زهرة🌸

الحلقة الرابعة و الستون

🔸️حلقة 64
🔸️مريم تحكي:
كبست عالجيلي في يدي و مشيت...مشيت من غير ما نتلفت ورايا...كل خطوة نعملها...تخليني نهرب من الواقع لي عايشة فيه...نغزر لناس...لي قاعدة تجري و تسكر...خاطر الجو تقلب...يمكن حس بيا...منعرفش نكركر في ساقيا...و منعرفش وين باش نمشي بالظبط غصة واحلة في حلقي...لا نجمت نبكي و نخرجها...و لا نكتمها كي العادة...اصلا ستانست...و معادش يقلقني
انا نجم نتحمل...تحملت نانا من قبل...و تحملت موت امي...و تحملت مرت بابا و اختي و حتى قرارات بابا تحملت راجلي لي ميحبنيش...و توا وقيت باش نتحمل لي فما مرا اخرى...عايشة حياتي...منعرفش اذا كانت نفسها و لا لا...اما يكفي لهو مسكنها في قلب دارو..شنية كنت مفكرة...لهو مزال حاجتو بيك...و هو مزاجو يتقلب على حساب علاقتو بيها...هذا حسام لانتي اخترتيه على عيلتك...هذا الحب لي جريتي وراه...كنت تفركس على راحتك...و لا على حضن امك...وين لقيتي روحك يا مريم...وين انا توا ؟ مرت راجل...نحس في روحي ولا مرة عرفتو من قبل...خلاني نكره روحي اكثر...نكره مرضي...لي ستانست بيه و لي و لا مرة قلقني من قبل و نكره اي شي يربطني بيه...وقفت نرد في النفس منعرفش وين انا بالظبط...منعرفش حتى كيفاش خليت الجماعة ورايا...و مشيت...يكفي لي سمعتو...يكفي اللي حسيتو...اول مرة نحس روحي عاجزة...اول مرة نحس لحد ذلني و عفس عليا...و باقي مكمل...خذيت نفس و قربت من العطار...لي باش يسكر...غزرتلو نحكي
انا:عمو...ميسالش دلني عالمحطة امانك
هو:تواا ؟ يا بنتي ماكش باش تلقى نقل...برا لدار توا...و من غدوة امشي على روحك
انا:انت دلني و كهو
هزلي براسو ايه...و هو يتحصر على حالتي...اصلا معادش نستغرب حالتي...بقيت نتبع في كلامو...هزيتلو براسي ايه...و مشيت...من غير ما نشكرو...نحب نبعد من هوني...نحب ننسى لي سمعتو الكل...نحب نهرب حتى من روحي...اول ما وصلت قعدت في اول كرسي عارضني...مفما حتى طاكسي...و حتى لواج...و اصلا مفماش فلوس تحتي...قرب مني العساس...يحكي
هو:لباس بنتي ؟
هزيتلو براسي ايه...تلكمت على روحي اكثر...شي من البرد و شي من الخوف لي حسيتو...وقت بدات دنيا تظلام...غزرلي يحكي
هو:وين ماشية انتي ؟
انا:لتونس
هو:يا بنتي...مفماش كار قبل 6 متاع صباح...و توا تقريب 19:00...هيا امشي لدار توا و رجع صباح
انا:معادش عندي دار نمشيلها...انا خسرت كلشي...من اول نهار خرجت فيها من دار بابا
هو:اسمعني يا بنتي...البلاصة هوني مش كيما انتي مفكرة...تو يطيح ليل...تلقى ولاد الحرام في وجهك...برا ارجع منين جيت...و انا الصباح نقصلك تذكرة
انا:نحب نرجع لتونس
هو:كلم حد تعرفو...و لا قولي من انو عيلة انتي...خليني نكلمهم...و لا نبعث حد يجيك
انا:محمد
هو:شنية ؟
انا:نحب نكلم شكون...اما نسيت تليفوني
هو:تفضل بنيتي...شد تليفوني
مديت يدي بالسيف...شديتو عليه...نكتب في الرقم...و يدي ترعش...نحاول نركز...قد ما نجم...احسن شي حفظت نومروه...باقي ينوقز...مرة و اثنين...هز عليا...و هو يلهث...ظاهر يعمل في السبور...يحكي
محمد:الو تفضل
انا:محمد
محمد:مرييم ؟
انا:محمممد...امانك ايجا هزني من هوني
محمد:مرييم اهدا وفهمني بالشوية...وينك انتي و شنية لي صار بالظبط ؟
انا:نحب نمشي من هوني و كهو
محمد:باهي...باهي...لحظة...بلال...لازمني ناخو كرهبتك
بلال:هوكا المفاتح عالكرسي...وين ماشي ؟
محمد:نحكيو مبعد...مرييم تسمع فيا
انا:نسمع فيك
محمد:شنية اسمها البلاصة لانتي فيها ؟
انا:منعرفش...اما عدينا وقت طويل باش وصلنا البارح
محمد:من عند شكون تكلم فيا ؟
انا:العساس متاع المحطة
محمد:عديهولي ؟
مديت يدي بالسيف...قربتلو التليفون...نحكي
انا:يحب يحكي معاك
هو:الو
محمد:ميسالش تقولي وينكم توا ؟
هو:محطة ¤¤¤¤¤¤ في ¤¤¤¤¤¤¤ اول ما تدخل للبلاد تلقاها
محمد:باهي مسافة الطريق...الطفلة امانة عندك توا...رد بالك عليها
هو:باهي ولدي...طمن عليها...و هاني باش نخلي تليفون عندها...كلمها وقت ما تحب
محمد:تنجم تعديهالي امانك
هو:تفضل بنيتي
شديتو عليه بالسيف...حطيتو في وذني...نسمع فيه يحكي
محمد:مريم عزيزتي...هاني في طريقي لعندك...ما تمشي لحتى بلاصة باهي
انا:باهي...مطولش
محمد:انتي توا خمم في حاجات باهية...كي العادة لين نوصل عندك باهي
انا:باهي
محمد:نعرف لفرح الصغرونة معاك...مانيش باش نخاف عليك ملا
حطيت يدي على كرشي...دوب تبسمت...نحكي
انا:باهي محمد
علقت عليه...و جيت باش نرجعلو تليفون...تبسم يحكي
هو:خليه عندك...و كان تحب ايجا اقعد الداخل
انا:مرتاحة هوني
هو:باهي كيما تحب
حطيت تليفون بجنبي...و كبست على كرشي...مانيش وحدي...عندو حق...انا هوني مع بنتي...مع فرح...كان اسم أمي قبل...و باش يولي اسم بنتي...سرحت لبعيد لاول نهار تلاقيتو...نكذب كان نقول متضربتش فيه من اول مرة ريتو فيها...اما عمري ما توقعت اني نوصل لهوني...غمضت عينيا...نذكر في كلامو
انا:حسام علاه جينا لهوني ؟
حسام:نعرف لي فتحية وصاتك...تهنى عندي ليك سربريز صغيرة
انا:هوني في دارك
حسام:دارنا...تفضل
هزيت براسي لا...مستحيل يكون صحيح...مفما حتى شي اسمو احنا...و مفما حتى بلاصة تجمعنا احنا و كهو عديت صوابعي على خاتمو...فرد وقت نفس الاحداث تتعاود في مخي
حسام:عجبك
انا:عاللخر يا روحي
حسام:ايجا تراه
حسام:مستعدة باش تتحملني حياتك الكل
انا:للاسف...معندش حل اخر
حسام:يمكن نغشك...و يمكن تصير حاجات فوق طاقتنا اما رغم هذا الكل...رد بالك تفرط فيه...و لا تنحيه...طول ما هذا معاك...انا معاك
حسيت بدمعتي...نزلت على خدي...تحرق...حرقتني من داخل...دموعي لي مكانتش تنزل...و لا هو السبب فيها الكل...كل دمعة تنزل مني...ننقم عليه اكثر...قتل كلشي داخلي...و خلى داخلي شي يربطني بيه لاخر عمري تمنيت كان نجم نهرب من هوني...نبعد لدرجة معاد نقابل فيها حتى حد نعرفو...هزيت يدي بالسيف عديتها على خدي...حاسة بفراغ قوي داخلي...قد ما حاولت نفركس على روحي القديمة...تهرب مني اكثر...وجيعة قوية...تقطع فيا من داخل...ساعتين و انا قاعدة...من غير ما نتحرك...كل دمعة تنزل مني...نمسحها بيدي الوجيعة و القهرة لي خلاني نعيشها...حتى شي ماهو باش يرضيني بعدها...حتى شي...مستحيل نجم نسامح حد وجعني...مهما صار...حطيت يديا زوز على كرشي هي كهو لي تخليني نهدا...خذيت نفس بالسيف نحكي
انا:باش نخمم في الحاجات الباهية كهو...لين يوصل عمو محمد...مش هكا عزيزتي
غمضت عينيا...و انا نستخايل...فيها معايا و هي ملفوفة بالروز...نعرف لهي باش تكون فرحتي الوحيدة في الدنيا...هي كهو لي باش نعمل كلشي...و نضحي بكلشي على خاطرها...لاخر نهار في عمري.
🔸️حسام يحكي:
ﺑﻘﻴﺖ ﻭﺍﻗﻒ ﻓﻲ ﺑﻼﺻﺘﻲ ﻣﺰﻫﺒﻞ...ﻧﺤﺲ ﻓﻲ ﻗﻠﺒﻲ ﺑﺎﺵ ﻳﺨﺮﺝ ﻣﻦ...ﺑﻘﻌﺘﻮ...ﻭﻳﻦ ﺑﺎﺵ ﺗﻤﺸﻲ ﻭﺣﺪﻫﺎ ﻭﻫﻲ ﻣﺎ ﺗﻌﺮﻑ ﺣﺘﻰ ﺣﺪ ﻫﻮﻧﻲ...ﻭ ﻋﻼﻩ ﺑﺎﺵ ﺗﻤﺸﻲ ﻣﻦ ﺍﺻﻠﻮ
ﻋﺪﻳﺖ ﻳﺪﻱ ﻋﻠﻰ ﻭﺟﻬﻲ...ﻧﻐﺰﺭ ﻟﻬﻨﺪ...ﻟﻲ ﺟﺎﺕ ﺗﺠﺮﻱ ﺗﺤﻜﻲ
ﻫﻨﺪ:ﻣﻠﻘﻴﺘﻬﺎﺵ ﺑﺤﺬﺍ ﺍﻟﺴﺎﻗﻴﺔ ﺯﺍﺩﺓ
ﺍﻧﺎ:ﻣﺘﺄﻛﺪﺓ ؟
ﻫﻨﺪ:ﻣﻤﻤﻢ
ﺳﻠﻤﻰ:ﺣﺘﻰ ﺍﻧﺎ ﻣﻠﻘﻴﺘﻬﺎﺵ
ﺍﻧﺎ:ﻭﻳﻦ ﻋﻨﺪﻫﺎ ﺗﻤﺸﻲ ؟
ﺗﻨﻬﺪﺕ ﺑﺎﻟﻘﺎﻭﻱ...ﻭﺍﻧﺎ ﻧﻐﺰﺭ ﻟﻌﻤﺮ...ﻭ ﺯﻫﺮﺓ ﻭ ﺣﺘﻰ ﻣﺼﻄﻔﻰ ﻣﻌﺎﻫﻢ ﺍﻟﻜﻞ ﻣﺮﻋﻮﺏ ﻋﻠﻴﻬﺎ...ﻭ ﺣﺘﻰ ﺣﺪ ﻓﻴﻬﻢ ﻣﺎ شافها ﺿﻴﻘﺖ ﻋﻴﻨﻴﺎ ﻛﻲ...ﺭﻳﺖ ﺯﻫﺮﺓ ﻣﺶ ﻗﺪ ﺑﻌﻀﻬﺎ...ﻗﺮﺑﺖ ﻣﻨﻬﺎ ﺷﻮﻳﺔ ﻧﺤﻜﻲ
ﺍﻧﺎ:ﻟﺒﺎﺱ ﻣﺎﻫﻮ ؟
ﺯﻫﺮﺓ:ﻻﺍ
ﻋﻤﺮ:ﺯﻫﺮﺓ ﺷﺒﻴﻚ ﻋﺰﻳﺰتي ؟
ﺯﻫﺮﺓ:ﻣﻨﻌﺮﻓﺶ...ﻧﺤﺲ ﻓﻲ ﺭﺍﺳﻲ ﺭﺯﻳﻦ ﺑﺮﺷﺎ
ﺍﻧﺎ:ﻋﻤﺮﺭ ﺍﻧﺖ ﻫﺰ ﺯﻫﺮﺓ ﻟﺪﺍﺭ ﺗﻮﺍ ﻭ ﻫﺎﻧﻲ ﺍﻧﺎ ﺑﺎﺵ ﻧﻜﻤﻞ ﻧﻔﺮكس ﻋﻠﻴﻬﺎ...ﺍﻛﻴﺪ ﻣﺒﻌﺪﺗﺶ ﻣﻦ ﻫﻮﻧﻲ
ﺯﻫﺮﺓ:ﻣﺴﺘﺤﻴﻞ...ﻣﺎﻧﻴﺶ ﺑﺎﺵ ﻧﻤﺸﻲ ﻟﺤﺘﻰ ﺑﻼﺻﺔ ﻗﺒﻞ ﻣﺎ ﻧﻄﻤﻦ ﻋﻠﻰ ﺍﺧﺘﻲ
ﻫﻨﺪ:ﺯﻫﺮﺓ ﺣﺴﺎﻡ ﻋﻨﺪﻭ ﺣﻖ...ﻫﺎﻧﻲ ﺍﻧﺎ ﻣﻌﺎﻩ...ﻣﺼﻄﻔﻰ ﻭ ﺳﻠﻤﻰ ﺯﺍﺩﺓ ﻣﻮﺟﻮﺩﻳﻦ...ﺑﺮﺍ ﺍﺭﺗﺎﺡ ﺍﻧﺘﻲ
ﻋﻤﺮ:ﺯﻫﺮﺓ ﻫﻴﺎ ﺗﻮﺍ
ﺯﻫﺮﺓ: ﺍﻣﺎ
ﻋﻤﺮ:ﻣﻦ ﻏﻴﺮ ﺻﺤﺔ ﺍﻟﺮﺍﺱ ﺗﻮﺍ...ﺑﺎﺵ ﻧﻮﺻﻠﻚ ﺗﺮﺗﺎﺡ ﻭ نخلط ﻋﺎﻟﺠﻤﺎﻋﺔ
زهرة:مستحيل مريم تعمل هكا من غير سبب...اكيد حد فينا غششها من غير ما يقصد...امان حسام...لازم تلقاها امانك
انا:اهدا عيش اختي
عمر:زهرة هيا عزيزتي
سلمى:هاني باش نمشي مع مصطفى
هند:و انا باش نمشي معاك
انا:باهي هيا
كلام زهرة...دخلني بعضي...عندها حق...اكيد فما حاجة اكبر...رجعنا للكراهب...كل حد فينا شد ثنية...عديت ساعتين من بقعة لبقعة...شديت الفران على جنب نحكي
انا:وين عندها مشات يا ربي...حتى تليفونها خلاتو هوني
هند:زعمة تغشت مني ؟
انا:اكيد لا...مريم كي تتقلق...ترد الكلام...اللي صار اكبر من هكا
هند:جات لهوني من قبل ؟
انا:لااا...ظاهر لازمني نمشي للمركز...قبل ما تظلام اكثر
هند:زعمة متكونش رجعت لتونس
تلفت عندها بالوقت...كانو شكون كب عليا سطل ما بارد نعرف لهي باش تعملها...و ماهيش باش تسأل...أما كيفاش...نعرف لي معندهاش فلوس تحتها...خذيت نفس نحكي
انا:وين المحطة ؟
هند:خدم الكرهبة تو ندلك
طرت بالكرهبة...من غير ما نخمم في حتى شي اخر كلشي يهمني توا...اني نلقاها و كهو...عطاتني فجعة باهية...خلاتني نخمم في ألف حاجة و حاجة...و اهم حاجة شنية لي صار...باش غبرت..شديت الفران بالقاوي كي ريتها قاعدة...عالكرسي...المحطة فارغة...مفما حد غيرها...كيفاش تقعد في بلاصة هكا وحدها...حليت الباب و نزلت...العصب و الخوف يهز فيا و يحط منعرفش كيفاش وصلت قدامها...اول ما حست بيا وقفت...جات عيني في عينها...بقيت نغزرلها...نثبت و نعاود لي هي لباس...و ما صارلها حتى شي جرايري خذيت نفس بالسيف نحكي
أنا:شتعمل هوني ؟
قحرتلي...و تلفتت عطاتني بظهرها...باش تمشي...جبدتها من يدها بالوقت...ضربت فيا...كبست عليها...نصيح
انا:سألتك شتعمل هووووني ؟
نطرت روحها مني...و دزتني بالقاوي...غزرتلي في عينيا و هزت يدها في وجهي تحكي
مريم:رد بالك تحط كسرتك عليا مرة أخرى...رد بالك
بقيت نغزرلها...الغزرة متاعها...هزتني لليلة عرسنا...نفس الغزرة...نفس الكره لي ريتو في عينيها ليلتها...ليا عليه شهور توا..شهور مغزرتليش بنفس الطريقة...غزرة هزتني لبعيد...خلات قلبي يخض بالقاوي...غزرتها و كلامها رجعنا لنقطة الصفر...لاول ليلة بدينا منها...قربت منها شوية...باش نحكي...اما قص عليا العساس يحكي
هو:شفما هوني ؟
طلعت راسي غزرتلو...خذيت نفس بالسيف...نحكي
انا:شمدخلك انت...شكونك أنت باش تدخل ؟
مريم:اأعدني...أرجع منين جيت
أنا:مررريم
مريم:يزززززي....يزززززي اخطااااني....اعتتتقننني
قربت مني بالزربة...دز فيا بيديها زوز لتالي...و تصيح فرد وقت
مريم:اعتتتقني...اخرج من حياتي...ابعد علياااا كرهتتتك...عفتتتك...كرهت اسمي لي مربوط باسمك كرهت روحي و عفتها...خاطر سلمت فيها لواحد كيفك عمري...ماني باش نسامحك يا حسااام...عمري ماني باش نغفرلك لي عملتو فيا...و لي ريتو جرايرك...عمري ماني باش ننسى شنية اللي خسرتو على خاطر واحد كيفك...أنت أكبر غلطة في حياتي...و آخر غلطة زادة عمري ماني باش نسامحك و لا نسامح روحي...عالثنية لي تبعتها...باش نخلط عليك...معااادش تقرب مني معادش تاقف في طريقي...مفما حتى شي يربطني بيك بعد توا...تسسسسمع فيا
كبست على يديها زوز...و جبدتها عندي...نحكي
انا:يززي أماانك...يزززي متعملش في روحك هكا...باهي أنا واحد ساقط...و غلطت برشا...أما خبرني شنية لي صار...علاه تقلبت هكا ؟
مريم:س...سيبني حسام...أبعد عليا...ا أبعد
حسيت بيها ترد في نفس بالسيف...عرفتها مش قد بعضها...بعدتها عليا شوية...نحكي
انا:مرريم...يا روحي....يزي...اهدا...اهدا امانك
جبدت روحها لتالي...حطت يدها على رقبتها...تحاول تاخو نفس...جيت باش نحكي...قص عليا صوت الكرهبة من تالي...لي دوب شد الفران نزل منها يجري...تلفت غزرتلها بالوقت...و عاود تلفت عندو...نغزرلو مبهم حسيت الوقت الكل وقف بيا...فقت من سرحتي...كان كي دخل بيناتنا...و قرب منها...شدها من يدها...و حط يدو على خدها يحكي
محمد:مررريم...اغزرلي...هاني جيت...ريت قتلك باش نوصل...اهداا توا
مريم:م...محمد هزني من هوني أماانك
فقت من سرحتي على صوتها...كاني نحاول نستوعب كلامها...نغزر لمرتي لتتحمى مني عند خويا...قربت منو دزيتو لتالي نحكي
انا:ويييين يهزك...ياخي ¤¤¤¤¤¤¤ حد منكم يفهمني لي قاعد يصير...أحسن ما نفقد أعصاابي الكل
محمد:أنت لي باش تفهمنا شنية لي قاعد يصير...جبتها لهوني باش تعذبها على راحتك...هذا حد مخك
محسيتش بروحي كيفاش...هزيت يدي...و ضربتو ببونية لخشمو...وخر لتالي مروهج...مسح الدم بيدو...و تعدل في وقفتو يحكي
محمد:متخلينيش ننسى لمزال فما شي يربطنا لتوا..أبعد من ثنيتي أحسنلك
انا:و إلاااا شنية باش تعمل...تتقبح فيا زادة...شمدخلك أنت في مرتي و حياتي...ياخي مشفعتش من اللي تعدا عليك ؟
محمد:أنت أحقر من اللي توقعت
قرب مني بالزربة...دزني بيديه زوز...و قحرلي يحكي
محمد:أنت السبب في موت ريم...أما مش بعد توا مستحيل نخليك تقرب من مريم على جثتي...تسمع فياااا
هزيت يدي...باش نضربو مرة أخرى...أما حبست على صوتها...تصيح
مريم:ااااه....اااه
تلفت عندها...نغزرلها كابسة على كرشها...دوب ترد في النفس...صوتها ماشي و يتقطع...طاحت على ركايبها تحكي
مريم:ب بنتي...ح...حساام
قربت منها نجري...نزلت عندها...طاحت بين يديا..كبست عليها نحكي
انا:مررييم...مررريم بجاااه ربي لا...حل عينيك...مريييم
محمد:حساااام
طلعت راسي على صياحو...ريت بقعة الدم لي بانت على روبتها...دم جمد في عروقي...تقويت على روحي و هزيتها بين يديا...للكرهبة...نغزر لهند لواقفة مزهبلة تغزرلنا و كهو...حلت الباب تحكي
هند:فما كلينيك قريبة من هوني
انا:ارركب فيسع
هند:باهي
ثنية كاملة...و انا نغزرلها من المرايا...نحس في روحي باش تخرج مني...حسام مخالط ورايا بالكرهبة منعرفش كيفاش وصلت...خرجو عندي بالوقت...هزوها من عندي خلطت عليهم لين تسكرت الباب في وجهي...غزرتلي تحكي
هند:وسسع بالك...تو نرجع
أول ما تلفتت ضربت في محمد بالقاوي...قحرلها يحكي
محمد:أغزر قدامك انتي زادة
هند:أنت الأعمى...الهم متاع وذني هذا...ابعد من وجهي
محمد:استغفر الله...ناقص تفوريخ انا توا
هند:يحرزلك...مانيش فاضية توا...و الا كنت باش نوريك التفوريخ على قاعدة
مشات و خلاتو يتلفت وراه...قرب مني...وقف قدامي يحكي
محمد:اطلب ربي تخرج لباس
انا:ماكش باش تخاف عليها أكثر مني
محمد:أنت أكثر واحد ضريتها...جبرتها تعيش في الماضي متاعك...خذيتها باش تنسى شراز...أما كي رجعت...ولا معادش حاجتك بيها
انا:ش...شقصدك ؟
محمد:خويا لي نعرفو...مستحيل يستغل ضعف حد باش يوصل للي يحب عليه...أما لا شراز و لا غيرها باش يعوضوك عاللي خسرتو بيديك
بقيت نغزرلو...مصدوم من كلامو...منعرفش شنية لي جاب سيرة شراز لمخو توا...جبدتو من مريولو نحكي
انا:شنية حكيتلها ؟
جبد روحو لتالي...عدل مريولو...و تبسم على جنب يحكي
محمد:طمن لتوا...أنا ما خبرتها بحتى شي...أما اكيد تو يجي نهار و تعرف وحدها...والله أعلم شنية عرفت باش صار فيها هكا
جبدت روحي منو...و ترميت عالكرسي...حطيت راسي بين يديا...قلبي نحس فيه باش يخرج من بقعتو...خوف قوي...تسلل داخلي...و كبس على صدري...خايف لا نخسرها...خايف تصير حاجة لبنتي...وقتها مستحيل تسامحني...الكره...و القهرة لي ريتو في عينيها قبيل وصلي برشا حاجات...عرفت اني خسرت كلشي...و علاقاتنا مستحيل تعاود تتصلح...اما زادة مانيش باش نسلم فيها...مستحيل نخليها...غالطة كان يمشي في مخها لانا باش نبعد عليهم...فقت من سرحتي على صوت هند لي قعدت قدامي تحكي
هند:مريم قوية...و اكيد باش باش تكون مليحة...هي والصغرونة
هزيتلها براسي ايه...نحس في روحي تاعب عاللخر منعرفش قداش تعدا وقت بالظبط....اول ما تحل الباب نطرت من بلاصتي...جيت واقف...قربت منو بالزربة نحكي
انا:ل..لباس توا ؟
هو:شكون منكم راجلها ؟
أنا:أنا
هو:لباس طمن
انا:و بنتي ؟
هو:زوز لباس...أما حالتها لتوا مش مستقرة
أنا:شقصدك ؟
هو:المدام قاعدة تبع في طبيبة ؟
أنا:أكيد
هو:و تاخو في دوا ؟
غزرت لمحمد بالوقت...حتى هو ميعرفش بحكاية الدوا كبست على يدي نحكي
أنا:دوا شنية ؟
هو:مانيش باش نخبي عليك...المدام بدنها ضعيف برشا و الحبالة تعبتها أكثر...و الظغط متاعها طالع...و كان تبقى هكا...تنجم تخسر الصغير
أنا:شنية الحل دكتور ؟
هو:في الحالة هاذي...لازمها ترتاح فترة...و تاخو دواها في الوقت...خاطر فما ريسك على حبالتها...و تبعد على الغش زادة
انا:باهي نجم نشوفها توا ؟
هو:ماهيش باش تفيق...قبل ساعتين...تفضل
انا:عيشك
حليت الباب و دخلت...نغزر للفرملية...تركح في السيروم كملت معاها و خرجت...جبدت الكرسي...و قعدت بجنبها هزيت يديا زوز بالسيف...كبست على يدها...نغزر لوجها لاحمر باش يطرشق...منعرفش شنية لي صار بالظبط اما حالتها هاذي...رعبتني...اول مرة تفقد اعصابها لهدرجة حتى بعد اللي صار بينا الكل...زعمة بالرسمي كرهتني لهدرجة...انا بيدي وصلت علاقتنا لثنية مسكرة...انا لي ضيعت برشا حاجات من غير ما نحس...كي هي عرست بيا على خاطر فلوسي...علاه ولا مرة استغلت الوضع لهي فيه...علاه حتى مرة ما طلبت مني شي...هذا لي خلاني...نرجع بتالي...و نفهم انو كي تعصب معادش تنجم تتحكم في اعصابها و في الكلام لي تقولو...كبست على يدها اكثر...كأني نحاول نصلح لي بقى من علاقتنا ساعتين و انا نغزرلها..من غير ما نزل عينيا منها..حطيت يدي على خدها...كي ريتها بدات تحل في عينيها...دوب غزرتلي و عاودت سكرتهم تحكي
مريم:ب...بنتي
انا:ششش...لباس...بنتنا لباس
مريم:ف..فاش نعمل هوني ؟
انا:عزيزتي إرتاح توا...متعبش روحك
باقي دور في راسها..مروهجة...حركت يدها...تحت يديا تحكي
مريم:ا..أخرج من هوني
انا:مرريم...أماانك
مريم:فما بلاصة...أهم من هوني...لازمك تكون فيها أمشي من هوني...و يزي من أنانيتك
أنا:شقصدك ؟
مريم:و..وينو محمد ؟
انا؛هوكا قاعد برا
مريم:نحب نرجع معاه لتونس
أنا:مريم...يا روحي...علاه عملت هكا...شنية لي صار ؟
مريم:مش مهم برشا...هاك أنت تتصرف من غير ما تفسر شي
انا:باهي...كان تحب ترجع...ترجع معايا انا و كهو
مريم:حساام أماانك...تاعبة عاللخر...من غير ما تظغط عليا أكثر من هكا
انا:باهي...كيما تحب...باش تعدي ليلة هوني...و من غدوة تنجم تمشي معاه
مريم:نحب نرقد
انا:باهي...على راحتك
جبدت يدي منها...و هزيت روحي شوية...بستها من راسها...و خرجت...لقيت الجماعة الكل برا...كان زهرة مكانش...غزرلي عمر يحكي
عمر:لباس ؟
انا:لباس عيشك
دورت راسي لمحمد...قحرلي...و دخل عندها...ما نجمت نعمل حتى شي...نعرف لهي باش ترتاح اكثر كي تحكي معاه...قربت من عمر نحكي
أنا:زهرة كيفها ؟
عمر:خليتها راقدة
انا:باهي...هاني باش نمشي نحكي مع طبيب و نتعدا لرسيبسيون
عمر:سيبون مريقلة صاحبي...أنت احكي مع الطبيب...و برا أرجع لمرتك
انا:عيش خويا
تنهدت بقوة...و مشيت...حتى هو حسيتو مش قد بعضو و تفكيرو مش معانا...متوقعتش لي العطلة هاذي باش دخلنا في حيط...نحس في روحي محصور من الجيهات الكل...و ما نجم نعمل حتى شي....و بعد الليلة هاذي تأكدت لأنا قاعد نخسر فيها....و نلز فيها بيدي باش تخرج من حياتي...اما المرة هاذي...الثمن باش يكون غالي برشا...و رغم هذا الكل....و برغم لي صار و اللي باش يصير....مستحيل...نخليها تبعد عليا...من قبل و توا...و رغم كل الظروف...هي متاعي انا و كهو.