدت بلاصتك
عمر:شننننوة ؟
أنا:لي سمعتو
عمر:حكيت معاها ؟
أنا:علاه مزال فما شي نحكيو فيه...هي حكات كلشي قبل عشر سنين
عمر:معناها هي لي قاعدة تقري في زهرة و مريم
أنا:ممممم
عمر:باهي و مريم ؟
هزيت راسي غزرتلو...سؤالو روهجني...جيت باش نحكي قص عليا سرفور كي حط الصحون عالطاولة مديت يدي شديت الكاس عليه...فكو عمر من يدي يحكي
عمر:ماكش باش تشرب...قبل ما نكملو موضوعنا
مديت يدي جبدتها من يدو...خذيت رشفة...نحكي
انا:كاسة وحدة ماهيش باش تضر صاحبي
عمر:حسام...شنية حكايتك مع مريم ؟
أنا:مفما حتى شي بينا...و مستحيل يكون
عمر:تصرفاتك تقول العكس
أنا:عممممر...مستحيل يكون فما شي من اللي في بالك أنا سكرت الباب هذا و مستحيل نحلو مرة أخرى
عمر:معناها مزلت تحبها ؟
تبسمت على جنب...كبست عالكاسة اكثر...و شربتها فرد مرة...نحكي
أنا:في رايك هكا
عمر:منعرفش...أنت قولي...خاطر نحس في روحي منعرفكش
أنا:تعرف حاجة...مشى في بالي لي كرهتها في السنين هذوما الكل...اما انا كرهت روحي و كهو...على هذاكا قاعد يصير معايا هكا
عمر:شنوة لي قاعد يصير...نعرف لي مفما حتى شي يمنعك تعمل لي تحب عليه
أنا:فما...الماضي متاعي يمنعني
عمر:أنساه و أعطي لروحك فرصة جديدة
أنا:باش يبقى يتبع فيا...كان أنا قربت منها خطوة وحدة الماضي متاعي باش يدمرها
عمر:منظنش لانت تعمل هكا خاطر شراز رجعت...أكيد ماهيش باش تمنعك تقرب منها
أنا:فك علينا من سيرتها توا...معنديش خلق باش نجري ورا فرخة قدها...و اصلا بوها يخدم عندنا في الشريكة
عمر:وين المشكلة ؟
انا:المشكلة أنو كل مرة يكبشني مع طفلة جديدة...خلي لي كان يصير ساعات قدام عينو...و الاسوء عطيتو وعد اني معادش نقرب منها و لا حتى نضرها
عمر:لا يا راجل...ياخي ما لقيت كان شريكة تسيب ¤¤¤¤¤ فيها
أنا:تي جرايري كان باش يقصلها عالقراية و يعرسلها
عمر:لهدرجة ؟
انا:قتلك قربي منها باش يدمرها
عمر:معناها باش تخليها تكون لحد غيرك
جيت باش نحكي...اما الكلام وحل في حلقي...سكت خاطر معنديش اجابة...خاطرني منجمش نستخايل لهي باش تكون مع حد اخر...اصلا مفماش شكون ينجم يتحملها...أما زادة تتحب الفرخة...تبسم على جنب و تكى لتالي...تبسمت نحكي
أنا:ماهو باش يصير شي إذا خلفت الوعد مرة وحدة
عمر:تنجم تطلب سماح في بلاصتو
أنا:من سي أحمد...مستعد يموت و ميسامحنيش
عمر:على خاطر بنتو باش يسامحك
أنا:المشكلة في بنتو سي عمر
عمر:تتحل صاحبي...كان أنت عطيت لروحك فرصة معاها...اكيد باش تولي متاعك...أما كان مزلت متعلق بشراز حتى شوية...ابعد ثنيتها من توا...رد بالك تقرب منها...باش تنتقم من شراز على لي صار قبل...خاطر المرة هاذي بالرسمي باش تطلع خاسر في التالي
أنا:شراز من الماضي...و ما عندي إستعداد لا نحكي عليها و لا حتى نسمعها...يكفي لي ريتو منها
عمر:باش تعطي فرصة لروحك مع مريم
انا:منعرفش...منحبش نخمم في الحكاية توا
عمر:باهي هاني سكت
انا:شرايك في كاسة أخرى
عمر:اعفيني ليلة...منحبش نشرب
انا:ممممم يطلع منها هالزهرة...هوكا خلاتك تتربى على قاعدة يا ساقط
عمر:يا ولدي كان نسكر معاك توا...نعدو ليلة هوني
انا:حتى انا معينيش نشرب اكثر من هكا
عمر:صااار...متكونش ناوي تعمل شي لطفلة الليلة
انا:ههههههههه لا محسوب خاوة اليامات هذوما منجمش نقرب منها
عمر:هههههههه عالحساب هذا ربي معاك
هزيت يدي عديتها على وجهي...نعرف و متأكد لي اليامات الجاية باش تكون صعيبة علينا الكل...اما زادة مانيش باش نخون الوعد لي عطيتو لبوها...اول مرة ناخو قرار و نندم عليه...منعرفش شنوة نعمل بالظبط اول مرة نتعلق بطفلة بعد شراز...و المرة هاذي غير كل مرة...منعرفش شنوة لي قاعد نحس فيه بالظبط معاها علاه هي برك..علاه نحسها قريبة ليا برشا..علاه منجمش نحيها من مخي مهما عملت...تنهدت بالقاوي نحكي
أنا:فكك مني توا...شعملت في الخدمة ؟
عمر:منعرفش...لتوا ما خممت في حتى شي...بلكشي بعد العرس نهز زهرة و نسافر
انا:معناها مزلت تفكر في السفرة ؟
عمر:مممم
انا:يا ولدي هوكا مشروع جربة يستنى فيك...و بيروك حاضر...منظنش شيلقاو مهندس كيفك الوقت هذا...و حتى من الجماعة...عندهم استعداد لمشروع اخر معاك
عمر:حسام فايت خمس سنين ما دخلت في حتى مشروع...و مشروع كبير هكا لازملو مهندس احسن مني
أنا:أما مشروع فرنسا أكبر من هكا
عمر:مراد باش يخرج في اخر الاسبوع و نعرف ماهوش باش يعدي لي قاعد يصير...نخاف يوصللها و انا مش معاها
انا:شباش يصير توا ؟
عمر:منعرفش...اول مرة منجمش ناخو قرار بخصوص الخدمة...تو نرا اول فترة كيفاش تتعدا مبعد نخمم...في كل الحالات المشروعين مزال وقت عليهم
انا:باهي باهي
تكيت لتالي...و سرحت لبعيد...صوت المطر ماشي و يقوى...منعرفش علاه تعدات شراز بين عينيا و اليامات لي عشتهم معاها...منجمش لي صار بكري يتعاود معايا توا...نحب نحي الفكرة لي تزرعت في راسي من وقتها انو الكل كيف بعضهم...و مصلحتهم اهم شي...نحب ننسى هذا الكل...اول مرة بعد السنين هذوما الكل..نحب ناخو فرصة اخرى...اما منعرفش وين باش توفا بينا الحكاية في التالي.
أنت تقرأ
زهرة🌸
Aléatoire🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
