زهرة🌸

الحلقة مئة و عشرون

🔸️حلقة 120
🔸️حسام_يحكي:
مديت يدي شوية...نبعد في خصلات شعرها لتالي...بعد توا مستحيل نخلي لي تعدا علينا...يتعاود معانا مرة اخرى...مستحيل نضيعها بعد ما لقيتها...مستحيل نجم نستخايل روحي من غيرها...نزلت عليها شوية...بستها من خدها و جبدت روحي منها...محبيتش نفيقها...نعرف لي تعبت في غيابي...و تعبت بين يديا البارح أكثر تبسمت و انا نذكر في اللي صار...هزيت روحي لبيت البانو...عملت دوش خفيف...بدلت دبشي...قربت منها غطيتها...و خرجت من البيت...هزيت راسي شوية...نغزر لبيت فرح...قلبي عصر عليا كي العادة...منعرفش علاش هزوني ساقيا ليها...كبست عالبواني و حليت الباب...في لحظة تمنيت...نلقى بنتي تلعب في وسط سريرها تمنيت اني نحملها و نبوسها و نشم ريحتها...تنهدت بالقاوي...ورجعت لتالي...هارب من الذكريات لي هدت عليا...نزلت اللوطة...و دخلت للكوجينة...نخمم شنية نحضر و لا من وين نبدا...جاب ربي مزال شوية قضية هوني...حطيتها عالرخامة...و نحضر في القهوة فرد وقت...تبسمت كي حسيت بيها ورايا...تلفت شوية نغزرلها...السكينة ترخفت من يدي...قدام المظهر لي قاعد نشوف فيه...عديت عينيا عليها من الفوق للوطة على بدنها لي غاطس في وسط سوريتي...مقدمة ساق على ساق...شعرها داخل بعضو...و خصلات منو مبلولين لتوا...نزلت بعينيا للاخر فلس لي بقى محلول و مخلي شوية من صدرها لبرا...لساقيها لي حفيانين...كان مش حالتها هاذي...نقول عاملة فيا بلعاني...فقت من سرحتي...على صوتها تحكي
مريم:صباح الخير
عديت يدي على وجهي....نحس في ريقي شاح...جاب ربي خذيت العفو العام...مكانش مزالني نتكرم لتوا...تبسمت نحكي
انا:صباح الحب
تلفت باش نطفي عالقهوة...قربتلي بالوقت...حضنتني من تالي...تحكي
مريم:شبيك قمت و خليتني
حطيت يدي على يديها زوز...لي كابسة بيهم على كرشي...و تلفت عندها...بعدتلها خصلات شعرها لتالي...نحكي
انا:محبيتش نفسد عليك نومتك
مريم:اما زادة مكانش لازمك تقوم و تخليني
انا:ملا صغرونتي تغشت ؟
مريم:لااا...اما معادش نحبك تبعد عليا
انا:كان بقيت بجنبك...اكيد باش نتعبك اكثر
نزلت بصوابعي على رقبتها...على تراص العضة لي ولات غامقة اكثر...فوق بوسة الخال بالظبط...هاذي من اهم نقاط ضعفي...لي تخليني نسلم في كلشي...غمضت عينيها بالوقت...تبسمت نحكي
انا:توجع فيك ؟
مريم:مممم
انا:يظهرلي باش تعدي عمرك و انتي موجوعة منها
مريم:يرضيك هكا ؟
انا:شنعمل لعمري...مش بيدي
عدات يديها زوز على اجنابي...و غزرتلي ندرا كيف...تحكي
مريم:نهون عليك انا ؟
انا:مريم...متغزرليش هكا عزيزتي...خاطرك انتي باش تخلص الفتورة
قربتلي اكثر...حطت راسها على صدري...و كبست عليا بيديها زوز...تحكي
مريم:ماكش باش تبطلها العادة متاع تهديد هاذي
غرست يدي في شعرها...اصلا من تصرفاتها...عرفت لي مزالت تاعبة...بستها من راسها...و تبسمت نحكي
انا:متحبش تفطر حبي ؟
هزت راسها شوية...غزرتلي ندرا كيف...و ضيقت عينيها...تحكي
مريم:انت باش تحضر الفطور ؟
انا:فما حد غيري معاك ؟
مريم:مممم...باهي هاني نستنى ملا
انا:اقعد ساعة
مريم:منحبش
انا:يااا بننتي هكا...مانيش باش نجم نعمل حاجة
مريم:لهدرجة قربي يعمل فيك
ضحكت ندرا كيف و هي و تغزرلي...عرفتها تستفز فيا الفرخة...نزلت عليها في لحظة...و قصيت ضحكتها...كي جبدت شفتها اللوطنية بسناني...دوب عضيتها نحكي
انا:قداش من مرة قتلك متلعبش معايا...خاطرك باش تطلع خاسرة في التالي
مريم:شكون قلك لانا طلعت خاسرة ؟
انا:بربي ؟
مريم:مممم انا كسبتك انت...و فكيت منك هذا زادة
حطت يدها على قلبي...لي دقاتو فضحتني مع كلامها عندها حق...انا كي نوصل ليها...معادش يهمني شنية خليت ورايا...مهم عندي انها معايا و كهو...صوابعها لي سرحت على رقبتي...دخلتني بعضي اكثر...كبست على يدها و قربتها لشفايفي...بستها منها...نحكي
انا:يززي كهو
مريم:باهي شقولك نعاونك في تحضير الفطور ؟
انا:انتي ؟
مريم:مممم انا
انا:مش لازم يا روحي
مريم:شقصدك ؟
انا:يا حبي انتي كي تستلمها الكوجينة...توحل هوني
مريم:كنت نستلمها على خاطرك سي حسااام...توا ولى مش عااجبك
جبدت روحها مني على غفلة...و عطاتني بظهرها...خطفتها من يدها قبل ما تبعد...حضنتها من تالي...و نزلت عليها شوية...نحكي
انا:وين ماشية ؟
مريم:شيهمك انت ؟ مدام مفما حتى فايدة من حضوري...خليني نخرج احسن
انا:صاار...و شكون قلك مفما حتى فايدة ؟
مريم:انت قلت ؟
تنهدت بالقاوي...و تبسمت فرد وقت...كبست عليها اكثر...و عديت خشمي على شعرها...نحكي
انا:معاادش تحكي كلام اكبر منك يا فرخة
مريم:شنية قلت انا ؟
نزلت بيديا زوز لاجنابها...و دورتها عندي في لحظة...عديت عينيا على وجها...قلبت شفايفها مش عاجبها...في اللحظة هاذي بالظبط...رغبتي زادت فيها اكثر...قحرتلي...تحكي
مريم:
شنوة زادة ؟ ياخي انت ..
بقية كلامها ضاع بين شفايفي...منجمتش نصبر عليها اكثر من هكا...صوابعها لي تغرسو في صدري...خلاوني نتمادى اكثر...و نغطس فيها اكثر...نزلت عليها شوية...هزيتها بين يديا...نحكي
انا:قتلك متلعبش معايا يا مريم
مريم:باهي نزلني ساعة
انا:بالساهل ياخي
مريم:و الفطور ؟
انا:نفطرو برا
مريم:باهي ملا...خليني نطلع نلبس حوايجي
حطيتها فوق الطاولة و حاوطتها بيديا زوز من شيرتين نحكي
انا:شكون قلك باش تطلع ؟
مريم:حسااام ياا رووحي...شبيك ياخي ؟
انا:انتي سبابي
مريم:شنية عملتلك انا ؟
كبست على دقنونتها و قربتها ليا خطفت بوسة اخرى من شفايفها...و نزلت بصوابعي...من رقبتها لاول فلس عند صدرها...و عاودت غزرت لوجها نحكي
انا:شنية لي معملتوش فيا انتي ؟ هذا السؤال الصحيح
جبدتها عندي اكثر...و غطست في شفايفها مرة أخرى يديا تمردو اكثر على بدنها...لتوا مشبعتش منها الفرخة و عمري ما وصلت للحالة لانا فيها توا...حليت بقية الأزرار...و مديت يديا زوز...نزل في السورية لتالي...قص عليا صوت تليفوني...لي محبش يحبس...كبست على جنبي تحكي
مريم:ح..حسام...بلكشي تليفون مهم
استندت بيدي عالطاولة...نرد في نفس...و مديت يدي لاخرى هزيت تليفوني...لي وراها...ضيقت عينيا كي لقيتها امي...غزرتلها و هي تحاول تنزل...قحرتلها نحكي
انا:شد بلاصتك
خذيت نفس طويل...نهدي في روحي...و رديت عليها نحكي
انا:فتحية ياخي مانيش ولدك انا ؟
فتحية:شبي عزااك...عالصباح ؟
انا:نحب نشوف صغاري...ارتحت توا أمي
ضربتني بيدها لكتفي...عديت عينيا عليها مرة اخرى...و فقت من سرحتي...على صوت امي تحكي
امي:يكب سعدك...معادش فما احترام حتى لامك
انا:شفما فتحية تفضل ؟
امي:هاني نستنى فيك انت و مريم
انا:علاش شفما ؟
امي:عمر جاني في الليل و خلى ريحان هوني
جبدت روحي خطوة لتالي...دم جمد في عروقي...اكثر من فكرة جات في مخي...خذيت نفس نحكي
انا:شصاار امي ؟ عمر و زهرة لباس ؟
امي:منعرفش...أما علاش كلمتك...قالي الصغيرة أمانة عندكم...و بالأخص عند حسام و مريم...مشى في بالي تعرف بيها الحكاية...خاصة وقت جاني بعد ما مشيت أنت
عديت يدي على وجهي...فكرة إني مانيش باش نخلط عليه...و أنو المشكلة كبرت أكثر من اللي توقعت بردتني تلفت لمريم لي تسكر في سورية على بدنها و تغزرلي مستغربة...خذيت نفس نحكي
انا:باهي أمي...مسافة الثنية و نكونو عندك
أمي:رد بالك على روحك و على مريم
انا:باهي
علقت عليها...و قربت منها...نزلتها من الطاولة...نحكي
انا:هيا عزيزتي...برا البس حوايجك فيسع
مريم:شفما حسام ؟ شصاار ؟
أنا:هاني باش نحكيلك في الثنية
بستها من جبينها نهدي فيها...و سبقتها قبلي...بقيت نغزرلها لين طلعت...كبست على تليفوني...و طلبتو دخلت بعضي كي مهزش عليا...حتى زهرة نفس الشي آخر شي كنت نعرفو انهم مع بعض...و في بلاصة بعيدة على هوني...علاش حتى يرجع هوني...و علاش حتى يخلي ريحان عند امي...غزرت لساعة نلقاها 7:30 هزيت راسي نغزر لمريم لي هابطة بالزربة...قربت مني تحكي
مريم:خلينا نمشيو
هزيت الفاست متاعها من الفوتاي...و قربت منها...نحكي
انا:هيا عزيزتي
مريم:أمي فتحية لباس ؟
أنا:لبااس متخافش
مريم:شنية لي صار ؟
خذيت نفس...قربتلها اكثر...و حاوطت وجها بيديا زوز...نحكي
انا:منعرفش شنية لي صار...أما عمر و زهرة خلاو ريحان مع أمي...على هذاكا باش نبقاو فترة مع فتحية لين يرجعو
مريم:زهرة لباس ؟
انا:لباس عزيزتي...كي نفهم الحكاية باش نطمنك اكيد
مريم:باهي...خلينا نمشو ملا
انا:باهي يا روحي
خلطت عليها للكرهبة...عديت الثنية بين المد و الجزر غاطس في افكاري...هاذي اول مرة اخبار عمر تغيب عليا...و ندرا شنية لي صار في غيابي...حتى مريم حسيتها دخلت بعضها...من يديها لي قعدت تفرك فيهم ثنية كاملة...اول ما وصلت شديت الفران بالقاوي...و نزلت...لازمني نفهم الحكاية من امي ساعة...قبل ما نعمل حتى خطوة...اول ما دخلنا قربتلها...مريم تحكي
مريم:أمي وينها ريحان ؟
أمي:في بيتي عزيزتي
مريم:هاني باش نطلع عندها...كان معندكش مانع
امي:أطلع بنتي...حتى هي لازمها شكون يتلهى بيها اكثر
مريم:بااهي
اول ما طلعت...قربت منها قعدتها عالفوتاي...و قعدت بجنبها نحكي
انا:امي فهمني في الحكاية من الاول...شنية لي صار بالظبط
أمي:و انا كلمتك باش نفهم منك...خاطرني ما نجمت ناخو منو لا حق و لا باطل...راني اكثر وحدة نعرف عمر...و الطريقة لي كلمني بيها...مسمعتهاش منو من قبل...مدام وصل يأمنك على بنتو...معناها الحكاية كبيرة برشا
انا:زهرة كانت معاه ؟
أمي:بقات في الكرهبة
انا:باهي امي متخاافش...كلشي باش يكون مليح أكيد أنا لازمني نمشي توا...هوكا مريم و محمد بحذاك...و كان صار شي كلمني باهي
أمي:طمني عليه...عيش ولدي
انا:باهي امي تهنى
بستها من راسها و هزيت روحي خرجت من دار...و نطلب فيه فرد وقت...يأست لي هو باش يهز عليا...اخر حد ضرب في مخي...سليم...هو الوحيد لي ينجم يوصلني ليه...و هذا لي عرفتو من عمر اخر مرة...و من مساعدتو ليهم...شديت الثنية للمركز لي يخدم فيه...هذا آخر ينجم يوصلني لعمر...و نفهم لي صار في غيابي...و لا عالاقل نجم ندخل في آخر فرصة...و مهما كانت الاحتمالات متاكد انو مراد لي باش يطلع خاسر في آخر الحلقة...يزيه ما ربح لتوا...و يزي من اللي عاشوه زوز جرايرو....يمكن هذا هو اعلان نهاية الحرب...و بداية جديدة #لزهرة_و_عمر .