🔸️حلقة 37
جبدت روحي منها شوية...كبست بيدها على جنبي ترد في النفس...عديت عينيا على وجها...كبست على شعرها اكثر...جبدتها عندي...حضنتها...باقي جامدة...من غير ما تعمل شي...و لا تقول حرف...خذيت نفس من ريحتها هذا لي كنت بحاجتو بالظبط...انها تسكت و ما تقول شي...منعرفش اذا انا بحاجتها توا...باش معادش نفكر في اللي صار مع شراز...و لا في الماضي...و لا هي تحب على شكون تتكى عليه...و ترمي الحمل متاعها بعيد تبسمت على جنب و انا نسمع فيها تحكي
مريم:شنوة لي قاعد يصير ؟
رخفت يدي على شعرها...و جبدتها من عندي شوية نغزرلها...باقي مبهمة...حتى انا مش فاهم تصرفاتي معاها...خذيت نفس نحكي
أنا:شي...شنية لي حسيتو إنتي ؟
مريم:حتى شي
انا:مممم باهي
مريم:ياخي مجنون أنت ؟
انا:شتقصد ؟
مريم:فاش قام حتى تبوسني ؟
أنا:كان نخبرك ماكش باش تفهم
مريم:معادش تعملها...ما تبوسني ما نبوسك باهي
بقيت نغزرلها...شدني ضحك على كلامها تالي...قربت منها شوية...نحكي
انا:مممم مش فكرة خايبة...كان تحب تجرب تفضل
هزت يدها ضربتني على كتفي...تبعد فيا لتالي و تحكي
مريم:متحشمش...أبعد...أبعد عليا
انا:ششش يزي...و هيا قوم تاكل شوية...و رجع لبيتك مكانش تو فتحية تشد صحيح باش تفهم الحكاية
جيت باش نقوم...شدتني من يدي كبست عليا...غزرتلها بالوقت...تنهدت بالقاوي تحكي
مريم:حسام...أمانك ما تخبر حد بالحكاية...حتى زهرة منحبش نقلقها معايا
هزيتلها براسي باهي...دوب تبسمتلي...ضيقت عينيا بالوقت...قحرتلي تحكي
مريم:شنوة ؟
انا:شنية المقابل ؟
مريم:مقابل شنوة ؟
أنا:باش نسكت
مريم:تحكي بجدك ؟
أنا:مممم
مريم:شتحب ؟
نزلت بعينيا لشفايفها...جبدت يدها من بالوقت...تحكي
مريم:زايد ساقط يا راجل...ماكش باش تتعدل...أبعد خليني نقوم
أنا:باهي...تتصرف ؟ و لا
قصت عليا كي قربت مني...دوب باستني من خدي...و وقفت بالوقت تحكي
مريم:ميمشيش في بالك لي ربحت بالطريقة هاذي جيست باش تسكت و كهو...و رد بالك تقرب مني مرة اخرى
انا:تحبني نقوم معناها
مريم:برا زمر...محسوب باش نخاف منك
تلبس في البوت متاعها و تقحرلي...هزيت روحي وقفت قربت منها...غزرتلي تحكي
مريم:وين جاي ؟
انا:زايد مجنونة...امشي قدامي
قحرتلي و حلت الباب خرجت...خلطت عليها نزلنا مع بعض...اول ما وصلنا اللوطة...لقيت زهرة و محمد داخلين مع بعض...حالتها داخلة بعضها...زوز مبلولين غزرتلي مريم بالوقت...و قربت منها تحكي
مريم:زهرة شبيك ؟ شبيها حالتك هكا ؟
قربت منها أكثر...حضنتها بالوقت...منعرفش علاه حسيت عمر ورا الحكاية...جبدت روحها تحكي
مريم:إيجا معايا...عزيزتي
بقيت نغزرلهم...للحظة نسات همها و جرات لصحبتها حتى زهرة أول مرة نشوفها في الحالة هاذي...خفت عليها و خفت كان عمر تكون عندو يد في الحكاية...أول ما طلعو...قربت من محمد نحكي
أنا:شصاار ؟
محمد:برا أسأل صاحبك
انا:شبيه عمر ؟
محمد:شيعرفني انا...اما في رايي صاحبك الماصون ميستهلش الطفلة حتى طرف...على هذاكا خليه يبعد عليها احسن للكل
طلع من غير حتى كلمة اخرى...ما فهمت شي من كلامو كل لي نجمت نوصلو انو زهرة هكا جراير عمر...هزيت تليفوني كلمتو...شي مسكر...نفخت بالقاوي...و ترميت قعدت عالفوتاي...نهز في ساقي بعصب...نعرف لهو ماهوش في دار...كيما متأكد لهو باش يخلط عليها لهوني...على هذاكا باش نستناه أحسن شي
أنت تقرأ
زهرة🌸
Acak🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
