🔸️حلقة 129
🔸️رنيم_تحكي:
ترميت عالفوتاي...نغزر للجماعة...و نستنى فيه فرد وقت...منعرفش شبيه طول غير العادة...زعمة وين غاطس...و لا فاش قاعد يعمل...اصلا لتوا مفهمتش علاش مريم و حسام...عاملين الوليمة هاذي...تكيت لتالي...أفكاري تهز فيا و تجيب...من غير شي نحس في روحي توحشتو...و منعرفش شبيه يتصرف معايا بالطريقة هاذي و لا من شنوة متغشش بالظبط...أصلا التصرفات هذوما...يخلوني على أعصابي...و أكثرشي نكرهو في علاقتنا هو المد و الجزر لإحنا فيه...فكرة أنو هو ينجم يرجع لعلاقاتو السابقة...تخليني على أعصابي ديما...و لا مرة توقعت إني باش نتعلق بحد لهدرجة لدرجة إني منعرفش شنية نعمل و لا كيفاه نتصرف من غيرو...و حبي لمحمد...خلاني عاجزة...بين إني نقربلو أكثر...و لا نبعد عليه...على خاطر منجمش نستخايل حياتي من غيرو...و منعرفش نبدا من جديد بلاش بيه...هزيت راسي على صوت الباب...نسمع في حسام يحكي...فرد وقت
حسام:ويينك لتوا ؟
محمد:تشديت في سيركيلاسيون...يظهرلي الجماعة الكل هووني
حسام:ناقص أنت كهو
محمد:مرحبا بيا ملا
حسام:تفضل سي شباب
كبست على يدي و انا نغزرلو...ساعة نعرف روحي...ديما نخليه على اعصابو جراير تصرفاتي...هز راسو غزرلي جات عيني في عينو...قحرلي و تلفت لمريم يحكي
محمد:برنساس...شنية سر الاستدعاء هذا ؟
مريم:والله كنت باش نخبرك...أما خوك رفض
محمد:من إمتى يدخل في قرارتك...ساعة نعرفك قوية على هكا
حسام:صحيت و أنا نقول شكون يدعم فيها
فتحية:حتى أنا منعرفش علاش تسمع في كلامك
مريم:هههههه ريت سي حسام...حتى حد ماهو في صفك
حسام:هاني نشوف عزيزتي
عمر:أنا في صفك صاحبي
زهرة:أنا مع مريم كي العادة
دور راسو غزرلي...و ضيق عينيه شوية...يحكي
حسام:و إنتي مع شكون ؟
هزيت روحي وقفت...نزلت الروبة بيديا زوز...و قربت منو نحكي
أنا:معاك أكيد
حسام:مدام الأميرة الصغيرة في صفي...مانيش بحاجة حد فيكم
محمد:مممم منظنش باش تنفعك
أحمد:كان ناويين تغشولي بنتي...ننسحب من توا
حسام:بااهي يا جماعة...مدام الكل حاضر...عندي ليكم خبر مهم...و حبيتكم تسمعوه مع بعضكم
مد يدو لمريم...قربت منو بالوقت...و كبست عليه قحرتلو و دورت راسي نغزرلهم...تبسم يحكي
حسام:أول حاجة...و قبل كلشي...نحب نعتذر لمريم مرة أخرى
مريم:ح..حسام
حسام:مرريم...قتلك و باش نعاودلك...لي عملتو معااك صعيب برشا...كان نجم ننساه...و كان نعدي عمري الكل نطلب في سماح منك...مانيش باش نوفيك حقك
مريم:ا..أنا زادة غلطت في حقك برشا
حسام:ساامحني يا روحي
أول ما كمل كلامو...نزلو دموعها...تبسم و قرب منها يمسح فيهم و يحكي
حسام:متتقلقوش عليها...هذوما هرمونات الحبالة..تقريبا كل حاجة تبكي عليها
زهرة:م..مريم إنتي حبلة ياخي ؟
مريم:إي
فتحية:ح..حساام...مريم...صحيح لي نسمع فيه
حسام:صحيح أمي
قرب منها...باسها من راسها...و كبس على يديها زوز يحكي
حسام:سامحني إنتي زادة
فتحية:مسامح يا عمري...ياخي باش نولي جدة مرة أخرى...باش نشوف حفيدي ؟
مريم:أحفاادك أمي
فتحية:ش..شقصدك ؟
حسام:بااهي هاني باش نوضح...بعد شهور باش يولي عندي توامة...و نتوما تعرفو مسؤولية زوز صغاار...على هذاكا باش نكون خارج الخدمة...و خاصة أنت عمر
عمر:هههههههه أنت من غير صغاار خارج الخدمة مبرووك صااحبي
حسام:عيش خوويا
دورت راسي نغزر لبابا لي قرب منهم...تبسمت بالوقت هاذي أول مرة نشوف بابا فرحان لهدرجة و خاصة بيهم...أصلا بعد اللي تعدا عليها...تستهل الفرحة لي تعيش فيها توا...قعدنا مع بعضنا عالعشا...طلعت حاجبي مستغربة...من صوت الميساج لي وصلو...أكثر من سؤال جا في مخي وقتها...منعرفش كيفاش نجمت نكمل صحني...انسحبت منهم...و طلعت لبيت البانو...غسلت وجهي أكثر من مرة...دورت راسي على صوت الباب ضيقت عينيا و أنا نغزرلو...سكرها و قرب مني يحكي
محمد:شبيك ؟
أنا:شمدخلك أنت ؟
قربت منو باش نخرج...وقف في وجهي...قحرتلو نحكي
أنا:أبعد
مديت يدي باش نبعدو...نزل على اجنابي بالوقت دورني...و نزل عليا...لقيت روحي محصورة بينو و بين الباب...غزرتلو نحكي
انا:ن..نحب نخرج
محمد:شنية هذا لي عملتو في روحك ؟
انا:ش..شنية ؟
محمد:نقصد في الروبة هاذي...فرحانة بيها و توري في قدك
أنا:مفماش حد غريب معانا
محمد:صاار...و فرضا دخل حد غريب فجاة شنية باش تعمل ؟
انا:م..ماهيش قصيرة برشا...جيست كي نقعد..ت..تط
قص عليا...كي قرصني من فخذي...كبست على صدرو بالوقت...قحرلي يحكي
محمد:ملا قتلي كي تقعد
انا:و..وجعتني ؟
محمد:مزال عقابك موفاش
انا:ش..شنية عملت زادة ؟
محمد:مش قتلك معاادش نلقاك معاه مرة أخرى
انا:آسر ؟
محمد:مممم آسر
انا:ع..على هذاكا أنت متغشش مني
محمد:شنية كان يحب منك ؟
أنا:ل..لي كوور...طلب مني لي كوور كهو...أنت وين كنت ؟
محمد:تعرف علاش ظطريت نسكت...على خاطرني خفت عليك...يعني يزيك لي عانيتو مني لتوا...أما باش يكون في علمك...هاذي آخر مرة نعديهالك
انا:ب..باهي
محمد:ساعة شنية هذا لي على شفايفك ؟ و من إمتى تحطو ؟
عديت لساني بين شفايفي...و هزيت راسي غزرتلو نحكي
انا:م..محمد انا
بقية الحروف ضاعو بين شفايفو...منعرفش كيفاه...و لا علاش...غمضت عينيا بالوقت...و كبست على صدرو صوابعو لي تغرسو في شعري من تالي...خلاوني نسلم بين يديه اكثر...جبد روحو شوية...يحكي
محمد:آخر مرة تعاود الفازة هاذي قدامي
حطيت راسي على صدرو...نرد في نفس...كبس على شعري...يحكي
محمد:و آخر مرة نلقاك واقفة معاه...و لا لبست هكا مفهوم كلامي ؟
حليت عينيا شوية...خذيت نفس طويل...و جبدت روحي منو نحكي
انا:لااا...أنا لتوا مقلتش لي عندي...حتى أنا عندي أسئلة نحبك تجاوبني عليها
قربلي شوية...حط يدو بحذا راسي بالظبط...و استند عليها يحكي
محمد:تفضل...على شنية تحبني نجاوبك ؟
انا:م..مزلت تقابلها ؟
محمد:شكون ؟
أنا:صووفيا و لا صوونيا...منتذكرش إسمها بالقدا
محمد:صوونيا
مديت يدي...ضربتو لصدرو...بعدتو عليا...و قحرتلو نحكي
أنا:صوونيااا ملااا...هاك مزلت متذكر إسمها...أصلا انا الغالطة خاطرني نسأل فيك
رجعني لتالي في لحظة...كبس على يديا زوز...و نزل راسو يحكي
محمد:هددي رووحك
أنا:سيبني محممد
محمد:ششش...اركح
انا:منحبش...مدامك مرتاح معاها...علاش تملي في أوامرك عليا ؟
محمد:يمكن على خاطرني نحبك إنتي
انا:ملاا علااش تكلم فيها هي
محمد:كان هبلت في نهار من نهارات...إنتي سبابي
انا:شنية بعثتلك قبيل ؟
محمد:مممم تحب تعرف انتي ؟
هزيتلو براسي ايه...قربلي أكثر...لين حسيت بأنفاسو ضربت في وجهي...تبسم يحكي
محمد:طلبني صاحبي
انا:صاحبك ؟
محمد:مممم يحبني نسهر معاهم
أنا:وين ؟
محمد:منجمش نقلك
انا:علااش؟
محمد:على خاطر الحكاية أكبر من مخك
أنا:محمد...ماكش باش تمشي...مش هكا...أنت معاادش تسهر برا كيما قبل
محمد:شبي صغرونتي ؟ هاذي الكل غيرة
انا:هاك أنت من بكري متغشش من فازة آسر...معاادش تاقف معاه و معادش تحكي معاه...أنا زادة نطلب في حقي...سي محمد...مفهوم كلامي أنا زادة
خطف بوسة من شفايفي و جبد روحو شوية...يضحك و يحكي
محمد:مفهوووم حبي...أما ساعة...نحبك تحط حاجة في مخك صغرون...مانيش باش نخونك...و لا حتى نمشي لغيرك...و مستحيل نوصل نخليك تعيش الوجيعة....لي عشتها أنا...مدام هذا يحبك
شاور بيدو لقلبو...و عاود قربلي شوية...رجعلي خصلات شعري لتالي يحكي
محمد:مستحيل يجي نهار و يسلم فيك...اما انتي زادة نقص من تفوريخ متاعك و اسمع الكلام...باهي
انا:و أنت معادش تعمل فيا هكا...يعني مش لازم نبقاو ديما متغشين من بعضنا
محمد:تعرفني منجمش على دلالك
انا:نعرف
محمد:باهي منقصدش...ايجا عندي
قربت منو شوية...حطيت راسي على صدرو...و كبست عليه بيديا زوز...عدا يدو على شعري...يحكي
محمد:امتى تكمل كنترولاتك
انا:بقى شهر كهو
محمد:مممم باهي...معناها بعد شهر...تولي علاقتنا رسمية
هزيت راسي شوية...عديت عينيا على وجهو...نحكي
انا:شقصدك ؟
محمد:نقصد باش نعملو خطبة...بعدها عرس
أنا:مش مزال بكري شوية
محمد:حتى انا نحب نشوف صغاري عزيزتي
أنا:دالي تحكي بجدك ؟ انا دوب كملت اول عام...زعمة بابا باش يوافق ؟
محمد:معندوش حل آخر...اما كان انتي متحبش...نخلي فتحية تعرسلي
انا:بربي...رد بالك حتى تخمم فيها الحكاية...أنت ماكش باش تكون لحتى وحدة غيري
محمد:و انا منحبش نكون يا روحي
عاودت حضنتو بالوقت...لتوا مش مصدقة انو علاقتنا حقيقة...و لي هو باش يكون ليا انا و كهو...كبس على شعري يحكي
محمد:تو يستفقدونا اللوطة
انا:ماكش باش تمشي تسهر
محمد:لااا عزيزتي...طمن
انا:باهي...توا نجم نهبط و انا مطمنة
محمد:باهي صغرونتي...و من غير ما نعاود كلامي
انا:بااهي يا روحي
نزل راسو...باسني من جبيني...و جبد روحو شوية تبسمتلو...نحكي
انا:باش نهبط توا
هزلي براسو ايه...حليت الباب و خرجت...عديت صوابعي على شفايفي...و عدلت شعري...مش مصدقة لي قاعد يصير معايا...نزلت بحذاهم و ترميت عالفوتاي عديت يدي على فخذي...لتوا يحرق فيا من القرصة هزيت راسي نغزرلو...نزل ورايا...و قرب من حسام و عمر يحكي معاهم...تنهدت بالقاوي و تكيت راسي لتالي مهما كان وضعنا...و مهما كان لي يجمعنا...و الظروف لي باش تواجهنا...مستحيل نجم نفرط فيه...و لا حتى نستخايل اني باش نكمل حياتي من غيرو...كان و باش يبقى أول و أحلى حب في حياتي.
أنت تقرأ
زهرة🌸
Ngẫu nhiên🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
