زهرة🌸

الحلقة مئة و سبعة

حلقة 107
حسام يحكي:
هزيت روحي شوية...قعدت على طرف السرير...لتوا نحس في بدني مدقدق...رغم تقريب اسبوع و انا هوني...من وقت اكاكا ليلة الخايبة...تنهدت بالقاوي كأني نطرد في الافكار الكل لي جات لمخي...نحس في راسي باش يطرشق...و وجيعة في ظهري تعبتني عاللخر هزيت راسي...عالباب لي تحل...نغزر لمحمد...لي ضيق عينيه...أول ما شافني...قرب مني مستغرب يحكي
محمد:فاش تعمل ياخي ؟
انا:نحب نخرج من هوني
محمد:رجعنا لنفس الحكاية متاع كل يوم...ياخي مسمعتش كلام الطبيب أنت ؟
انا:محممد...مستحيل نكمل اسبوعين هوني
محمد:بربي...ياخي حالتك تسمحلك باش تخرج
انا:لباس عليا...في داري نرتاح احسن
محمد:استغفر الله يا ربي...و ناوي تقعد وحدك زادة
انا:هذا آخر قرار عندي
محمد:باهي شقولك ترجع معانا لدار
انا:مش لازم...اصلا مفماش حاجة تخوف...يومين اخرى و نرجع ناقف على ساقيا
محمد:اللي يغلبك يجي يحاسبني...اصلا انا مع شكون نحكي
انا:محمممد
محمد:باهي...هاو جا الطبيب...تصرف معاه وحدك
قحرتلو...و دورت راسي...نغزر لطبيب...طلع حاجبو مستغرب...يحكي
هو:فاش تعمل سي حسام ؟
انا:نحب نخرج من هوني
هو:و انا مانيش باش نعطيك اذن الخروج
انا:مش لازم...اللي يهمني اني نخرج من هوني و كهو
محمد:متحاولش معاه...كان قال باش يخرج...معناها باش يخرج
انا:لباس عليا...نحس في روحي احسن...و في الدار نرتاح أكثر
هو:خليك يومين اخرى عالاقل
انا:دكتور...صدقني برا نكون احسن...و نوعدك ماهو باش يصير شي
هو:باهي...تخرج اما بتعليماتي انا و كهو
انا:باهي
هو:اول شي...متعبش روحك جملة...و متمشيش برشا...لين ترتاح من ظهرك...و اهم شي تاخو دواك في وقتو
انا:كهو ؟
هو:باش نوصي على معالجة فزيائية...تبقى معاك الفترة هاذي...لين تعاود تسترجع نشاطك
انا:مش لازم
هو:معناها مستحيل نخليك تخرج من هوني
انا:باهي...و كيفاش باش تعاوني هاذي
هو:انت تبع تعليماتها و كهو...فترة اخرى و تكون لباس
انا:باهي...عيشك
هو:باش نمشي نوقع على خروجك...و الباقي تو يرجع ليك
هزيتلو براسي ايه...تبسملي و هز روحو خرج...غزرت لمحمد...نحكي
انا:شبيك تغزرلي ؟
محمد:باش تمشي معايا بحذا فتحية
انا:قتلك لا...و ديجا ماهيش ناقصتني هي
محمد:الصبر يا ربي...قولي كيفاش تبقى وحدك و انت في الحالة هاذي
انا:محمممد لآخر مرة نقلك لباس عليا...و زيد مانيش وحدي...فما معالجة فزيائية معايا
محمد:نشوف فيك...عجبتك الفكرة
انا:شنية قلت ؟
محمد:محلاها مريم كان تسمع بيها
أنا:ترا فيا أنا لي طلبتها ؟
محمد:أما هاك شايخ عالفكرة
انا:قولي ساعة...ياخي توصيك عليا قبل ما تمشي
محمد:هاني باش نقلك من توا...مريم خط أحمر
انا:تحكي على مرتي سيادتك
محمد:و أختي زادة
انا:هاتلي كبوطي...و يزي من الكلام الزايد
محمد:باش تخرج من غير ما تخبرها
أنا:تو نبعثلها ميساج
محمد:برافو...باش تعمل فيها مزية بالميساج متاعك
أنا:مانيش ناقصك انت زادة
محمد:أمورك...أما يزيها الطفلة لي صار فيها...مانيش نلوم فيك...أما قاعدين تضرو في بعضكم و كهو...هاني أنا باش نمشي نكمل الإجراءات و أنت حضر روحك
حطلي كبوطي في يدي...و خرج...كبست عليه...من غير ما نزيد معاه حتى كلمة أخرى...منعرفش شنية جا في مخو...أما جيست نحب نشوف قداش تنجم تتحمل على خاطري المرة هاذي...و إذا بالرسمي...تنجم تواجه كلشي معايا من غير خوف...و من غير تردد...نحبها تكون قوية باش تعفس على كل حاجة فرقتنا من قبل...لبست كبوطي...و سكرتو...تلفت نغزر لمحمد...لي داخل ب chaise roulante ضيقت عينيا نحكي
انا:شنية هذا ؟
محمد: chaise roulante
انا:نعرف لهو chaise roulante اما لشكون جايبو حضرتك ؟
محمد:ليك انت ؟
انا:علاش ؟
محمد:الطبيب منع انك تمشي على ساقيك توا
انا:محممد...ياخي ناوي تهبلني انت ؟ مستحيل نقعد عليه
محمد:غير هكا ماكش خارج
انا:متخلينش نكفر عليك توا
محمد:كان حبيت تقتلني...مانيش باش نخليك تمشي على ساقيك حتى لبرا...هاك سمع كلام طبيب قبيل
انا:محمممد ؟
محمد:تفضل سي حسام
كبست على طرف سرير...و حاولت ناقف...وجيعة في ظهري منعتني...اصلا هاذي مكنتش عامل حسابها جملة...قرب مني يحكي
محمد:ريت صحة راسك وين توصلك ؟
انا:سكر عليا فمك توا
محمد:باهي...هات يدك
نفخت بالقاوي...و حطيت يدي في يدو...تقويت على روحي...دوب وقفت و عاودت قعدت عالكرسي...مديت يديا زوز...حطيت الكابيش على راسي...دخل طبيب يحكي
هو:هاك حضرت فيسع
انا:مفماش علاش نزيد أكثر
هو:كيما وصيتك...بعد ساعة نبعثلك شكون تتلهى بيك
انا:باهي عيشك
هو:بالشفا عليك مرة أخرى
انا:عيشك
محمد:هاي كابتك حاضرة من بارح
انا:جيبها و أسكت عليا
محمد:باهي عرفي...هزها في يدو...و مشى ورايا...يدز فيا من تالي...نزلت راسي...منحب نغزر لحتى حد...و أصلا ما عطيت خبر لحد لانا باش نخرج...حتى عمر على خاطر حتى هو باش يشد فيا صحيح إني نبقى منعرفش كيفاه وصلنا للكرهبة...حط الكابة من تالي...و عاوني نركب...خلط عليا و خدم الكرهبة يحكي
محمد:عطيتها خبر ؟
انا:شكون ؟
محمد:مرتك
انا:كي نوصل نحكي معاها
محمد:و كان تمشي للكلينيك توا ؟
انا:ماهيش باش تجي
محمد:علاه ؟
انا:باش تمشي مع بوها...للموعد متاعو...و كي مقلقاتك الحكاية كلمها أنت
محمد:باش نكلمها أكيد
تكيت لتالي...من غير ما نزيد معاه حتى كلمة...و ندور في تليفون بيدي...نحاول نقص من الستراس لأنا فيه متأكد كان كلمتها في الكلينيك قبل ما نخرج..باش تشد الصحيح حتى هي...بقيت طول الثنية و أنا ساكت ما عندي جهد باش نحكي في حتى شي آخر...تفكيري الكل فيها و معاها...معاد نجم نفكر في حتى شي من غيرها...و منعرفش كيفاه و إمتى تتصلح امورنا...اما نحب نكبسها شوية و كهو...كيما متأكد لمحمد عطاها علم...و إلا ماهوش تليفون ينوقز في يدي توا..محبيتش نهز عليها...خاصة قدامو...نعرف باش يكبش فيا...أصلا طول الثنية و هو يقحرلي...أول ما وصلنا...مديت يدي حليت الباب...غزرلي يحكي
محمد:شد بلاصتك...لين نحل الباب متاع الدار
أنا:ازرب روحك
محمد:حاضر سيدي
قحرتلو...حل الباب و نزل يجري...بقيت نغزرلو لين حل الباب و رجعلي...مدلي يدو...استندت عليه و نزلت...نمد في الخطوة بالسيف..لين دخلت لصالة...ترميت عالفوتاي و تكيت لتالي نرد في نفس...عديت عينيا عالدار...لقيتها نظيفة و مرتبة...كيما كل مرة...خالتي نعيمة ما تخليني محتاج حد...حط الكابة عالطاولة...و ترمى بجنبي قحرتلو نحكي
انا:قوم جيبلي كاس ما...أحسن ما قاعد مقابل وجهي
محمد:وينها المعالجة متاعك...نقصد في الممرضة لي وصى عليها الطبيب...خليها هي تجي تعطيك
انا:قوم من وجهي أحسنلك
طيش المخدة من يدو...و هز روحو وقف...مشى للكوجينة...نوقز تليفوني مرة أخرى...هزيت عليها نحكي
أنا:شفما مريم ؟
مريم:ياخي نورمال تخرج من الكلينيك قبل الوقت...و فوق من هكا متحبش تهز عليا
أنا:هدي روحك...لباس عليا توا
مريم:شبيك ممشيتش بحذا أمي فتحية
أنا:مرتاح هوني
مريم:باهي...هاني باش نجيك أنا ملا
انا:متعبش روحك
مريم:مانيش نشاور فيك حسام
أنا:مش وقت طولة لسانك توا
مريم:باهي منقصدش
انا:باهي...اهدا
مريم:رد بالك على روحك
أنا:و إنتي زاادة
علقت عليها و طيشت تليفون على الطاولة...تكيت لتالي نغزرلو داخل عندي بكاس الما...حطها في يدي...و ترمى بجنبي يحكي
محمد:شقولك...نطلب فتحية تقعد معاك هوني
انا:هاك خبرت الفرخة لأخرى...يكثر خيرك
محمد:قول لأنت متحبهاش تجي...و أنا تو نخبرها
أنا:قوم من وجهي...قوم
محمد:الباب ينوقز...المعالجة متاعك وصلت...ساعة سرفيس الكلينيك رابيد برشا
انا:تقوم و لا لا
تبسم على جنب و هز روحو مرة اخرى..حل الباب..نسمع فيه و هو يحكي معاها...هزيت راسي نغزرلها...لابسة جيب نوار قصير...و شوميز في الروج...و بلوزة من فوق...محلولة بكلها...شادة كبوطها في يدها...قربت مني و مدتلي يدها...تحكي
هي:أنت سي حسام
هزيتلها براسي إيه...و حطيت يدي في يدها...تبسمت تحكي
هي:أنا سينام...باش نتعاملو مع بعضنا فترة...كان معندكش مانع
أنا:متشرفين
سنام:عيشك
وخرت خطوة لتالي...و غزرت لمحمد...و عاودت غزرتلي تحكي
سنام:وين الكوجينة ؟
محمد:غديكا
سنام:عيشك
تبسمتلو و تلفتت تمشي...بقيت نغزرلها انا و هو فرد وقت...لين بعدت جملة...عاود غزرلي يحكي
محمد:شنية هذا ؟
انا:منعرفش
محمد:ممرضة و لا قنبلة هاذي ؟
انا:محممد
محمد:متخافش...عندي شكون في حياتي
انا:بربي...و من إمتى وليت سيريو في حياتك ؟
محمد:الحق عليا...قاعد نحكيلك...خليني نمشي نجيي الدوا...و الماكلة لي وصيت عليها فتحية و نرجعلك
انا:باهي
اول ما خرج...تكيت لتالي...و غزرت لتليفوني...تبسمت على جنب...نعرف باش تجي في اي لحظة الفرخة...و مع القنبلة لي تحطت هوني...كيما قال محمد...منعرفش شنية باش يصير...اصلا منحبش نخمم جملة...هزيت راسي على صوت الكعب متاعها...تقريب ساعة و هي في الكوجينة...مشات للباب متاع برا...و عاودت رجعت مفهمتش شنية محملة في يديها بالظبط تبسمتلي تحكي
سنام:سامحني طولت عليك...كنت نقرا في دوسي ميديكال متاعك
انا:ميسالش
نزلت شوية عالطاولة...باش تجبدها...طلعت حاجبي عالمنظر لي قاعد نشوف فيه..هزت راسها شوية..غزرتلي تحكي
سنام:سامحني...كان قلقتك...أما فما تمارين معنية يلزمك تابعها كل صباح
هزيتلها براسي إيه...أصلا مانيش فاهم شنية لي قاعد يصير...مشى في بالي باش نرتاح...ياخي لقيت روحي مجبور على حاجات اخرى...ثبتت الحدايد...بين الفوتاي و الطاولة...و غزرتلي تحكي
سنام:باش تمشي شوية...قبل ما تاكول و تشرب دواك عشر دقايق و كهو...مرة في نهار...تخليك تسترجع نشاطك فيسع
انا:باهي
مدتلي يدها باش نقوم...خذيت نفس...و حطيت يدي في يدها...و يدي لاخرى عالحديدة لي بجنبي...رغم الوجيعة لي حسيتها في كتفي...أما منحبش نحس روحي عاجز...و لا حمل على حتى حد...حتى إني متوقعتش الضربة تكون قوية في ظهري...جبدت يدي منها..و حطيتها عالحديدة لاخرى...قربت مني شوية لين ولينا محصورين بينتهم...مدت يدها حطتها على صدري و غزرتلي تحكي
سنام:خليك واقف بالطريقة هاذي...و حاول تعمل خطواات متناسقة
أنا:باهي
بعد خطوتين حسيت بنفس الوجيعة رجعت لظهري كبست عالحديدة اكثر...قربت مني في لحظة...حطت يديها زوز على أجنابي...تحكي
سنام:خطوتين أخرى...بنفس الطريقة
غزرتلها و جيت باش نحكي...اما سكت على صوتها لي جا من تالي
مريم:شنييية هذااا ؟
دورت راسي نغزرلها...منعرفش كيفاه دخلت من غير ما دق عالباب...أصلا ملقيتش وقت باش نستوعب مع غزراتها لينا...يا ربي استر...قلتها في سري...نعرف و متأكد باش تعمل فضيحة...حتى أنها مستناتنيش نحكي و لا نفسر...حطت لي في يدها...و قربت منا...تحكي
مريم:حسااااام...شنية لي قااعد يصير...و شكونها هااااذي ؟
سنام:أنا المعالجة الفيزيائية...متاع سي حسام
مريم:معاالجة شنية ؟
غزرتلي بالوقت...تستنى فيا نجاوبها...خذيت نفس نحكي
أنا:فيزيائية
مريم:ساااعة...نزل يديك عليه...مبعد نعرفو شنية تعاالج...نزلهم...نزل تراه
حسيت بيديها لي ترخفو على أجنابي...شدتها من زندها و بعدتها عليا...بقيت نغزرلها من غير حتى كلمة...أصلا ملقيتش شنية نقول...متوقعتش باش تتصرف معاها هكا...حتى الوجيعة لي في ظهري نسيتها...قحرتلي...و عاودت غزرتلها تحكي
مريم:إحنا بطلنا...ماناش بحاجة المعاالجة متاعك
سنام:بااردون...شكونك إنتي باش تحكي معايا هكا ؟ و ديجا أنا هوني...على خاطر سي حسام
أنا:سي حساام ملا ؟
عاودت غزرتلي...أما المرة هاذي...كان التهديد واضح في غزرتها...تنهدت بقوة...و خذيت نفس باش نحكي عالأقل نهدي الجو شوية
أنا:مرريم يزززي
مريم:سي حسااام...خبر المعالجة متاعك...تخرج من هوني بقدرها...مكاش تو نعرف كيفاه نخرجها
انا:مرريم...قتلك يزززي
مريم:بااهي كيما تحب
سنام:شفما سي حسام ؟
انا:آنسة سنام...سامحني...أما كان مفماش مانع تنجم تمشي اليوم
سنام:باهي...سي حسام...كيما تحب...أما كيما وصيتك متعبش روحك برشا
انا:باهي عيشك
مريم:هيااا عزيزتي...أزرب روحك...ماهوش بحاجة نصايحك هو
انا:مرريم يزززي
قحرتلي...سكت بالوقت...نعرفها غزرتها باش تقوم حرب بعدها...حتى وجيعة ظهري معادش حاسس بيها و أنا نستنى فيها فاش تعمل...قربت من الطاولة هزتلها صاكها و البيسي متاعها حطتهم في يدها...و لحقت عليهم كبوطها تحكي
مريم:ساايي...خدمتك وفاات هوني...تنجم تروح على روحك...ساعة خليني نعاونك
قربت من الباب متاع برا...حلتها...و عاودت غزرتلها تحكي
مريم:هيا تفضل...مدموزال سنام
غزرتلي مرة أخرى...هزيتلها براسي إيه باش تمشي منحبش طفلة تتبهدل اكثر جرايرنا...اول ما سكرت الباب...رجعتلي بالزربة...تحكي
مريم:تنجم تفهمني...شنية لي قاعد يصير هوني
قحرتلها...و كبست عالحديدة بيدي بعدتها على جنب...و قعدت عالفوتاي...غمضت عينيا بالقاوي...من الوجيعة لي حسيتها في ظهري و كتفي...قربت مني شوية تحكي
مريم:حسااام أنطق...شكونها سنام هاذي ؟
أنا:معالجة فزيائية
مريم:معااالجة فزيائية ملا ؟ ياااخي ريت الحالة لي كنتو فيها قبيل...على شعرة باش تحضنك و أنت تقولي معالجة...و لا ندرا شنية...تكلللم
أنا:متصييحش
مريم:بااااش نصيييح...كيفاااه تخليها تمسك اكاكا اااه...تكلللم
نزلت عليا شوية...تضرب فيا بيدها لزندي...و تحكي فرد وقت
مريم:شبيييك ساااكت...عجبك المنظر مش هكااا...على هذاكااا...قتلي متعبش روحك و تجي
كبست على يدها في لحظة...و جبدتها عندي...طيحتها بجنبي و دورت وجهي غزرتها...وجها أحمر باش يطرشق دموعها تلمت على أطراف جفونها...نجمت نتوقع حجم الغيرة لي هي فيها توا...عشت الإحساس هذا من قبل و نعرفو بالقدا...نزلت راسها شوية...تحكي
مريم:و..وينو خاتمك ؟
سألتني بالشوية...عكس الصياح و الجنون لي كان ضاربها دقايق لتالي...هزت راسها شوية غزرتلي...تستنى فيا نجاوبها...حطيت يدي في مكتوب مريولي...كبست عليه...و تنهدت بقوة...نحكي
أنا:مش هذا نفس الشي لي عملتو إنتي ؟
بقات تغزرلي من غير حتى كلمة...حتى إني خفت من ملامح الغش لي وجها وقت تبدلو...لحاجة أخرى...أما جيست حبيت نكبسها بالفازة...باش معادش تنحيه من يدها جملة...مديت يدي...باش نحطها على يدها...جبدت روحها لتالي تحكي
مريم:لباس عليا
أنا:اسمعني مريم
مريم:منحبش
غمضت عينيا بالقاوي...و عاودت حليتهم...نعرف لي جا في بالها...و خافت مني...نقولها وفى كلشي...جيت باش نحكي...أما سكت كي ريتها تنحي في الكاشكول متاعها و كبوطها...حطت يدها على رقبتها...ترد في النفس عرفت لي باش تجيها كريز...قرب منها شوية...شديتها من يدها نحكي
انا:مريم...وين الفونتولين متاعك ؟
مريم:م..ماهيش عندي
أنا:باهي...حاول تاخو نفس...متخافش...هاني معاك
عديت يدي على ظهرها نهدي فيها...رعشتها دخلتني بعضي...نعرف لي تنجم تدوخ في أي لحظة...جبدتها عندي...حطت راسها على صدري...غرست يدي في شعرها نحكي
انا:هيا عزيزتي...هدي روحك
كبست على يدي...نفسها لي كان يتقطع...بدا يهدى بالشوية...وجها حمار أكثر من الوقت...هزيت كاسة الما متاعي...لي جابها محمد بكري...شربتها منها...نحكي
انا:سافا توا ؟
هزتلي براسها إيه...نزلت عليها شوية...بستها من جبينها نحكي
أنا:منقصدش يا روحي
مريم:م..ميسالش
بقات دقايق في حضني...من غير حتى كلمة أخرى جيت باش نلعب وحلت...خاصة و نفسيتها تاعبة الأيامات هاذي...جبدت روحها مني...و رجعت شعرها لتالي...تحكي
مريم:لباس عليا
أنا:تو نكلم محمد...يجيبلك وحدة
مريم:منحبش...لباس عليا توا
انا:باهي...مش لازم تغشش روحك...على حاجة فارغة
مريم:حاجة فارغة ؟
انا:مرريم
مريم:شنية ؟
انا:من غير ما نعاركو بعضنا توا
مريم:عندك حق...ساعة ولات القعدة معايا تفدد...خليني نطلبلك المعالجة متاعك
انا:ماهيش متاعي
دورت راسها قحرتلي...و عاودت تكات لتالي من غير ما تقول حتى كلمة...تعدلت في قعدتي شوية...وجيعة كتفي زادت عليا...باقي تغزرلي من تحت لتحت...قربت مني شوية...تحكي
مريم:موجوع ؟
انا:مممم
مريم:باهي...هوكا محمد بعث معايا دواك
انا:محمد ؟
مريم:وصلني و عطاني مفاتح الدار...حتى أنو جبت معايا ماكلة من عند أمي فتحية...و من غدوة تجي هي بحذاك...على خاطر محمد قال لأنت تحب تقعد وحدك
بقيت نغزرلها...من غير حتى كلمة...توا فهمت كيفاش دخلت من غير ما دق...عملها بلعاني الفرخ...ساعة نحس لهي أختو مش انا لي خوه...فقت من سرحتي...كي هزت روحها وقفت...بقيت نتبع فيها بعينيا...لين رجعت بكيس دوا...جبدت طاولة شوية...و فرغاتو عليها..تحكي
مريم:تشرب هذوما الكل ؟
هزت راسها و هي تغزرلي مستغربة...أصلا مزال مستوعبتش...لهي هدات...و قاعدة تتصرف عادي...هزت زوز بكوات في يدها...تحكي
مريم:هذا نفس الدوا...شبيه عطاك زوز منو
عاودت غزرتلي و هي تسأل فيا...نزلت بعينيا لشفايفها لي محلولين شطر...بوسة الخال ظهرت على رقبتها كي رجعت شعرها لتالي...سرحت في أفكاري بعيد...كلشي نخمم فيه...إني نغطس في شفايفها...و نعضها من نفس البلاصة مرة أخرى...فوق بوسة الخال بالظبط...غمضت عينيا بالقاوي...نحكي مع روحي...مش على أساس تحب تكبسها يا حسام...أصبرلك شوية أخرى...هي بالظبط منجمش نقاوم روحي كي نبدا بجنبها...حتى إني مستغرب كيفاه مزلت صابر عليها عام و نص لتوا
حطت خصلات شعرها ورا وذنها تحكي
مريم:حساااام
انا:مممم
مريم:تعرف كيفاه تاخو دوا هذا ؟
انا:منعرفش
مريم:كيفاش باش تشربو ملا ؟
انا:كنت تخمم فيها...قبل ما تطرد المعالجة من هوني
حطتهم من يدها...و هزت راسها قحرتلي...تحكي
مريم:شنية حكااايتك معاها المعالجة هاذي...لي من بكري محروق عليها...متكونش معجب بيها سي حسااام
انا:الصبر يا ربي...قتلك عجبتني أنا توا ؟
مريم:واضح برشاااا
انا:مررريم
مريم:باهي من غير ما تصيح عليا توا...هاني باش نكلم طبيب و يفهمني في حكاية دوا هذا
انا:تكلم شكون ؟
مريم:طبيب متاعك
انا:مشفعتش من اللي صار آخر مرة ؟
مريم:باش نكلمو على خااطرك
انا:متكلموش...ما تكللللم حتى ¤¤¤¤¤¤ واحد معااادش تحكي مع حتى مخلوق...مكانش المرة هاذي نقتلك و نباصي عليك...أحسن ما نموت أنا
مريم:افففف منك...باااهي كيما تحب...أصلا معنديش نومروه الطبيب...كنت باش نكلمو من عندك
هزت تليفوني من الطاولة...حطاتو في يدي...و هزت روحها وقفت...تحكي
مريم:كلمو خليه يفهمك في الدوا هذا...و صحيح خليه يبعثلك معالج فزياائي
رمات كلمتها و هزت لي جابتو من الطاولة..بقيت نغزرلها لين بعدت...تبسمت على جنب...و كلمت الطبيب...طلبت منو يبعثلي تعليمات الكل في ايمايل...بالناقص من المعالجة...كان كل يوم تحل عليا حرب هكا...ساعة شايخ على دورانها في الدار...مشهد عندي عليه برشا كبست روحي...كي رجعت بالصينية...حطتها قدامي...و قعدت...تحكي
مريم:أمي فتحية و خالتي نعيمة...طيبوهم على خاطرك
انا:في بالي بيهم
مريم:حكيت مع الطبيب ؟
هزيتلها براسي ايه...و حليت الايمايل نقرا فيه...فكت تليفون من يدي...و تقرا في الايمايل و الدوا مع بعضهم حطتهم على الصينية تحكي
مريم:باش تشرب هذوما...و المرهم تحطو على ظهرك و كتفك كي تكون باش ترقد
شربت الدوا من يدها...و مديت يدي باش ناكول...هزت الصينية في حجرها...تحكي
مريم:خلي عليك...ميجيش تعب روحك...و مدموزال سنام مش موجودة
قحرتلها...و جيت باش نحكي...سبقتني كي حطت المغرفة في فمي...يمكن احسنلي نسكت و معادش نجبد سيرتها جملة.....كملت كليت من غير حتى كلمة بعد ما اصريت عليها تاكول شوية...حطت صينية من يدها...و غزرتلي تحكي
مريم:باش نطلع نجيبك غطا
انا:خلي عليك...في بيتي نرتاح أكثر
مريم:باهي...هاني باش نعاونك تطلع
انا:قداش ساعة توا ؟
مريم : 18:00
انا:ماهوش باش يتحير عليك سي أحمد
مريم:في بالو لانا معاك هوني
انا:معندوش مانع ؟
مريم:لا
تبسمت على جنب و تكيت لتالي...قربتلي شوية...تحكي
مريم:مانيش باش نخليك وحدك بعد توا
عديت عينيا على وجها...من غير حتى كلمة...أصلا هذا لي حاجتي بيه...حتى أنا توحشتها...و نحبها معايا ديما حطت يدها على خدي...تحكي
مريم:تحب حاجة أخرى ؟
انا:قهوة
مريم:باهي
باستني من خدي...و هزت صينية في يدها...أول ما خرجت من صالة...تكيت راسي لتالي...و عدلت المخدة ورا ظهري...جاني النوم و مرجعتش لتوا...حتى إني استغربت علاش طولت هكا...حليت عينيا على خطواتها حطت الكاسة قدامي...و غزرتلي تحكي
مريم:قهوتك حاضرة
انا:شبي حالتك هكا ؟
نحكي و نعدي في عينيا على مريولها...لي مبلول..عدات يدها عليه تحكي
مريم:اه...شي
انا:برا البس حاجة أخرى...مكانش تو تاخو برد
مريم:باهي
رجعت شعرها لتالي...و طلعت...هزيت الكاسة من الطاولة...شربت منها شوية...تعدي روحها شوية...عالاقل تعبت فيها الفرخة...نص ساعة اخرى تعدات...جيت باش نقوم...اما جمدت في بقعتي كي لقيتها جاية عندي مريولي النوار...لي دوب واصل لركبتها...روهجني...كان مجيتش نعرفها...نقول عاملة فيا بلعاني و لا بالأساس عملت فيا بلعاني...غزرتلي...و عدات يديها على أجنابها تحكي
مريم:ملقيتش حل آخر...أصلا هذا لي حسيتو مستور شوية
بقيت نهز فيها و نحط...ملقيتش كلام نقولو...قربتلي تحكي
مريم:حساام تسمع فيا ؟
انا:ااه...مممم نسمع فيك
مريم:متحبش تطلع ياخي
انا:كنت باش نقوم
مريم:باهي...هاني باش نعاونك
هزت الدوا في يدها...و قربت مني...تعاون فيا باش نقوم...كبست روحي و عاونتها...منحبش نرمي حملي عليها..كل خطوة نعملها...ظهري يكبس عليا أكثر..وصلت للبيتي بطلوع الروح...قعدت على طرف السرير نرد في النفس...وقفت في وجهي تحكي
مريم:باش تحط من هذوما...و ترقد
انا:نرقد توا ؟
مريم:ماكش مريض ياخي...لازمك ترقد باش ترتاح
هزيتلها براسي ايه...و حاولت نحي مريولي...قصت عليا...كي قربتلي...اكثر...كبست على حروفو بيديها زوز و نحاتو بالسياسة...طاح منو الخاتم بالوقت...غزرتلي ندرا كيف و نزلت هزاتو من الارض...حطاتو عالتابل دونوي...من غير ما تقول كلمة اخرى...قربت من القارد روب...جبدت مريول آخر و قربت مني...هزت المرهم ف يدها...و طلعت عالسرير...قعدت ورايا...غمضت عينيا على يدها لي تعدات على ظهري من تالي...دقات قلبي قوات و حسيتها باش تفضحني...تلفت عندها شوية جات عيني في عينها...منعرفش كيفاش مديت يدي بعدتلها خصلات شعرها لتالي...حطت يدها على كتفي تعدي في المرهم عليه...هزت المريول في يدها...و قعدت على ركايبها...عاونتني لبستو...منعرفش علاش بقيت ساكت لتوا...أصلا منعرفش شنية باش نقول تبسمت تحكي
مريم:نعرف لي وجودي معاك مقلقك...هاني باش نخليك ترتاح توا..باش نبقى في البيت لي بجنبك...كان احتجت شي...تنجم تطلبني
جات باش تقوم...كبست على يدها بالوقت...غزرتلي مستغربة...عديت عينيا على وجها نحكي
انا:خليك هوني
مريم:أما
أنا:هيا شد بلاصتك توا
هزتلي براسها إيه...و شدت بلاصتها...تسطحت بجنبها من غير ما نغزرلها...حتى إني استغربت سكوتها...تلفت شوية نغزرلها...لقيتها غفات...تبسمت بالوقت...نعرف لي تعبت اليوم...مديت يدي شوية...نعدي في صوابعي بين خصلات شعرها...و نزلت بيهم لتراص...لي في جبينها قربتلها أكثر...بستها منها...و نزلت عليها شوية...خطفت بوسة جنب شفايفها...و قربتلها أكثر...لين ولات في حضني...غمضت عينيا بالوقت...نشم في ريحتها لي دخلت لخشمي...غيرتها اليوم فضحتنا...طلعت مجنونة اكثر مني الفرخة...و باللي عملت منجمش نتغشش منها أصلا لتوا منعرفش كيفاش مزلت شاد روحي عليها...و كيفاه مزلت مزلت مكمل في غشي عليها...يمكن احسن حاجة عملها سي احمد...انو رجعهالي...مكنتش نعرف كيفاه باش نعدي الوقت بعدما خرجت...قد ما نرتاح في دار هاذي...قد ما نحس بفراغ كبير...وجودها برك لي خلق فرق في حياتي...و معاد حاجتي بحتى شي غيرها دوب حلت عينيها شوية غزرتلي...قربت مني اكثر...و عاودت سكرتهم...عديت يدي على ظهرها...لزيتها ليا...و غطست في نوم...ليا ايامات عليه...مرقدتش بالراحة هاذي...على خاطرني متأكد لي باش نفيق و نلقاها بجنبي من غير قلق من المستقبل...و من غير حتى خوف زادة...عمري ماني باش نسلم فيها...و لا في حبي ليها...كانت و باش تبقى الحقيقة الوحيدة الثابتة في حياتي